滿滿食堂

营业中

休息中

我同先生一向都係牛魔王，尤其鐘意日式和牛，今日行過中環呢間日式石燒地庫店，招牌十分醒目，地理位置十分方便，地鐵站出口行唔需要十分鐘就已經到。開頭以為細細間店，但入到去發現餐廳原來好大，而且仲有沙律吧檯，湯同飯自助吧枱同醬汁自助吧檯。感覺規模比其他日式石燒自助店更好，而且沙律吧嘅蔬菜全部都十分新鮮，選擇又多，個人覺得一個餐可以有自助吧檯，免費食沙律真係超抵食，而且醬汁嘅款式亦都十分多。睇完menu我決定要點佢嘅石燒日本A5西冷牛扒(我就一個100g，先生就一個150g)，牛扒石燒上面烤，配埋佢嘅醬汁十分好食，牛扒亦都好軟淋，入口即溶！而且份量亦都算多，用佢嘅汁配白飯食真係一流，好好味。

中環區平價lunch之選，有好多款式揀，而且大部份價錢都係一百蚊以內👍🏻▪️溫泉蛋鹽燒牛脷丼牛脷唔會好薄，有咬口，唔韌。味道雖然係鹽燒，但唔會好咸。仲有隻溫泉蛋，同埋少少紫菜、芝麻可以撈飯。另外，跟餐有碗椰子湯，飲落唔似味精湯滿滿食堂📍中環皇后大道中58-60號振邦大廈地庫

100g牛西冷$158150g牛肩胛肉眼$178Asahi 啤酒$58Sapporo 啤酒$58好味指數：😋😋😋😋抵食指數：💲💲💲💲💲環境舒適：😌😌😌😌環境衛生：🧹🧹🧹🧹服務質素：💁🏼‍♀️💁🏼‍♀️💁🏼‍♀️💁🏼‍♀️推介原因：完成一天工作，想在公司附近吃點好的，但又不想花費太多，就去了此餐廳吃石燒牛扒。中環來說，可以用這個價錢吃到石燒岩手牛，真的好抵！二人去，點了兩款牛。兩款牛脂肉分佈均勻，色澤呈鮮紅色。單看樣，已覺吸引！放在石上燒，飄來陣陣香氣。放入口，有淡淡的牛味。肉質夠腍不韌。牛肉沒有醃過。如果不夠味，可到自助區取醬料或調味粉。石燒牛餐有配一碗飯，可以選日式咖哩飯、紫菜飯或白飯。飯都是用珍珠米，口感不錯。除了飯，可到自助區取沙律及湯。當日的湯是粟米🌽紅蘿蔔🥕椰子🥥豬骨湯，好清甜。不覺有味精。套餐亦有包甜品，是雪糕糯米滋。欣賞餐廳有為客人預備圍裙，以免燒肉的汁彈到衣服上。

炎炎熱日，一班年青貌美血氣方剛既少男少女們忽然鈎起條筋，想話去食個平平地既晚餐又唔想食樓下茶記咁消極，其中一位少女竟然話係中環有間小店有任食前菜，加埋老火湯任飲，仲要鐵板燒主菜只係100蚊樓下，如此匪而所思之說，眾人被好奇心驅使下去試下呢間位於金融要區，人均收入5，6萬既中環地段既滿滿食堂由於晚市關係都預左多人要排隊，畢竟中環收工時間就如過關，千軍萬馬，但出乎意料非但唔洗排隊，仲要係冇咩客，係到我走前都冇咩客，相當奇怪但唔影響我食慾一入到店內就坐低落order。可能因為客少，店員火速上水及落order；由西冷牛到燒雞排到豚肉全部鐵板餐竟然100蚊有找，仲要真係有沙律吧任食同是日老火湯任飲唔洗十分鐘，達5000度高溫既鐵板餐已經上檯，雖然未到炸炸聲，但熱度足夠有餘。由豚肉到牛脷都有質量既，絕對唔係BBQ果d凍肉口感又稱唔上頂級軟滑咁囉，但70分以上穩穩的。前菜部分有刀拍青瓜🥒，韓式泡菜，麻油芽菜，酸薑片，車厘茄，沙律菜仲有類似卡邦尼通粉既奇怪野（冇人敢試），所有前菜任夾，味道上就冇話好出色既，但以量取勝就足夠有餘。另外叫左2個石鍋烹蜆，一個原味一個泡菜味，原味ok，泡菜果個就咸到pk🙀好

在中環旺市大街上竟有此高質但又價錢相宜的石板燒肉店,平日晚上仍可見到很多OL及拖友幫襯,與愛人各點了三款燒物包括牛柳、羊鞍、帆立貝、帶子、廣島蠔和厚切牛脷,各樣食物的份量和質素都超正,生熟程度由自己在石板上控制,食得極有滿足感,而各種調味醬琳瑯滿目,最後都是决定食原味最正。另外再加燒餃子和泡菜卜卜蜆,滿滿一枱食物,各自更選了照牌手作茶:古早冬瓜茶和仙草薑母茶,食燒烤超夾。這頓豐富晚餐,還包括咖哩飯和紫菜飯,而沙律配菜更是任食,埋單都只是400大元,簡直超值到無人信。

喺中環搵嘢食，難得揾到呢間餐廳，食物質素唔錯得黎，價錢又相對親民，真係幾抵食，而且座位好闊落，坐得幾舒服餐廳主打石板燒烤🔥，食物種類好多，有牛、雞、豬、羊、海鮮等，連植物牛（素）都有，所有套餐包任食沙律吧前菜，有海帶、芽菜、沙律菜、泡菜等，湯都係任飲，飯（一碗）或＄5轉紫菜飯或咖哩飯，另有自助調味料區我同老公都係食肉獸，揀咗🥩頂級牛肩扒200g ＆ 🥩安格斯窄身西冷200g套餐份量好足，塊塊扒都勁厚身，將牛扒放到熱石上煎，即刻聽到好悅耳嘅滋滋聲，香氣四溢，真係好香呀，令人食指大動，牛扒有滿滿濃郁嘅牛肉香味，肉汁豐富帶牛脂香，入口肉質好嫩滑彈牙，啖啖肉真係大滿足🧋雲頂奶蓋茉莉綠茶🧋香芋仙草奶茶另外，👍抵讚嘅係店員非常細心，會主動問需唔需要換新的熱石板，整體質素都唔錯，真心性價比極高，一定會再嚟🤪📍滿滿食堂 (中環)💒中環皇后大道中58-60號振邦大廈地庫

位於中環黃金地段都有如此超值嘅石燒餐廳所以套餐已包肉類、白飯、任飲靚湯、任食沙律A5牛肩胛 (150g) 配咖喱飯 $178男朋友叫左個A5牛嘅套餐，本身咖哩飯要加錢，但呢一個套餐就唔洗。牛肩胛已經切好一片片上枱，想食幾熟隨個人控制，加埋咖哩飯，天作之合。安格斯西冷 (200g) 配白飯 $105西冷雖然價錢平啲，但係唔代表質素差，大大塊西冷，味道方面牛味好濃烈，餐廳呢個價錢絕對抵食！每一個餐都係石板燒，石板燒食耐左會凍，店員好細心咁會留意，如果唔夠熱，可以換一塊新石板。是日靚湯係椰子豬肉湯，飲落唔似味精湯，好好飲。律吧真係值得一提，雖然只有幾款，但好岩我哋兩個口味，加上有溫泉蛋提供，值得一讚。四季春 $10跟餐飲品都係半價，清清地，唔會好澀口。雲頂紅茶 $12雲頂姐係奶蓋，超邪惡。孜然風味薯條 $10套餐可以加配小食，我地叫左入薯條，份量唔算太多，不過有好幾款味道選擇都唔錯。整體黎講係中環呢個黃金地段呢個價錢絕對超值，如果細食啲嘅朋友，可以揀100g肉嘅套餐，價錢好似幾十蚊就落樓，勁抵！

去中環食嘢好貴，估唔到呢間滿滿食堂嘢食，大份又抵食，跟餐有自助沙律+湯🤭 出餐速度好快，店入邊都寬敞坐得幾舒服。============================🥗自助沙律有沙律菜，芽菜，海帶，青瓜，通心粉沙律，蕃茄仔，溫泉蛋。又有7-8款醬汁配肉類～🔸A5西冷100 g $158100g 份量都唔少！肉同埋雪花分布平均，塊塊都好Juice牛肉味濃郁， 石版慢慢熱熟牛塊，肉質好嫩，鍾意七成熟又得，全熟又得～🔸全盛石版燒 $128-豬梅肉扒120 g梅肉嫩，肉汁鎖喺肉入面，好味！每一口都好滿足～石板燒肉真係好正，不過到中途塊板就唔太夠熱啦🤭-銀鱈魚半熟狀態再係石板燒慢慢加熱到熟～銀鱈魚肉質嫰滑，魚汁鮮甜-芝士年糕落去芝士湧出來，芝士味好濃郁~🔸黑蒜油卜卜蜆 $38蜆肉份量十分足，黑蒜油味道濃郁唔會好鹹。不過食到最後個底有啲沙～🔸手作飲料 跟餐+$14-雲頂水果茶 淡淡水果味，唔會好假甜味-鮮果蘋果醋 酸酸甜甜好開胃

《滿滿食堂 - 中環》去開中環食飯一定係高消費？又未必既🤭前幾日比我同個frd喺呢區搵到間抵食到爛既日式石燒小店，食物種類幾多，最平$4x 就食到個Dinner，有budget 既話又可以食和牛姐，都係一百尾既價位，仲要係沙律、麵豉湯、溫泉蛋自助任食，淨係食沙律前菜都食得飽呀😏怪不得人流咁旺啦，除左連鎖餐廳或茶記外，又多左個平價食扒既好選擇😎💁🏻‍♀️大盛石燒 (1+2項目各選一) $108餐廳入面好多套餐配搭可以選擇，我就揀左自選組合既套餐，要左安格斯窄身西冷拼法國鴨肝，另外再拼紫菜飯，由於出面自助吧有大量自取沙律菜同溫泉蛋既關係，我就自己整左個溫泉玉子紫菜飯同胡麻沙律出黎啦🤭肉未到，個人都半飽😎西冷食落比較瘦，但肉質唔韌，帶少少筋位都幾好味既，落少少鹽調味就足夠了，另外鴨肝原本黎到好大件架，不過煎耐左啲油份迫曬出黎後就會縮水，入口香滑甘香再帶著滿滿油香👍🏻必點💁🏻‍♀️大盛石燒 (1+2+3項目各選一) $128朋友點左個3 courses既餐，比我既多多個side dish，佢要左頂級牛肩扒拼雞扒同日本BB甜蕃薯🍠佢個牛就相對筋位多d，比較適合我其實🤭煎香左後比較有咬口，另外雞扒燒過

價錢實惠嘅中環石燒牛中環無論食lunch定dinner 想坐街舒服啲都偏貴 今晚就試咗間叫滿滿食堂嘅石燒餐廳 見到佢價錢適中就試吓好唔好食啦😎佢嘅位置係皇后大道中嘅一個地庫 雖然係地庫但環境都算好寬敞 餐廳兩邊有好多卡位 位置闊落坐得舒服我今日就揀咗佢地嘅A餐($128) 可以揀到三款肉類同埋一碗主食 最後我叫咗安格斯窄身西冷🥩,熊本一口牛🐮同埋日本佐賀鮮魷魚🦑落完單就即刻去睇吓跟餐嘅自助沙律區先🥗雖然自助沙律區嘅地方唔大 但係選擇好啱我心水😎有我最鍾意食嘅芽菜同海帶 仲有通心粉沙律 每一款嘅味道都唔錯 同埋佢旁邊放咗一盤雞蛋 原來係溫泉蛋🤩我都忍唔住食咗幾隻🙈係另一邊仲有一個自助調味區 有七到八款醬可以俾大家去配啲肉嚟食返到埋位好多野食已經到咗 主食我就要咗紫菜飯 再配埋自助區出面嘅溫泉蛋簡直就係Perfect match🥹佢哋嘅肉類都非常新鮮而且份量其實唔少 相信大部份客人都會夠飽 而且燒到一半職員都會好貼身問你要唔要更換石板😍絕對唔使好趕咁燒晒你啲嘢食 可以慢慢享受我哋另外加點左個小食 係黑蒜油濃湯藍青口 ($38) 依個價錢嚟講佢嘅份量十分足料 黑蒜油味道突

今次來到了位於中環的一家石燒餐廳，餐廳的裝潢簡約舒適，營造出一個放鬆用餐的氛圍。來到這裡，我們點了HK$128大盛石燒套餐，可選1+2+3(任選一款燒物）朋友點了牛柳+鴨肝+廣島蠔。牛柳入口嫩滑、肉汁滿滿。厚大鴨肝則是鮮嫩豐盈，香氣四溢，令人食指大動。廣島蠔肉質鮮美，口感豐富。經過石燒的處理，入口讓蠔肉更加鮮甜。而我則點了窄身西冷和一口牛，兩款牛肉經過石燒的火候，保持肉質鮮嫩多汁。帆立貝也是肉質鮮甜，口感豐富。此外，餐廳還提供了任吃的沙律、湯和飯，我們選滿滿紫菜飯，飯粒飽滿，紫菜的咸香味配上温泉蛋更是讓人回味無窮。飲品方面，我們品嚐了雲頂水果茶和西柚愛玉果茶，清新怡人，非常適合用來消暑解渴。-這間石燒餐廳越夜越多人，幸好餐廳沒有催促我們離開，可以與朋友笑說渡過一個快樂的晚上。

今日想食燒肉 去到中環諗住全部都一定係啲貴價選擇點知搵到呢間性價比咁高既餐廳佢係日式石燒 有套餐 套餐包一碗飯 自助沙律吧 湯同埋溫泉蛋仲有前菜叫左個和牛牛肩同埋和牛西冷兩份肉啲雪花分佈都好靚 好高質既肉5♥️/5配左一個紫菜飯 一個咖哩飯食燒肉一定要配飯 自助吧方面有湯 今日係椰子雞湯 應該係 幾好飲4.5♥️/5 前菜有辣芽菜😍😍海帶絲 青瓜同埋泡菜最值得一提既係溫泉蛋係自助吧任拎😱😱😱溫泉蛋加落個飯到 係無得輸 一餐食左三隻溫泉蛋🤣🤦🏻‍♀️5♥️/5 餐飲就可以加$10 加配 食完哂仲有糯米糍做甜品正 呢間真係好抵食 CP值高 絕對會返黎再食☺️☺️

中環食嘢一向都比人一種貴嘅感覺, 朋友知我鍾意食牛就帶我去一間性價比高嘅餐廳食石燒牛扒, 餐廳位於地庫, 需要行樓梯落去先見到, 如果唔係朋友帶路, 好大機會會錯過咗🙂我地揀嘅2份套餐都已經包了自助沙律吧、例湯及咖哩飯/紫菜飯/白飯三揀一, 餐廳有提供圍裙, 以防止被油彈, 幾貼心👍🔸️大盛石燒 （1+2+3）任選一款 $128呢個套餐好多選擇, 我地揀咗頂級牛肩扒+滿滿石燒牛扒+日本廣島蠔（4隻), 套餐份量都幾多, 二塊牛扒嘅質素都幾好, 入口唔韌, 仲有大量調味料可以自由搭配嚟一齊食, 廣島蠔唔腥, 我地仲加埋蒜蓉落去一齊煎更加惹味😆🔸️牛肩胛肉眼 $178/150g呢個牛肩胛肉眼有成8塊咁多, 塊塊都有雪花紋路, 入口非常嫩滑同埋好重油香, 餐廳有提供溫泉蛋, 沾埋蛋液一齊食, 真係不得了😋🔸️薯條 $10

今日接朋友放工，去咗附近嘅餐廳食dinner～ 估唔到中環都有間日式平民食堂，主打多款石燒料理，另外亦提供港式食物，價錢貼地至於質素都唔馬虎，唔怪得知點解有咁多人幫襯啦🤣大盛石燒有三款肉/小食類，西冷肉味濃郁，油花唔多但分布平均，食落有嚼勁、牛扒軟腍，脂肪比例高，味道甘香、羊鞍唔羶又有羊肉味，肉質鮮嫩，咬落多汁、三文魚扒入口即化，嫩滑美味、魷魚大大跳，爽口彈牙、燒茄子放上滿滿嘅蒜蓉，惹味濃郁，別有一番風味🥰套餐包咖喱飯/紫菜飯/白飯、咖喱醬濃而不膩、紫菜脆身同時帶鹹香味，配埋溫泉蛋唔覺唔覺就清曬🥚 另外仲有任飲任食自助沙律bar同湯品，值得一讚係個椰子湯，飲落順滑，味道好甜，滋陰潤肺又養眼，好有驚喜～ 小食有黑蒜油卜卜蜆，份量十足，大大粒而且完全無沙🥺 最後以香芋仙草奶凍同四季春作結，開心滿足呀～

係想中環想搵好嘢食，價錢一定偏貴，滿滿食堂係中環少有抵食又有質素既選擇，雖然位於地庫，但係地方都相當闊落，帶有日式既裝修，坐得都好舒服。我同朋友都叫左石板燒套餐（$128），套餐包三款食材+咖哩飯/紫菜飯/白飯（任選其一），仲有自助沙律吧同中湯，為左石板d油唔好彈到件衫都係，餐廳仲提供圍裙，非常貼心。我地一個揀左頂級牛肩扒+帶子+石燒巨人蟹棒+紫菜飯，另一個揀左頂級牛肩扒+雞扒+廣島蠔+白飯，整個套餐既份量非常適中，唔會飽到濟，唔夠飽亦可以去自助沙津吧添食，自助沙津吧仲有免費溫泉蛋，可以用嚟撈飯，正！牛肩扒調味調中，煎熟左都無韌既感覺，送飯一流。如果去調味料區拎埋蒜蓉一齊煎，又係另一番風味。帶子同蟹捧其實都唔洗係石板燒太耐，帶子好新鮮，而雞扒本身都咸咸地，煎完之後，味道更加不錯。廣島蠔就需要煮耐少少時間，如果心急既人，就唔適宜點這款食材。最後我地仲叫左仙草古早冬瓜茶，唔會太甜，可以一試。石板燒套餐 $128