漢陽苑韓國料理 (已結業)

當日12點幾去到,人流都唔少呀~每人80元左右~要加1勝在唔係好嘈,果日10人行~坐大枱,出出入入就唔係好方便事關我坐最中間果個..haha唯有每次同朋友結伴出去取食物吧~ 韓式炒粉絲~很棒呀,熟食的菜類都有好多.不過有d就較為咸... 最愛就係牛肉,尤魚呀!!!!而且擺放的位置又唔會太高都幾衛生,客人取左好多之後,又好快加返d新的材料呢次取碟果陣,都覺得比上次clean左呀,又衛生左呢~情況有改善!!好的!!!waiter服務態度也不錯呀 雪糕方面~有紅豆,曲奇味!很特別,又幾受歡迎,要排隊取雪糕tim呀不過又硬左d...而且好實呀用少d力都唔得呀=v=||||見曲奇雪糕,真係好多oreo,都幾滿意的~ 豆腐花,真係幾滑呀,不會太甜~有幸福的感覺!!!凍水蜜桃,酸梅湯也不錯的!!解渴之選~ 翠玉瓜,比較油膩~不過爽口,賣相ok的! 刺身,壽司方面普普通通,尚衛生~雖然熟食的食物擺放係迫左少少..幸好賣相都不錯的!但係款式都幾多,有時又會換新款,有d較辣的泡菜,我就無食仲有d炸物....>00< 唔敢食,怕喉嚨痛~呢次真係食左好多野呀,超滿足的!!!!

今晚，我去了一間環境和服務都ok的餐廳。There is a lot of food like sushi, salmon, vegetables, different types of meat and hot food. Each of us paid $140. We think it was worth cause you can't find another buffet dinner cheaper than this one on Christmas Eve.

漢陽苑的分店非常多，記憶中地面都是黏黏的、座位都是臭臭的。唯獨這一間荃灣漢陽苑地方非常光猛乾淨，未就座已經會令你留下好印象。食物質素不賴，招牌的醃牛肉及牛仔骨絕對是水準之作。值得一提的是甜品，無論是西米露、涼粉或豆腐花，質素都令人驚喜。

呢間漢陽苑唔知係唔係新開，地方好乾淨，最重要係冇煙，唔會成個埸煙霧迷漫侍應姐姐好勤力換鐵板，燒燒下佢自己過嚟換，very good….食物方面，生嘅食物種類好多，有金茹牛肉卷，牛肉，羊肉，豬肉…..咖啡蟹唔錯，熱辣辣，好大隻但三文魚好少，好似出咗兩三碟，一出就俾人攞晒總而言之，呢間有機會的話，會再食過但記得一定要book位，book 咗都要等十五分鐘左右，我冇book，等咗九個字….

今日好晏先收工,所以無煮飯,係公司附近既漢陽苑食韓燒,可能呢區唔係繁忙地區,所以我地兩個人都可以坐卡位,闊落又舒服,最緊要係佢有好幾部大電視,可以睇埋電視劇,慢慢食唔洗趕返屋企睇.入返正題,由於好耐都冇食過韓燒,今次既質素都ok呀,佢d生食物加既調味料味道幾好,唔會得個咸字,食完之後都冇好口渴既情況,款式都好多,而佢地d小吃呀,熟食呀,更加唔洗講la,亦都好多款式,又有甜品and生果,得閒偷懶唔煮飯黎燒一燒都好舒服.仲有呀,原來佢地lunch有d set lunch架,好似茶餐廳既抄粉麵飯同一杯野飲,都係廿零蚊,下次試過再黎發表下意見.

唔知叫唔叫幫佢地大平反啦！咁係因為今日去完，覺得都幾好，於是就上黎睇下，有無咩評語！ 點知，原來唔係我所覺得既咁好，所以就上黎打下囉！第一次打咋！稀望以後都做下多d食評家啦！ 話說今日我個friend生日，幾經波折，先商量好去邊度食，突然有人閃出一句"漢陽苑！"(省略上千字...)So一大棚人浩浩蕩蕩地去到荃灣漢陽苑。去到本來都坐得七七八八，加埋我地，滿左！ 廢話唔好講，其實我就覺得d野基本上都算好食，話說本人都為食！三文魚，賣飛弗，但係一般般啦~不過有得食，都算係咁！牛仔骨，牛舌，突然變左本人最愛！好正！咖喱雞串同多春魚都唔錯，冬蔭公湯都ok，不過有d辣！個d咩咩甜品糕，反而令我有驚喜！仲有好多唔同味既雪糕添啊！ 不過，個d咖喱蟹就唔多掂！好似BB仔咁！只可用啜，不可咬肉，叫人無奈... 大致上黎講，都可以啊！岩岩入去個陣，以為裝修錯左：好grand！好堂煌！仲有啊！仲有生日歌比我地聽添啊！d 侍應姐姐好好人！都唔會話無禮貌啊！開p之選！

今日一行三人去荃灣漢陽苑食晚飯, 食物質素一般, 但服務態度奇差開始都係食野, 食左1個鐘零15分鐘後, 突然有一女侍應叫我地先埋單, 話我地只剩15分鐘食, 我地完全唔知道三人只可食個半小時呢條規矩, 但此女侍應竟聲稱同事已向我地講清楚, 我向女侍應表明我可以好肯定由打電話訂位, 到帶位入座都時無人講過, 女侍應無俾任何反應我地, 只係等我地找數…..都算… 我地1.5 小時後離開, 出去睇吓有無寫明只限食1.5小時, 發現成間舖只有擺食物的上方位置貼左呢條規矩, 攞野食嗰時完全睇唔到, 問企喺門口個女部長, 佢又話帶位同事一定有講, 完全無聽我地嘅不滿, “唔好意思”都無1句, 仲好串咁反問我地係邊個帶我地入去如果一開始係知道有限時, 或者d服務態度好d, 一定唔會咁嬲, 以後一定唔會再食呢度!!!!!

荃灣一向都只得一間韓國燒烤，現在西樓角商場終於開多了一間了！上次同老公班朋友去，因為太多人又掛住吹水，所以食得很少嘢，未敢寫食評……上星期同二佬二嫂加老公四個人去食，可以慢慢試多 d 嘢。鍾類都算多，生熟都多，百多蚊當然唔會比什麼好嘢你食啦，三文魚剌身已經係唔食好過食嘅貴嘢喇…… d 三文魚都唔知雪咗幾耐，一 d 三文魚味都無……前菜都係菜呀！大豆芽呀！粉絲果 d 啦……無乜特別……炸豬扒、魚柳炸到超乾，唔駛食……燒烤款式都多，多春魚、尤魚、矮瓜、鮮冬菇等，但貴 d 肉類略嫌咸咗 d……飲品任飲，但只是酸梅湯、豆漿同好甜嘅糖水，汽水每罐要收 $2，但起無可選擇下我都係飲汽水，我都要飲 (但汽水係百事、七喜同一 d 極少見嘅橙汁、蘋果味……)好彩佢燒烤嘅種類都算多，味道都可以，但不會覺得 “好味丫！”……其餘仲有咖喱蚧、豬腳薑、魚旦、炒飯咁啦……都係唔好有什麼期望喇~~甜品比較好味嘅係椰汁西米糕同雪糕……P.S. 食完第二日我老公先講……原來果晚起漢陽苑食咖喱蚧時，食到條橡筯，攪到成口膠味…… 唔怪得佢果晚咁細食啦！雖然起香港食肆嚟講唔算係乜嘢大件事，但今次係橡筋，下次可以係蛇蟲鼠蟻，請

今晚,,, 我同我男朋友.. 媽咪.. 妹妹.. 同工人,, 一同五行去荃灣新領域廣場一樓果間漢陽苑`開頭系報紙見到有9折優惠,, ----好奇驅使下.. 諗住一試去到,, 見場內都幾多人.. 心諗,, 有好野食!!! 一開始,, 都沒事的... 不過食物既種類不多 (比類似餐廳)味道同衛生都一般,, 系幾盤食物上(肉類) 有頭髮,, 之後,, 燒左一陣.. 我地想換鐵板甲服務員既態度已經不太友善 (第一次換) 更表示我地 唔應該太大火 (只系中火)我地都好好,, 有聽佢講....由於我既工人唔可以食豬肉,, 所以 我都好小心...通常唔肯定既,, 我都會問下 (安全d 丫ma ,, )(同一種食物)一次問一位男待應,, "..... 唔太清楚,, 等一陣"佢就問甲服務員,, 甲服務員當時態度有點想發火其後,, 再要求換鐵板.... 一位疑似經理既人既人又鬧"太多油na`"更表示唔洗換,,, = =不過,, 最後佢都有換到十點九到,, 甲服務員同我地講十一點會收食物,, 再沒有任何食物但報紙,, 門外,,雜誌,, 上都表明系九點半至十二點半我地進一步問甲服務員,, 佢指 我地只系可以食

3日前同fd去食韓燒傾左2個鐘決定左去呢間之前聽fd講佢食過但d野食唔好味不過近近地就算啦唔係好記得食左d咩不過都唔少雞串勁入味.正牛肉,羊肉,豬肉同其他分店既味道差唔多啦,冇咩特別三文魚食左好多塊.差唔多一出比我拎晒好新鮮,正雪糕食左綠茶味,好濃甜品有D好似大菜糕既野,一層層唔同顏色.但唔知咩黎,又幾好味-_-食到大約10點半就好飽咁離開

荃灣比較少有韓燒既地方, 想食就唯有揀去漢陽苑帶位員見我地1行3人就拿拿聲帶我地入座, 但進場後發覺與另1班人合座1張唔算大既6人台 , 對方唔想, 我地又唔想, 個位又唔夠冷氣又焗喎,就叫左個服務員幫我地開大個冷氣喇 擾攘一輪, 朋友再問另1個服務員開大左D冷氣未, 但佢就用不願回答既語氣再加上做到死死下既樣HEA我地, 我地見服務與座位都唔好, 唔食就誂住走喇 但果位服務員突然行出黎唔俾我地走, 用唔友善加威脅既態度話我地拎左食物上台就唔走得(我地無食過+食物只係一少碟), 原本費時再煩唔食野直接走, 但佢咁樣我地唯有開口指出佢處理和態度不當的地方, 佢見我地出聲反擊, 又即時放我地走喎 之前見平平地又近先再幫襯, 俾錢食飯未食仲要受氣 為乜? 今時今日咁既服務態度係唔得咖!! 最慘係食物又唔係好味!

第一次去漢陽苑韓燒，之前就去過東大門因為一直聽人講話漢陽苑不值得去很cheap如此類推..結果...卻令我又驚又喜: )我們五少女去韓燒，但有一個要遲大半小時才來但當人有人趕著要走，所以問職員可否早點開始職員想又想，結果幫我們廷長了時間...遲了二十多分鐘才開始謝謝喔!生食物種類尚算可接受..連熟食都有很多種，真的不錯!!也有壽司、三文魚，甜品吧有雪糕,jelly,豆腐花，總之我好滿意燒牛舌和雞串係我最愛!!: )真的好好味..不過唔記得點麻油加鹽,失望..熟食物我認為韓式前菜不錯,,蔬菜類也很足很入味...不過d薯條脆到你唔信，又無薯仔味..壽司麻麻地，好大舊飯，三文魚都算過得去..其實環境不錯很舒適..服務生又自動幫我們換燒架..服務態度真不錯存放食物的地方又乾淨，所以食得好放心!: )就算我地食到夠鐘都唔趕我地走!真係好好: )真係一次好享受的韓燒,燒得一點也不急,,因為之前去東大門的經驗真的一般，很嘈吵感覺好感促所以一定會推介!

20.6.09 (星期六) 與友人到此午膳，因我下午仍要上班未能騰出太多時間的關係，我們沒有吃燒烤自助餐，只點選韓式特價午餐。友人的選擇：豬扒湯麵 (可轉烏冬) ($33 + 10%) - 連湯、兩款前菜及甜品頗大的一碗湯拉麵，有三件帶骨豬扒，加上一些蔬菜；友人說味道不俗，只嫌豬扒有點兒燒焦。我的選擇：韓式石頭飯 (任選一款：牛肉 / 豬肉 / 雞肉) ($40 + 10%) - 連湯、一款前菜及甜品石鍋端上桌時熱騰騰、香噴噴，份量十足，而店員還細心地查問嗜辣程度並替我把牛肉飯拌勻，還把半碟辣醬留下給我待用。至於味道，稍嫌淡口，可能我比較喜歡濃味的關係吧！不過，我仍能把它吃過清光，因為飯內配料甚多，而且鍋內還黏有薄薄的飯焦，很可口呢！原來特價午餐還會提供湯、前菜及甜品，很經濟實惠喔！當天的例湯是青紅蘿蔔湯，沒甚期望，味道還可以；前菜是韓式粉絲、翠玉瓜及辣泡菜，味道算是不錯，不能苛求，而且還可以免費再添；甜品是西米紅豆沙，賣相雖然普通，但味道頗佳，而且不太甜。此食肆我是頭一趟光顧，發覺地方整潔、寬敞，店員服務蠻不錯；看見燒烤自助餐提供的食物也很衛生，收費亦挺化算，所以食客也不少，改天我定

第一次寫....咁上次我見好耐無食過韓燒...就約埋d fd去食....因為食午餐..所以都唔算好多人去到就刻夾野食....不過佢d肉寫就寫住豬...但夾左上黎...好似牛黎的.....好難分到邊樣打邊樣...燒羅d肉..我就覺得甜左d.....另外熟食...太多數都凍左...味道都唔錯的甜品...豆"付"花幾好食...可以自已落糖...唔食得甜的..可以落少d又有雪糕....生果都有....整體黎講..都幾好...未食過可以試下

食之前上來看左D關於漢陽苑韓國料理嫁食評，話好好食，又好少食韓燒，咁就走左去食…我同4個FD11:30去到，在門口等左約4mins，先有人出來叫我地入去…入到去，見到D裝修都唔錯，幾新下，D位都幾好坐。可能剛剛開門，一開始冇咩野食。得D湯(冬陰公、人參雞湯等)、飲品(豆漿、酸梅湯、蜜桃汁、汽水)、少少熟食(泡菜、咖哩魚蛋、菜、豆腐花、芝麻花等)和要燒先食得的食物(牛肉，羊肉、腸仔、咖哩魷魚等)。我地冇飲D湯。豆漿好好味，值得一試。咖哩魚蛋唔辣，D炸芝麻花，冇味，硬。我地左D牛肉，羊肉，但係我個FD話D牛肉燒完出來好甜，我都覺得好濃味，羊肉就濃味得幾好食。有D冇淹過嫁牛肉，燒完之後好難食，又硬又冇味。過左一陣，出面出多左野食，有壽司，但冇三文魚的。而且D飯好硬，好似雪左好久。有個用皮包住嫁壽司，幾好食。又有要燒的多春魚、魚肉、牛舌、牛仔骨。又有D炸三文魚(粉多，好油)，用葉包住嫁雞(冇咩味)等等。後來有D甜品，有椰汁西米糕(好食)、泰國糕點(甜到我想吐)、紅豆味，芝麻味，綠茶味同雲里拿味雪糕，綠茶味都幾好食。仲有涼粉、橙。我地食左約2個鐘，走個陣先見到佢出金菰肥牛。不過食完真係好肥同飽