潮式腸粉 (已結業)

又一個睇完小儀金剛而黎既人啊因為睇完電視之後,有朋友仔去食過覺得好好味地點又近自己所以決定去試試去到時7:30* 如果你地想去食時 記得唔好7:30~8:15 去食啊因為隔離豬肉檔就收檔又大大力斬豬肉又用水洗地嘩...d水係咁沖啊沖 點都會驚有d飛埋黎今次黎早左下次會8點30之後先黎一去到佢地一家人仲食緊飯佢地好有禮貌即刻開位俾我地坐又俾多張我地放袋好有禮貌好有善 (like)好既服務真係會為食物再加d分 我地3個女仔食 叫左一個生菜金菇腸粉 同一個蠔仔煎餅超多金菇啊佢入面有好多料除左生菜,金菇之外 佢仲有 蝦乾 蛋 芽菜 加埋個汁我幾岩口味 覺得好味啊同埋好多料 真係一碟一男一女分都夠飽食到好飽好full 真係唔錯 我番食左3次 哈哈哈

向小儀金剛介紹之前，已經好想試，但有次早去到又未開門，今日3點去到，向炎熱既天氣下我地叫左豬肉拼蠔仔腸粉、魚皮餃粿汁同扎肉煎蛋豬肉拼蠔仔腸粉︰即叫即整既腸粉又滑又煙韌，裏面包住芽菜、生菜、豬肉同蠔仔，蠔仔較少，但鍾意佢多生菜，芡汁OK，上次小儀向電視話嫌佢個汁淡味，我又唔覺喎!唔知係佢改良左定小儀鍾意濃味野食啦!魚皮餃粿汁︰一黎到D熱氣直攻埋黎!冇辦法，唯有慢慢食，魚皮餃似豬肉丸，粿汁比想像爽口，個人鍾意腸粉多D扎肉煎蛋︰好香口，扎肉亦夠多，唔點魚露都好夠味啦!大熱天時，仲要向個腸粉蒸櫃面前不停工作，真係每一蚊都得來不易!!!放心~我一定會再黎支持!

這家店的食品雖然比起地道潮汕食物還有一些不及,但在香港來說已經算是最正宗的潮汕小食了.在香港要吃到正宗潮汕小食的確不容易,從此可以看出老闆的用心.店面很小,堂食要叫老闆開摺檯係路邊,隔離就係豬肉檔,衛生環境當然唔合格.但可以吃到美味的潮汕食品,值得的.老闆非常和諧,很愛跟客人搭訕.蝦腸粉,跟地道潮汕的路邊攤做法一樣,在蒸箱裡現拉出來,大條餡滿,女士可能吃一條就飽了.魚旦粿汁,粿皮是傳統潮式粉皮做的,夠晒地道風味,唯一可惜的是沒有傳統的滷水汁做配汁,唔係的話肯定滿分.蠔餅,好吃,比一般的大牌檔做得更有潮汕味,好像是煎的,跟香港一般炸的做法不一樣.長壽麵,夠大份,可能吃太飽了,麵最後吃起來沒什麼味道,變得不怎麼好吃.

呢日約好左個朋友仔黎葵芳...血拼!!! XD血拼之前就梗係要叉足電先啦~結果...揀左 "潮式" 黎試食!!因為老闆話會有食環處既人罰 $$, 所以唯有開一張枱仔算....咁唯有等下位嚕 ...終於等到位啦 2 丁友, order 左 3 碟野:- 招牌腸粉- 煎蠔餅- xxx炒粿汁 (唔係好記得個名, 哈哈)食呀食呀....由好肚餓, 食到好鬼飽 XD招牌腸粉 - 好滑呀!! 仲有大量芽菜同生菜, 又有大量蝦米, 冬菇, 蛋...etc 好有口感之餘, 味道不太濃又不太淡, o岩o岩好, 讚讚!!煎蠔餅 - 好味道喲!! 比起平時食既炸粉蠔餅更更更出色, 多蠔仔之餘, 又唔會油膩, 讚讚!!xxx炒粿汁 - 正呀!! 個樣望落好鬼似干炒牛河, 夾雜大量既蔥同芽菜, 味道教得o岩o岩好!! 而最正就係果個 "河粉" 樣既物體, 好有咬口, 讚讚!!其實仲有好多其他選擇架, 不過真係食唔落了....見到有人 order 左個蠔仔粥, 個樣都好似好吸引耶~不過....唯有下次再黎先試到嚕

這傳說中只有好評的食店! 我有另 一番的體會1. 招牌腸粉($18) => 個汁沒有 好好的掛在腸粉上, D汁沒有味, 並且D芽菜出水後更不知所為! 我和另一半好困難才吃完!2 粿絛並魚皮餃 => D魚皮餃OK! 但因為粿絛是沒有味的全靠個湯, 但個湯無味囉! 但给總好過什麼什麼 "招牌腸粉".因還吃得下!

全港首家潮州腸粉專門店，令我得到一個大飽囗福的週末下午茶○二人同行座下來就叫咗蠔仔拼豬肉腸粉,豬肉丸拼魚旦粿汁及五香豬肉卷○每一樣都即叫即整,絕不會偷工夫預先整定,腸粉皮包著雞蛋、芽菜、冬菇、豬肉、蝦米、蠔仔等份量配合得無得頂，因為芡汁好味更加要求另外加一碗仔○一吃已知道冇嚟錯呢間潮州腸粉專門店魚手打蛋潮州粿汁又幾特别,冇幾多地方可以食到,手打魚蛋是真正海魚做的關係,十分彈牙,唔食真係走宝○五香豬肉卷好香口但不覺得油膩,腐皮包住豬肉,洋葱,馬蹄,非常爽囗仲有店小二耀城小朋友引你笑○店長贈送的豬肉冬菇丸,墨丸,魚皮餃○其中墨丸最有咬口,魚皮餃咬落去裏面一D油都冇,相信喜歡清淡健康的食家一定鍾意○老闆表示試過個個乖乖地排晒長龍買外賣做到忙得不得了的時候,經常來幫襯的OL食客要自己幫自己計數埋單,各位相食好野真係要比D耐性○

聖誕夜，大家玩樂至近十二點仍欲罷不能，走落樓下的潮式腸粉消夜，邊食邊傾。天寒地凍吃些熱騰騰的東西作消夜，理應相當適合。可是，這間是街邊店，要坐在街外，很冷！凌晨時份，老闆正收拾東西準備打烊，但見我們誠意拳拳來到，也繼續招呼我們，並向大家介紹各式食品。既然人家的店子都叫潮式腸粉，也沒可能不點它的招牌菜吧！經商議，決定先來個鮮蠔仔腸粉。老闆即叫即做，保証出來熱呼呼的。原來，這味是很多湯汁的，跟我想像中完全相反；腸粉皮偏厚，包裹著一堆餡料，芽菜是爽口，卻缺乏甜味；鮮蠔仔並不肥美，甚至有點腥；總的說，餡料雖多，但就不很好吃，只算是較為特別。一碟當然不夠，亦叫了魚旦粿汁。煙煙韌韌的粿汁，跟腸粉的感覺完全不一樣，口感不俗的，不過我更喜歡魚旦的質感，據說是用海鰻打造，入口十分彈牙，值得一試。也試試香口的五香豬肉卷，是潮州懷舊小吃，同樣是熱騰騰。皮是微脆，裡頭是稔身鬆化，但有爽口的馬蹄粒去豐富層次，味道總算不差。老闆很好客，見大家吃得津津有味，再送上潮式煎午餐肉給大家試試，是免費的。我吃了一塊，確是煎得香口，可是質感是頗韌的，叫做見識過好了。在此多謝老闆的心意。已很不識趣地阻住老闆收工，吃罷，亦不再傾

行完街.間野係邊.坐係街到食..枱得2,3張到.好彩唔係好多人,而且d人準備走而且有大風扇,唔係好熱.2個人唔係食左好多..但已經好飽.好中意食炒長壽麵，有ｄ潮式ge午餐肉炒埋一齊下次黎要試下蠔餅先

呢度做左功課..走左去試..更正..今日week六..8點幾去到未開..問隔離檔話10點幾...試左豬肉腸粉..但發覺d料同招牌個隻差唔多..又係樣樣有d..反而豬肉唔多覺有..呢度扣左分..無豬肉味食進口中..皮方面真係幾特別..有種似東門食個種腸粉既煙韌版..仲試左蠔餅,.一般..唔及出面打冷個d..而且無乜料(馅:蠔)到..但服務係我印象中寫咁耐食評唔超過3間我會比滿分.. 幾親切和諧..係真誠個隻..唔係扮出黎..環境..因為熱左d..得一把扇吹左另一張台..你就預左熱了..衛生..一坐低即刻比杯用暖水裝住既"根"同筷你.,.岩哂我

今日終於一試屋企樓下的潮式腸粉，的確係幾好食，好有特式又好味道。今次係試左最多人推介的豬肉腸粉，好食喎，粉皮非常滑，汁又夠味!!絕對值得一試，仲有老細好nice。.今次因為食左野先黎，所以留返下次試潮式咸茶，老細話係新推出。

這間潮式腸粉是近排的熱店之一, 有很多好的食評, 於是想試一試潮式腸粉.試了招牌腸粉, 原來同廣東腸粉不同, 腸粉軟滑, 腸粉是很有咬口,包了很多配料, 而且有茨汁伴著, 有d湯粉feel.腸粉配料有芽菜, 生菜, 蝦米, 冬菇, 蛋絲, 土魷等, 上面再鋪上炸金蒜粒, 很香的, 材料是新鮮的, 即叫即做的腸粉新鮮熱騰騰, 茨汁又濃又好味.外賣要加$1, 即$16.

個個星期都去葵芳行街...好多食店都食過..昨晚上openrice見到佢有腸粉食..一收工即去食去到一個人都冇..但我同老公都本住大無謂精神一試!!叫左一個豬肉腸粉.炸五香豬肉卷(最後一客).魚蛋扎肉粿粉.潮式鮮蝦腸粉.4樣嘢..腸粉即叫即蒸好多料味道好得.扎肉係我食過最好味的.豬肉卷凍左不過味道好好昨晚得老闆一個..好忙..又要煮又要賣嘢..不過食到好嘢都值得!!食嘢時好多人買佢d魚蛋.愈食愈多人等位.我地食完就走..點知老公叫我多買一條扎肉回家..佢話好食叫我返屋企滾紫菜湯..total$120..好平呀..下星期再食過

星期日, 下著大雨, 但原來由葵芳地鐵站行過黎都不難找到.原來鋪內不設坐位, 只有門外放一雨張摺枱可供堂食. 但由於落大雨的關係, 只可開到一張枱, 走到門前見到地放不好坐, 雖然有太陽篷,但都有雨水吹到入黎, 連枱椅都弄濕了. 但一心來試這裡的腸粉, 所以想了一陣, 還是坐了下來.叫了, 招牌腸粉($15), 蠔餅($20), 魚旦粿汁($20).招牌腸粉的汁料好好味, 伴著腸粉又軟又滑, 但當中的配料都有咬口的, 太好味了, 又不會太熱, 所以給我三扒兩撥就吃完了.魚旦粿汁的魚旦沒有什麼特別, 但湯底就幾好味.最後是等了最久的蠔餅, 熱騰騰的, 但因為是煎,不是炸的, 濕濕地,不會太乾身,不會太熱氣, 一個人吃了整個蠔餅(份量足夠兩三個人分享的). 老闆細心的準備了兩樣辣度的辣椒醬, 其實一種是桂林辣椒醬(小辣), 一種是潮州辣椒醬(多辣), 另外還一份越式的酸甜汁可以點蠔餅, 酸野啱晒我.老闆一個人開檔, 煮得野來又招乎不到在門在等候買外賣的人, 小本經營真的不容易.幸好沒有過門而不入, 否側就吃不到咁好味道的食物, 還有一點人情味呢!還未吃完己經有兩對男女在兩中撐著傘來等我們的

昨晚睇咗呢間舖頭的食評之後,發現未有一個劣評,令我非常好奇急不及待要試吓,試食之後令我寫了人生第一個食評想同大家分享吓,所以根本沒有準備相機,見諒.食物 & 味道:是晚點的餸如下:1.潮式豬肉腸粉 - $20腸粉配料: 芽菜、蝦米、冬菇、蛋絲、土魷、生菜、金蒜 (每種腸粉均有) 另外有豬肉. 腸粉以圓碟上, 淋上豐富的茨汁,賣相OK. 但真的令我驚喜是每樣配料雖然是剁碎的但味道都很特出, 特別是蝦米及土魷味道異常濃厚, 好久沒有這種海味的鮮, 連金蒜都非常香. Good!!!Good!!!Good!!! 2. 煎蠔餅 - $20與炸的是不同食法, 但我個人比較喜歡煎這種. 因為可以食到蕃薯粉的香味和有少許烟靭. Good!!!3. 潮式長壽麵 - $30因為太飽已經食唔落啦, 不過, 老闆娘話第二日炒返仲好食. 下次有機會再話比大家聽. 價錢:3様嘢都係$70,超低!!!!!服務:老闆娘先問我哋係咪第一次嚟, 就向我哋介紹招牌菜. 另外,老闆仲請我哋食五香豬肉卷,真係好客!!環境: 店舖位於生果檔與豬肉檔之間, 不易發現. 而店內是沒有位置供客人入坐

響葵芳行街為名，掃街為實，商場內連掃三站後，感覺有如去了旅行一樣，但始終入肚的都是一些街頭小吃，仍然未覺飽足，是時候食番個正餐，一於幫襯葵芳村對面的潮州腸粉吧！店名單刀直入叫「潮式腸粉」，賣的除了主打的潮州腸粉外，還有手打魚旦、粿粉和炸蠔餅等小吃。由於鋪面有限，乾脆在門外放了兩張摺檯，感覺就像食大牌檔般。老闆人很熱情，本已開檯食晚飯，也特地過來介紹一下潮州腸粉的特色，而腸粉亦是由他親手即拉，在薄薄的粉皮放上材料，熱騰騰的蒸氣不停的冒出，過程看似簡單，但每天都要對著這種蒸氣，真是辛苦錢來的！招牌的豬肉腸粉 ($20) 賣相吸引，卷起後沿圓碟盤成一圈，中間放了很多炸蒜粒，粉皮滑溜中帶點韌性，包著芽菜、蝦米、豬肉、冬菇、蛋絲、土魷等豐富材料，入口層次相當豐富，而以豬骨熬成的湯汁更是靈魂所在。建議吃時沾些麵豉辣醬，味道鹹鹹辣辣，挺特別的！另外也要了一碗潮州手打魚蛋 ($20)，據說以海鰻打做，一共八粒，手唧出來的形狀大小略有不同，但入口質感彈牙，加上湯底味道清甜，亦值得一試的。$40 來個「潮式腸粉初體驗」，價錢認真化算，可惜之前掃街吃得太飽，沒有再叫老闆推介的粿粉，聽講是以番薯粉加米漿混製而