新海楓茶餐廳

2025年9月19日于马鞍山新海枫茶餐厅，品尝了招牌椒盐猪扒粟米饭。猪扒即叫即炸，上桌时热气腾腾，外层酥脆可口，椒盐香气扑鼻，内里肉质松化多汁，腌味恰到好处，不会过咸。粟米汁甜度适中，稠稀得宜，与白饭拌匀后非常开胃。整体份量十足，镬气够，性价比高，是地道茶餐厅的水准之作，值得回头。…查看更多

成日经过但一次都无试过，今次见到门口写住98蚊有大鳝火腩煲，连饭例汤，仲送糖水，真系要试下先来个60蚊客饭餐客家酿豆腐都系连饭加有野饮，估唔到60蚊客饭可以有8件酿豆腐，虽然每件酿豆腐既猪肉份量唔算多，但有8作真心觉得抵食个大鳝火腩煲等左有啲耐，追左两次先到，不是个个侍应都好积极咁帮忙追单，有些同佢讲左好似无件事，anyway 个煲最后都出现，成个煲上枱时热辣辣，煲细细，但鳝件都有6大件，鳝味唔算好出，调味出啲，火腩啖啖肉，唔会系全旧肥猪肉，另外有几旧豆腐，整体呢个煲98蚊，以自己屋企好少会煮既𩠌来讲系抵食ok 既最后餐饭既一个亮点，系碗送既红豆沙，有陈皮味，好足料，红豆煲到起沙，为呢餐饭画上唔错既句号…查看更多

今日叫咗外卖，住马鞍山嘅人应该都成日会叫呢间新海枫茶餐厅，佢哋定期就会派外卖纸入信箱。都算多选择，而且唔使运费。今日叫咗个蕃茄焗猪扒饭，嚟到一打开心谂咩料呀？首先我唔知点解佢哋要用发泡胶盒装住个锡纸兜，根本就冇需要咁样装，之前叫其他外卖用锡纸兜都系放块纸皮喺底咋嘛。第二，点解可以㶶到咁？仲要照送俾客人食…..第三，成个饭黐埋一pat嘢，好难食。多啲酸味，食唔出又蕃茄味，又多骨少猪扒其实叫过佢哋其他嘢食都唔算差，系唔知点解今次搞成咁…查看更多

呢间茶餐厅，睇外表就知求其地踎是但共冶一炉，只不过因为以前住开呢一区，今日睇早场，顺路就怀旧一下。呢度早餐嘅价钱都得上经济实惠，见到两𩠌面餐$38，竟然配菠萝包夹牛油，劲想试，但卡路里热量太高，肯定食唔晒，于是转头去试香煎牛扒配餐肉煎蛋，上碟一睇牛扒超大件，成只碟占咗一半咁滞，牛扒煎到金黄色，虽然明知道系雪藏牛扒，但系腌肉味道都可以，无话用松肉粉搞到冧pay pat 无味死肉，配左煎蛋都可以，但餐肉就麻麻哋，最美中不足嘅系扒餐竟然冇跟餐包/方包，不过如果生酮饮食，就真系啱啱好。奶茶就一般般，俾一般餐厅算OK，虽然唔系好香茶味，但饮落都算滑口，唔会搞到又苦又涩，都算饮得㗎。总言之， $38早餐，确实系对得住价钱啦。…查看更多

住喺马鞍山十几二十年，叫外卖食得最多就系新海枫，因为大件夹抵食，最钟意👍：炸猪扒、炸鸡翼、炸牛丸、炸鸡脾、炸薯条、沙爹牛肉红肠汤通粉、梅菜扣肉饭、煎䲝鱼、椒盐或普柠豆酱剥皮鱼仔、焗猪扒饭、焗芝士肉酱意粉、黑椒牛柳丝炒意粉、上海粗炒、金牌什扒餐配黑椒汁、盐焗鸡、红豆冰及多款小菜……等等😋，绝对系价钱平、份量多同好食，果阵觉得新海枫系一间良心食店，所以成日都会叫外卖，有时一日仲会叫二到三次！好可惜新海枫依家变晒质，又贵、份量又少兼难食，有时仲好过份，例如焗猪扒饭，唔单止份量少咗，猪扒用料同味道更是差到难以接受，一盒里面至少有二至三件根本唔系猪扒，而系带有猪腥臭味嘅超厚身肥猪肉🤮！而且其他出品亦同样有类似状况出现，都系令人难以入口，因此依家再无帮衬……Anyway，新海枫已经唔再系良心食店😖！…查看更多