漁樂鍋 (已結業)

凍冰冰。暖笠笠粥底火鍋係男朋友屋企附近新開左呢間餐廳佢個粥底火鍋套餐好吸引到我$198免加一 有7款海鮮（有蟹，蝦，貴妃邦，細蜆，大蜆，龍躉片，鮑魚，！）仲可以揀5款配料 (勁多野揀！) 之前我都同朋友食過粥底火鍋 超級中意！呢排天氣咁凍 即刻同男朋友試下佢人唔算多 而且好多位 一去到即刻有位！首先黎左兩碟小食~酸菜薯仔絲，同酸辣豆我覺得薯仔絲好好味！勁開胃🤤之後再黎海鮮嚕！蟹，蝦，貴妃邦，細蜆，大蜆，龍躉片，鮑魚！我地依照枱上面張紙既時間煮~ 所有海鮮都好唔錯～尤其係蟹！有膏！！啲肉好鮮甜同實肉 身為愛蟹之人既我食到lam lam脷 食完海鮮開左個胃 就開始食自選既5款配料 我地揀左肥牛，豬腩肉，響鈴，豆腐同墨魚丸！ 豬腩肉必叫 真係好好食 因為湯底一啲都唔膩 令到豬腩肉好好入口響鈴又係粥底必叫之選 吸哂啲海鮮湯底 清清甜甜 每一啖都好滿足墨魚丸係個度啲姐姐介紹我地嗌架 話好彈牙好好食！食落～又真係幾彈wor正由於個湯底太鮮甜 我地又肚餓 我地仲追加左雞肉(半份$26) ，魚皮餃(半份$18) ，冬瓜片（半份$15）半份半份咁加一啲都唔肉痛，仲可以食多啲唔同種類既野 好爽打完邊爐啲姐

老死自從老婆生左個B之後唔係好鐘意出街, 成日都要痴住個B, 為左同佢吹下水, 所以特登黎到佢樓下揾佢R飯食佢就帶我黎D間漁樂鍋, 話每人200蚊滿足我地既海鮮慾望離地鐵站4分鐘路程, 都幾方便入面座位以卡位為主, 坐得舒服, 又多地方放工事包, 手袋去到都唔洗諗食咩, 因為係一定食D個SET, 最抵, 而且除左海鮮外, 仲有可以揀五款自選食物, 如果都唔夠食既話, 可以再叫配料, 十幾蚊已經有交易, 肥牛都係$48, 好抵教埋你D度係點食法, 咩海鮮要煮幾多分鐘, 即刻WHATSAPP比女朋友等佢學野先SET唔包野飲, 但好彩飲品價格唔貴同出面既粥底火鍋有D唔同, 最初只係湯底ONLY, 食完晒海鮮配料, 職員先過黎幫你用返你個湯底精華去煮粥, 咁米唔會過爛冇幾耐已經成枱海鮮了, 有蝦, 蟹, 大蜆, 沙白, 鮑魚, 貴妃蚌, 魚, 超級豐富, 估唔到每人口198有咁多海鮮蝦: 蝦上到枱仲係不停跳, 超級新鮮, 每人有三隻到, 食落係超爽口, 新鮮到咁冇可能梅, 好好味貴紀蚌: 貴紀蚌完全冇沙, 超彈牙, 鮮甜, 而且好大隻鮑魚: 我真係估唔到比D個價錢有鮑魚食, 上到見到D隻鮑魚再

想食粥底火鍋唔洗次次都係去嗰間喇！紅磡都有間超抵食粥底火鍋喇！位位$198超多野食！有兩款餐前小食七款時令海鮮（大蜆 沙白 鮑魚 貴妃蚌 龍躉片 生蝦 蟹）五款自選配料（有30款揀）三款蔬菜（粟米 南瓜 芋頭）甜品（紅豆沙)有6種醬自己溝，想介紹左邊中間嗰種！係餐廳自製，送海鮮又幾真係幾好味！一開始會係用粥水做鍋底！等佢滾起就落海鮮先！啲蝦因爲太生猛，不停跳！所以要用另一個兜裝著佢先！4個人都幾多隻，好似有成12隻！超多海鮮！一盤係大蜆，沙白，鮑魚同龍躉片！鮑魚同龍躉片就每人一件，大蜆同沙白真係好多，食極都有咁！真係唔太知每人係幾多隻！而且係無沙㗎！另一盤就係蟹同貴妃蚌！每人有一隻蟹！啲海鮮好新鮮！咁細煲粥落咁多海鮮落去，真係想唔甜都難！自選配料我地揀咗：手打雞骨丸，手工鮮蝦雲呑，手打墨魚丸，花膠同油炸鬼 ！花膠直接倒晒入去！好快腍！又多咗啲膠原喇！手打雞骨丸好特別！入面真係有啲脆脆地爽爽地嘅軟骨！每人都有成3粒！手工鮮蝦雲呑大大粒！有成隻蝦喺入面！爽口鮮甜！一人有兩粒！最後就係粥底喇！嗰3款蔬菜就係衣加加入去！仲會跟埋米飯底同5種調味野！芫茜，蔥 ，菜寶，冬菜同唔記得咩菜！啲姐姐會幫

呢排天氣咁凍，成日都好想打邊爐，男人話醒起佢嗰日行過去黃埔嗰邊見到有間新開嘅打邊爐好似幾抵食同好多人，我咁為食，梗係即刻捉佢出去同我試吓呢個新嘅火鍋館啦。呢間火鍋館有兩個套餐，一個係食海鮮，陪粥底火鍋。另一個係食牛，配番茄湯底。睇到隔離枱啲海鮮勁靚仔，兩個人都勁想食海鮮，咩都唔講即刻叫咗兩個海鮮火鍋套餐。先來兩碟前菜開開胃為先，套餐已經包埋，唔使另外加錢，夠麻夠辣，啱晒我。醬汁嘅配料非常多，亦都夠晒乾淨，最正嘅喺呢度醬汁費都唔使收。有支裝可樂，而且價錢唔貴，好似＄9一支，男人一口氣都飲咗兩支海鮮勁新鮮勁足料，啲蝦新鮮度係咁彈彈跳要搵個蓋擒住。食完海鮮仲可以揀多五個配料，我哋叫咗肥牛同黑臀肉，黑豚肉切到勁薄，一放落去幾秒鐘就已經OK ,超級好食食完之後，侍應就會攞埋飯膽同埋南瓜芋頭等等過嚟幫我地煲粥。煲到咁上下侍應仲會幫我地整爛晒啲南瓜同埋芋頭，好似煮糊仔咁，一食落勁鮮甜，仲有唔同配料俾我哋自己加添，超級好味最後仲有糖水送架，不過我哋已經食到好飽啦，所以食到個糖水。198一位完全冇加一同醬料費，確實好抵食，食到個人亂笠笠，行返屋企幾凍都唔怕囉

最愛海鮮，仲要係火鍋仲正 , 入去覺得座位寬敞, 坐得舒服, 唔驚無位放袋👍🏻👍🏻海鮮來時已吸睛, 好正!! 有鮑魚，蝦，蟹，蜆，魚等等夾埋 7 款海鮮，d 蝦仲郁下郁下架😍 食完海鮮仲有 5 款火鍋配料，好多都好好味😋，之後店員仲幫手整個粥底，加埋粟米南瓜菜甫等等，可以食晒成個鍋，仲要有糖水送, 好飽好抵食都只係$198 免加一免醬油，唔洗多講，咁好味又咁抵，下次一定再來幫襯。

兩星期內食左兩次😆皆因我愛海鮮，又愛火鍋🤤 一入去覺得佢既座位幾寬敞，唔會迫迫夾夾咁，坐得幾舒服👍🏻等待海鮮中店員先上兩款前菜幫你開左個胃先😬，之後.... 海....鮮....來....了😍 嘩，好新鮮呀，有🦐🦀啦，鮑魚，魚，蜆等等夾埋 7 款海鮮，d 🦐上枱時仲跳緊架.... 食晒海鮮仲可以揀 5 款火鍋配料，個人覺得手打墨魚丸好彈好好味😋淮山都有估唔到既驚喜🤤 之後仲幫你整埋個粥底，加埋粟米南瓜菜甫等等，食盡晒成個鍋，好飽好夠食。最後仲有糖水送，超級大滿足。$198 免加一免醬油真係好抵食，一定會再幫襯。

今個冬天天氣特別凍 ，經朋友介紹 去左紅磡一間新開咗幾個月嘅食肆 ，佢日頭係茶餐廳夜晚變身喺火鍋店 ， 我哋一行六人星期五晚 諗都唔諗 即刻 幫襯 , 火鍋宴每位198. 呢個價錢原來係食海鮮火鍋有鮑魚有 肉蟹有手打墨魚丸、肥牛仲要係靚嘅 食到咀舐舐 由於係粥底 火鍋 臨尾仲要 靚仔 老闆出嚟幫 幫手搞搞 個湯底 ， 結果 全部食曬相當飽肚滿足，食完全身溫暖發熱， 就算出面十度八度都唔使驚……海鮮粥底餐抵食美味、新裝修地方又寬敞……感覺輕鬆……仲有支裝可口可樂添……

經過見價錢唔駛200，在星期五晚同朋友嘗試這家新開的火鍋店，揀左個海鮮鍋，鮑魚、聖子、蝦等都很新鮮，加上5項自選配料，其中店員介紹的手打丸最正，手包餃就普通d，個$198餐都夠8成飽，再加返d肥牛，每人250。食到最後有南瓜等配料煲粥，反而落曬菜蒲鹹左d，蓋過左本身海鮮湯味。但可能新店關係，店員出食材的效率一般，都要追單。洗手間都尚算乾淨無「押」味。沒限時，食左3個鐘。😉 當期他酒樓任食都要150左右，呢間小店既性價比都ok!

行過見到開，上星期去試下，當時新開，有八折！$158 一位。試左海鮮餐，有7款廚師推介，蟹，蝦，鮑魚，貴妃蚌之類，🦐勁，好生猛！差D跳出離，個碗有蓋，都幾細心！之後自選有5款，都係大路野，推介手打墨丸，堅好食！真心彈牙！仲雞骨丸，比較特別，打完邊邊，最後用湯底煮粥，個粥最正！係個鼓油比較淡，希望佢改善！可能我重囗味D服務都算親切，幾有笑容，仲推介我食墨丸，但可能星期六，都幾忙。環境幾闊落，但未有酒賣，好在可以自己帶。下次會去試下牛鍋

Was delighted to see a new restaurant open across the road. The photos of the food looked good but so far everything we've tried has been mostly disappointing.Cheese with instant noodle - sticky, bland. Literally just cheese spread on instant noodlesPineapple bun 菠蘿包- a HK speciality - disappointing - not crispy at allCheese with corn beef and egg - yucks - lots of ketchup on a slice of cheese placed on top of corn beef fried with egg, which was kind of wet. Fortunately the bread 脆豬包 was nice

平時好少寫食評，但今次都要讚下！試業當日到這間新開的餐廳幫襯，一行6人，一入內環境非常闊落，感覺好舒服、乾淨！餐單有兩款主打套餐，牛魔皇同海鮮，兩個餐分別都會有5款不同的牛部份或當天最新鮮的海鮮 (所以呢款要一天前預訂)，我哋全部叫咗個海鮮餐，當天有蝦、生蠔、鮑魚、魚。。。用順德粥底。因我好鍾意食海鮮，當海鮮一到嘅時候，已經知道十分新鮮，蝦全部跳的，所以要用蓋吸住，背売類仲係呼吸中，真係望到都已經流口水！大家嘗試第一樣嘅時候，已經讚口不絕！全晚就不停話 “好好食”！LIKE 爆！因當日試做價，呢個餐連加一醬油每人都係$100一找！以呢個質素嘅食物，我哋都覺得就算正價$198都抵食！我哋再散叫牛同其他嘢食，價錢都好公道！油炸鬼同手打墨魚丸值絕對要食，埋單$900有找！之後第二次再去，食才仍然非常新鮮！值得推介！