遇過最差的帶位，安排坐位及服務態度差，新開已經唔多人，明明大把位，但限人入！！ 而且帶位的阿姐講野無禮貌，任食限兩個人先可以入座，呢個規矩我冇話要破壞，但服務員的態度勁似歧視一個人嚟食飯，，所以我咪等定量，但明明先嚟，門口帶位阿姐忘記按飛，無記低，就俾後來的人先入，明明一開始話叫你等幾分鐘，結果等咗20分鐘，比後來先上這入，再繼續要你等另一個20分鐘⋯⋯ 請問這服務態度是公司訓練出來的嗎？這樣對客戶？？

食過咁多間咁多次，第一次食葵芳呢間，食物各方面都無乜嘢，正常，但呢間侍應服務態度非常惡劣！尤其一個叫侍應 芬嘅阿姐。 一入去坐低已經俾緊說話你聽，都算，我哋都係想放假，食個安樂茶飯。 最尾終於食完，我哋其實無論口講定係身體姿勢都係要準備走人嘅狀態，個阿姐仲要走過來態度極差、好惡咁提我地夠鐘要交枱，我哋已經答咗佢話，我哋知、我哋準備要走，個阿姐行開咗唔夠30秒，又返嚟，又喺我哋側邊俾說話我哋聽，話我哋過曬鐘好耐，我忍唔住向佢開火，你咁講係咩意思？你見唔到我哋其實都執緊嘢要走？ 跟住個阿姐勁敷衍，，，態度超級有問題！ 放假想同朋友食個飯，輕輕鬆鬆咁都要貼錢買難受，食個飯都要受氣？！ 俾錢食個飯都係欠咗個阿姐，欠咗一鍋堂㗎？ 有呢啲咁嘅侍應、員工，再好食都唔會嚟受氣。

無意中見人介紹，原來屋企附近有間隱世平靚正、家庭式經營餐廳～  以後有多個飯堂～ 海鮮即叫即蒸，鮮嫩多汁，自助餐的餸菜又多選擇而且自助任裝，係油塘呢區真係超值，，
而且老闆一家有時會過來吹水傾偈，原嚟佢地一家係度經營左好耐，有講有笑， 好親切，久違了嘅人情味。 上枱嗰下確實有DD嚇親 呢個蒸魚真係值得一讚👍 蒸到啱啱好，鮮嫩多汁又入味

最近新開，貪新鮮去試咗幾次，都係好失望，唔會再去。 空間上，同以前間明星，間格上唔係爭太遠，但係佢哋為咗坐多啲人，咩都擠埋一齊，好逼，人與人之間太近，如果係要防疫，一早已經唔合格。 另外，咁多間酒樓，佢最吵雜，耳仔好辛苦。 食物品質唔掂，做得好求其，每樣都差啲，嗌左幾樣野，燒味雙拼飯，叉燒好柴又乾又唔入味，飯唔熱又硬，點心還好，鹹水角餡少，唔好食。 價錢: 喺油塘咁多間酒樓點心最貴一間，以為有驚喜，應該都係食佢裝修，搞到好似好貴大上咁，但係坐得唔舒服食物質素又唔得，無心情欣賞。

基本上以前會當呢間餐廳係我嘅飯堂，如果唔係因為我鍾意飲佢哋嘅咖啡，唔會選擇佢哋，食物質素一般、價錢唔平、侍應服務差！ 今次食物質素愈來愈差都算，呢間餐廳啲侍應態度奇差，尤其穿黑衣各位「女士」（經理？）首先，收銀阿姐態度求其，亂咁落單，要等佢同人哋打完一輪牙骹先落得單，所以奉勸各位要check清楚啲單！ 第二，收銀阿姐落錯單，間餐廳，尤其個黑衣阿姐仲要keep住搵位入你、話係你嘅問題！仲要黑面！ 仲要當你落單嘅時候已經double confirm 你要嘅係套餐，唔係單點！！！ 第三，你呢間係越式餐廳，食越南菜，九層塔係一定架啦！越南菜嘅特色，唔通我嚟呢度食中菜，咁既然有啲客嘅口味鍾意多D九層塔嘅味道係咪正常？ 來得食嘢都唔爭在嗰少少錢，要多少少九層塔，啲侍應阿之阿咗，黑面。

所謂新出品的蘋果新地脆，其實係講平時吃開的蘋果派，插入朱古力新地入面，，，換瓶不換酒，甘叫做“新出品”

賣相5吸引，睇到已經後悔。。。
味道不三不四，難吃，蘋果派又酸，而且擺係雪糕裏面，搞到腍嗮又5脆。。。

但係如果要＄10吃嗮以上2樣野，甘算係抵ge!!

呢間甜品店位置偏闢，如果唔係朋友推荐&帶路，淨係行開個幾條大街的我一定唔知!!!

間店的招牌幾得意幾醒目，不過間店唔大，2大group人已經坐左一半!! 去到要等3mins左右。不過，店員(老闆??)好nice~
見到我地要等位，即刻開幾張凳俾我地左，不過我地成班友仔第一次幫襯，凈係顧著睇佢個餐牌&藝人相!!

朋友一直大力推荐佢的‘榴槤奶凍’ &‘榴槤金露’，可惜奶凍賣哂.... ="[[ ， 於是我地點左‘榴槤金露’ & ‘楊枝金露’，果然無推荐錯~
‘榴槤金露’：雖然價錢有小小貴，但比我想像的大碗，而且勁重榴槤味，出乎意料地，有一大塊榴槤肉，而且Ｄ肉的味更啃，應該係我食過的榴槤甜品，最重榴槤味，最好食ge~ 對於鐘意食榴槤的朋友仔應該係一大享受~ =]]]

最後，我地走的時候，店員(老闆??)都有派卡片俾我地每一個，仲好nice甘問今日的食物點~!!!!!!! (應該係新開無耐，自己經營的小店吧~)

overall, 好好的服務態度，好有心機& dum本的甜品，相比起機械式，冷漠的連鎖甜品店，我會更鐘意/支持呢一類的小商店~!!!!!! =]]]]