渔米粥(罗湖店)

完骨一心諗住食埋隻鹽焗雞就番香港點知七點零鐘坐低都話賣哂(已經連續二次無得食)平時都有幫襯開(行街按摩都幾就腳)D食物新鮮又夠鑊氣:)生炒菜芯(香港少見)黃魚醃耐DD重正(好在有煲底D料頭隔油)田雞新鮮調味剛好(點解咁多下庄)菜莆粒可以加到分(咸香爽口)聞香不見影(刀功果然幼細)小二算帳唔該:)…查看更多

嚟過魚米粥好多次但每次我都係食小菜，我一次都未試過食呢到嘅粥底火鍋。每次嚟都係為咗食鄉村碌鵝而嚟，講得每次都係為食呢款菜色而嚟，更係覺得碌鵝非常美味啲，鵝肉嫩滑炆得入味（雖然今次差咗小小，但基本上我嚟咁多次出品都係穩定），煎釀尖椒啲魚肉彈牙椒爽脆煎得香口正，野山椒炒棷菜好食小小辣，有啲似川菜係啲油多咗啲，瓦撐焗水庫大魚頭，魚頭新鮮食落口有柱侯醬啲香味口感滑流好食，嚟呢到每次都係滿意而回。…查看更多

之前在openrice睇見都有幾多人去過呢間嘢食, 而且食評都幾好, 於是去試試.比其他地方好, 一去到就用熱水幫你洗咗d碗筷先. 俾你食得安心.:)今次食咗都好多嘢, 包括炒鮮奶,油條..仲有以下的:仲有一個無影相, 就係湯喇. 超好味, 佢果到有好多唔同的湯, 值得一試.本人對味精係有反應的, 如果夜晚食咗就瞓唔到仲要成晚飲水, 而去完呢度食都無事. 所以如果有朋友同我都對味精敏感的話就唔怕去呢間到食嘢喇.除咗呢間仲有另外兩間的, 影個地址及電話俾大家.…查看更多

要在鐵路沿線找特色食店,在深圳會好一點,畢竟是一個發展成熟的社區,再北靠就有難度.香港雖然亦有粥底火鍋,但配料往往困在死胡同,不及深圳般,乜都可以放入口,就以今次為例,活生生的沙蟲,少見的鱘龍魚片,就連生劏鱷魚亦見過,恐怕少點膽色亦不敢食,其實,漁米粥的順德菜食材扎實,有板有眼,部份比起粥鍋更吸引.踫上世界杯的日子,總要及早訂房,差不多十八人的飯局,佔了店內最大的廂房,擺兩圍又可以睇波,是雙重享受,誰不知電視機竟然壊了,跟經理交涉近半小時,再去大堂換回一部先有世界杯睇,算是當中的小插曲吧!說回來,從大門走進大廳,先是河鮮區,陳列各動特別河鮮,左側是一長列玻璃窗,可以目睹一眾師傅在炒菜,情形跟沙田十八廚房的一樣,右手邊是順德名物碌鵝的製作專檯,香味在空氣中散發,真是未食已經心動.大堂不設廂房,而且幾逼挾,要私人空間,請上一層,但一般只容納十位八位,唯獨是得一間房可以擺兩圍,人多就一定要及早訂,因為實在太多人,個人去過三四次,每次未到七點半已經差不多全院滿座.兩年前初次食,以粥鍋主打,結果中午小肥羊,下午茶潮泰,一日三餐火鍋,幾痴線下,今次改以順德菜主力,另加少許特色灼料作火鍋,反而滿意得多.鄉村碌鵝是店方名物之一,鵝肉雖然比較結實,煎過的鵝皮更香,皮下脂肪經長時間的炆煮後,跟肉汁混成一體,濃稠香甜,其實鵝什比鵝肉更吸引,只可惜滷得太耐,部份韌得咬不開...........:)另一道家鄉菜是鐡盤面豉焗鵝,跟碌鵝是大同子小異,只不過加入面豉,然後再用錫箔紙將鐡碟包起再焗,將紙割開,濃郁的香味湧出,而且肉汁又不會流失,肉質比碌鵝更嫩滑,味道更集中,兩者比較,個人欣賞後者得多......................而均安煎魚餅每件煎得微黃的外層,內面熱辣辣,每口都充滿魚香,又不會過於死實,有時平凡的小菜,反而感受到師傅的功夫.................:)煎焗魚嘴用的是大魚頭,從中剖開,但今次過火得多,表皮深沉黝黑,更加有焦炭味,而且少了一朕薑蔥的芳香,相對於名苑,順得聯誼會或樂壽,就比漁米粥好得多.同一樣的煎焗菜,煎焗竹腸用薑蔥炒煎過的竹腸,香味突出,加上青紅椒片,令色澤更亮麗可人,竹腸煙韌有嚼勁,如果加上一枝啤酒,一路睇波就更完美...........所謂煎釀尖椒,說穿了還不過是煎釀三寶,賣相毫不突出,食味又平平無奇.雖然是簡簡單單的菜遠蒸家雞,但內地雞真的不一樣,肉味濃得多,單是皮下脂肪薄,雞油少,肉嫩滑,好有家常風味,又何須落味精?鳳城魚面炒牛奶說是大良炒鮮奶的改良版亦可以,今次加入魚肉及蔥花一齊炒,將腥味減低,但火喉掌握得不好,水汪汪的質感,奶味太輕,相信收收水,讓奶味再濃厚點就更好.上一次用白米粥底,食味平常,今次改用粟米粥底,本身已經有粟米的甜味,當用各樣食材煮沸過,將精華都滲入粥底內,來得自然的肉味及鮮味都溶入粥,單是食粥底已經好好味.相信食過新鮮沙蟲的人少之又少,反而沙蟲乾煲湯鮮甜甘和,有食用療效,下咽喉火最好,講真,新鮮沙蟲在蠕動時的確又幾恐怖,去清內臟後只須灼一陣,爽脆彈牙,口感幾特別,難得遇到,一定要試..................:)而白灼大頭蝦,其實是羅豉蝦,淡水蝦中的大隻佬,食味只是一般,蝦味都凝聚在蝦膏內,但蝦肉未算鮮濃,而且比較削,但如果用於冬蔭公上,味道會截然不同.今次每隻都是新鮮貨,肉質彈牙有嚼勁,蘸點少許醬油提味好好多...............原條鱘龍魚片,用作火鍋料,魚骨用椒鹽處理,一魚兩食,灼過的魚片,肉質細緻,魚味其實比想像中輕,而魚骨雖然過火,反而幾香口,黏著骨頭少許魚肉,炸得香脆..................:)雖然四寶丸在香港隨時食到,但基本上都是熟料,今次幾款都是生料,肉質比較有保證,新鮮得多.灼豬什其實無乜特別,不過肉味都流入粥內,感覺似食豬什粥.其實仲有油條,菜芯頭幾種配料,但都是一般火鍋料.以前東園路都有另一間用粥底火鍋店,但都已經支撐不住關門大吉,反而漁米粥的順德菜做得出色,幾次來都人氣暢旺,有機會一定會再來.…查看更多

從大鵬古城回來，在國貿附近落車，找了半天才找到漁米粥。由於離吃晚飯的時間尚早，實在吃不下粥火鍋，所以只點了三個菜便算了。味道可以，勝在地方夠大大，夠氣派呀!葱油掌翼: 掌翼爽脆，葱很甜;上湯浸魚角: 一般，勝在不油膩;韮菜花炒鷄雜: 一般, 油多了。…查看更多

和同事共三人星期一上深圳公幹, 午餐時段選在漁米粥, 店內顧客不多, 祗有小貓三數枱; 顯得有點冷清. 三人點了 : 煎焗魚咀 - 有 6 個半邊魚頭 ( 即合共用咗 3 個魚頭啦 ), 魚頭不大; 可以用小來形容, 魚頭需煎得香脆, 但取价 RMB70 就實在太貴了, 大魚頭在國內根本不值錢嘛, 何況個魚頭咁細個, 需好吃也覺不值. :( 碌鵝 - 要了例牌, 鵝肉味濃也不肥, 炆鵝醬汁把鵝炆得又香又淋又惹味,:):) 齋鵝汁送白飯也可連吃 2 碗呀. 煎焗生蠔 - 一碟 6 只, 以這個季節來說這生蠔是算夠肥和蠔味不差了, 好似是 RMB58-, 又係偏貴 生炒水冬芥菜 - 應放了豬油炒, 需好吃但油多到嚇死你, 可能廚房也自覺油下得過份吧, 竟在菜下放了吸油紙. 蔥油撈麵 - 超好吃:):):), 吃得出加了豬油一起撈, 竟給我有種孩童時代吃街邊炒麵的回憶味道, 好吃到我停不了口. 蔥油瓦罉飯 - 大大的一煲, 但蔥油味不濃, 和白飯分別不大, 取价 RMB28, 早知叫白飯:(. 沒有叫其它飲品啤酒, 三人埋單 RMB275-, 此店食物味道不錯, 但貴了點點.... 我想這就是午膳時間都咁少客人的主要原因吧 ! …查看更多

上年時間 有次跟旅行團去深圳南澳一天游午餐安排來這處用膳 本來多想這只是隨意中午用餐的一個地方誰不知驚喜連連地方乾淨清幽 裝潢一片鄉村農莊感覺服務出眾 雖當日是旅行團餐 但每一台都有位小姑娘分配由落料到粥底至分菜 都由她一手包辦最特別是將食具都一下子放在爐窩內 再放熱水清潔 好特別食品值得推薦 當時導遊叫無米粥原來是將米打碎成糊 開爐時加入肉丸蜆貝等成為一碗無米粒但充滿味道的白粥 相當好!可惜 下面網友都說這裡價格頗貴那我都不考慮再來…查看更多

知道呢到火鍋已經出名, 所以試吓小炒.......跟旅行團兩日一夜遊, 在羅湖口岸散隊, 便預早訂位, 希望獨立廳房, 一班人食得free D, 而廳房最低消費人民幣$650.-; 好彩有訂檯, 約六時半左右, 已經全院滿座. 一路步入大廳, 好多老火湯, 一煲煲整整齊齊的放好, 好有氣勢, 太多品種非常吸引, 都唔知揀邊款....終於選擇了粉葛赤小豆鯪魚湯超正 點止大煲湯吸引, 還有鵝、一條條貌似燒腩仔物體, 後來才知叫脆炸叉燒, 好好味.............. 經理推介炆碌鵝, 其中加入好多配料, 尤以筍吸了鵝同醬料, 好入味...還用大鍋邊吃邊炆,... 煎魚咀及煎魚唇翅, 一定要叫, 好香脆, 魚雲好滑, 好Juicy呀! 應有少少醃料, 更覺鮮味無腥味, 新鮮! 生煎素菇包及蘿蔔薄罉(唔係好記得名字), 兩款可以叫半打或一打. 生煎素菇包還用鐵板上, 包外表是脆脆的, 裹面是好香有汁的菇類, 好juicy 又有口感, 一個字 正 而釀鯪魚及煎釀豆腐, 味道則一般埋單連3支啤酒, 人民幣$780.- 每人一百元左右…查看更多

星期五下午2:30到達,靜靜的.只有四五枱客人,地方很大,裝潢以木為主.點了三款小菜-瓦罉焗水庫大魚頭68元;濃郁的麵豉醬令魚頭很入味,魚頭下放了大量薑,紅葱頭,蒜頭,好香,餸飯一流.八寶冬瓜杯38元;冬瓜環中間有雞肉,排骨,蒜等,冬瓜吸收了他們的味道,又不會太燶.鳳城魚面炒牛奶48元;吃時牛奶不會好油,很清爽,廚師值得一讚,牛奶面灑了一些蝦肉,魚肉,欖仁.…查看更多

和家人再臨國貿站附近的漁米粥，吃完晚飯後才打道回港。上次有勞爐兄打點一切，今次則由一位準親戚負責，雖然有所不同，可幸大家都是愛吃之人，我這愛吃懶鬼也不需多大費神。其無米粥火窩是店內的馳名之物，今次則改版來一個玉米粥底，原來還可以點選一兜米飯作加底，那麼便不怕吃不飽了。說回那深黃色的玉米粥，滾起後的口感最了綿滑之外，也添了不少鮮甜之味，怎樣形容哩?! 有如粟米湯內包含米香，那算是最貼設的形容。跟著點上一些生料，手打四寶丸還算鮮味，和在香港吃的差別不大，魚類則點了一味來自順德的「啜魚」，其實在香港也經已吃過，頭部有如鴨咀之狀，價錢可不算便宜，約兩斤餘的一條可要近一百元人仔一斤，起了魚片後灼熟後，肉質略帶質感，味鮮且滑，加上沒麼腥味，確是不錯 (相對上反而有點肉赤)；其頭腩則用來作椒鹽油泡，香口而鮮滑，用來送啤酒確是一絕。生菜之外，也點了其言的堪江土雞作雙吃之用，說實在的，自從香港大部份採用冰鮮雞後，在國內才可較易吃到鮮貨，味道上確是鮮味得多，肉質上則偏向帶點質感........這拆了肉的生雞件相對來說仍是以鮮味為主，不算太肥，算是比較滑了。另一邊則用作香煎之用，不肥之餘，也甚有鮮味和彈性。一邊吃灼料，另一道則加飯添粥，算是不亦樂乎。最後的高潮則來一碟海蜆，當東西吃到七七八八後，才原碟加了上去，令粥內添上一重屬於海產貝類的鮮味，這反而不是最貴的一碟，下價的東西，反而起到關鍵的作用。準親戚也提議要到最後才加，說吃火窩也有層次之分，如胡亂過一次落下，反令味道變濁。 (亂?)這一餐可收得貴，加上啤酒數枝，六個人吃出六百元人仔，屬偏貴的一餐，加上那啜魚吃剩很多，生料又不能帶返香港，對價錢和食物份量的控制，我仍是屬學習的階段。…查看更多

上星期五下午與高人到深圳雕做木刻揮春，訂制完後便由三島購物中心行去，曾經光顧了數次的漁米粥火鍋晚餐後才回港。因到達漁米粥時間為六時許，故不用等位，並可坐在靠窗的位置。因為得兩人用膳所以不能叫得太多食物，故只叫了白粥火鍋底、菜心、白蜆、墨魚丸、脆肉鯇魚片及油條。白蜆即灼即食是非常鮮味，墨魚丸是很新鮮及彈牙，脆肉鯇魚片很爽脆及鮮甜，油條則不及順德大良店的好食，但還可以。最後兩人還喝了碗多的粥水，是非常清甜好味。此店為順德大良漁米粥的分店，故此標榜以順德菜及河鮮為主。曾多次嘗過順德大良店及深圳店之其他小菜及甜品也是不錯的。是次消費包括食物、餐前小食〔每碟五元〕、紙巾〔每包二元〕、茗茶〔每位三元〕及兩瓶大啤酒合共為二佰零四元人民幣。…查看更多

首先~ 我要怪開飯啦~ 好大個老點呀~ 我在佳寧娜接女友放工~ 沿著友誼路行左半個鐘行到皇室假期~ 週圍問人置地係邊~ 最後上左的士問司機大佬~ 點知佢話就係佳寧娜後面!!! 仲比司機串我 "速進深圳發展" 吃完去坐地鐵經過佳寧娜只好苦笑~ 仲要行番友誼路見到 "深圳發展中心" 的石柱~ 講笑正題~ 圖片中的照片是錯的~ 在2樓不是地鋪~ 環境十分美觀~ 但坐位卻沒有梳化~ 失色了一點~ 我同女友都行到好肚餓(多得那位人兄的地標)~ 叫了白粥底~ 4色丸~ 生蠔~ 懷山~ 滿一百蚊奉送2條油條~ 打邊爐size的白粥煲得好希~ 但卻好滑好入喉~ 4色丸是即手打/機打肉丸~ 生蠔新鮮香口一點也不腥~ 懷山普通~ 總括來講~ 好食但唔多抵食~ 兩個人就咁計埋加一都146人仔~…查看更多

留得知己好友相聚一堂是權叔最愛做的事。總覺得坐下喝一口鐵觀音或錫蘭紅茶肯定就會發生化學作用，談上一整天。當然也少不得出於漁米粥順德廚子的菜肴和功架，雜菜蒸雞、香菜撈牛肉、蝦醬茄子煲各有特色，滑嫩、酒香、蒜香、與榨菜鹹香爽口，嫩雞的黃酒清香。真好讓我們體現順德菜的精髓所在。雙皮奶也值得慢食品賞一番，好讓水牛奶的獨特口感留給自己！自私歸自私，但漁米粥的裝潢確實令我歡喜不斷，西關大門，精緻茶具，小溪流水，竹林的寧靜加上特意保留的磚瓦牆壁，曾在廣州遇到的西關大宅騎樓情形回想不斷！…查看更多

樓上講嘅奶皇糯米滋,可能係叫脆皮糯米滋,外型一流,一口咬落去個脆皮............正(似波蘿包的皮),心諗呢件加埋內裏的奶皇應該好得,可惜裹面D唔係奶皇,係椰絲花生,可惜佢做得太差嘞,椰絲粗又靭,花生大又淋.............................極難食其他食品都可以,不過不失特別的是有侍應用一煱熱水幫你清潔食具…查看更多

作為一日之內第三餐火鍋，一定有過人之處，就等我帶大家一齊體會下．早在月前已經有網友提及，而上次試食全羊宴時經過，心中已盤算著一定要拉隊試試．門口處的魚池，設有大大小小十幾個魚缸，全都是淡水魚，當中更有生劏鱷魚供火鍋之用，其實都幾殘忍．原先訂了相連廂房，但由於人數太多，根本容納不下，其實當時還未到七點，大堂已經有八成客，果然人氣火熱．幾經轉折，在大堂一角佔了兩張檯，好不容易先可以廿二人坐好，（但仲有幾位未到）二話不說直奔魚池，鱘龍魚除了係鴻福品嚐過之後，好耐都未踫見過，為公為私，就選了最大的一條，雖然一斤不過６８元，但申算下來，都要近二百蚊人仔，因利成便，就一分為二，骨腩作粥底，魚肉用粥灼好了．此店除主打粥火鍋外，小菜是以順德菜為主，五花八門，單是菜譜已經睇到頭痛．粥底分白粥及粟米粥兩款，簡簡單單的就白粥，其實白粥亦不過是粥水，當中沒半點粥花在內，而且是半點鹽都不下，要從配料中提味，所以配料多少同事後碗粥有莫大關連．牛相連：一個幾怪既名，聽侍應介紹，是牛心附近的附肉，份量不多，果然每塊都是碎上，但入口唔覺牛味，總算有點咬口．竹腸：說穿了不過是粉腸，切成半寸來長，清洗得乾乾淨淨，感覺幾好．牛柳：入口嫩滑，但好奇怪，牛味都係唔濃．牛’月展’：算好少少，三種火鍋料中，算最好肉味，亦都最快清．鯪魚丸：打得鬆散，魚味輕柔，美中不足．菜心頭：滾幾滾再混入什錦粥內食，有嚼口又清清地，幾好．鱘龍魚：肉質與平常踫到的淡水魚真的有所不同，只須灼半分鐘左右已經食得，入口爽脆，魚味充盈，肉質嫩滑，雖然叫價唔平（以淡水魚而言），但係值得一試．順德菜早享盛名，求求其其都可以叫到好野．[b]順德釀豆腐：煎釀豆腐一向是拿手菜，再加入炆過的黃豆埋茨汁，豆味好出，但豆腐表面吸收茨汁後，少了一朕咬口．英德隔水蒸走地雞：有時想食靚雞，真係要返大陸，雖然貴相不佳，但幼雞經高溫蒸煮過後，沒半點肥油，雞味洶湧而出，所以唔到五分鐘都無晒．超好味．鹵水碌鵝：入味得不得了，又係唔肥，肉質幼嫩．煎魚餅：原先有另一道煎雞餅，但竟然無做，唯有退而求其次，只見熱辣辣上之餘，時間拿捏得好，表面微帶金黃，不用蘸點蜆介汁都已經好香．雞蛋煎魚腸：焗魚腸食得多，煎魚腸真係第一次食，由於用煎式作法，而且魚腸亦因為碎上再混入蛋醬中再煎，將魚腸的腥味壓到好低，怕腥又想食既人最合心意．蒸三臘：即是臘腸、臘肉、臘鯪魚，又係第一次食，估唔到臘鯪魚吸收左臘腸、臘肉香味之外，肉質又唔太硬，總之用作送粥就一流．拆魚肉扒柚皮：小弟一向對柚皮情有獨鐘，問我點解？我答你唔到，一句講晒～～～個人喜好．講真呢個柚皮真係麻麻，鯪魚肉打碎埋茨燴，兩個貌合神離，真可憐，分手算啦！手抓山東羊：比起老院子好得多，不單有微溫，既煙韌肉質又帶有甘草，桂皮香味．炸鮮奶：好出色，色澤金黃，外脆內熱，又嫩滑，香港都唔多地方有咁高水準，結果想再要都賣晒．．．．．．榴槤酥：真係好奇怪，呢度點心水準比起坊間好多名店好得多，就算豫園或者王子國宴都比不上，雖然對榴槤一點都不喜好，但一試之下，又係果句～～外脆內熱，又嫩滑，榴槤味濃郁．奶黃糯米滋：造型獨特，晶瑩剔透，不過唔夠分，無食到，可惜．奶黃流沙包：奶黃唔夠流質，雖然好香奶黃味，但話明流沙，咁都做唔到，有點可惜．油條：真係即叫即炸，脆卜卜，送粥又係好得之作．小插曲：有侍應中途打瀉汽水，但一句道歉都無，反而同經理講完，佢好想捉個侍應出黎ｓａｙ　ｓｏｒｒｙ．有咁既態度，係值得比分．ｐ．ｓ：真係諗唔到小菜比火鍋更出色，而火鍋檯有獨特設備，當轉動到特定位置時，可以調教火力大小，真係諗得周到．小貼士：最好先訂檯，真係勁多人，而且好多魚一賣晒就無，食早好過食遲．…查看更多