潮州人 (已結業)

坐街邊食湯米真係別有一番風味😌一路等一路聞到好香嘅湯味(感覺似係花膠湯嘅味🤤)令到我滿心期待個湯底因為岩岩開門嘅關係，好多嘢都仲未有就只有大蜆，唯有試左”清酒大蜆湯米”先啲蜆真係好大隻呀😍 好鮮甜，煮到岩岩熟米粉係我中意嘅台灣新竹幼身個種米粉好可惜滿心期待的湯底頗淡，無乜味😅(同佢煲緊個兜湯形成左好大對比🤭)(定係因為我真係太重口味呢🤔)其實仲有花鵰雞翼同醉蝦都想試架可惜無，唯有下次再去試下

睇了網上推廣好似好吸引,滿心喜歡去試一試,點知中伏了。我們2個人6:45到去,老闆話7點開始落單,在等待過程中得知餐廳在6點左右因為所有食材賣完,所以暫停營業準備7點後再營業。在7點左右老闆派號碼給每個客人,之後就下單當晚只有蜆粉同椰子雞湯,之後等到8點見到其他人有得食我們還未有便向老闆查詢,老闆問我重有咩未到,我們事實咩都未有,所以知道老闆搞錯單,以為出左食物比我地。之後食物來到一看之下感覺太差,椰子雞湯感覺似茶餐廳例湯,湯味道椰子味多過雞味,湯就真係只有湯沒有材料連椰子絲或者一片雞也沒有。蜆粉只有3隻蜆同幾條芽菜同米粉感覺很普通,等了咁耐就只有咁既食物,第一次食已經感覺太差了,一定唔會再去。

睇到萍果動知道有間潮州人，特登揸車過黎食，黎到見到原來坐馬路邊，冒住生命危險都坐低左，全店只有一人，見佢都踢哂腳，佢話而家好忙，要15分鐘後先至得閒同我地寫單，見冇嘢做咪等佢，等左佢半個鐘黎寫嘢，佢先話只有蜆同大蜆，其他係咩都冇，想話食醉蝦，飲湯，花膠，通通都冇，只得蜆同大蜆，真係笑死人，咁都學人開檔。即走，冇下次。如果你係做生意，唔應該咩都冇，本黎諗住坐街頭，扮鬼佬懶優皮，點知咩都唔係，就算佢第日有改善，我都唔會再去。

末見過人咁做生意，18:40座低，waiter話大約19:00有得食，點知等到19:30左右先有得食，叫左個細蚬，一半以上都末開，大蚬米份量就好似下午茶咁，醉雞翼就不過不失唯一係d大蚬係幾鮮甜

見 係 新 開 既，就 買 黎 試 下啦 。 我 買左 個 蜆 米粉 同 雞 翼！！！！的 蜆 隻 隻都 唔 新 鮮，有 腥 味！！！！的米粉普通可接受，但個湯偏咸。雞翼係甘多樣野說最好，但價錢較貴！！！！整體黎說好失望，唔會再食！！！！

今日食左個清酒煮大蜆米粉, 蜆夠大有濃烈酒香, 但強烈要求處理一下米粉, 因為仲殘留好大陣漿粉味...令本身個雞湯都變埋味,希望下次黎會有所改善!（此comment絕冇任何惡意）

昨晚經過界限街，發現街角開了間小店，被久違了的「豬雜」二字吸引，於是走了過去看。老闆娘介紹了一下自家煲的靚湯和招牌雞湯米粉（可配豬雜、醉雞、蜆...），無他了，反正天冷，就來個雞湯豬雜米粉和老火章魚蓮藕湯暖暖身。總括來說，老火湯火候夠也沒下出術味精，有落心機。招牌雞湯米湯頭也夠味，用幼身米粉無煮過頭，豬雜懂得用酒煮過處理一下氣味，無馬虎了事也值得嘉許。湯米味道幾好，見其他客人食蜆肉配湯米、雞翼都表現甚為滿意。對豬雜呢，因為自己要求好高（有點唔合理，因為福佬人，豬雜的話我永遠話可以更好），所以不細緻評論，只能說這店有心機做，主理既仲要年輕人，難得既。

上星期途經界限街，比呢間小店既裝潢吸引左我。兩位年輕老闆叫我試佢地個無味精湯，我覺得幾有熱誠，因為唔識煮飯既我唔知價，原本我諗38蚊一個湯究竟值唔值，不過某湯水集團都賣50蚊個，我就拎左38蚊出黎試。一試真係好濃味，又大碗，我飲完成肚水。言談間知道兩位90後係夫妻檔，因為鍾意屋企煮野食竟膽粗粗開左間小店，亦因爲佢地係潮州人，因而將鋪命名為潮州人。雖然小店無餐廳既舒適，餐牌上菜式唔多，但勝左用心制作唔花巧，價錢合理。我飲湯其間，有食客叫豬雜湯米，由於我唔食內臟，試唔到味道，但老闆一打開煲湯底，真係好香好香，好香雞味。原來佢地主打住家湯外，所有湯米都用鮮雞湯底。見到呢兩位年輕人咁用心，所以我寫下呢篇食評，用我既感受鼓勵佢地，希望佢地努力呢個星期我幫襯左兩次，今日我又去左呢間小店，我問老闆有冇平台比我寫下食評，佢地好驚喜，話我聽開左facebook專頁同openrice.. 呢間小店開左兩星期，仲係摸索中，對環境要求唔高既食客，我推介你地到小店一試。今日我幫襯左個清酒大蜆湯米，大蜆真係大，香濃清酒味，我覺得最讚都係個雞湯底。

今日路過界限街，發現呢間小店，老闆話岩岩開左唔夠一星期，老闆好好人好nice，我就是但叫佢推介有咩好食比我，咁就叫左4樣野，清酒花甲米、珍珠蜆、醉雞翼、赤小豆粉葛豬骨湯。清酒花甲米 花甲好大隻 好有酒味珍珠蜆都好多隻幾抵食但唔夠花甲好食醉雞翼都好夠酒味 小食一流赤小豆粉葛豬骨湯 飲得出係真材實料 唔係味精湯 夠哂料環境就唔係咁大小店一間大約擺到兩張台左右，出面有張好似吧台咁可以比人企係度食衛生睇得出好乾淨，可以放心食用值得支持小食一間

有朋友推介太子界限街最近新開一間主自家制無味精無添加的小店 仲有米粉食 裝修好靚 唔似一般粥麵店 幾有現代感 仲有玩具車響牆 今日試左佢地既清酒大蜆米粉 因為見人人都嗌 一試！果然好香酒味 大蜆甜 米粉唔會林 非常推薦！