漁民樂 (已易手) 新餐厅

余文樂？《志明與春嬌》的主角余文樂？不，這裡是大角咀的魚湯火鍋專門店漁民樂。在大角咀工作，其實來漁民樂已經很多次，這裡午市只賣魚湯米線，水準十分不錯。最近，受到店方邀請，來到這裡試吃。其實事前店方並不知道我是熟客，如果試吃只得米線，我想，我應該不會來試吃了。給自己一個藉口，這一夜，我終於來了試試晚上才有的魚湯火鍋了。在此之前，先讓我補介紹之前中午吃過的米線吧。魚湯米線是這裡的主打，有普通魚湯、蕃茄魚湯、麻辣魚湯三款。說到魚湯，坊間現在是百家齊放，但水準十分參差。這裡的魚湯來了數次也保持水準，沒有味精，是真材實料的。如果只靠魚湯，其實很難脫穎而出，漁民樂有另一殺手鐧，它就是通心米線。通心米線比一般米線粗，中間是通窿的，就好像通心線一樣，吃時可以連湯一起吃。不過，其實通心米線又和通心粉有點不同，因為米線更長，如果把它當成一般的麵以筷子垂直吃，會和吃一般米線無分別的，因為湯都不能走進通心米線之中。如果想有好像通心粉般的效果，就應該把通心米線放在湯匙裡連湯一起吃。米線的配料，不多作介紹了，因為魚湯的出色，我一般都是選擇一些吸湯能力強的，如魚肉釀豆卜、蜂巢豆腐等都是我的最愛，尤以蜂巢豆腐更是每天

大角咀中匯街35號地下因店家邀請的關係,當天旺角行完行行就與友人徒步行來吃晚餐, 路程也只不過用了十分鐘  好像沒什麼特別, 但用匙一撥豪仔粥是潮州粥, 米粒完整可以咬,比廣東粥飽肚很多小生豪哦, 更再加了冬菜及豬肉碎令到粥底更鮮甜同時加入了薑絲去腥, 我是潮州人, 愛吃之極先叫個涼盤,刀拍麻辣小黃瓜以辣行先的一道前菜, 只有輕輕的醋酸味酸甜味可以多一點,有助增進食慾麻辣三杯雞, 叫了少辣, 很多乾紅辣但只有丁點辣三杯意思是指分別是麻油, 醬油及酒各1/3雞肉已吸收了三杯的精華很入味又帶微辣連一般人視為伴碟裝飾的洋蔥也煮得柔又入味蒜香金沙骨,把排骨炸好後, 再加入炸香了的蒜粒再炒一炒與花枝條一樣是道香口味濃香的小食 蕃茄魚湯米線, 看到碎蕃茄肉選了魚腐, 黑木耳及魚腩通心粉傳說在１８世紀，那不勒斯城一家經營麵條的店主羅尼小女兒在玩耍時把面片卷成空心條並晾於衣繩上已創作出的麵食雖然我找不到是誰用了同方法創造了中國版本但這通心米線就結合了米線與通心粉的長處外面滑身的米線, 中間的通心部份能吸著魚湯 花枝條上灑上了椒鹽, 惹味的小吃是日供應的鮮魚, 有6款選擇, 想不到米線的店竟然有鮮魚食店

由細到大都喜歡吃魚，魚頭魚鰭等多骨位置更是我所好，湯品方面也特別酷愛以鮮魚熬製的，所以不得不承認我是魚精一名！寫食評以來首次收到試食邀請，而且還是以魚作主打的店子，尤其欣喜萬分。餐廳位於平日少到的大角咀，落港鐵後步行十多分鐘便達，並不難找。舖頭環境說不上寬敞，是普通的茶餐廳格局，然而光猛潔淨，食客流轉亦快。既然店子的招牌菜是魚湯，那有不試的理由？經店主推介後，點了原條紅鮪魚湯通心米線，砂鍋津白魚湯雲吞雞鍋，再併蕃茄魚湯泡飯。細閱餐牌，其實這裏的消費頗為經濟，普通的兩餸魚湯米線只售$30，即使晚上享用的活魚火鍋二人套餐，亦只是$138。環顧其他客人享用的食物份量，算是非常充足了。紅鮪魚湯通心米線賣相討好，奶白色的湯底叫人垂涎三尺，據知這是花了三小時熬製的成果，而且天然無味精。沒錯，魚湯味道非常清甜，難得的是沒半點腥味，加上粟米、木耳和生菜等配料，感覺豐富並健康。豆卜的質地綿密，建議多浸點時間才吃，這樣更能令口腔充滿魚湯的鮮味。個人吃得濃烈，因此認為湯底可再稠些，不過大部份客人應該會欣然接受如今的濃度了。至於那條肥美的紅鮪，一試已知是新鮮貨，肉質鮮美無泥味，魚頭更是精華所在，越食越覺芳馥。

曾有一段時間在旺角上班，記得那時候每天都要去大角咀出差，所以對那裡的街道十分熟悉，由福全街、洋松街、必發道，甚至更吊腳的埃華街，全都踏遍了。早前收到位於大角咀中匯街，一間叫「漁民樂」的生滾魚湯火鍋專門店邀請，可一試店裡的出品，和店主溝通過後，就約了食友和老公一起到訪。據知這間「漁民樂」在大角咀已開業超過三年，雖然店子頗細小，一派茶餐廳格局，不過原來店裡是以魚湯火鍋、魚湯米線及魚湯麵食等做主打。翻閱過餐牌，發現店裡除了供應一系列的魚湯麵食外，竟然還有不少四川食品，如川式口水雞、麻辣雞煲、水煮魚片等可供選擇。既然店子以魚湯作賣點，首選自然是魚湯鍋，而這天的是日活魚就分別有海鱸魚、紅鮪、烏頭、馬友、黃腳䲞、黃䲞鯧。經店主推介，點了馬友跟通心米線及黃䲞䱽跟泡飯。馬友跟通心米線 ($52)，先喝一口以新鮮馬友熬成奶白色的魚湯，湯水味道非常清甜，喝起來完全沒半點魚腥味，再吃魚肉，滑溜鮮甜兼帶濃濃的魚香味，超級好吃，配上豆卜和生菜，分量十足，吃得人嘴舔舔。至於呈中空狀的通心米線，咬落帶點煙韌，質感比一般米線彈牙，而且吸湯力特強，能索盡魚湯鮮味，老公攪笑地和著湯大啖大啖地吃，更盛讚米線湯鮮味清，滋味無

間歇性驟雨的假日下午，兩口子來到大角咀…這次到來，是因有幸收到《漁民樂》的試菜邀請（在這之前從沒想過會收到粉麵類食肆的邀請呢），加上近期大角咀開了不少特色店子，於是不常往該區的兩口子決定到來一趟，順道走走看…店子位處的中匯街雖算不上「旺」，卻蠻好找的，門面頗新淨企理…這裡的粉麵定價不算高、屬合理的水平，加上是日為星期天的關係，故不消一會便全場爆滿，及後還有食客在門外等候呢！觀乎大都是以家庭客及附近居民為主，似乎很受街坊歡迎啊…車仔麵配料的選擇蠻多，單餸（配料）$25、雙餸$30，較特別的配料有鯇魚尾、狗肚魚及煙肉蘑菇丸等等，又或可加$8配招牌魚腐、鮮鯇魚腩、鯇魚咀、鯇魚鮫及鮮魚卜，選擇果真少見！！！（亦可以$28單購招牌魚腐或鮮鯇魚腩配麵或泡飯）店內還有一白板寫上「是日活魚」，讓食客得知最新「行程」，做法很日本料理的感覺喔…店主向兩口子推介漁民辣汁雞翼，還叮囑說「都真係幾辣嫁！」，我倆即時齊聲回應「放心，我哋食得辣嘅！」…端來之時已傳來陣陣香氣，吃來既富蝦膏的鹹香，辣度亦確夠「過癮」，但又不是霸道的那種。雞翼本身炸得夠乾身、絕不「油淋淋」，外脆內juicy。由於屬現叫現炸的關係，還頗燙

Thanks to Happyfisherman Restaurant and Mjqueen7e for inviting me to this restaurant.I was really looking forward to this place because I like fish and I have always wanted to trythis style of food ever since reading reviews from 魚鱻魚湯專門店.The restaurant was interesting because it was Chinese style but on the seating side, there were lots of quotes from the Bible.I was not familiar with this cuisine so Mjqueen7e ordered.★☆★☆★☆★☆★☆★☆★☆★☆★☆★☆★☆★Taiwanese style salt and pepper cuttlefish patties:I li

   大角咀是我較少到的地方，是日隨九龍人的太座要前往這區試菜，(所以我的兩個小魔怪是香港與九龍的混血兒)，吃魚湯米線，這間食肆叫「漁民樂」。地點不算太難找，在朗豪有小巴直達。下午三時許，店內人不多，都是來吃米線居多，地方企理，廚師是教徒，有些宗教金句作擺設。我們試了兩款主打米線和小食：招牌魚腐番茄湯通心米線和鮮鯇魚腩魚湯通心米線，七味炸魚皮和辣汁雞翼。 據說店主每天都要到旺角街市購買大量淡水魚作魚湯用，每天要熬兩趟，有時晚上九時許，魚湯用光了，米線也不會賣，提早收舖，可見店主對其湯底之認真，那不得不試真味道了！ 招牌魚腐番茄湯通心米線，湯底是嫣紅色，有些粟米粒和番茄肉，魚腐爽口，味道不錯，湯底微酸，好好味，好開胃，通心米線是其獨有產品，煙韌彈牙，質素上佳，與這個湯非常合拍，雖然很大碗，太座也吃掉了。    我的鮮鯇魚腩魚湯通心米線亦是精采，先試一口魚湯，店主所言非虛，魚的鮮味和精華盡顯，無味精，真心推介，是不可不試，鮮鯇魚腩四大件，肥美肉鮮，無泥味，湯中還加了木耳絲，增加爽口，如此高質素只是賣二十八元一碗，認真超值，如非地區問題，在旺角或銅鑼灣，賣四十也不為過。小食兩款，每款加八元，

對於麵食我有一個要求，就是要湯底好味．．你有否同我一樣來一碗熱騰騰的麵時總愛第一口便要嚐嚐它的湯底，是濃、是淡、是清還是過油，第一口之感覺每每是决定這碗麵之成敗度位於（中滙街），跟（埃華街）只得兩街之隔、街上人流總給比不上旺場是人潮習慣式的腳步，還是食肆不及其多、我想兩者皆是但就在這較為冷門之街中央，卻有著一間用漁湯作主打之魚湯米線專門店小店專注為魚湯，當然不能錯過、同叔叔兩口子試上一個正式魚湯底米線套餐另要上一個麻辣湯底米線，加上一個特式小食倒應該夠飽了小食方面．．可真算不少、各式其式，大部份已香口為主煲仔上的一餸一飯/米線套餐，其實也很划算由$四十餘元起跳．．．麻辣湯底為基楚加上主打之魚腐及魚滑喝一口，濃重之麻辣直達味蕾、麻辣級數絕對不會把你的嘴唇打了麻針卻又有種麻辣感應落於口腔中央，微微又帶點兒酸、叔叔一試在口已再不願放手叫我吃魚湯米線好了  (麻辣情度亦可在落單前吩附其辣度)魚滑細滑且鮮、魚腐則綿綿軟軟吸收著麻辣湯，一啖一口、好吃打著旗號的通心米線，當然也要來試試通心米線麵質比一般米線更滑，但就較會稔身滑嘟嘟之麵質很快已灌入口腔中，通心米線更有一特式便是吸入較多之濃湯在麵內能

大角咀, 是我中學讀書的地方, 所以在這兒食飯, 無論去那一間餐廳, 都令我好像回到中學傻下傻下, 開開心心的時代, 真係好回味.  今次晚飯去了一間主打魚湯的地方. 天氣熱加上自己本身腸胃不適, 清清地品嚐一碗魚湯吧!兩個人, 一個叫普通的魚湯, 跟燕餃及魚腐.  我就叫了番茄魚湯, 蜂巢豆腐及芝士丸, 可以大家交換試下不同的配料, 兩餸變四餸!  個人真的喜歡番茄湯底, 淡淡清新的番茄味, 沒有茄汁的感覺, 是新鮮番茄煲出來的味道.  蜂巢豆腐剛好用來索湯, 當湯底美味的時候, 豆腐真的是好重要的角色.  試食了友人的燕餃, 比起之前食的很不同, 因為佢既皮薄到我以為佢甩左, 肉質彈牙, 又令到記掛台北打邊爐必點的蛋餃及燕餃.  魚腐同芝士丸就一般味道.本來魚湯一般都係配米線比較岩口味, 不過今日我又真係唔想食米線, 所以就叫左米粉, 誰知就遇到得意野, 老闆跟我們說這個米粉其實不是米粉, 叫就米絲, 那即是不會被湯浸冧的米粉, 肉眼睇米粉是偏透明顏色, 真的有點似粉絲, 但就不是粉絲的QQ口感, 一些是米粉的味道, 就好似東莞米粉比較粗的米粉, 我覺得比米線更索湯.本來一人一碗米

曾在大角咀工作的KsMeow，起初跟身邊同事及朋友一樣，誤以為余民樂是這間小店的幕後老闆，才可愛得把店名改成漁民樂！後來知道是個美麗的誤會...雖然曾令KsMeow誤會，但這里的魚湯還是深得我心！因大部份標榜用魚湯烹調米線的餐廳，要不價錢過高，就是味精太重！米線店位於橫街，門面尚算光猛潔淨，魚湯有原味、蕃茄、冬陰功等選擇...我總愛點這里的冬陰功味，貪其辣又夠鮮，比部份泰國菜館吃到的還要好！可惜物價高企？現在這湯底要加2個大洋！（以前是不用加錢的！）慳家的我（這句是說給早肥先生聽！）今次選了蕃茄魚湯，里面有大量鮮蕃茄，魚湯清甜可口，毫無腥味！連胡椒粉也可乾脆不下！麵食則建議大家選擇通心米線！除比一般米線更彈牙外，通心設計亦方便吸入大量豐富魚湯，每口也嚐到魚鮮，嗜魚湯的朋友可試！配料方面有多款選擇，大家按自己的喜好選擇吧！KsMeow覺得滑雞肉、炸黃金角、蜂巢豆腐、大魚腩等等都不錯吃！不過當天翻點的雲吞，像粉團沒有肉，是換了供應商嗎？今回小分享完畢，謝謝！

今個星期三夜晚,我同屋企人探完親戚之後,佢地又唔想返屋企煮飯,所以想係附近搵一間食肆食晚飯,我同屋企人本身鍾意打邊爐,但係搵左幾間都唔岩心水,之後再行到去中匯街,我同屋企人就比’漁民樂’同埋’活魚火鍋’吸引住左.去到果陣都幾多人,排左10鐘到就有得入去,都唔算太耐.入到去之後,場面幾熱鬧,好多都係一家大細入去食.坐低之後,我就即刻同侍講,落個二人活魚火鍋,出奇既係,原來盲鰽係可以打邊爐食,所以我都叫左1條.而我屋企人就選左肥牛,雞肉,生菜做配料.加上跟餐配埋讚岐烏兩客.屋企人怕d野唔夠食,所以叫多左份金栗鯪魚餅.首先係個火鍋黎先,奶白色既湯底應該用左好耐時間餚製而成.條魚黎左之後,梗係馬上放落去架啦.條盲鰽已經切好片,起好肉.不過我希望保持原狀,所以就成條放左落去影之後就黎左金栗鯪魚餅,意想唔到既係竟然可以炸到外表金黃,入邊彈牙.實在值得推介我本身都以為二人火鍋加碟金栗鯪魚餅唔夠三個人食,但出附意料之外,2份既火鍋配料都好足料,加上2份既讚岐烏冬同埋一客金栗鯪魚餅,已經足夠我地三人食用.但由於果日可能太多人既關係,侍應頻頻撲撲.但亦無阻興致.總括黎講,我同屋企人對呢間食店大致上都滿意,

有日放學陪同學去大角咀買野,行到7點幾…肚仔餓..就周圍搵野食,見到有間野寫住漁民樂..就比間野吸引到..令我諗起藝人余文樂!一入到去,燈光好充足..店員都好好態度,好快手就搵到位比我地,雖然地方唔算大,但可能閒日既關係，冇咩點等位..雖然我對食魚麻麻..主要怕要處理D 魚骨，但我個好鐘意食魚既朋友話想試下活魚火鍋..話條魚交比佢，叫我放心，甘就順佢一次意啦,結果我地叫左個活魚火鍋同兩樣小食..等候時間幾快,5分鐘到就黎齊...其他火鍋配菜就選擇肥牛~滑牛肉,滑豬潤同燕肉餃配菜雖然普通,但吸收左魚湯鮮味..令普通既食物更鮮更甜.. 魚湯火鍋湯底好甜，好清 而且冇腥味..飲多幾啖好暖胃。我最鐘意係火鍋入面既蜂巢豆腐，個樣一個個洞真係成個蜂巢甘，好得意，加上吸收左火鍋既湯底後，食落好有口感又多汁，軟綿綿好似食緊棉花糖！不過數目少左D，得兩舊，真係唔係幾夠喉。小食方面, 分別叫左七味雞軟骨同煎餃子…雞軟骨始終爭少少，食落去炸粉多左D.但都算香口,份量夠多,幾底食,煎餃子賣相唔錯,外皮金黃色，驚喜就係配生菜絲特別容易入口!!總括黎講…火鍋湯底夠特別夠認真，某D食物例如蜂巢豆腐都比到驚喜我，最重

今日同朋友去旺角行街，行到肚餓，就話帶我去試新野行下行下就行左去大角嘴...見到舖頭個名就覺得好搞笑，漁民樂？余文樂？入到舖頭坐底感覺都幾好，好光猛同好乾淨！見到餐牌既野食好多都有魚既成分，就令我唔知揀咩食好...因為我係一個好怕腥好唔鍾意食魚既人聽左朋友介紹，我就揀左招牌魚腐蕃茄魚湯通心米線開頭食既時候都好怕有腥味，但係食落又唔會喎魚腐好軟而且完全冇腥味，反而係有蕃茄味蕃茄湯底落足料，味道酸酸甜甜，好好味呀通心米線真係好特別而且真係好滑，滑到我成日都夾唔到朋友就揀左鮮鯇魚腩蕃茄魚湯通心米線食除左米線之外，我地仲叫左幾樣小食秋刀魚其實我就唔諗住食既，不過朋友叫左咁就試下啦檸檬汁配秋刀魚既組合真係好正秋刀魚既肉好甜而皮亦唔腥仲好香結果成條魚好快俾我地食晒漁民辣汁雞翼真係俾到驚喜我唔單止係辣咁簡單而係惹味，辣既程度對我黎講就有啲高我諗如果可以將辣既程度降低少少，相信應該乎合到更多人既口味台式鹽香花枝條亦係其中一個朋友介紹既小食花枝條唔會好咸 而且份量亦唔會太少令我食完又想再食炭燒雞串個汁唔會太濃岩岩好所以冇掩蓋左雞肉既味道可以係雞肉同汁到取得一個平衡美中不足既係雞串送上黎既時候唔夠熱辣辣如

上星期去了一間朋友推介的魚湯米線“漁民樂”，開頭都以為真係某藝人的名字，結果上OPENRICE搵一搵原來係同音字， 哈哈，當真有趣。去到都唔洗點等位，可能我兩點幾三點先到啦～一坐低就叫左個兩餸米線，再加一杯熱檸水。湯底佢問我要咩，我就選左蕃茄魚湯，米線就係通心米線。因本人好鐘意食豆卜類食物，再加多個店員推介的蜂巢豆腐。第一時間試下個湯底，感覺沒有味精，有濃濃魚味，再加上蕃茄味。幾岩FEEL～mad:再試下個蜂巢豆腐好入味，索曬D湯底，仲要係我鐘意個隻實實地有口感的豆腐～豆卜魚肉很平均，唔會話得好少魚肉。魚肉就係新鮮魚肉，口感跟味道也不錯～通心米線也很彈牙，吸了湯味有機會也會再去食多一次～下次一就叫多一個朋友可以食下D 小食

我係火鍋迷,一年四季都鍾意食火鍋,特別是任飲任食,但一條友都幾頭痛,因酒樓任食要2位起計,所以唯有選擇一人火鍋.因住大角咀,所以漁民樂是我的火鍋飯堂,雖然佢比連鎖食店貴少少,但物有所值.湯底都幾款選擇,唔怕悶,唔使次次都同一款我這次食醉雞鍋,個鍋都好足料,仲有幾件雞塊在鍋內,個湯底好好味.個餐包4款配料,我就選了3個餸+飯,豬膶新鮮,魚腩就麻麻地,魚角好爽口,成個餐食晒都好飽火鍋套餐可另加$3叫一杯飲品,冷熱同價火鍋由『午市後』開始供應,啱晒我這個火鍋迷,唔使等到晚餐時段才有得食.