滿江紅小甜甜 (已結業)

前段時間放工，幾個同事一齊找夜宵，銅鑼灣一直向灣仔方向走，發現了一家特別多人排隊的餐廳，名字很特別，叫小甜甜，大家二話不說就決定了要吃這家，就因為這裡多人排隊🤣🤣，等了半個小時，終於到我們，滿懷期待地走進去，點了麻辣田雞，青椒焗蜆，椒鹽雞翅尖還有幾個飯，幾杯喝的，我就點了鮮榨密瓜汁。所有菜餚大家都讚𣎴絕口，而我的最愛就是田雞，不會很大一隻，但非常有肉，感覺選材用心，辣汁真的有滲透住肉里，吃得火辣辣的，也許我是無辣不歡的人，所以真的超愛這菜

呢間小甜甜每次去都要在門口等位起碼要等半個鈡至一個鈡😫!但埋位食嘢的時候係值得的 !因為他的麻辣加餸菜便宜得來而且好香和好味道😋!心水推介（麻辣魚春魚卜煲）麻辣很香，魚春同魚卜入曬味還有配菜青瓜 、薯仔、蘿蔔也入曬味😋👍🏽

其實7,8年前食個陣好好味，而家同以前好唔同，服務差，食物水準下降。而家得番田雞煲，脆皮雞翼尖同魚春煲比較好食。高力豆沙都好好味，必點炸饅頭。水煮魚，口水雞千其唔好點，好一般，不要期待。有時想食下小食 吹下水 都可以去食下，但預左等候時間長，上菜慢。

我地一行5人lunch黎食辣野佢有午市套餐揀既，呢到既午餐有湯有菜另外加幾蚊仲有凍飲都幾優惠我地再單點左個麻辣魚卜魚春煲（呢個一定要叫黎食真係好好食魚卜唔會煮到咬唔到，岩岩好食落少少‘林林地’而魚春滲左佢個湯底超好食同埋都好夠辣個煲會越食越辣午餐：麻辣口水雞（味道都好食既但佢全部都係骨無乜肉我地叫左兩碟都係咁）午餐：香菇雞飯（清清地，香菇夠‘林’同好香，雞都滑既）午餐：竹筒鱆魚肉粒飯（呢個整得好好食好夠味又唔會鹹）跟餐送既菜都好食同埋個湯都算好飲既再單點左個甜點香煎南瓜餅（佢即整既，一上枱仲好熱辣辣，都好好食）午餐我地仲叫左東坡肉飯，呢個就千其唔好叫因爲全部都係肥膏得好少好少瘦肉食落口就係一舊肥膏好油

真心係平靚正麻辣餐！！雖然等位等左好耐，但真係好好食！我地兩個人叫左一碟炒荀絲，一個麻辣魚春魚卜煲，一個麻辣田雞煲，同埋兩杯芒果奶昔，兩個白飯，埋單都係$300, 好飽好滿足！！不過間舖環境有d 逼，坐得唔太舒服。1. 炒荀絲 - 清清地，好開胃，炒得好香，少少辣，好好食！！2. 麻辣魚春魚卜煲 - 個麻辣汁勁好食，個煲裡面仲有好多薯仔同荀做配料，好好食3. 麻辣田雞煲 - d 田雞好滑，有好多舊，個煲裡面都係有好多薯仔同荀做配料，100蚊都唔洗真係好抵食！

今日放工同朋友係銅鑼灣行街，行完覺得好肚餓，就上open rice睇下有咩食啦，見到小甜甜排位好前，我又好鐘意食辣，就諗住試下啦。去到都有好幾個人排隊，拎完飛等左十分鐘就有位啦。我地叫左水煮魚，焗蜆，雞翼尖，川北涼粉，同麻辣雞煲。我最鐘意食嘅係麻辣雞煲，勁入味，好野味，雞肉又滑。另外焗蜆好鮮甜，冇沙，而水煮魚下面原來係紅薯粉黎，同啲汁撈埋食好夾。我最鐘意嘅係呢度唔洗同人搭枱，有空間感，可以同朋友慢慢傾。

尋晚 星期五 八點 入到去見好多卡位 同四人枱都未坐爆我地二人拎住大袋野見好多吉枱打算想坐得舒服啲叫魚卜魚春煲慢慢食點知個呀叔唔知係咪老細（個款一啲都唔似但佢好緊張咁）想硬塞我地去一張牆邊同人搭枱坐入去係要zip埋去先掂我指住是但二張吉既四人枱想坐 我話因為我地抽住一大袋野佢都話全部留晒枱 一句唔好意思都冇態度惡劣地話同要我坐個張都係一樣喎 （如果係一樣又要留難我？！）我同男友講唔食了條呀叔跟住講左句：無所謂隨便你啦（今時今日既服務態度：輕佻差劣）當時星期五happy friday八點 食飯時間成條街既食店都等緊位！但呢間有一半枱都係吉既！！！但同我講留晒枱大家諗到咩料啦！以前我係間唔中會幫襯個時二個人黎卡位都照比坐！隔左幾年估唔到而家咁巴閉星期五 八點 開飯時間 全場留晒枱 喎但一半未見有人黎囉好簡單啫，你今次趕我走 我同所有身邊既屋企朋友都會黑名單你你呢間野都唔志在架啦！慢慢留枱等客到吧！！！

天氣凍凍地真係最岩食下麻辣野，我朋友係銅鑼灣果邊做野話想試食間野好耐，我同我朋友都係無辣不歡果種人所以就一試滿紅紅小甜甜夠唔夠麻同夠唔夠辣一坐底我睇中左個麻辣田雞鍋而朋友就睇中麻辣雞鍋，問一問果到既員工知道原來有個麻辣鴛鴦雞鍋就直接落單再加兩碗白飯一上到菜已經聞到陣辣味，要令啲肉入味最好就拎隻匙羹將啲湯由底淋返上啲肉嘅上面然後再等個鍋滾多5至10分鐘啲肉就會再濃味啲！！！田雞肉質結實又爽口但麻辣嘅味道就唔夠強烈，反而雞肉肉質住得比較細嫩啲易入口而且容易入味，所以食麻辣鍋想食肉既口感就應該食田雞但係如果想食個味道就應該食雞肉......但最可惜嘅係個湯底辣味比麻感多而且又唔夠辣味，感覺係輕微既程度（其實已經叫咗中級辣）

本身今日情人節收工去食嘢。。拎左飛等叫枱等左大半個鐘之後入面既食客陸續離場 。枱都收拾好。。但遲遲未有人出黎嗌枱點知原來係出左去蛇王。。再等左10幾分鐘先肯出黎入人然後竟然入左後面張飛即刻上前理論反被職員指責我地唔出聲然後再入店鋪內理論我地話佢不負責任該職員更理直氣壯地話係咁嫁啦唔岩咪走囉自己都係熟客仔，平時收工都會去食下唔係好好食但叫多個宵夜選擇姐我明白呢啲日子係忙。。攰到正常。。所以都無吹過佢地。。但將自己過錯推卸落客人到直情係無恥到底一間鋪頭既管理要有幾差先可以比職員理直氣壯咁鬧翻個客咁下次係咪啲嘢唔衛生食壞人仲鬧翻個客點錯嘢

已經第二次食食過返尋味一定要叫魚卜魚春煲真係超級無敵好食！魚卜魚春夠軟又入味份量又多第二可以叫小食泡椒鳳爪 勁入味超好食完全夠辣第三可以叫個擔擔麵新鮮又夠夠又辣如果覺得那可以叫埋嘢飲大大杯 凍檸茶

頭盤叫了一個，酸酸辣辣，味道也很香，涼粉很滑很吸味， 是一道開胃菜式。我最愛的雖然說是麻辣， 但沒有食到舌頭很辛苦的感覺，味道很惹味，很下飯， 煲得越耐越入味，入面還有薯仔，青瓜，白蘿蔔，可根據自己喜好走除配料，是一道我非常推介的菜式。因為小甜甜是食川菜的，所以這道菜比下去了，不是說它不好，只是適合一些不吃辣的朋友，它的薑有泡過油，所以一點也不辣，將蔥和薑連蠔一同進食非常惹味。必吃！ 我覺得萵筍這樣吃是最美味的，把他切絲，炒得入味又爽脆， 這次我還加了辣如果你鍾意食呢度菜， 我推介你一定要點，肉質有口感， 醬汁調得非常香口，一個人已經可以食曬一碟， 我還把萵筍絲和醬汁撈埋一起吃，超級美味。

之前，每次去都好好食，琴晚再去食，差到無人有，個涼粉，之前食係爽既，今次淋既，水煮牛肉仲衰，牛肉煮過火，大豆芽有泥味，青瓜未熟，底層既粉煮到過哂火。。。成餐飯都唔得，仲有碗碟超重梳打味，知道佢既野多油，都唔洗咁重手，重手都唔緊要，過多次水等佢無咁大味得唔得先。。

又來到工作最麻煩嘅時間，就係決定食啲咩lunch, 同事動議不如食小甜甜，平時晚飯就食得多，lunch就真係一次都未試過，係冇其他意見嘅情況之下，同事就起行過去。來到店舖尚算多人但係都不用等位就直接入去，看過午市套餐餐牌，諗左一陣就決定叫個雞皇飯，有幾個同事都一齊叫同一款，可能午飯時間廚房好多野都做定，所以上飯速度都相當快，套餐亦有跟油菜同例湯，已一個定價不用50嘅套餐來講，份量都相當之多，味道亦相當唔錯，雞肉充滿肉汁味道亦十分足夠但不會偏鹹或偏淡。因有雞肉輔助，好快亦清埋白飯，差唔多食完嘅時候同事先告知原來仲有糖水附送，今日有腐竹蛋糖水同綠豆沙，試咗一個腐竹蛋，唔係好甜，絕對適合女士午飯吸收，不過味道亦唔算出色，但係唔使錢來講都相當滿意。一餐飯唔使＄50有菜有肉有湯有糖水仲想點？

今晚辣癮突發...一諗就諗起小甜甜😍😍7點半到店，好彩唔使等位呢度越夜越多人，到八點幾就開始要等位嚕~建議下次想食都係book位穩陣d~~每次必點麻辣田雞煲（HK$88)田雞好滑，配菜越煮越吸味~好過癮！蕃茄魚煲 （HK$138/一份）鮮甜蕃茄魚湯，內有大量大豆芽，魚份量夠多，食左一半以經好飽嚕~~麻辣燙肥牛+金菇 （HK$88)個味同麻辣田雞係完全唔同，味道ok但個人覺得可以再辣d..同埋肥牛有點太un呢🙈必叫既仲有珍寶青檸樹，大大杯又解辣

已經忘記了既那一夜週末的凌晨，我們在銅鑼灣附近遊蕩至灣仔。經過了這一間小甜甜，肚仔餓到咕嚕嚕既我們就毫不猶豫進去找位子座。其實我入到去先知哩間係食辣野因為一行只有兩個人，怕食不了太多，就住就住叫左哩幾樣：川北涼粉： 夠酸、夠香、夠麻炒土豆絲： 酸酸的，口感挺爽，好味（但還是住家寶寶整的更好味）麻辣田雞煲： 這道菜非常有驚喜，亦是全餐宵夜的亮點。田雞肉口感好彈，底層舖滿了青瓜（初時覺得佢想偷工減料，托起田雞肉等我地以為佢多點），但原來青瓜係煲麻辣湯底不可缺少的主角，拿一匙湯底試試，味道有好香濃的麻辣味，當中亦帶有青瓜清爽既甜味煲湯底好飲到我成湯飲晒最後既最後，眼闊肚窄既過失，點了水煮魚，食左頭先既田雞煲，食番哩條魚，個湯底差天共地，不好喝，而且魚藏暗骨，食到無癮，放棄不食了。最後還是裝外賣盒拿回家。總括黎講，我係一定會為左田雞煲番兜！！！