滿滿食堂

营业中

休息中

星期五約12:40到達，由地爐排隊排到上地面，不過唔係等好耐，15分鐘就有位，因為前面好多人未人齊唔入得。之前買過外賣牛肉飯，牛肉雖然得幾粒但超好味，加上見食評寫牛肉好高質，所以來試吓石燒牛扒。餐廳是茶餐廳格局，但要自己出去攞餐具，只收現金，但要收加一。店員不是沒有禮貌，但就粗聲粗氣小小。我們吃了滿滿石燒牛扒200g跟白飯+甜品，因為有期望而來，所以相當失望，牛味欠奉。。。餐飲我們半價加配飲珍珠奶茶，味道尚可。甜品是雪米糍，但要叫店員才上。

平時去中環都係食西餐比較多😆今次黎到滿滿食堂試下啦！餐廳入面會有個少少嘅自助bar會有啲生菜 同埋唔同嘅沙律配料今日我哋就叫左石燒😆我覺得性價比嚟講都幾抵食物方面不過不失之後有機會都會再去食😆

喺中環搵早餐食，唔想去嗰幾間連鎖店，茶餐廳又多人，行吓行吓，見到有人從「滿滿食堂」的樓梯行上來出口，再望吓門口嘅大餐牌，原來有早餐食喎！一於試吓先。人唔多，我一位都可以坐卡位，好寬闊舒適。早餐只係$36起，喺中環來說，真係超值！我點了雪菜素肉絲米粉+炒蛋+薯餅+冷檸檬茶轉薯餅加$2，凍飲加$3，不用加一，總數$41。米粉份量唔多，啱晒女仔，男士就可能唔夠飽、但現場都有不少男士來食早餐。不用搭枱，舒舒服服食個早餐，又可以慢慢坐，的確係一個好地方。

繼續係公司附近覓食發現公司附近有間叫 滿滿食堂 既良心小店💛會招募義工做探訪而且價錢以中環區算平又好食所以我12:15左右到已經有人龍排緊隊好彩都唔洗等好耐就入座今次叫左個200g既滿滿石燒牛扒 $88 配熱檸茶一上枱見到係兩舊厚厚既牛扒好驚喜切落去邊位較薄都又稔又有牛味有時去餐廳食d牛都未必有呢度咁香餐具同汁係自助拎既比較特別係有黑松露蒜蓉不過其實乜都唔點已經好好食餐包左飯同甜品但我無食下次想再夜晚黎，包埋沙津同温泉蛋😋😋不過d服務真係麻麻地😅同而家出文先發現唔知點解收左我$104滿滿食堂 (中環)中環皇后大道中58-60號振邦大廈地庫

我呢啲鄉下仔好少過對面海食嘢，適逢老友介紹呢間嘢話放飯時超多人幫襯，我見打正牛嘅旗號就即管同佢去試一試真章～但可能禮拜六關係，都未見話好多人，夾埋我哋就得兩枱人，因為第一次嚟食，所以有啲嘢想問清楚一下，就近叫咗個女侍應嚟問下。我揭起A5嗰版就詢問：「請問啲牛係咪全部都石燒？」女侍應：「唔係嗰噃，你呢版咪係囉！」我：「哦，我唔係好清楚所以問下啫……」女侍應：「後面呢個呢個嗞唔係囉！」我當時當佢M到冇再講咩，直接點咗份A5牛肩胛+雞扒，同埋A5牛西冷+滿滿牛牛，係靚嘅，但侍應嘅語氣真係有待改善，雖然畀錢食嘢唔係大晒，但食客亦冇理由去受你氣。正當以為佢心情唔好先係噉，誰不知佢竟然轉個頭就同個男同事，由街頭打到街尾，笑聲加大叫，當下我仲以為去咗旺角啲街邊大排檔，完全一啲中環feel都冇……Anyway，縱使啲牛幾靚都好，我諗我只此一次

番中環見番下舊同事食飯往往離不開住事、近況美國牛柳 凍檸檬茶朋友叫的牛柳都幾厚身凍凍地食石板燒都幾暖仲要有一碗白飯餐具同醬料係自助形式去拎我就無選石板燒天婦羅炸蝦燒雞扒丼 佢另外有碗椰子湯附上飲左口怪怪的丼對女生來說有點大碗香芋仙草奶茶看去超人氣就叫杯跟餐都係半價忘記叫佢走甜一點都吾係好甜

員工對客人愛理不理，好似唔想做咁，連問幾多位都無問，慢慢行過黎，又要掃安心出行個陣質疑食客問個針卡係咪你架😑入到去成陣燒肉味，污煙脹氣😥🤮好臭好油膩塊牛排勁劣質，牛排勁多筋，好難食，好似唔新鮮肉咁，瘀血色🥴🤢地面又濕滑 又污糟，真係快啲執左佢👎🏻👎🏻👎🏻入到去掃安心出行 都態度唔好 個餐牌勁油勁污糟，已經好唔想掂到….叫野個陣員工又扮睇唔到人 態度惡劣😾黎到熱石燒牛，啲油彈到周圍都係😓比油彈到好痛，好唔安全，佢應該整啲野圍一圍住塊石🤕唔會再幫襯！

係中環想食平啲但又唔想食茶記？呢間💛滿滿食堂💛除咗日式丼飯仲有鐵板燒，無論係平日簡簡單單又一餐🍛 定星期五想鋸扒犒勞自己🍺 都可以~🌟溫泉蛋鹽燒牛脷丼 ($66)小編嘅初次體驗，俾朋友強烈推薦呢間，點知🤣🤣🤣 呢個麻麻地，牛脷唔知係咪錯覺 有微微酸味。下面啲飯都係普通白飯，比較清淡無咩味。反而對方個芝士汁滑蛋包飯好味10倍‼️下次識做了😢🌟安格斯西冷(100g) ($56) 某星期六小編再同朋友去食🤪發現原來有個自主區可以夾沙律、雞塊、蛋、車厘茄等冷盤🥗。唔知上次平日去係真係冇定自己冇留意到。 試咗啖同行友人嘅壽喜燒牛肉，送飯一流而且份量超級多🥰果次決定試石燒餐，加咗$5要滿滿紫菜飯😋再去自助區攞粒日本蛋黎自製牛角飯🤣啲肉有驚喜到，本身以為會極韌+唔夠飽，點知肉質幾嫩同好香牛味👍🏻。牛肉放係石自己燒，再配啖白飯，真係夠飽，抵‼️

先此聲明食物質素係唔差今次淨係講服務同環境環境方面,去咗兩次,個地下依然油淋淋,著平底鞋出去攞湯都差D跣親, 檯底有唔知上一手客人跌落地嘅紙巾同食物, 以為第一次去係星期日6點太忙,第二次去係星期三, 6點入去,地下都係油服務差到俾錢買難受,相信係經理級,第一次去見到餐牌話兩個set係送甜品,個圖係雪糕,食完餐飯問佢係咪有甜品架,唔出聲隔一陣拎咗兩粒維記獨立包裝糯米糍(???!!)唔緊要咁食完快快趣買單啦,原來淨係收現金,我差張$50就叫朋友係銀包拎出黎找埋佢,當時未到7點,未有一半客,後面亦冇客人排隊俾錢,只得我同朋友,女經理即黑面,jip咗聲🙂(拎錢過程少於20秒)第二次去都係佢收銀,發覺佢對好多客冇咩禮貌,可能預客人唔出聲🙂反而其他員工服務冇問題幾有禮貌

今日同朋友行下中環，經過聽到「有燒肉」既廣播😂先發現原來有間燒肉餐廳係地庫🤣佢既位置比較隱蔽，難怪佢地要播廣播去吸引食客🤣呢間餐廳主打食石板燒🤪不過我見佢都有丼飯/蛋包飯食🤩而且價錢係中環黎講算係抵！我同朋友都不約而同叫左石板燒B餐（$108）呢個set係配兩款食材+咖哩飯/紫菜飯/白飯😋仲要包埋自助沙律吧同湯😋餐廳仲好貼心比埋圍裙我地😜🥩1️⃣石燒B餐—和牛漢堡+帶子（$128）因為我地都想食和牛漢堡扒，所以就加左$28叫左黎試下🤪佢既和牛漢堡有兩塊，而且都算厚，燒既時候要按一按佢先會熟🤪帶子都新鮮！配埋紫菜飯食一流🤩🥩2️⃣石燒B餐—牛柳+雞扒（$128）呢一set都加左$28去叫個牛柳😋牛柳肉汁都多😋而且質地都嫩滑🤣雞扒不過不失🤪本身都咸咸地，不過唔夠味可以去醬料區自己添🤩🍹3️⃣仙草奶茶🍹4️⃣鮮果蘋果醋注意‼️餐廳只接受現金支付，食之前記住禁定錢啊😜同埋係需要加一服務費🙏🏻

大家都知道，喺中環搵嘢食，價錢普遍都會偏高，尤其是想食有質素嘅嘢🥹呢日咁啱約咗朋友出中環，佢介紹咗我去呢一間滿滿食堂，真係抵食又好食。首先呢度地方好大，好多卡位，座位好闊落👍🏻而且食物選擇有好多，仲有我最鍾意食嘅石燒牛🐂我叫咗佢嘅招牌牛扒，朋友要西冷，一上枱已經香氣，四溢，真係無介紹錯，好好味，肉質都唔錯，幾軟稔。牛味亦濃郁。而且叫呢個set，可以無限refill白飯同湯。真心好抵食，性價比極高，一定會再嚟🤪

今日放Lunch既時候，經過見到個Menu好似幾吸引，而且喺中環嚟講，又唔係話貴。所以，就入去試下啦。呢到係位於地庫既，要落一層。一入到去，見到好多人都點石燒。不過，因為我唔食牛，所以無緣試到，唔知好唔好食。諗左一陣，我叫左醬油豬軟骨伴帆立貝雜錦丼。不得不說，呢個真係幾好食。除左有豬軟骨同埋帆立貝（有3粒）外，有海帶，紫薑，蟹籽，同埋蛋絲作伴菜。最尾，跟餐特飲有半價優惠，我叫左一杯冬瓜茶。天氣酷熱，叫返一杯冬瓜茶解暑真係爽啊

中環的物價比較貴 很難平平哋找個地方食下午茶。這間在置地廣場不遠的日式食堂，在大廈地庫內，下午茶只是$30-$40元，十分抵食。下午茶2:30-5:30，連星期六日也有。我叫了單骨炸雞翼豚骨湯拉麵，只是$36 包飲品，雞翼單骨食落十分方便，而且炸得熱辣辣，金黃脆口，味道甚佳。湯麵湯底很濃，絕不比一些日本大餐廳遜色👍🏻天婦羅炸蝦雜錦飯$38，好抵，卜卜脆炸蝦加蛋絲紫菜，好好味，飯質軟綿綿🥰所有下午茶餐加$8可以在自助區取食物有沙律菜、鶏蛋、芽菜等等，又有靚湯，今時今日這個價錢在中環買支飲品也不能完全超值。其實這間餐廳的下午茶也有很多其他選擇，見不少人食它的的鐵板餐，原個鐵板熱辣辣的燒西冷、三文魚、雞扒等，只是$49-60元，性價比高

早幾日係中環行完街，俾我同朋友搵得間好抵食又好食既日式燒肉餐廳，中環黎講性價比真係好高，相信平時都會係中環打工仔既飯堂。😁食物質素高，價錢平，不過環境一般，同埋服務可以再進步。👍🏻✅五花腩+鹽燒薄牛脷配牛肉汁，白飯 ($78)鐵板餐個鐵板唔夠熱，倒汁既時候無“咋咋”聲，無左食鐡板既感覺。不過份量真係好多！！😂味道係幾好，個五花腩超好正，唔會太肥，但口感好好。👍🏻牛肉汁都夠味，唔錯。✅窄身西冷(100g)+一口牛(100g)配滿滿紫菜飯 ($108)呢個係超級超級好食，必食推介！牛味好多，口感好爽，高分之作，而且呢個價錢好抵食。😋😋✅黑蒜油卜卜蜆 ($38)好多蜆，唔會有腥味，好鮮甜。不過個湯底略嫌小小咸。✅鮮果蘋果醋 ($跟餐+$14)✅雲頂水果茶 ($跟餐+$14)

係中環想食得好, 坐得舒服, 仲要食得平既, 竟然會係燒肉! 滿滿食堂完全癲覆我既概念!叫左兩個大盛石燒餐 兩款餸$108 三款餸 $128 羊鞍一上燒到喳喳聲, 聞到我最愛既肉香味, 熱辣辣就最好食, 肉同脂肪比例岩岩好, 所以肉腍易咬, 仲要一D都唔羶!魷魚有4大隻，味道好新鮮，燒完依然好爽脆 ~我中意個咸牛脷切得薄身, 有陣輕微既咸香,飯一流!銀鱈魚金黃可口, 中間魚肉細嫩，仲有熊本一口牛。呢度既蘿蔔椰子湯一定要飲! 超級香濃既椰子味, 飲落清甜滋潤； 飯類可以選紫菜飯/咖哩飯/白飯。自助沙律吧有多款選擇, 羅馬生菜, 車厘茄, 桃, 青瓜大豆芽,仲有雞蛋等, 菜肉均衡就更健康~食完咁多野仲有綠茶布甸做甜品！我見佢哋仲有活動探訪老人家，好有愛心； 賣既套餐有咁多肉咁多野食，咁抵食，好值得支持！