潮江春 (已結業)

７月１號果日山長水遠黎黃大仙飲茶黎ｅ間ｄ野食好耐係ｄ腸粉上左先幾好食既，但係我已經唔記得左係咩名跟住既馬拉糕．．．ｗｏｗ！！！咁大個既！成個點心籠都係！圓咖！切開幾份咁！ｅ個份量係我平時飲開果ｄ酒樓既幾倍！真係蠢呀以前都唔識叫馬拉糕黎食～跟住我就食左兩籠喇，哈哈真係心滿意足～個廁所都ｏｋ如果清潔勤少少會好ｄ

父親節前夕, 一家人到潮江春食, 叫左個父親節套餐, 整體食物質素都唔錯. 碟上陪襯o既裝飾都靚. 價錢就係三仟幾蚊一圍.都OK, 食得過o既!

今晚吃飯, 套餐, 很有水準.

今日見假期就一早同屋企人去飲茶，因為貪方便就去左依間野。一去到此酒樓，並沒有發現知客的存在，心想如此所謂美心集團的特別版酒樓連知客都無，實在可笑。眼見其他員工望到我地但係全無反應，個場又唔係爆，又唔係忙，都唔理你，感覺就好似佢地係客我要服侍佢地咁。好! 無人serve就自己serve 自己，是但找就找到個car位坐，但係好熱同無人serve 就自己走去叫人開荼啦。咁個女人就話冷氣壞左，唔介意熱就坐，介意就出去等。好! 咁我地又出去等，但係佢又無俾ticket 我wor，我點知要等幾耐。又要自己serve自己，自己走去搵位坐，好在有個好心的女仕見自己就走就叫我地坐住先。一路同佢講而佢都話依度d 人手腳慢，服務又唔好。咁我地坐底左就諗住算啦! 叫佢地開茶俾卡，個女人(侍應)就黑口黑面粗聲粗氣同我地講"等一陣啦!" 全無笑容可言，好似我欠左佢咁，我俾錢食野仲要我受氣? 忍唔到! 我地即走! 去遠d都唔去依間垃圾service 的茶樓飲茶。

本人一家日日在這間酒樓飲早茶, 其實以美心集團來說, 這間酒樓已不算貴!而且這間酒樓食物也很有水準! 可以說是物有所值!

有關魚翅事件，已經證實是傳言，並非真實，請管理員將之刪除。<br /><br />回到正題，黃大仙潮江春已經在4月1日翻新，地方比以前好多了，而且食物上也有進步，多了一些潮州粿點，有部份點心更改為即叫即蒸。不錯！

現在的商人真的各出奇謀！為的就是想如何多搶客人八錢！上星期六下午，我們一家人到"潮江春" 飲茶，期間有一架點心車載著一大瓦煲名為"紅燒潮州翅" ，以推車仔形式售賣。那我們便叫了一碗來試試（一碗份量大約茶樓碗仔兩碗左右）。當我們將點心咭給那女經理時，她說：「這個會入單！」說罷便走了．．．當那車仔再經我們身邊時，因為份量太少，所以我們打算再叫多一碗！我們便問她為什麼這個點心直接落單而不用"吸印"？她竟然說因這要＄１９８一碗！我們當時一征！有點被欺騙的感覺．．．鄰桌的茶客也叫了這碗翅，我們說時，他們都被嚇一跳！隨即我們向一位男經理投訴說：為何這個不是點心價的食物，卻用點心車推著賣？實在太過份！又沒有標明！售買時又沒有說清楚！他說這是公司的一貫做法！我告訢他這有欺騙成份！他連隨安撫我們，並說送糖水給我們！但我們拒絕！因不是這個問題！經擾攘一番後，他說向上級反映！過了１０分鐘後，他與剛才買翅那位女經理一同前來。那位女經理先向我們道歉，並拿了一本菜牌指出那碗翅的價錢確是＄１９８！我們反駁她說這是兩回事！我願意用＄１９８的價錢享用一盅因我落單而做的翅！而不是在沒有標明地用點心車售買的這種方式！最後，

同男友一家人黎食晚飯，星期六晚都唔full,生意似乎麻麻喎.價錢好似比以前平左,多左特價套餐同埋有得打邊爐,但就低格調左囉我地六個人叫左一個小菜套餐,另加粟米魚肚羮同埋一個蒜子上湯浸小棠菜,個套餐包一隻玫瑰唔知咩雞,玉環瑤柱甫,川椒蝦腰雞球,碧綠花姿片同埋鹵水鵝片.鵝片得幾片，仲要係肥膏多肉少，下面墊既豆腐就多，唔好食.隻雞味道不過不失,但好油膩.粟米魚肚羮好少料，自己整得好食過佢好多. 其他野都唔係好得,而且油到得人驚,特別係個川椒雞,好似用油浸一様,而且無論雞肉同蝦都冇乜味,好差.最後原來有糖水送,冇問我地想要乜就佢低左三碗蕃薯糖水(每碗只得兩舊蕃薯)同埋三碗西米露. 埋單五百幾,唔算貴,但野食無論用料同食味都真係差左好多好多,服務亦唔好,成日都冇人收碟沖茶,唉... 一定唔會再黎.

細個O個時屋企人好鍾意去潮江春食飯; 不過因為都好多年前喇都唔係好記得有邊樣菜式好食; 淨係記得O個度有得食一盅盅O既芋泥，雖然好甜但係好鍾意食!

食物幾好味，服務唔差，因為而家間間酒樓都減人，佢地根本做唔切，早茶特價時間比較平。

環境不錯, 食物有水準, 但價錢較貴, <br>服務尚可, 惟手腳較慢