潮興魚蛋粉 (已結業)

平常的點了魚蛋河...湯底一樣的鮮,魚片也很好,保持中上水準~~要一讚的不是麵....而是腐乳通菜!!!!!!!!通菜幼嫩,洗得很乾淨,不老食落冇渣,心知挑菜的人挑選得很嚴格!!腐乳醬香濃帶少辣,伴通菜簡直一流,仲要係5蚊,而且份量都唔算少,5蚊簡直係超值...下次你地黎呢間店,唔好只係掛住食麵,一定要點腐乳通菜!平時我都唔會成日去安利,一來貴,二來人多排天光呢兩個原因加埋..仲要係為左碗麵,實在唔值~黎呢間仲好~兩間d質素唔係差太遠!仲要平靚快正又唔迫人!!

本來打算去安利食牛腩，但行過呢到時諗不如試下呢間，橫掂未試過。於是入去坐低，叫左魚旦牛腩撈麵同芥蘭。麵係落豉油唔係蠔油，但只係淋Ｄ豉油落去而唔係撈埋一齊，呢方面比安利差一點；而且麵身唔係太有咬口，食到底下個Ｄ麵重有Ｄ發脹同淋身，呢樣除左麵質以外，相信亦因為淥麵時間過長、同埋”fing”得唔夠所以未夠乾身而引起。豉油算唔錯，甜得恰到好處，令整個麵美味不少。牛腩係清湯腩，幾有咬口而且肉味尚算香濃，點上豉油可幫助發揮肉的鮮味，兩者配合得幾好。魚旦不是彈牙而係”淋”個種，但質素只屬一般，沒甚驚喜。反而佢地切開芥蘭既梗，方便進食，這點細節值得一讚。整體而言，店家出品算合格，價錢也合理；但當然比附近安利重有一段距離。

蝦棗丸真係好o正! 我食完仲要打笣一打生蝦棗丸返歸打邊勞!

我諗香港好少地方有得食蝦棗丸!好好食!一定要再試!

The shop is big to compare with other fish ball noodles shops. They have 2 big screen TV inside. Food is "So-So". Not as good as "On Lee" just on the side of this shop.But for those who likes to stay up and have supper, this is great place to be. Opens till late night..around 3am!Try their "Seaweed and 4 Treasure". Worth the price.

8月15日，18:30承太座命，收工到東大街買魚滑。先在這裡醫肚，入店問是否還有每天特價HK$10.-粉麵，店員禮貌地回答，已取消，但祇有特價麵餐。最後試了新出的炸蝦棗河粉。炸蝦棗：金黃色，入口先有魚味，再來的是彈牙蝦肉和極有咬口的墨魚肉粒，還有點點馬碲。河粉：因被各名店是鹼水麵嚇怕了，便要了滑滑的河粉。這店的辣椒油有水準，夠香辣。需然比同區的金記貴60%，但我會再去，因物有所值。

我夜，點知太座仲夜，等到成十一點至可以一齊食野，好在事先已吃了幾串串燒頂肚。同埋太座的一個同事，原本去新東大食小炒，不過第三者話喉嚨唔舒服，所以就清清地去食粉。在東大街，當兩間安利同王林記都收左檔，剩下的選擇就只有這裡。時近午夜，人客不少。有大電視睇，可能是原因之一。叫左個牛爽腩魚麵、紫菜魚蛋牛丸米同個蠔仔肉碎粥。因為人多，都等左幾耐至有得食。牛爽腩集牛腩、肥牛及軟骨於一身，味道好正。魚麵不太粗身，有魚味但不夠爽口彈牙，不過價錢平平地﹝只加八蚊﹞，不能苛求了；這裡的其中兩味拿手菜是手打魚蛋及手打牛丸，但兩款吃落俱不夠實淨及彈牙，同樂園還差幾皮。反而後加的紫菜味道不錯，無沙之餘又甜，加幾蚊就有，幾抵；蠔仔肉碎粥25蚊一碗，估不到幾大碗。味道不錯，蠔仔幾大粒又鮮味，粥底就一定有味精，但不多，可以接受，都食得過。兩位阿姐服務不錯，叫了要「多青」，真的是幾碗都好多蔥及芫萎。又這裡全店吸煙，是日所見，男女老少，藍領白領學生全店皆吸，介意二手煙的，睇定至好幫襯。加埋三碟菜同三杯凍飲，埋單剛好一百元正，三個人吃得飽飽，都算經濟抵食。不過當然如果隔離安利同王林記還有得食，就點數都未輪到來這裡啦！