影片
阿妈同我讲想今晚炒鱼片食，佢话深水埗有一档特别正、特别抵，叫我如果方便嘅就买条返去比佢煮😂。好啦，我就变身师奶仔Lunch去买𩠌。舖头位于深水埗荔枝角道同桂林街交界，我印象中佢已经喺呢树屹立多年。首先，我嘅任务就系买条黄金鱼条，大嘅$15，细嘅$8，真系好鬼抵👍。我买咗条大嘅，劲大碌下，目测有20cm！以下为阿妈嘅成品图🙈。鱼片几好食，唔算超级弹牙，但阿妈话咁先证明无落太多粉。除咗黄金鱼条外，舖头仲有卖花枝卷、鱼片头同鱼枣等。全部价格都好相宜😉。另外，舖头另一边系有卖熟食小食，包括咖喱鱼蛋、烧卖、肠仔同肠粉。价钱真系平到你唔信，其中仲有个招牌套餐有齐四样嘢添，只系收你$13，傻的吗？边到揾😱？招牌套餐有：- 鱼旦4️⃣粒- 烧卖4️⃣粒- 肠粉4️⃣条- 肠仔1️⃣条阿姐有问我洗咪落甜酱、辣酱同豉油，一于混酱啦！Combo真系好丰富，估唔到除咗平之外，味道仲要几好食㖞😋。咖哩鱼蛋虽然细细粒，但好鬼正。烧卖个口感同平日鱼肉烧卖有少少唔同。至于肠粉，我认为不比排队店合X泰差，带有米香同几滑。食完呢个$13餐已经饱咗，可以当午餐。呢个价钱简直系时光倒流啊！我以后应该会忍唔住系咁帮衬，哈哈🤤。总括嚟讲，「潮爆鱼蛋」冇得输呀😍，满分推介💯，佢应该被纳入深水埗必食之列啰！
继续阅读
深水埗小店云集，随便就见到一间小食，首先佢喺街角好起眼，就去咗试。价钱黎讲系平嘅：13蚊有4粒鱼蛋、4粒烧卖、4条长肠粉、1条厨师肠。鱼蛋味道一般，烧卖就略嫌「粉」，咬落唔爽口；肠粉份量就唔差嘅，只系有啲松散，拮唔到🙈
继续阅读
鱼旦烧卖😛$8/2串每次响SSP等车之前都买两串共10粒👍食左佢哋好多年☺佢哋个酱汁真系好出色😉以前真系会叫一盒多酱🙈然后返屋企整个面🍜直接放入去捞🤤潮爆鱼蛋 (深水埗)深水埗荔枝角道362号地下
继续阅读
见到有人排队买鱼蛋，我都凑热闹买返串食下，一串原味一串有酱汁，原味真系麻麻地，但个酱汁先系重点，好好味同鱼蛋好夹，虽然冇试烧卖，但估应该都几好食，过完口瘾之后去食返正餐先。
继续阅读
寻日(3-5-2014 Sat)晏昼出深水埗会合男友出太子食晚饭,经过o黎o度见有小食,而且有几个人买o紧,就停低睇睇,写住鱼蛋$5.00,烧卖$5.00,于是就买o黎同男友试吓啦,我同亚姐讲要鱼蛋同烧卖唔辣,佢问我要唔要豉油?我答要.咁佢就自然用纸杯装俾我,我就俾$10.00走人,佢就嗌返我话有钱找.有钱找?唔系每样宦都系$5.00咩?佢找返$3.00俾我.睇吓啲鱼蛋好细粒,去到男友屋企食,鱼蛋口感一啲都唔弹牙又有啲过腍,麻麻.而烧卖呢?口感好过鱼蛋啲啲,冇咁腍o既,但都唔特出啦,豉油就甜甜地咁啦.最后男友都冇食到,由我一个人食晒.
继续阅读