影片
我中午去叫外卖，见到Menu我就话鸡翅米线（其实个menu得卤水鸡翅），之后卑40蚊个姐姐找，佢话外卖32。之后厨房姐姐话要38，套餐来，要补钱。我即刻补左，佢仲问两次卑够钱未，饮乜嘢（态度好差）。之后我都少少嬲话卑晒啦，佢先开始拎鸡翅卑我⋯之后我话我要冻奶茶，佢居然话冇啊退1蚊卑你（下姐系1蚊一杯奶茶？）我见到佢拎鸡翅去炸，我话我要卤水鸡翅⋯佢话下你冇讲，之后都系卑炸鸡翅我⋯个态度我唔会再帮衬，鸡翅好难食（我见到佢拣咗好耐，我都几肯定系特登拣比较细只卑我⋯不过楼面姐姐态度好好。
继续阅读
上手联发做得太好，食客自然会做比较，新店接手后食过一次，感觉不似预期，就再冇去帮衬。买𩠌途经，见佢哋减价，之后又送饮品，空位总是比食客多，不禁感慨业主为何加租迫走联发。今天返马鞍山屋企睇完装修，一支公食埋晚餐先归家，选择再试一次潮丽园。牛腩河腐乳通冻柠茶，所有嘢都对版👍🏼，食品质素跟之前有明显进步，初时仲担心佢哋做各种优惠会影响质素，斋讲今日水准值得再来光顾！牛腩河正正常常，通菜隔水够干净唔会沟稀D腐乳酱，柠茶亦唔会因为系免费，而比好多冰，抵讃！虽然同之前联发有距离，但人总要向前望，能够保持呢种水准，必定会再帮衬！是日消费：牛腩河$35 腐乳通$10 冻柠檬茶$0共 $45
继续阅读
早上，若是很早很早出到马鞍山，总会心郁郁，找个地方食个早餐才会觉得安乐。其中的一天，我又决定入街市间粉面茶档食早餐了。来到，才发现这儿人物依旧，但冠上《潮丽园正宗手打鱼蛋大王》的新名字。既然冠了新名字，似乎是新瓶旧酒，又吸引到我去撰文，看看需不需要表扬一下。虽说是正宗手打鱼蛋大王，但我钟情的，始终是面档长期挂著的牛腩牛杂。所以，我的粉面早餐，就是一碗牛腩云吞面。这儿做的，算是清汤牛腩，一咬入口，就是浓浓的原牛肉香味。而牛腩清汤的面汤底，也是令这面的味道出众之原由。云吞就够大只，但我觉得不够香口，面条就一般啦。整体上，是满意的一个粤式粉面。早餐，我搭配了一杯奶茶。入口不滑，但奶味却是十足十的。茶够浓香，绝对是一杯有足够咖啡因，能令大家醒神的一杯妙品。的确，这《潮丽园正宗手打鱼蛋大王》是旧酒新瓶。一切都同以前间面店差不多，味道没有大变，食品也没有大变。总之，一模一样啦。
继续阅读
您可能会有兴趣的...