滿山‧台北

营业中

休息中

餐廳環境唔錯，服務都ok, 但食物質數普通，有部份食物上到枱已經凍晒，唔夠熱，鹽酥雞一樣唔熱同味道普通，有待改善。哩個鋪位上一手都做得唔耐，希望認真改善食物質素問題，增加返頭客好重要！

喺香港食台灣菜真係預咗難食(除咗部分小店)，果然無令我失望，食咗個三杯雞飯，無乜雞肉，好多雞骨，配菜得幾塊甜椒同洋蔥，汁都無乜，咁就70-80幾蚊，整色整水搵個蠟燭慶住佢出菜，都唔好食，整咁多色水嘢。呢個舖位好似開乜死乜，但上一手泰菜Baan Phadthai其實幾好食，滿山同再之前嘅茶木都係太興嘅(上手Baan Phadthai無留意係咪太興，我諗都係)，睇嚟太興政策就係，隔一排就轉個brand，貪香港人新屎坑，賺你前段嗰浸就換下一間，我建議大家可以慳返啲錢。

新開的台灣餐廳，以木系裝修，就約朋友一齊試下，環境都算舒適坐得舒服，下午茶價錢偏貴，雖然食物質素普普通通，整體味道不錯，但以價錢上來說豬軟骨只有兩塊，實在太少。生薑薑母茶味道正常，幾有薑味。豬軟骨軟淋, 好入味。

今日一家來食「滿山」，俾我感覺員工質素太差，管理安排好差。明明有兩三張台用完餐，但d員工又唔執台。可以經過幾次，睇到都當睇唔到。俾人感覺打工之麻，由得d 客等。有啲就忙住攞杯裝水，可以裝水裝成10分鐘都唔執台先。我地呢啲客就on 居居係度等！食物中規中矩，但入座心情太差，食到都唔開心☹️

香港有好多台式餐廳，大部份質素尚可，但呢日去東港城嘅「滿山·台北」，真係麻麻地首先職員嘅態度麻麻，冇叫嘢食前嘅觀感已經唔太好🥲食物方面，order咗三杯靈魂沙茶牛肉半手工麵條 同溫泉蛋鳳梨肉燥飯三杯靈魂沙茶牛肉半手工麵條🍝嘅麵條煮得有啲過火，偏腍，冇咬口，牛就還可以啦溫泉蛋鳳梨肉燥飯應該係好保險嘅選擇，好難煮得唔好食，但肉燥味道過濃，食完會覺得口渴🥲 餐飲方面，胚芽豆漿嘅胚芽好少😂 生薑薑母茶味道正常，幾有薑味😃雖然食物質素普普通通，但係餐廳嘅消費一啲都唔低，叫兩個下午茶餐，盛惠$128

新開的台式餐廳， 經過見到 難得有刈包,好想去試 。於是今天 試一下一個人的早餐。 由於人多 所以 四人座的也要搭枱 感覺擠擁，不過，還是 可以理解的。 早餐 價錢比較貴（ 幸好沒有加 一，不然下次就不來了）， 另外樂悠卡減三蚊 （但我不是） 比較經濟就是叫一個面餐再加9蚊的刈包跟餐肉或雞蛋等， 這樣才算是‘’港式‘’早餐。 難得早餐有珍珠奶茶或豆漿 ，我不是奶茶愛好者，還是美味的， 旁邊還有一小塊 美味的餅乾。整體味道不錯，沙爹牛肉麵夠濃 ，但刈包令人失望， 比較硬，並不是鬆鬆軟軟的那一種。 明白人多工作量大， 是辛苦的， 但如果服務員多點笑容， 還有輕手點 放餐具，唔好掟（ 是指在 餐具枱上拿 餐具 及增添餐具時）。 整體來說 是 中上的， 如果沒有太多人排隊， 或者有優惠券的話，還會再來。

新開的台灣餐廳, 來試下啱唔啱食, 雖然味道OK, 但坐得不舒服, 應該唔會有下一次 食物 : 慢煮黑醋豬軟骨配地爪米粉+凍洛神花柚子茶 $92 ~ 豬軟骨軟淋, 好入味, 爐底有火加熱, 不會變凍, 地瓜米粉味道都幾好, 洛神花柚子茶, 味道正常, 都OK, 整體味道不錯 手工津菜豬肉水餃湯麵 $78 ~ 味道正正常常, 有好多菜, 麵條煙韌, 整體味道唔錯 環境 : 木系裝修, 環境都算舒適, 但店內比較擠迫, 比較嘈吵, 還有店員收搭餐具的聲音, 令人坐得不太舒服 服務 : 職員有禮貌 價錢 : HK$187 (有加一服務費)

舗頭換左幾次之後又做反台式菜，比起以前光猛好多，入面位置都坐得好舒服，夠寬敞，好多時候都見到長籠排隊🤔🤔今日就試佢既下午茶☕️魚丸湯米粉魚丸得幾粒，粉量比較少，米粉卻意外地彈牙爽口，湯底略咸，感覺上加左味精😲😲沙茶牛肉麵牛肉肉質軟硬適中，唔會太稔，唔會太鞋，配上沙茶醬，味道可以，手工麵爽口彈牙，但份量實在太少🤑🤑沙茶牛肉芝士蛋餅口感有層次，蛋餅有牛肉，菜，蛋和芝士，皮香煙韌，有水準！！

餐廳比以前好很多，而且光猛，坐得舒服。下午茶價錢也偏貴，而且份量也少得可憐。或者待應的經驗不夠，飲品要等大半小時才能送到。這樣好的餐廳，我希望能夠繼續幫襯，請改善下就可以了。

今日行去東港城附近搵食，行行下見到一間新開嘅台灣野，就行入去試吓，食物質素就一般般，反而想講下佢既服務，午市時間都差唔多完，都開始有5至6張吉枱，但係店員係都要我同人搭枱，你想做多啲生意我明，但個時都冇人等位，我一個人坐張二人枱都唔得，我見到之後佢哋帶咗兩對客入嚟，又係坐埋一張4人枱，都算，佢地D隔板又矮，兩枱客真係同面對面食差唔多，講真人少少食飯都想要一個小小自己既空間都冇，真係同入茶餐廳冇分別，但係佢仲要收你加一服務費，真係冇下次

呢間野新開，遠望見幾新埋去試下，點知入到去已經聞到店內有嗅味，位又迫，2位要用隔板打對面坐，茶記一樣。果d店員抹枱嚇死你，原全街邊大排檔feel，用快嗅布快速大動作掃來掃去，真係比佢掃到一身到係。跟住隔離枱又入左枱客，又聽到佢地講“乜咁嗅”，原來唔係我地個鼻有問題。後來發現應該係太興旗下新品牌，怪得成間茶記feel,但比敏華還差，可能管理問題。沒有有光臨必要。

裝修咗好多個月終於都開張嘅滿山•台北，係近年難得有記憶嘅好味台灣餐廳，係新到連OpenRice都未有任何評價嘅餐廳😎 餐廳有早餐午餐下午茶同晚餐套餐，就算係晚餐套餐都係$100有找包嘢飲。餐飯食到中間已經一邊讚不絕口一邊喺度諗定下一次要試咩正嘢😋🍳綜合滷水拼盤 $98呢個拼盤一上枱真係嚇死你，大盤到根本唔似係套餐size。拼盤有豆腐（超級嫩）x2，雞翼x2，牛𦟌x2，腩片x2，金錢肚x2，一堆豬耳同半粒（好好食）溏心蛋。套餐可以配白飯或者地瓜米粉，仲可以加$6香菇肉燥，好入味又肥瘦適中，推薦推薦。🍍鳳梨甜酸里肌 $98見到基本上餐廳有一半枱嘅人都有叫呢碟餸，齋睇過餸名以為得鳳梨，想到枱先知道其實係大量新鮮水果。最令人驚訝嘅係佢嘅甜酸醬，並唔係一般咕嚕肉嗰種，而係真係有水果甜味。里肌外皮香脆，但係唔好意思，呢碟餸嘅精髓原來係啲水果，新鮮鳳梨甜到不得了，就連平時覺得冇乜味嘅火龍果，配上果香醬汁都昇華咗唔少，好出色。🍗金黃無骨鹽酥雞+蒜香麻辣豬耳朵 套餐價+$30/2款小食鹽酥雞炸得嫩滑，外皮唔會太厚。麻辣豬耳朵辣得過癮，但係不明所以地全部都係剪碎晒嘅豬耳，係碎到用筷子都唔係好夾到嘅程度，係

新開試下野食麻麻地茶木好食d價錢差唔多等超過半個鐘遲過我地叫既都到齊，催都催過幾次。 大家可以遲d先試😡😡😡😡😡😡😡😡😡😡😡😡😡😡😡😡😡😡😡😡