潮福蒸氣石鍋 (已結業)

今晚只得兩母女晚餐，唸起藍田潮褔有蒸氣石鍋。而且有8折。當然去試啦！之前係尖沙嘴&旺角分店都食過。雖然係貴，但真心唔錯。而且今次只係2個人。豪少少都ok嘅! 由於只有2個人, 叫唔到太多, 但我都有影其他海鮮嘅相比大家欣賞. 藍田潮褔，之前飲茶晚飯都試過，都過得去嘅。今晚餐單: 龍蝦/日本大元貝皇/南非鮑魚/紐西蘭聖子/蕃薯蜆/石蠔/象拔蚌仔/原隻椰皇燉燕窩/瑪卡花膠燉竹絲雞/馬拉糕(送嘅). 好喇! 等我為大家遂樣介紹一下啦! 以下為個人意見. 大家可以自己去品嚐一下啦!生猛龍蝦: 由於係特價品, 所以只可以每2人叫一隻. 雖然係特價. 但質量非常好. 肉質爽, 鮮甜. 另人好想食多一次, 不過好可惜只可以一人一邊. 日本大元貝皇: 明孚其實係皇. 因為真係好大好大隻呀, 元貝上面舖咗蒜蓉. 下面舖滿粉絲. 肉質當然唔洗講. 爽甜. 南非鮮鮑魚8-10頭: 冇問到我地嗰2隻係幾多頭. 只係知道又係好鬼大隻. 上面有冬虫草絲. 當然唔係貴嗰隻啦!但食落都ok嘅. 蒸完之後有鮑魚汁都飲埋. 非常非常鮮味. 紐西蘭聖子: 都係大隻, 上面舖咗好多蒜蓉, 加粉絲. 肉質鮮甜爽脆. 而且洗得非

早前Instagram俾呢頂帽洗板，book親都book唔到位好氣餒。唔係母親大人問我啟田有間新野試過未我都唔知終於入到來藍田！好開心呀！應該係新開嘅關係，walkin都有位呀，Yeah！終於一嚐所願！但我覺得好快就會傳開去又變番好多人架喇…為食嘅我其實大抵都知點知法！今次同母親大人撐檯腳所以點左個細粥底，其實成餐飯我係最期待個粥底架！點菜時經理建議我地出去自己揀海鮮，又幾有feel喎，岩哂母親大人。服務比一般酒樓好，經理仲建議我地每款點少d，點多d款，最後我地點左5樣野。點好之後混下醬，但點知我由頭到尾都無用過架！原味鮮味萬歲！鑽石蜆，我從來無諗過乜都唔落去食蜆係可以咁出架！除左鮮味我都唔可知可以用咩形容。龍蝦一只 - $98，經理話開邊一人半邊都OK, 最後証明佢係岩的!花竹蝦，呢個真係dish of the day呀！d蝦肉係甜架，如果點左豉油係真係down左grade，d肉新鮮彈牙！經理話季尾喇，過埋呢個月唔會再有咁大隻，食過真係番唔到轉頭呀！！！日本大元貝，蒜蓉粉絲蒸唔錯呀，睇得出隻元貝幾大，因為都片都成3、4舊肉，正！金菇粉絲，都係蒜蓉味，我本身鍾意食金菇，其實佢點整我都鍾

蒸氣石鍋己嚐過數次、喜歡那原汁原味的口感。在等待蒸煮過程中、是非常期待的。今天順道藍田又知道潮福有分店、當然二話不說去啦！從地鐵A出口、沿电梯一路走、只數分鐘、非常方便易找。海鮮排列在門口位置、全部明碼實價、絕不取巧。另一邊放著調味醬料、有香葱、蒜茸、羗絲。。。等等、自助的、案個人喜好。店員預先在石鍋上放入珍珠米、排骨和南瓜、開掣後隨即吱吱聲、水從鍋內噴出開始煲粥了。海鮮陸陸續續上枱了、可開始了！每樣海鮮都會有指定蒸煮時間、先調較時間、加蓋蒸熟。咁複雜的程序當然有店員代勞啦！日本大元貝皇稱得為皇應該有份量、可惜眼前的並不算大粒、沒有手掌般大。 味道方面非常鮮。本灣花螺蒸煮時間過多、質感比較硬了。美國石蠔石蠔肥美、口感嫩滑、正！花竹蝦肉質爽脆彈牙、美味！象拔蚌仔粉絲多過象蛂蚌絲。。。。味道鮮甜惠州蒸手剁豬肉丸人手剁製、誠意之作。咬落爆汁、粒粒梅菜有嚼口、必食之選最精彩位到了、海鮮的精華不停滴落粥底、盡收鮮味。可惜今次失敗了、店員欠缺訓練、忘了加水、又要提點放葱花和頭菜。粥底不是綿綿的、只可用泡飯來形容吧了！失望！ 

潮褔岩岩o係藍田新開左一間, 新張期間仲有8折, 咁近公司, 放工約埋同事去試下先門口好多海鮮...醬汁配料都係海鮮隔離, 有 指天椒,炸蒜, XO醬, 花生醬, 莞茜, 沙嗲醬 ,蒜蓉, 蔥等等, 種類很多 ,但最後發現海鮮本身既味道已經好正, 用醬料反而會遮哂海鮮既鮮味menu有寫每一款海鮮要蒸既時間, 同調味方式, 其實都係得薑蔥同蒜蓉兩款揀，不過都已經好足夠，可能調出海鮮本身既味道揀左細既南瓜排骨粥底，侍應幫我地擺喺煱底，上面蒸海鮮，一面煲粥一面蒸海鮮，食完海鮮，下面又可以吸引哂海鮮既汁，時間岩岩好，粥好綿，好好好食，而且細既粥底，我地五個人每人都可以分到兩碗，好滿足！每枱都有個侍應幫手上菜，睇住蒸既時間，好體貼蒜蓉蒸蜆，大大隻，一斤都有成十一隻咁多，食落鮮甜，仲有小小汁，正重頭戲，蒜蓉蒸龍蝦，98蚊一隻，再開邊蒸，每人半隻，哇，真係好match, 調味同時間都岩岩好，新鮮彈牙，好香薑蔥石蠔，貴左小小，46蚊一隻，不過都好好食，唔會un，鮮味，連d汁都想飲埋，哈哈仲有食左蟲草花蒸鮑魚，蒜蓉蒸象拔蚌，薑葱肉蟹馬拉糕，強烈推介，蒸8分鐘，好軟熟，香甜既黑糖味，好好食最後仲有飯後水果

搬家離開藍田區差唔多成年，今次再番黎見到D食肆有成差唔多一半唔同左，而啟田商場既四樓亦由之前傳統酒樓變左近期hit到爆既蒸氣石鍋！酒樓格局為一半小菜一半蒸氣石鍋。是晚適逢「中港大戰」，細心既老闆非常識做，搭正八點全場轉台作現場直播。雖然只係weekdays，但全場幾乎全滿，蒸氣石鍋果邊更加係一張枱都冇，所以想「play safe」食石鍋既朋友記得book定枱先呀！調味醬料非常齊全，有成最少十幾二十款，花生醬、沙嗲醬、 XO醬、甜醬、炸蒜蓉、辣椒、菜甫等等，任君選擇！新鮮排骨粥 (細): 亞姐首先會將生米、排骨同埋南瓜放入最底既鍋。一開始我都覺得奇怪，點解唔洗加水既？原來枱底下面係有水樽既，水會自動喺蒸氣石鍋既中間位置噴出黎，夠晒gimmick！蕃薯蜆 (斤): 店長果然冇介紹錯，蕃薯蜆非常新鮮，一斤約有12隻左右，全部開口之後都真係幾壯觀呀！不論大細，口感一律非常煙韌有嚼勁，殼內亦殘留左美味既肉汁。蜆唔太鹹卻喺入口時有爆水既口感，非常有趣！生猛龍蝦 (隻): $98大元一隻既Special。Size方面雖然唔算係好大隻，但加埋D蒜茸一齊蒸之後令到入口時肉質彈牙不特止，重食到龍蝦既鮮味添

今日朋友生日，一早已book好位食潮福，一行五人七點半已經準時到達一入門口已經比海鮮吸引住，擺哂出黎等客人自己揀，款款都咁新鮮 由於有壽星喺度，全部都由壽星拍板，order左蕃薯蜆，鮑魚，龍蝦，蠔等等，可以揀薑葱或者蒜蓉蒸，鮑魚就揀左蟲草蒸個蒸籠好得意，好似草帽咁，哈哈！用排骨米底擺喺個爐入面，上面再擺個蒸架，逐樣海鮮擺入蒸，每一枱都有個姐姐幫手睇時間，完全唔洗擔心掛住傾計蒸過龍 蕃薯蜆係個經理介紹，原本打算食花甲，不過經理真係冇介紹錯，好鮮甜，熟得岩岩好蟲草蒸鮑魚，個鮑魚已經戒好一格格，等蟲草既香味可以入味，而且會熟得均勻，唔會太un，好正蒜蓉蒸開邊龍蝦，每人半隻，食落啖啖肉，雖然蒜蓉味好濃，但唔會遮住龍蝦既鮮味，而且份量十足，滿足所有海鮮都好新鮮，蒸既時間岩岩好，個粥底吸收哂海鮮既精華，再加上南瓜同排骨既點綴，無得彈

自從興起九重鮮後，又來到另一間特色海鮮店舖，即叫即撈，即預備即上枱!仲係你面前蒸熟，54321…開蓋，蒸氣上騰，仲可以蒸面，一舉兩得!=皿=Order 了多款海鮮……首先食了蕃薯蜆，大隻肚哂沙，好鮮甜!第二道~松草蒸鮑魚，有松草的香味又唔會搶走鮑魚的鮮味，蒸的時間剛剛好，唔會韌，仲帶點水份!第三道~四兩四大肉蟹，啖啖肉，清蒸已經好好味!第四道~蒜蓉粉絲蒸元貝，好香蒜蓉味，好滑口!第五道~為我們ge 主菜，一人半隻蒜香蒸龍蝦，有少少膏，仲啖啖肉，食後個人好滿足!第六道~彊蔥蒸即開石豪，是全晚唯一敗北之作，師傅可能唔太識開豪，豪有殼碎，買相唔係一隻完整豪，仲要味道帶點苦澀!後來再為我們另外補上桶豪，好味好多，有豪的鮮味!都算有誠意!最後來過南瓜排骨粥，吸收了海鮮精華，軟綿綿，粒粒米，再添一碗唔該!

自從幾個月前試過蒸氣石鍋後，一直都對呢個烹調方法念念不忘，覺得用呢頂「草帽」煮食好新奇有趣，今日放工後決定帶屋企人黎試一試。以上呢頂草帽就係今晚既主角啦，每張台都有一個草帽蓋，聼侍應講草帽可以鎖住蒸海鮮時蒸氣既水份。坐低無耐，侍應就叫我地自己出去睇下有咩海鮮想食，即叫即磅。花蛤皇: 其實呢到每個餸菜都會係餐牌上寫住要蒸幾耐既，呢個花蛤皇需時五分鐘，當計時器響起時，侍應就會走過黎serve 我地架啦，花蛤皇味道鮮甜，肉身夠厚又有咬口，只係海水味重左少少。生猛龍蝦: 嘟、嘟、嘟，食得啦......龍蝦肉呈雪白色，仲有好香既蒜茸味同龍蝦的味道，輕輕一挾，就可以成塊肉夾起，肉質非常爽口彈牙，蝦汁又夠多，算係甘多海鮮中較為突出的。象拔蚌仔: 象拔蚌切到一條條，好易熟，上面有蔥蒜，底部有粉絲，呢個配搭都唔錯，象拔蚌肉質幾爽口，幾好。日本大元貝皇: 用蒜蓉蒸，元貝軟腍腍啖啖肉，加埋吸收左元貝鮮味既粉絲，好正。南非鮮包8-10頭: 南非鮮包加左少少葱花去蒸，味道爽口鮮甜。清蒸四寶丸: 四寶丸有蝦丸，牛肉丸，鯪魚球丸同墨魚丸， 全部都係手打即製，味道爽口彈牙，不過如果蝦丸既蝦味再重返少少，整體既味道會更

香港人向來愛吃火鍋，而且無分季節，就算是炎炎夏日，都會開大冷氣來灼肥牛、煮海鮮。不過除了「烚吓烚吓」外，相信大家近期至愛的食法，非「蒸氣火鍋」莫屬。筆者當然也不例外，就以蒸海鮮為例，最近已經分別在旺角及西灣河的連鎖酒家《潮福》吃過 2 次。早兩天從友人口中得知，藍田近日都開咗間《潮福》，而且晚市仲做緊新張大酬賓，5:30-8:30 前結賬，可享全單 8 折、而 8:30 後入座，更可享全單 7 折優惠，非常化算。所以這晚兩口子就特意訂座，來試試這間新店的蒸海鮮，看看水準如何。這裡裝潢同先前到訪過的旺角店，其實分別不大，地方寬敞闊落，加上裝修簡單企理，以酒家來說，座位一點也不逼狹。大堂中央以圓檯為主，旁邊則設有多張四人卡座，而且用餐區更劃分成吃蒸氣火鍋或小菜兩邊，客人可以因應自己的喜好自行選擇。由於折扣優惠，只限於蒸氣石鍋，所以沒多想已即持揀了檯上放咗草帽鍋蓋的桌子座了下來。一如其它《潮福》分店，這裡除了近門口的魚缸養著多款生猛海鮮外，旁邊的海鮮檔，亦放滿了不少貝類、新鮮生蠔、大魚尾、海花蝦等，似足海鮮街市，客人可即揀即撈，而且全部明碼實價，夠曬均真。入座後先揀飲品，吃火鍋又怎少得一渣清

今日黎到潮福，試下最近最hit既蒸氣鍋食蒸氣鍋就唔會怕熱氣得濟，仲可以食到海鮮既鮮味今次叫左好多既海鮮，有蝦有蟹有蠔，唔知係咪新開幕定點，佢地仲送左帶子除左海鮮之外，仲叫左豆角豬腩肉同埋蒸雞湯底就選粥南瓜粥底首先食海鮮，真係非常新鮮，無他既，要即刻蒸比你食，無得偷龍轉鳳，一定係要比最新鮮既，先可以吸引到人。最欣賞係隻蝦，都要成100蚊一隻架，但見住佢由識得跳下跳下到熟左，真係咩都抵返哂！另外要一提既就係個粥底，吸收哂唔同食物既精華，真係不得了！雖然好好食，但價錢就偏貴啦，好彩8:30後入坐有7折，如果唔係就唔抵食了。

最近經常見到新興養生蒸氣鍋， 所以和蝦子餅來試試。在openrice四處尋覓，看到這食肆頗多分店，雖然食評不多; 但在屋企附近，不妨來一試怕著人多， 早已訂座...也好有卡位 這兒海鮮種類選擇不少 ，龍蝦、 鮑魚 、蟶子皇 、大龍躉、 特大花竹蝦 、元貝、石蠔 ... 也夠選擇 兩個人 又想多款式 ，每款叫兩隻試試！我點了 ... 花竹蝦(每兩$32)... 正在暢泳的花竹蝦， 冷不防被師父挑選起即變成客人的美味晚餐。 每隻足三兩重，差不多有筷子般長，蝦肉超豐滿彈牙，入口鮮味！ 蟶子皇(每隻$48)... 這個也是超大的 蒜蓉粉絲蒸很鮮味， 未知是否正過了火?!肉質有些靭 新鮮鮑魚(每隻$68)配蟲草花蒸， 味道清香，鮑魚肉質鮮甜嫩滑！ 蕃薯蜆(半斤$64)也是當造，體積不小 味鮮甜。 元貝是送的...贈送的本不會有過分祈望，但是也出乎意外的...大大隻好抵吃 即開石蠔(每隻$48) 蒸的時間剛剛好 ，蠔身鮮甜沒帶韌筋，零沙石 手打鮮四寶丸 ($98/8粒)蝦丸、墨魚丸、 肉丸、鯪魚丸，大大粒，款款彈牙，蒸吃別有鮮味！這店服務還不錯， 貼身服務 ( 可能是 平日的緣故吧)，每次幫客人只

原本去樓下海港酒樓食飯，點知聽到個知客同另一客講，六點半，人地剛入去坐低都未開餐，起碼等一個鐘先有客走啦。聽到如此，我即刻走上一層睇潮福有無位。小菜就無位勒，蒸氣鍋就可即入，咁反正未試過就試下。入去到睇下餐牌，嘩！幾粒丸仔一舊水，半隻雞都差唔多兩舊，咁巴閉！最後見佢有個羊，$488，問佢三個人夠唔夠食，佢話夠就落單啦。點知黎到得一碟野，一碗湯。個部長拿拿臨倒哂落個大鍋度，都填唔到一半空位就冚埋開爐，想影個碟有幾細都影唔到。問個部長，差唔多五舊水得一碟仔野？點知佢話"夠一斤架啦！"嘩，五舊水一斤羊真係多謝哂，個菜牌無講幾多羊，我又無問，中哂招！然後等菜連埋蒸野都用左超過半小時先有得食，心諗都食唔飽，加野食咪又要等多半個鐘，仲要咁Q貴，我地原本諗住去呢Ｄ街坊商場食個小菜飲杯茶架咋！無計，都落左搭，唯有等佢蒸好食完就掃街。蒸好之後Ｄ湯多左少少，但係肉就真係得少少，大家自己感受下。湯係算唔錯，但羊肉真係無乜特別，骨都有半斤，你叫我再食真係咪搞，呢個價錢我自己去買料打邊爐真係食到唔食。