潮庭 (新城市廣場) (已結業)

哩間餐廳第一次黎，我個人覺得非常唔錯!! 我d朋友仔都大贊食物品質相當唔錯!! 但首先講左唔好意思先，d菜名我都唔系太記得，不過我盡量形容! 必要時請把照片給服務員看，照點就okay(唔好意思，食左一半先影) 哩個系海蜇青瓜前菜。 我覺得好好食! 海蜇好大快，青瓜都好清爽，佢個sauce調味調得剛剛好，有小小蒜味，醬油味，醋味，加埋唔知咩味，總之調味同海蜇青瓜好夾，我好中意! 叫左份羊架，好食! 佢地好細心咁用錫紙包住左未段，方便我地用手食。 有幾塊系偏瘦的，有幾塊就有的肥，不過肥瘦都好，食得我好滋味 好香的羊味加埋佢小小ge蒜頭系上面，重要系燒ge，雖然有小小肥膩，但就系要有小小油膩小小肥先好食(驚肥ge朋友仔唔洗擔心，挑瘦個塊食就okay),食得我好滿足 我幾推介你地點黎試下佢旁邊ge菜太特別了，所以忍唔住影比你地體下 你以為系水露珠，但唔係! 系菜本身上面ge紋路! 個菜食落都幾特別，感覺有小小滑san san，但又唔係黏，好特別，我都唔知點形容。其實佢同其他菜ge味道差不多，只不過口感有d唔一樣大家可以試下哩個雞都唔錯，味道唔係話好濃好鹹個d，味道還可以，加埋旁邊ge炸菜

同層三間食肆都係同一個老細，用手機 app分別訂枱，呢間最快有枱。開茶時同店員講唔要前菜，店員話冇問題，即時慳返十幾蚊，可以用嚟食多碟點心。四款點心黑椒蒸鴛鴦肚、蟹籽蒸燒賣、鮮蝦腐皮卷同沙律明蝦角之中，最鍾意係鴛鴦肚。魚肚夠大件，腍中有爽；豬肚夠腍，冇異味；黑椒味唔太濃。不過每樣得三件，份量大啲就好啦。腐皮卷個皮勁薄脆，薄到感覺唔到係食腐皮，饀料豐富，同蝦角比較，佢就輕盈啲；蝦角隻隻都脹卜卜，入口唔夠腐皮卷脆，外皮食落仲有啲啲苦。燒賣唔及中環喜双逢咁靚仔，味道正正常常。聽到店員攞住托盤叫賣糯米飯，揚手叫一碟試吓，冇期待下反而食出滋味，飯夠軟熟唔多水，臘腸粒臘肉粒皆量多，撈勻脆花生、蛋絲、葱同芫茜食，食出幾種口感，滿足度爆升。

食物質素一般，衛生欠佳，地氈污漕(殘舊)，勁多灰塵。門口大大個牌寫住恆生enjoy卡85折優惠，到埋單之時，才告知只是某一些菜式85折優惠，並非全單85折。收銀的侍應態度惡劣，咁嘅服務態度，如同趕客。

喺新城市廣場食飯有兩個好處，一係選擇好豐富，二就係大部分餐廳都有得用app拎飛，人未到已經可以拎定飛，唔洗排咁耐隊:-P今次去左潮庭食飯，因為唔想諗，所以叫左個二人餐。有一個迷你潮式拼盤，花膠雞腳湯超正，好足料，d花膠好大片！之後有個鹽酥黃花魚，外皮好脆，裡面d肉好滑，十分有水準，如果可以配埋個沙律醬就更完美喇！個餐仲包兩個菜，普普通通啦！overall呢個二人餐都ok既，但佢竟然無包任何飯／面，要我自己另外叫，呢方面有少少失望啦

打去訂位, 問有無卡有折? 果位小姐同超高音大叫"用AE白金/黑卡有折"!! 我問咁AE普通卡呢? 佢用超勁高音大聲講"白金主卡黑卡"!!! 收左線立即唔想食!!

星期日10點本來一家大細打算去翠園飲茶。用手機囉飛都要排多70幾張。到翠園後見到潮庭都有茶飲唔駛等就去了。前菜$18碟但味道不錯。其他點心新鮮。只有珍珠雞俾汁軟化了。因為多人上菜速度慢下來。但是也是一個在沙田市中心好的飲茶地方。

沙田行完街同朋友食潮洲菜，不過2個人都唔係食得好多野，都係簡簡單單叫了一個小菜兩碗麵就算啦。雙併鹵水，有鹵水鵝簿切，鵝片味濃，完全係入哂味，肉質唔韌。海哲好爽口。手打魚蛋粉同墨魚丸粉，兩個都有驚喜，食落口就知係人手打，爽口彈牙，河粉好滑 

中午十二點到達坐底咗十五份鐘都無人執枱，呢間嘢嘅管理非常差！叫啲伙記執枱都唔理你，要我親自起身埋去叫佢執先至做！我如果喺幫嚫茶餐廳咁嘅服務無問題，但你潮庭又要扮高級，咁點收貨呀大佬！

索女Con生日 ，一班朋友揀咗去沙田潮庭食飯慶祝 ！是晚我哋7點半準時攞位，但侍應生搞錯咗啲枱，搞到要再等大慨半個鐘左右先入座！酒家環境唔錯 ，裝修高尚。入座後大家翻看menu, 好肚餓了……1.燒乳鴿 ：乳鴿每隻一開二，燒得皮脆香口，醃汁夠入味，用手撕開食，口感鮮嫩 ，滋味無窮 ！2.四喜併盤 ：又靚又大盤 ，中間仲放咗盞走馬座燈 ，梗係喇 成65蚊位㗎 ！併盤：玉蘭鮮蝦球，大大隻爽口蝦 ，芥蘭脆甜。炸蟹棗，爽滑彈牙 ！鹵水鵝片豆腐，鹵水甘香，鵝片肉嫩 ，豆腐軟滑 。海蜇，唔夠爽脆 ！3.砂鍋菠蘿海鮮燴飯 ：呢個黃色飯，只有菠蘿、蛋、蝦等等，似乎唔見有咩海鮮囉 ？！4.煎蠔烙 ：蠔餅結實，可口好味 ！5.潮洲煎伊麵 ：即係糖醋麵，口感脆中帶軟 ，加上糖醋而食，好美味！6＆7.四寶蔬 及排骨津菜煲 ：普通家常菜，沒什麼特別！食埋個生日蛋糕，夠晒飽……

一班人的聚餐，選了來美心集團。一張圓枱坐十個人感覺很迫，但环境是中上的，有出聲叫加水就加水，都算有服務的。茶好有香味，不錯！乳鴿，脆皮，食落口又香又脆又肉質鮮嫩，齒鵊留香。硑盤好有特色，个盤有个燈籠似古色古香。4味小吃，海蜇，冇味的，不爽，唔知係咪真呢？豆腐有d卤水色，唔滑，唔好食。炸蝦球的物体但又冇味，勝在即炸。炒三色菜心头蝦賣相吸引，但蝦好爽但冇味。我冇點菜冇睇菜牌，只係食什麼說什麼。炸米粉，聽聞好出名，試了，冇錯賣相金黃，香脆，食米粉入口感覺唔油，冇食錯煎蠔餅有似去台灣吃蚵仔煎既味道，眼見d蠔好細粒，我分唔倒蠔，所以冇食到主角……個不知所謂的炒飯，只食到小小蛋既汁，什麼餸也食唔倒，大家看看圖，下次見倒呢个試倒有餸就話我知好明顯要加餸，朋友叫了排骨菜窩，呢个好味，菜好林兼好入味，排骨都几好味，值得一試。之后叫多個四蔬，賣相好美，我吃津白，味道好清+個人食，個個都3x歲，只叫呢d肯定同我一样唔飽！

星期日去到新城市，周圍都係自由人好可怕上到頂樓，原來三間酒樓都係美心集團，不過三間拿票後，潮庭可能細枱多，等左30min就有位了前菜好好味，係潮洲鹹酸菜青瓜花生， 鹹酸菜會死鹹味道剛剛好沙律明蝦角～ 熱辣辣炸得好香脆d蝦好新鮮鳳爪~ 呢個有d咸，不過只數有好多叉燒包~ 包皮好軟， 叉燒都好好食雞扎~ 呢個蒸了好耐先係廚房出來 ，有冬菇火腿魚肚，新鮮好味兩個人正價茶食左二百幾蚊， 唔算平唔算貴坐得舒舒服服

放假同屋企人去左飲茶,入到去就比左碟前菜我地,都幾大碟,有青瓜,木耳,花生,但就唔係好份味好似以前好食D姐第一樣黎到反而係炸海鮮芋角個皮炸得幾鬆脆,入面有芋蓉同海鮮粒粒芋蓉都幾香口,而且海鮮有少少海鮮汁滲出所以唔似一般芋蓉咁乾,味道唔錯第二樣就係潮式煎粿,底面煎得唔陪香脆,入面係韮菜同少少肉碎,但真係好多油....睇睇隻碟....D油多到...個皮油到反光...入口又勁油....好唔健康第三樣係蓮藕餅...煎野一樣係咁油....蓮藕餅肉多過蓮藕...似食緊煎肉餅多D...不過好彩嘅係肉入面冇混合左埋脂肪第四樣真係惡夢...XO醬炒蘿白糕一黎油都已經唔洗講,完全食唔出XO醬味!完全唔辣!似係甜豉汁炒多D!而且蘿白糕入面蘿白又少,又冇蝦米,臘腸,臘肉!我懷疑緊佢其實係咪素食黎! 

到了沙田市廣場8樓，拿了翠園和潮庭的下午茶籌，結果潮庭較快有位。點了五個點心，但等了半小時也沒有，侍應說因為即叫即蒸，「正常」要等半小時，結果要35分鐘才見到第一個點心... 千呼萬喚，幸好叉燒腸味道還不錯，三條腸粉大大條，不過沒有想像中熱騰騰，相信是人手不足，所以沒有即時端到客前。 蝦餃餡料不算大，但皮算很薄，味道亦算不錯。 咸水角皮略硬厚，餡料比例相對少了一點，驚喜是餡料加了筆者喜愛的菜脯，令咸水角多了幾分口感。 這個叉燒餐包上面舖了像墨西哥包的面來焗，多了一分香口感，令本來普普通通的叉燒餐包加了不少分，包和餡料比例適中，不會太甜又不會太鹹。 這裡的綿花雞感覺油膩了一點，用鮑片做伴，比起其他用冬菇伴的綿花雞多了一點海鮮味，味道尚算不錯。因為已經快過下午茶時間，想再下單也不行了，只能有緣再試。

我早在一星期前電話訂位，跟同事三人大約一點到這裡吃午餐。前菜＄18：一來到就有的，酸酸甜甜辣辣的，我的同事喜歡吃白灼菜心＄31：菜心夠嫩，本身無味，點醬油吃不錯。淮山蒸素餃 $25: 餡料內用上新鮮的淮山，口感軟軟的，配上雜菜粒，味道不會太單一，感覺健康。瑤柱菜苗餃$25: 有蝦肉和菜苗，口感軟綿綿的，鹹度適中，不錯。健康雜菌腸＄33：腸粉皮綿滑，包了雜菜粒和菇類，好吃。海鮑脯雞粒木桶飯$108: 鮑魚粒和雞粒夾雜飯粒，配上濕滑的汁料，不會太濃味，我們都覺得味道剛好，新鮮美味。份量大約有7個小碗的。紫米鴛鴦露＄20：紫米混合西米，口感滑，甜度適中，不會好稠，好吃！千層咖啡糕＄18：下單時以為類似馬拉糕但是咖啡口味，誰知自己搞錯，是布丁口感，味道甜了點，有點似人工咖啡味，不算好吃⋯⋯酒樓內的環境，比較擠迫，服務員不多，感覺人手不足。當天拍下的餐牌。

吃過中環潮庭的午餐，質素還好。沙田的分店幾大，裝修得富麗堂皇，一於試試它的晚餐。鹵水鵝片切得偏薄。跟厚厚的豆腐形成強烈的對比。鹵水味偏淡，不夠入味。走地雞看上去很不錯，但吃下去卻另一回事。肉太韌，普通的雞更好吃。排骨入味又不太濃，但肉不夠腍。豬肉炆鱔，燒肉普通，但鱔很香。雖然很深色，但味道不算太重，只可惜實在太油膩。別看蠔餅薄薄的，卻滿佈蠔仔。沒打冷的蠔餅炸得油膩，但比阿元來了的多油，尚算香口。潮洲粥幾足料，啖啖肉碎，還有鹹魚香。點了幾款蔬菜，最喜歡白菜仔，配上腐竹和白果，很清又好吃。魚肚也炆得幾入味。在中環吃過蛋白杏仁茶，完全沒有蛋白，但味道還好，夠香又不會太稀或太甜，這裡的也一樣。紫米鴛鴦露卻令人完全失望，稀得像水，紫米很少，也不煙韌，而且偏甜。食物普通，但感覺較整潔，比一般酒樓有其優勝之處。