漢年茶餐廳

营业中

休息中

平日都好少去開沙田大圍呢邊，基本上對呢邊既食店係一無所知。今日要黎呢邊做野，咁就當然又係搵下有咩好食啦。發現了這間餐廳，又大家大讚既鹽焗雞飯，決定午餐黎呢度食啦。大概 1 點鐘去到都唔係話勁多人，仲有d空位，但之後客人就越來越多啦。最後要左個鹽焗雞飯炒底，個阿姐問我要一碟定一碗我先知原來可以要少d，真係好啦，因為一碟我一定食唔哂，叫一碗平 $3。但呢一碗黎到我心諗早知都叫佢少飯啦，因為份量都依然幾大下。效率好快呀，個飯好快就黎到啦。個炒飯黎到好靚架，炒到金黃色，真係好吸引，見到勁多蛋。不過一食落去覺得個味道同外表唔太相乎喎，味道偏淡，無咩味，而且唔算勁乾爽，有少少油，所以勉勉強強啦。個雞都OK好食既，有雞味，D肉又滑，一D都唔UN，不過肥左少少。唔點沙薑都好夠味，點埋又係另一種感覺同味道，會惹味D。叫埋杯咖啡總共 $40，咖啡偏淡，不過好在唔酸，但好似多奶左少少。都食得過既，偶一為之都唔錯呀。

五月卅一日．晴喝完本地最正宗的檸「蜜」後，搭了程船返出市區，手機頻道終於跳回Smartone了！道別專兄後，與兩位廚友繼續去吃，但戰力與時間極度不足下，最後只能試埋大圍漢年鹽焗雞。首次來是兩年前同KC、專兄等食友踩單車上大尾篤前的起步點，喝了杯唔多好飲的奶茶，卻想不到再來是因為尋晚廚友的一張相．．．由大圍A出口行幾分鐘就到，店內明明有位，廚友卻企在門外猶豫好一會，又不是龍門客棧，三人叫一碟雞飯其實都不是好過分吧，用不著出到街邊吃咁避忌．．．是一張飯粒炒得金黃的靚相，而鹹雞只是配角，今日實際情況是，要了鹽焗雞炒底，鹹雞味道好重，如廚友所言是雞汁浸出的雞味，雞肉鬆化欠彈性，純雞汁取勝，比起方才正宗客家版本，當然是天然雞味更得大家歡心。炒飯在相中是靚靚仔仔的，出到來卻是欠熱度的炒飯，唔油但欠鑊氣帶出香味，好一般。喝著一杯沒茶香的奶茶，笑談了個多小時，要傾的話題多的是，是美食太多時間太少吧！

08-12-27漢年鹽焗雞飯$31好懷念客家菜館嘅鹽焗雞,以前食過呢度同客家菜館不相伯仲,去開沙田都特登喺大圍停一停雞食落好滑但冇以前咁有肉味,應該冰鮮,我聽到如果要用新鮮雞整嘅一隻要賣$200呀, 雞肉整得好入味,連啲骨都有味,個雞點沙薑一流,撈飯仲好食, 不過唔好點太多,會好口渴,今次啲飯有少少乾,整體都好食, 好食過出面好多地方,所以間唔中就心思思想嚟合共$31

一個人來到大圍,吃不到楓林小館,便找到漢年,來一個鹽焗雞炒底,印象中,"茶餐廳"三個字永遠是與"叉燒"聯繫在一起的,以鹽焗雞聞名的茶餐廳倒是第一次聽說,好奇之餘,更是有許多的期待本以為炒底是要等多一陣的,誰知廚房的效率竟出奇地高,讓飢腸轆轆的我不禁喜出望外,落單時,尚覺得37蚊一個飯以一間不在鬧市的茶餐廳來說始終有些不抵食,此時才發現原來一點也不貴,炒底超大碟之餘,鹽焗雞亦不少,似有整隻雞髀那麼多,若是平日,這樣一份飯大約夠兩個我吃了是餐光看賣相便知味道不俗,雞肉用的是上等部位,肉質嫩滑,吃得出雞味,這是雪過的雞肉無論如何都做不到的,皮下脂肪厚度適中,點上醬,夾埋雞肉一起食落肚真是口感無敵!炒底方面也做得不錯,出面吃到的炒底通常不是過乾便是過油,但這裡的師傅卻能將飯炒到粒粒飽滿有光澤,卻又毫不油膩,雞蛋更是絲絲金黃,實在是叫人想不讃都難!

鹽焗雞飯炒底的確好味，鹽焗雞鹹香有致，皮滑肉嫩，就連翼尖也很滑溜，很有味。店家另上了一小碟沙薑，醬料鹹中帶甜，雞件點了，味道上立刻帶來微妙變化。炒飯不只份量可觀，而且十分惹味，炒得既乾身，又不油膩，飯粒分明，差不多每粒都被蛋漿包圍，沒有一口是白飯，吃得人甚爲起勁！雖然炒底要多加六元，但真的不錯，值得一試！

聽說這兒的鹽焗雞很出色，況且距離辦公室只有一站之遙，試一試，何樂而不為 ?普通茶記有鹽焗雞吃已是異數，而且聽說這裏用的竟然是新鮮雞，那就更是異數之中之異數了。不試怎行 ?看見食友的推介，有樣學樣，也來一個鹽焗雞飯炒底。只獨沽一味，就夠了.....碟頭實在大得很，是街坊茶記的特色。炒飯未吃時已嗅到蛋香，食指大動。飯粒尚算分明，並無一嚿嚿之弊病。不過吃上口卻感到很油，吃多點已覺得有點膩了。但無可否認，用上炒飯伴雞吃確是比普通白飯更香更惹味，所以就算是油一點，也尚可接受，就當是吃海南雞飯內的雞油飯吧一如眾食友所說，雞的確是鮮貨，肉帶點肥而且極有咬頭，味當然比雪藏貨濃得多，而且鹹度又適中。老實說，跟那些名店的出品相比，水準甚至猶有過之.....真想不到如此隱蔽的茶記竟有如此好雞，實在走漏眼了....想起上次OR試食時編輯提過小弟心目中有何平靚正的食肆推介，此店必然是on the list了

約友人出外吃飯, 談談現在近況將來...見食評讚這裡雞飯好味, 兼近友人住所., 所以到此一遊.一到了, 二話不說, 叫了鹽焗雞飯, 和奶茶.雞肉真係本身都好有味, 根本不用點醬汁...難怪, 下午兩點幾, 仍然有大把人等位食 午飯....另外, 熱奶茶, 好滑, 正宗茶餐廳絲襪奶茶....

星期六去開大圍做嘢,一做就做到3點鐘,雖然附近食肆唔少但唔知邊間好,本來想去新强記,半路經過呢間茶餐廳,記憶中好似幾好,又試吓.地方好地痞,叫咗好多人讚嘅鹽焗雞飯($31)加凍奶茶($7).鹽焗雞果然不俗,咸咸地有雞味,仲有幾條菜伴碟,價錢又唔貴,杯奶茶都好正,冲得夠滑.

同屋企人食厭左屋企附近既餐廳，特登過黎大圍食，見呢間的食評幾好，就選擇左呢間試試。地點好近火車站，都幾易搵，我地六點幾去到，不太多人，叫了：鹽焗雞飯炒底：雞不算好滑，但食得出係鮮雞，好鮮味，亦有鹽焗的香味，炒飯亦很正！真的很不錯！陳皮鴨湯飯：湯都很有鮮味，鴨的份量亦很多，鴨肉很滑，正！星洲炒米：夠鑊氣，不錯！食物質素於一般茶餐廳來說真的令人驚喜，價錢亦大眾化，又多一個搵食好去處了！

漢年茶餐廳位於大圍積福街油站對面，一間毫不起眼的茶餐廳；但他的香濃幼滑奶茶及鹽焗雞飯 「炒底」，水準極高，令人回味無窮。而且地點隱蔽，是職業司機的茶水補給站；食品選擇繁多，但是我們夫妻倆始終是奶茶及鹽焗雞飯忠心不二的粉絲。 發現這間茶餐廳，出自一次偶然機會，事源於數年前與友人踏單車後，往大圍稍事休息之後就各自回家， 在隨意選擇之下步入漢年；品嚐一口冰凍奶茶後驚喜不已。加上大部份座上客 ( 的士司機 ) 都點鹽焗雞飯，令我留下印象，因此立定主意下次一定要試這款招牌美食。之後有機會到沙田區就來吃鹽焗雞飯 ，或斬半隻雞回家吃。

3月15日去到大圍都唔知有什麼好食便入了這一間飯店，叫了一客干燒伊麵及蕃茄牛肉飯。干燒伊麵不油，而且好好味，蕃茄牛肉飯有好香的蕃茄味及牛肉好淋，份量好大呀。看到其他食客都有叫鹽焗雞飯，好似好好味，下次再入大埔會再來食的。

聽說這裡的鹽焗雞飯幾得，便在假期，開始我們新界一日試食團的第一餐。我們叫了一碟鹽焗雞飯、及凍熱奶茶各一。碟鹽焗雞飯- 雞係新鮮雞，還帶有很香的黃油，唔算太肥，雞肉嫩滑好味；飯吸收了黃油的香味，也變得非常美味又出色，值得推介。凍熱奶茶- 熱奶茶只落了很少糖便很甜，有點像茶走一樣，但問侍應又話唔係，但飲落又真係有煉奶的感覺，真奇怪，難道自已飲錯；凍奶茶，味道都幾好，還帶有點點茶味，但奶味明顯偏重。如不是還有很多地方未去，一定試多幾樣！

相約一眾圍內朋友去玩一天，絕對稱心高興，由這間茶餐廳開始。年紀大，因為配額已預留給一眾美食，所以即食麵已不常吃。但當在需要體力透支前，又好像吃個麵打打底好正路。選這裡，純因為佢個門口幾「茶記感覺」，同埋佢都幾多人客在吃，應該不錯吧！十一時零四分入座，問阿姐可否網開一面，給我們叫至十一時的早餐，她堅決不從，幾有原則，唯有叫常餐。要了個腿蛋丁，加杯熱咖啡。煮出前一丁麵是沒有難度的，只要有滾水及不煮太久，用回包裝內的湯粉味道就一定不錯。不過比較起T兄的普通即食麵，似乎好日唔食，這兩蚊是唔慳得。火腿沒煎過，浸了湯也是凍凍的，反而蛋是流黃的溏心，不錯；咖啡幾香，交到功課。另外見到Oli的叉燒煎蛋三文治都幾靚仔，蛋煎得又厚又鬆，果然識揀。阿姐雖然堅決不能通融，讓我們叫早餐，但服務是幾好的。如跌了叉子，很忙都記得轉頭就拿來。食友還說單是這點，已比之前吃過的新開高檔西餐餐好多了。埋單98蚊，每人不用20蚊，經濟抵食。會合遲來的藍月，我們食飽飽可以出發去踩單車了。

長征前先來個早午餐，本來想叫茶餐，但係發覺有叉燒炒蛋三文治，毫不考慮下叫了。厚厚的雞蛋、叉燒份量不少，料十足，雖然做法好簡單，但頗有水準。而奶茶亦算合格，夠香濃。除了惡男那塊浸到淋淋的豬扒，非常唔合格外，其餘各人的茶餐及陳小姐的果沾多都不錯。

原本想食雞飯, 見個午餐有炒河就試下啦, 點之出事, 都幾難食。下次都係食雞飯算數!