潘記飯檔

营业中

休息中

上星期同朋友搭船去東龍島之前一齊嚟咗呢間出名抵食嘅潘記食個晏～佢主打龍蝦餐/蒸魚餐/任食嘅自助中式午餐～我預早一日同老闆留左個龍蝦同蒸魚餐✌🏻一去到老闆就問我係咪留咗兩個餐，佢話認得我WhatsApp嘅頭像😂☺️ 然後就同我地講今日龍蝦有$88同$98既選擇，問我地要邊款，我地揀左$98，坐低後佢好快就上咗個蒸魚餐俾我地😍(湯，白飯同粥可以自己係出面任裝既)❤️蒸龍躉餐 💰5️⃣5️⃣魚肉超級嫩滑！魚皮充滿膠質，好有口感😋底下粉絲索晒魚嘅鮮味，蔥蒜味同豉油，唔使講都知好好食啦😆⭐️蒜蓉開邊蒸澳洲龍蝦併白切雞💰9️⃣8️⃣龍蝦好大隻，仲有蝦膏添😁食落係新鮮鮮甜既，但係肉質冇我預期咁爽口，口感偏淋，有點小失望🙈而白切雞都比較肥，冇乜肉食😅雖然呢度環境真係好一般，附近沙塵滾滾，又冇冷氣🙈但勝在老闆態度好親切，而且用料新鮮，都推薦大家試吓😊

無意中見人介紹，原來屋企附近有間隱世平靚正、家庭式經營餐廳～  以後有多個飯堂～海鮮即叫即蒸，鮮嫩多汁，自助餐的餸菜又多選擇而且自助任裝，係油塘呢區真係超值，，而且老闆一家有時會過來吹水傾偈，原嚟佢地一家係度經營左好耐，有講有笑， 好親切，久違了嘅人情味。上枱嗰下確實有DD嚇親呢個蒸魚真係值得一讚👍 蒸到啱啱好，鮮嫩多汁又入味

住左附近咁耐，都唔知原来有一間咁平嘅海鮮大排檔。睇完網上介紹就放假即刻嚟試下味道。行過去嘅時侯會經過好多地盤同工廠，加上好多大型貨車同泥頭車，各位要小心睇路。嚟得呢度食野就唔好對環境有要求啦係咪起碼無野咬冇曱甴見到已經收貨，哈哈先嚟今日主角，蒜蓉龍蝦切雞飯！招牌係寫切雞，我估賣哂所以俾叉燒我。龍蝦味道唔錯，新鮮肉質又算彈牙，雖然好似細隻少少，不過個飯$58仲有咩好挑剔再嚟一個燒鵝飯！燒得有水準，一開始以為燒鴨嚟，因為皮下層油脂無咗，員工解釋話師父專登刮走佢冇咁肥，又話用咗傳統手法加醋去燒，信不信由你啦，$50嚟講即使係燒鴨都叫唔錯嘅。呢度係自助餐嚟，你冇睇錯呢度真係有自助餐食，真係估你唔到，仲有糖水同飯任裝，只需$42，最啱大胃王嚟食，味道我都唔知，交比大家聞相。餐牌仲有$98嘅任食海鮮，不過唔知包咩海鮮。總括黎講，呢個價錢食到呢個質素，個人認為性價比係十分高。唯一缺點就係環境同位置都麻麻，不過我認為將貨就價啦，最緊要好食嘛。

今日去咗油塘做嘢，之前睇到有Foodie推介呢一間熟食檔，專登行咗過嚟🌊海旁試吓。好老實講，環境真係唔算特別好，係一間非常之草根平民嘅餐廳👨‍🍳，咁得來食嘅都係藍領打工仔👕，但我反而覺得有風味。😳我今次嗌咗龍蝦🦞拼蔥油雞飯🍗（$55），真係超抵食，不過來之前我10:00已經打咗電話📞去預約，去到嘅時候已經賣晒！$55就梗係唔會比成隻龍蝦你啦，但半隻龍蝦都有成隻手板👋咁大，而且肉質非常之爽，完全唔係雪藏貨，龍蝦亦都有好香嘅味道，二餐廳選擇左用蒜蓉蒸，口臭得來份外好食！😎😎😎至於蔥油雞亦都好正，🐣雞肉非常之鮮嫩，唔會好嚡口，而且雞有雞味，加埋啲蔥油🛢非常之下飯。佢呢度嘅飯🍚就任裝嘅，但食得晒先好囉，費事嘥嘢呀嘛。🫃🫃🫃——————為食分界線——————📍 潘記飯檔 (油塘)油塘東源街10號東源街熟食市場推介指數 🤰🤰🤰(3/5)好味指數 🤰🤰🤰(3/5)抵食指數 🤰🤰🤰🤰🤰(5/5)環境推介 🤰(1/5)人均消費： $60#mariofatfat #hkfoodie #Foodie #為食馬利奧 #油塘 #東源街熟食市場 #潘記 #雙餸飯 #龍蝦 #蔥油雞 #抵食 #蒜蓉 #白飯 #海鮮

油塘全港最抵隱世飯堂 呢間最吸到係佢地嘅海鮮餐‼️海鮮份量十足只售$55 每日限日供應🔥有時有$55開邊蒜蓉龍蝦雞飯 而呢日有海鮮湯飯 同豉汁蒸鱔🤩仲除咗海鮮餐仲有$42任食午餐 10多款餸菜選擇 白飯 湯水糖水 任裝 .呢日大概11:30打電話book左個⭐️海鮮湯飯$5512:00去到 佢哋啱啱賣淨最後一個上台海鮮湯飯好誇張 海鮮份量勁足😱估唔到有原隻肉蟹 係湯入面 成隻蟹腳插咗出嚟除此之外 仲有4隻海蝦 底下有大沙白成碗都放滿海鮮 白飯另外自己裝 表面芫荽 蔥 翠玉瓜 伴菜😋因為咁足料 湯底到勁鮮甜 好似係海游水咁🤔因為隻蟹身用黎煮湯 變咗湯渣 肉質一般👍🏻蟹鉗位置 有蟹殼保護 打開保持到勁鮮甜埋單海鮮湯飯$55 加咗一罐汽水$5.除此之外 佢地有$42任食自助午餐有十多款餸 咖喱豬皮 豬手 茄子 蒸蛋 菜 鳳爪當中最高質 有⭐️咕嚕肉 同⭐️豆豉蒸魚佢地keep住都有出新菜😋咕嚕肉啱啱出爐 外層香脆 酸酸甜甜 小炒水平👌🏻其他就正常住家水平.因為旁邊有個海鮮市場 每日新鮮拎貨 所以佢哋海鮮餐價錢真係好抵🤩 去之前可以問吓今日時令海鮮有咩海鮮餐.整體價錢大份抵食 高性價比之選‼️唯一 要注

鯉魚門隱世海鮮餐！油塘地鐵站行15分鐘，去到潘記，見到人山人海，就知道一定有好嘢食😍一心諗住過黎食龍蝦餐，呢日竟然無😩 最後嗌咗蒸花尾龍𧄌同豉椒花甲雞飯，有驚喜！龍𧄌好滑又好夠味，而且份量一啲都唔少。豉椒花甲份量好多，配咗雞飯，有海鮮有肉有菜，好豐富嘅一餐。想試下佢嘅自助餐，見到好多人食，好好餸。可惜食完上面已經太飽。希望下次有機會試埋龍蝦餐同自助餐。小提示：如果想知佢當日有咩餐，可以出發前打電話去問。

差唔多下午點半鐘，行完山走咗落油塘，突然間醒起，油塘有間大排檔嗰啲海鮮抵食， 於是走去攏吓， 點知去到差唔多乜嘢都賣曬。嗰度有自助餐但係都係餸尾。 女夥記招呼唔錯，介紹咗一個餸同埋一個炒麵。 餸係鵝掌，魚肚，海參，花菇， 仲有啲生菜打底，碟口夠份量。 味道唔錯， 有酒樓水準。 可以裝白飯一碗。 至於牛肉炒麵真係有大排檔風味，碟口夠大，麵脆，牛肉多又諗，加幾條菜芯，個芡啱啱好，食到舐舐脷。因為兩點半就休息， 所以事頭婆重送咗兩個例湯，過例湯都幾清甜， 唔錯。剛來到時見到隔離枱有一碟開邊蒸蝦，樣子都唔錯，我哋想叫但係已經係最後一碟了，下次請早。鵝掌55蚊，碟炒麵40幾蚊。 臨走時事頭婆仲話，如果你哋想食龍蝦，朝頭早十點半打電話去問下有冇貨，可以預訂。

網上吹到咁行，咁就約朋友去試吓，順路去東龍島到打卡。講明先，環境就真係一般般，但係整體其實OK嘅。開邊蒜蓉蝦，細就細啲啦，但呢個價錢都差唔多㗎啦。蝦肉係爽嘅，食得出都幾新鮮。呢個真係冇得輸，比想像中大隻，肉質都好爽口，加埋蒜蓉粉絲真係無敵，淋埋熱油撈飯一流。四個人嘅份量就係咁樣，白飯同湯就任裝，最後講埋碟雞同埋菜，同海鮮相比就真係相當一般，不過其實都係附加野啦。最後講埋佢個放題，種類都多嘅，但係個人就覺得三叫我$55嗰個會比較抵啲😂另外想特別講吓個服務，本來諗住佢啲客通常都係附近啲工人，店員又係紋身大漢，應該比較直接，點知啲店員有笑笑口好有禮貌喎🙈

潘記飯檔嘅位置相當偏遠，如果撘港鐵去到油塘站，由大本型商場行路去到都要二十幾分鐘，或者可撘九巴14X線，撘到去總站落車，然後再行去斜對面就會揾到東源街熟食市場。潘記飯檔設有$40元任食自助餐，小菜種類就唔算話有好多，但勝在每款小菜都煮得非常好味，係屬於真正大排檔嘅小炒，有豆腐火腩、炆豬腩肉🐷、蒸排骨、雲耳蒸雞、咖喱三寶(魚蛋、豬皮、蘿蔔)、各款炒菜、白粥、白飯(任食)、仲有例湯及糖水供應，凍熱飲品另加$6元，除咗任食自助餐外，仲有時令海鮮餐供應，有龍蝦餐配雞飯$55元，豉椒炒花甲配雞飯$55元，蒜茸蒸開邊蝦配雞飯都係$55元，仲有其他種類嘅套餐供應(未能盡錄)，環境雖然一般，但食物質素水準相當高！，順便一提～呢度啲樓面阿姐招呼非常之好，好有禮貌，又有人情味，阿姐會一直講，叫客人慢慢食唔使心急，待客友善程度可見一斑，可列入長期食單之內。

住開依邊都唔知有個咁嘅熟食中心一貫熟食中心格局 主要都係地盤客可以揀龍蝦或蝦餐一律$55 配一小碟白切雞 少少菜粥飯湯菜都可以自己添加咁平當然唔會太大期望但所有嘢係食得入口係滿意嘅唔會係啲咩劣食食飯時間依度啲單係混亂級但係幾個樓面姐姐加埋後生老細被瘋狂催單 食客係咁換枱落單一打十咁嘅情況下都仍然勁高eq會互相講下笑 對客又勁客氣禮貌見你未有嘢食又會follow你叫咗乜佩服自助餐有乜食就無影 想影時都被清得七七八八心得如下：1.十點半後先打電話去預留食乜餐 太早答你唔到 唔留好大機會無得食龍蝦2.超過一個人 最好一點後去到 你唔會夠地盤師傅搶位 亦都坐得好迫3.要好唔介意揦鮓 基本上依度係返返有疫前咁嘅衛生意識

震撼！$55的半邊波士頓龍蝦餐，即叫即蒸，附帶一碟白切雞，白飯例湯任食，最重要的是質素不俗，邊度搵！若非在網上見到KOL講，真的不知道這間位於油塘極偏僻位置的「潘記飯檔」，有這好東西，難怪這天上午11:15分去到已人山人海。幸好一個人，要搭枱絕無問題。 去到便知這間東源街熟食市場內的店家，位置便在觀塘海鮮批發市場隔離，難怪海鮮可以這麼賣得這麼便宜。事前我已收到風要吃龍蝦餐的話，最好十一點半前來到，幸好來到尚有現貨。等候期間，飲碗任添的例湯，是日是蕃茄薯仔雞腳豬骨湯，還OK，應該沒下多少味精，所以味道偏淡，似家常貨色。下單後等了近半小時，龍蝦終於來了。簡簡單單的下蒜同葱去蒸，但卻能保持原材料的味道。半隻龍蝦肉連鉗雖然量不多，但龍蝦肉吃來鮮美彈牙，肉質緊緻，吃得出新鮮程度，整體質素真的不遜附近鯉魚門酒家的出品。雖然吃東西的環境欠佳，無冷氣（幸好近日天氣轉冷），談不上乾淨企理，但要吃便宜東西總要付出代價吧。附帶的白切雞不過不失，我吃的是雞胸肉，當然唔會嫩滑，但肉質唔會過老，至少有合格水平的。未食完，已聽到店家在11:45分便表示龍蝦餐已售罄，除非提前電話預訂，否則下次請早，厲害👍。同枱另一

半隻龍蝦 $35 蒜蓉豉油蒸 龍蝦肉鮮爽 汁送飯一流 巨型蟹鉗海鮮飯 加 凍飲 $55 巨型蟹鉗超大隻肉唔算最新鮮但亦唔霉 蜆飽滿鮮甜 蝦亦算爽彈湯底加入勝瓜 令味道更清爽 海鮮飯 抵食好食 唯獨地點偏遠 環境亦麻麻 論性價比就絕對贏晒