滿屋雞蛋仔 (已結業)

將軍澳新都城入面既滿屋雞蛋仔都開左一段時間，以前最鐘意買軟心朱古力，最近行過先發現原來已經用髒髒雞蛋仔取代左軟心朱古力luuu，作為朱古力控既我梗係要試下！呢款雞蛋仔餡料同樣用左朱古力碎粒，不過面層就補上大量可可粉同朱古力醬，食落朱古力味五會太濃，所以都五會太甜，而且個底好脆！食到好開心好滿足！

FullHouse呢期都緊貼潮流推出啲新產品而家除咗有啲正常嘅雞蛋仔之外，佢哋仲推出左pizza雞蛋仔、熱狗雞蛋仔…除咗雞蛋仔之外，佢哋而家仲推出左啲水果茶同埋芝士奶蓋茶。真係超級緊貼潮流㗎！🍴髒髒雞蛋仔雖然近排髒髒包超大熱，但估唔到依家竟然連雞蛋仔也要髒髒😂尼度既雞蛋仔每一粒上面印有好多唔同既佢地自己既店舖招牌公仔樣，而且仲要係朱古力味既雞蛋仔。而雞蛋仔嘅口感就偏向比較脆同埋硬。店員係個朱古力雞蛋仔上面仲加左大量既可可粉，同少量既朱古力醬。食個陣真係超級髒髒，而且有好香既朱古力味，不過同時亦都好鬼甜。小編認為至少起碼都要2個人先可以K.O.到一底髒髒雞蛋仔。如果係好鍾意朱古力嘅話小編都推薦大家可以去試吓呢個雞蛋仔。🍴芝味菠蘿芝味菠蘿即係芝士奶蓋菠蘿沙冰。個菠蘿沙冰碎冰粒就冇嘜，菠蘿味香而且亦都唔會過甜。而芝士奶蓋方面，入口有好香既芝士鹹味，不過奶蓋就打得唔夠挺身，個口感比較稀。另外芝士奶蓋既味道亦都同個菠蘿沙冰唔多夾。🍴滿屋桃桃飲品入口有好重嘅罐頭桃味，而且有淡淡茶味。飲品打成沙冰嘅狀態，裏面亦都冇太大粒嘅碎冰。雖然眼見就見到裏面有一絲絲嘅果肉，但實質其實係飲唔出有果肉。以呢個價錢來

經常經過滿屋雞蛋仔，但從來冇幫趁過。今日口痕痕想食啲甜野，search左OpenRice 見到呢間食評好似唔錯，就黎試下新野。雞蛋仔都有幾款味道可以選擇，單點左個近期推介嘅穢穢雞蛋仔。朱古力味雞蛋仔再配上朱古力粉同朱古力醬，佢嘅雞蛋仔中間有少少軟心，整體味道有啲甜，兩個人食會冇咁漏，味道ok但未去到一試難忘。$22 穢穢朱古力雞蛋仔同埋附近利x記原味雞蛋仔已加價到$18，呢度原味$16，下次經過可以一試。

呢幾日🐰假期有咩好做？草根今日去左雞蛋仔節🤟🏻在場你數得出嘅雞蛋仔店基本上都搵到晒😌仲有得聽住live band🎸🎶食雞蛋仔講番先☝🏻草根手上呢個係滿屋 fullhouse_kitchen 嘅出品🍓草莓妹妹 ($60)中間有2粒大草莓🍓、鮮忌廉、百力滋、綿花糖同草莓醬雞蛋仔外脆內軟，唔係得個空殼一睇就知係少女系💕不過在場雞蛋仔都要$30-90價錢真係唔講得笑🙈見到仲有好多人食芫茜味🌿有人挑戰咗可以同草根分享下😎 **個活動得4日嫁炸！要試就快手啦**🕺🏻🕺🏻🕺🏻🕺🏻🕺🏻🕺🏻雞蛋仔藝術節 （Fullhouse Egglet)銅鑼灣希慎道33號

去年雞旦仔節認識呢間嘢，去過荷李活廣場那間有意粉pizza的食店，觀感評價好一般，都系起家的雞旦仔好。淨看店鋪的裝修已賞心悅目。再睇埋旁邊賣的DIY ，小飾物，家俱家電，再加上親子勞作班的廣告，超感到窩心體貼。落單時，店主仲細心解釋介紹，食東西外，仲食人情味，好得。我見之前2父女叫2底朱古力味雞旦仔，我照跟，要埋朱古力醬，再叫多杯朱古力mocha。雞旦仔即叫即整，朱古力真系冇得輸，濃郁朱古力香混和餅底的旦香，內有軟綿綿旦糕心，再加上朱古力醬，口感層次豐富。雞旦仔外型得意趣緻，大朋友小朋友都會愛上。這才$20，超值。加多$12，朱古力mocha, 朱古力和咖啡味味平衡得宜，CP值甚高。

經常見到人哋食滿屋雞蛋仔，除咗造型可愛之外，應該味道都唔錯，今日經過新都城，見到呢間係專賣小食，所以就坐低試吓。店內佈置同其他分店一樣都係咁色彩繽紛，好多可愛公仔，另外仲有一間小店係售賣飾物及產品。呢間分店以小食為主，所以冇平時嘅二人套餐，但係就有自選粉面套餐，價格一樣係咁抵食。仲試咗好多款聖誕蛋糕西班牙辣肉腸薄餅 $38新鮮即製，上面充滿芝士醬，入口好好吃。炸薯條配蛋黃醬 $25薯條新鮮又夠粗，充滿薯仔味，蛋黃醬味道特別，原來都幾夾。章魚燒雞蛋仔 $30仲以為出嚟係同一般雞蛋仔差唔多樣，原來個樣就同大阪燒一樣，唔係甜而係鹹嘅，而且味道都好似大阪燒，甚至比大阪更好食，入面有豐富嘅章魚粒，食到令人停唔到口。薑餅香草慕絲愛抱抱 $38慕絲口感鬆軟，配合薑餅迎接聖誕。雙重朱古力愛抱抱 $38朱古力味香濃，蛋糕底部仲有小飾物贈送，又有得食又有得玩。伯爵茶千層蛋糕 $24伯爵茶味都不算好濃，蛋糕一層一層富有口感黃金流心芝士撻 $18芝士撻做到流心效果，味道香濃又不膩。鮮橙蘋果汁 $30叫咗支鮮榨果汁，因為兩種水果混合嘅關係，味道較為特別。

是日途經將軍澳寶琳站，突如其來被一股雞蛋仔的味道吸引着，估不到現在雞蛋仔的種類可其多元化，連章魚燒雞蛋仔都有售。下午茶的關係相約朋友一起吃過雞蛋仔，看看它的威力。原來章魚燒雞蛋仔並不是平常一樣企身，原來是平放的雞蛋仔頗特別。章魚燒雞蛋仔香脆可口即叫即整，內含八爪魚蔬菜材料相當豐富。而且估不到它的口感相當不俗，值得一試。另外有我喜歡的士多啤梨雞蛋仔，雞蛋仔人有Full House小公仔相當可愛。每一口都充斥着士多啤梨的甜香，甜度不算高恰到好處。黃金流心芝士撻更加是一大驚喜，滿滿流心芝士撻皮香脆並不油膩，烘焙得剛剛好。而且芝士的濃香更加令人陪感溫馨暖!最後適逢聖誕關係，更有聖誕特別甜品雙重朱古力蛋糕，朱古力偏苦的濃度而且鬆軟，重點$33的甜品，出奇地有手鍊送出非常特別。

作為香港特色的小食，雞蛋仔已經越出越多玩法，市面上不同款式的雞蛋仔隨處可見。今日又遇上另一新款。餐廳位於將軍澳，主打特色雞蛋仔。原味，綠茶，朱古力軟心，士多啤梨都是常見的味道。除此之外亦有肉骨茶，和章魚燒味，都是沒想過的味道，真是大開眼界。之後還可以加配其他餡料和雪糕。雞蛋仔套餐 $40原味雞蛋仔特色在於雞蛋仔本身變成人臉的圖案，望落去賣相得意，而且依然有雞蛋仔外脆內軟的口感。套餐除了有餐飲，還會送紅色或藍色的卡通水樽。章魚燒雞蛋仔 $30雞蛋仔與章魚燒crossover的確有新鮮感，加上本身也喜愛吃章魚燒，所以對這個雞蛋仔非常有興趣。章魚燒雞蛋仔能夠保留到章魚燒的惹味，加上雞蛋仔的外型，吃的時候因為有醬汁，以刀叉會比較方便。隨雞蛋仔可以配上蜜糖芥茉醬，能夠令章魚燒的味道更突出。餐廳除了雞蛋仔，也有提供其他的食物。菠蘿油 $8價錢一點也不貴， 相信這個價錢在其他餐廳內也很難吃到。菠蘿油質素也不錯，菠蘿皮夠香脆，麵包亦鬆軟，加上牛油香，十分抵食。雙重朱古力蛋糕 $38朱古力牌有聖誕氣氛，蛋糕的朱古力味又香又濃，岩晒朱古力迷。隨蛋糕會隨機附送小禮物，我就中左花花手鏈，都幾靚。這次吃到的章魚

今日係附近返工遲左食飯成3點先食打算搵下tea食但附近都唔多tea最後見到呢間店座位唔係多不過客人就好多多數人都係食雞蛋仔不過未食lunch 既我就要食正餐見到有粉麵同pizza揀款式都好多我見到隔離枱食麵食得好滋味所以決定抄佢一開始唔係好睇得明個餐牌之後先知係每款揀首先包我就揀左牛油多士我親眼望住佢整再放入焗爐一拎出黎d牛油融哂熱辣辣好有口感湯底我就揀左意式雜菜湯配菜就可以揀兩款我就揀左扎肉同埋午餐肉原本想揀脆香雞扒但佢話要等10分鐘但我趕時間所就就轉左最後揀埋河粉搞掂!!! 因為即叫即整所以我都等左好耐原本係叫號自取但個店員見我拐下拐下所以主動幫我拎仲怕我餓每出一樣就拎一樣野比我湯底無咩味食唔到蕃茄味不過就有好多料而牛餐肉同扎肉就普普通道食食下就食到有少少辣味不過真係好少我都頂得順質素都算中上下次黎要試下雞蛋仔好多人買

一黎到，即刻叫左客綠茶雞蛋仔($18)加左3蚊要oreo餡，店員推介下加多5蚊配左杯嘢飲，喺榴槤咖啡 檸茶 檸水 朱古力 鮮奶呢幾個選擇下，揀左杯凍鮮奶等左六七分鐘，終於有得食喇成品好靚 有滿屋嘅公仔嘜頭 醬料有蓋冚住 好衛生 包裝認真唔錯綠茶味幾足 而oreo餡都好多 兩個加埋味道幾夾 配埋朱古力醬就稍為甜左啲 我自己就覺得唔點醬就最好食 同外面嘅雞蛋仔唔同嘅係裏面係多餡 而唔係薄脆得空氣咁 雖然會有啲似格仔餅 蛋糕 但我同爸媽三人食過都覺得好正 推介！！！！鮮奶雖然冇影到 但分量都ok 食完可以解渴perfect!見生意唔多 但店員態度都好友善 而啲公仔都好可愛 食物價錢唔貴但質素唔錯 希望可以長做長有😁😁😁

成日食雞蛋仔今日終於嚟到都幾出名嘅full house 試下啦，門口好多cute cute公仔，隔壁就係佢地賣手作嘅小店，都幾多得意野睇嘅。望一望menu決定試朋友推薦嘅朱古力軟心雞蛋仔配朱古力sauce. 另外加5蚊要杯熱檸茶！overall 25蚊，算幾抵食。等大約10分鐘就有得食，雞蛋仔係佢地自家logo 樣，好得意，大大粒嘅每一粒都外脆內軟，仲要幾實心，朱古力粒溶左係入面，比較甜都heavy. 要2個人一齊share會好d！

有人說，雞蛋仔既最高境界，就係新鮮出爐都可以淋過條毛巾。而我就有幸見識到😂！在肚餓而又未夠鐘食正餐既情況下，找小食是常識吧。看到我之前未見過的滿屋，試試亦無仿。價錢也算是街坊價，要了一份羅宋湯雞蛋仔（加肉鬆）$23和菠蘿油$9。肉鬆是職員熱情推薦，話加了會好味道很多很多，那......既然誠意推薦，$3也就試試吧。波蘿油，其實一摸表面就出事，表面是軟淋淋的！！！好無奈，因為見他們只是用微波爐翻熱，焗爐也沒有，也很難不淋的。主打雞蛋仔，一個一個人面望住你，說有趣也可，但說詭異也不為過啊。「我食左個人頭呀！」我對朋友說。入口淋過條毛巾，羅宋湯味好似好有趣，實際上除了咸還是咸，有種珍珍薯片味，加了肉鬆是比較好，因為沒有那麼單調，但其實都是不好吃的。可能原味比較好吧，不過我是可一不可再就是了。

等食飯經過呢間雞蛋仔，有少少肚餓所以忍唔住買咗底， 見到佢有好多口味，我就揀咗軟心朱古力！原本諗住加錢再要配料，但佢d 配料係肉鬆、紫菜、餅嗰啲，手好似唔係好岩味就放棄左，淨係要左個免費嘅朱古力醬！等左一陣，終於有得食，佢呢度幾好有得坐係到食！雞蛋仔新鮮整，熱辣辣好鬼脆，真正外脆內軟，入邊仲要有好多朱古力，融與未融之間，好味！所以我覺得朱古力醬都唔使點多點，而且原來佢個造型好得意！仲要＄20 好抵食！下次要試埋其他味！

之前已經介紹過既滿屋雞蛋仔😋新出新口味之士多啤梨🍓 加埋曲奇配料 hkd23🌟 口感都幾特別架喎😜 而且宜家有埋人樣好qq😍 買雞蛋仔仲會送個醬俾你點住食🤗 小編試左榛子醬同拖肥醬 。都係好甜同好甜😂就咁食雞蛋仔已經好好味啦～

小姐說，從報章得知，全港首個「雞蛋仔藝術節」將於 3 月 4 日至 5 日，以市集擺檔形式，一連兩天在銅鑼灣利園舉行！屆時，來自 八間雞蛋仔達人店，將提供逾 20 款超驚喜口味的雞蛋仔。此外，場地又設有多個工作坊，以及音樂表演，把美食、藝術、工藝、音樂等元素融合在一起！嘴饞兼至In至潮的我們，當然要去一看了﹗這一張以回收玻璃纖維製造的「雞蛋仔皇后」梳化，夠晒巨大，雞蛋控 selfie 留影必到位也﹗懶人小妹，在利園商場對出，霸定靚位，等小姐去買雞蛋仔。先來一客出自將軍澳「滿屋雞蛋仔」的紅莓玄米雞蛋仔$30。雞蛋仔呈粉紅色的，一邊有該店可愛Logo圓案，賣相著實得意有趣，教人賞心悅目。剝下一粒粒來吃，咬下去外層口感頗為乾身且韌，幸內裏較為軟綿。雞蛋仔內，混入酸香紅莓粒和具咬口香氣的玄米，多了一份酸甜味和香氣。不過，蛋味不太突出。