滿屋日本料理 (已結業)

今晚食放題！有時一諗要食咩就覺得好頭痛，咩都想食呢個時候我嘅決定係食放題！而我揀嘅係滿屋，因為飯都為求舒適同好食，呢度嘅位唔會太迫枱與枱之間都有位行去攞飲品小食😋出面bar位嘅食物都有好多，凍海鮮，朱古力噴泉，炸物......正阿！喺出面攞完飲品同小食，頭先寫紙嘅食物終於到啦，食物都嚟得好快👏🏼一講到放題點可以唔提刺身阿呢度嘅款式多，蝦都2,3款可以揀😍啲刺身鮮甜，而且壽司都有新搞作，好似海膽吞拿魚壽司，好好味阿！ 平均每人都只係二百幾蚊 但食物質素唔錯可以再encore👍🏻

前日行完街 同女朋友都覺得好肚餓 於是就近近地搵啲日式放題 貪佢可以任食唔嬲🤤於是就去咗銅鑼灣一期睇下有邊啲 見到呢間滿屋嘅食物同價錢好似唔錯 所以就入咗去試吓！一上到樓全層都係滿屋餐廳 所以位置都唔少 等左一陣就入得👍🏻呢度嘅刺身放題種類都幾多選擇 仲有其他壽司另外串燒同埋燒物當然都唔少得啦🤤之後我哋落完單就出咗去行個圈睇吓有咩係可以自己攞嘅嘢食涷盤種類有三款有蜆 螺同埋蝦味道都唔錯 唔會話擺咗好耐 啲肉梅晒另外飲品種類都有好多連Hoegarden啤酒都有啊🙈另外仲有清酒同埋梅酒可以選擇攞完嘢飲嘢食都差唔多到 首先嚟嘅就係佢哋推介嘅和牛壽司！和牛大件就唔使講啦 牛肉仲要燒到啱啱好 而且舊飯細 唔會令你好飽👍🏻之後就到佢哋嘅自創壽司有海膽吞拿魚同埋柚子油甘魚柚子油甘魚食落好清新 而海膽吞拿魚嘅海膽都有海水味👍🏻跟住就到我最期待嘅刺身啊！首先值得一提嘅就係佢嘅大赤蝦刺身 大隻得來肉質好鮮甜🤤🤤另外油甘魚都好新鮮 其他刺身都唔會說得太硬 食落啱啱好👍🏻呢度仲有買自助雪糕添阿！除咗自助雪糕之外另外仲有啲好高質嘅雪糕比客人揀 不過就每人只限一杯！Häagen-Dazs同Movenpick呢兩個

同好友慶祝生日，佢超鍾意食放題，於是揀咗銅鑼灣滿屋，貪地點方便就腳。一坐低，打開menu 見到好多壽司刺身都想食，但我們想重質不重量，我們點咗店鋪推介嘅甜蝦刺身、京蔥三文魚壽司、海膽伴拖羅蓉壽司、好幾款火灸壽司、炸蠔、芝麻雞翼等等......先講甜蝦刺身，鮮甜新鮮，抵讚。京蔥三文魚壽司，不俗，但三文魚味道不算突出。海膽伴拖羅蓉壽司，海膽尚可，細細舊，唔會飽肚，幾好。火灸壽司，我最喜歡火灸三文魚腩及厚燒玉子，兩種壽司賣相都很吸引，三文魚腩燒得很香口，一吃就充滿魚油，大愛。炸蠔幾大隻，炸得香口。炸蝦天婦羅都好好食，蝦肉好甜。芝麻雞翼亦都係我推介，好香口入味，炸得香脆。最後，我點了一杯哈記的焦糖脆餅雪糕結尾，美滿了這頓生日飯。另外，這裡的飲品非常多選擇，總會揀到想飲的。

我真係超級耐無食日式放題啦！！！今日男朋友就提議去食放題啦，咁岩係銅鑼灣就試下滿屋啦！一入到去就見到裝修有濃厚嘅日本風有啲燈籠同櫻花係牆身做佈置🌸打開餐牌發展種類都好多，尤其係刺身，我地叫左三文魚腩、北寄貝、帶子.....呢啲刺身都好新鮮食落唔會話覺得佢有腥味👍🏻👍🏻而且有冰鋪係底就算食耐左都唔怕佢會變👍🏻👍🏻另外叫左芝士翠玉瓜🥒起初以為翠玉瓜只可以鹽燒，但估唔到用芝士鋪係面作配搭效果都可以咁出眾㗎喎😯我要推薦佢個燒牛舌同蟹粥🦀，牛舌燒得好好唔會過老而且好夠味👍🏻👍🏻食落仲會有濃濃嘅牛味（並非膻味）蟹粥係放左半隻蟹落去煮，鮮甜味好足。此外仲配搭左一隻蝦🦐同一啲嘅菇落去煮三樣嘢配搭起嚟個味好鮮👍🏻而且唔會話比其中一樣材料搶曬味👍🏻👍🏻👍🏻

事緣本人兩位，俾號碼808，等左一小時後，女店員竟叫809，我地出聲後，店長都話809先，叫我地等下一張，態度惡劣，要我地等多半小時，一句對不起也沒有，為何貴公司會請如此員工去倒米呢？

呢度真係我食咁多間放題入面最正既，原因如下。1. 座位寬敞舒服，佈置漂亮，令人食慾大增，未開始食飯都已經好開心。2. 食物多款，壽司 刺身 手卷 軍覧 熱食 天婦羅 火鍋 仲有甜品應有盡有，多過其他放題。新鮮食材，壽司細細舊，食咗唔快飽。刺身數量同order既吻合，呢樣嘢好多其他放題都做唔到。果然出色！3. 服務員態度友善忍耐，好照顧每位食客。

滿屋唔一定要食放題嘅，單點午餐超抵食，今日食左客燒羊架套餐，仲可以加$2 有2件壽司，本身午市套餐都有麵豉湯同沙律，再送熱飲都係48蚊，抵食。羊架燒得好好，肉質唔錯兼有肉汁，仲有3大件。係銅鑼灣算係唔錯嘅選擇。

年尾年頭特別多假放，俾咗個好時機我約朋友聚舊！今日都唔係例外，去咗銅鑼灣滿屋嘆日本料理！呢度個門面裝修得幾好，一入到去就係透明玻璃窗，印滿啲日式圖案，上面用擺滿櫻花，好有feel!要讚下呢度嘅設計，估唔到餐廳咁識運用空間，將一部份嘅海鮮、沙律、甜品、放咗喺自助corner！搞到我以為自己食緊buffet！自助corner有蝦、蜆、各式沙律、章魚小丸子等等。最surprise係竟然有木瓜燉奶！其他放題店好少食到咖！自助corner實在太多引誘，要好節制先可以留肚食正餐😅！首先叫畫2round 刺身，三文魚、吞拿魚、榮螺、帶子、蟹棒，鮮甜好味，肉質新鮮。特別係榮螺、 赤貝，肥美鮮嫩，口感有彈性，唔會有雪味，屬高質放題！熟盤方法，芝麻雞翼夠晒肥美，熱辣辣，外脆內脆，正呀！大家記得點蒲燒饅魚，皮薄肉厚，口感軟綿，我地點左幾round!芝士雜菇焗扇貝，芝士味香濃，多汁鮮嫩。天婦羅炸蝦、鹽燒蝦同樣滋味！特別係鹽燒蝦，燒到外殻薄脆，蝦肉彈牙！雞軟骨都係一個唔錯嘅選擇，有咬口！估唔到尼度有芝麻魚乾食，忍唔住叫咗幾條嘆下。尼度啲甜品不得了！各式jelly、cake 、泡芙、水果，仲要每款都好吸引！提下大

服務差，態度唔好！落左order遲遲未有，雪糕/雪條落左order二十分鐘都未有，直到夠鐘交枱先拎黎，仲要求我哋出去邊行邊食，話夠鐘還枱！埋單，單都未見卡又未簽就要求起身交枱.....真係咁趕雪糕/雪條又唔駛煮唔駛切，十分鐘慢慢行到拎到黎啦！埋單自己咪快手d或提早少少埋左單先囉！並唔係要求人哋卡都未簽就要起身囉！

我個friend highly recommend 我去試呢間日本放題，佢話同屋企人食過幾次，好多嘢食同好抵， 講到咁正我梗係想去試下啦。 擇日不如撞日搵埋 個friend今日陪我一齊食多次， 一入門口就見到清酒吧任飲， 啱曬我呢d酒鬼🤩😍😍 除咗酒汽水都係任飲。 一坐低即刻嗌嘢食, 第一碟就係一口壽司，的的骰骰啱曬我哋個櫻桃小嘴食完唔使抹嘴， 跟住整個雞翼 嘩呢個真係超正 味道適中脆皮鬆化，天婦羅賣相都好靚， 呢個價錢有咁多嘢食我friend真係冇介紹錯👍🏻👍🏻

之前一直都有聽過滿屋日本料理，今次親身去食覺得真係唔錯！menu都有好多唔同嘅嘢食選擇呢間放題分左兩個部分，分別係點餐同自助兩種型式。一去到唔使等就即刻去自助區開餐，沙津、主菜仲有海鮮，包羅萬有。拎左一碟翻埋位， 再去落單就岩岩好👍🏼 整體黎講 滿屋既食物質素十分唔錯，魚生新鮮！壽司款式多！其他食物好食，份量適中，食飽正餐仲有好多款既甜品，朱古力窩夫實在不錯除咗普通罐裝嘢飲之外仲有得特別叫梳打飲品仲hagendas 雪糕等緊你！真係可以食到好滿足！

今日女友嚟銅鑼灣搵我食午餐，佢話不如食放題，咁激動？！原來佢係搵我之前睇到呢張傳單，原來除咗放題，午餐都有定食選擇午市嘅價錢就比晚市係五六十蚊，好似食品係一模一樣嘅午餐冇因為收平左偷工減料，飲品選擇同夜晚相信係一樣咁多嘅有一啲可以自助式嘅熟食，都熱辣辣香口㗎，唔會放咗太耐淋晒咁到底一陣會唔會有空間食甜品呢成日都話食放題最好就係食刺身，普遍來講都會係新鮮有質素壽司都非常唔錯呢個一口海膽手卷無限量供應，正呀唔知係咪午餐流量唔大，啲川燒係即叫即燒嘅，因為有時聽聞啲放題會燒定晒啲串燒喺度，呢個就非常好食啦呢個係秋葵天婦羅，都係即叫即炸

今日放工喺銅鑼灣唔知想食乜嘢，又想食刺身，又想食串燒，又想食天婦羅，之後諗到食放題就可以滿足晒依啲要求！依間比同類型放題餐廳來講價錢算唔貴，都幾多選擇！入到去就俾佢個食物bar 吸引住，同平時酒店buffet嘅格局差唔多！有海鮮冷盤同埋沙律，又有甜品櫃和飲品櫃，超多選擇！坐到埋位，有兩本點食物嘅簿仔，選擇都幾多，刺身我哋揀咗赤海蝦，油甘魚，鮑魚，帶子，螺肉，卷物就揀咗海膽，另外壽司就揀咗海膽吞拿魚茸，灸燒牛肉，灸燒左口魚，串燒選了雞翼同埋牛舌，天婦羅就揀咗海蝦同埋秋葵,最後甜品係金山嘅重點，因為佢有movenpick 雪糕，為今餐畫上圓滿嘅句號！

銅鑼灣最多日式放題，諗唔到嘅時候真係一個超好嘅選擇，又係因為咁，今次我哋就去咗滿屋日式料理食放題。一入到去個格局好似自助餐咁，唔似平時嘅放題自己寫紙仔，有啲嘢食可以喺自助區嗰度自己拎，仲要唔係得甜品嗰啲，都有壽司呀其他熟食可以揀，唔使下下等時影啲嘢食嚟，一嚟到就即刻食咗先，呢樣野幾好。自助區呢啲有個火炙三文魚壽司，個醬汁好好味，唔係用平時比較想見到嘅美乃滋，食落唔會過甜過酸。刺身方面，多選擇得來全部材料都好新鮮，特別係隻牡丹蝦，足足有成隻手板咁長，粗壯得來又夠甜。帆立貝好新鮮好夠水份，質感好creamy。勁多款創作壽司，最鍾意就係呢一個帆立貝上面放咗吞拿魚茸，好少見壽司唔係加飯噏飽你。火炙壽司一定要食，特別係個蟹棒同埋飛魚子芝士玉子，芝士唔會過酸，質感creamy無溝稀。食放題好少叫壽司食，因為驚食咗咁多飯落肚會好飽，但係呢度啲壽司靚都冇辦法唔叫，特別係鵝肝立貝同埋蟹膏蟹棒，好少機會食到，證明呢度用了唔會慳住慳住，其他壽司都整得好精緻。雪糕係movenpick同榴連，食兩三盒覺得好抵。每位都係 $238加一，最緊要上菜夠快，真係食足兩個鐘。

My families and I went to a Japanese restaurant called “Manya Japanese Restaurant”(滿屋日本料理) located in 8/F, Causeway Bay Plaza 2, 463-483 Lockhart Road,Causeway Bay (銅鑼灣駱克道463-483號銅鑼灣廣場2期8 樓全層).The restaurant is decorated in simple modern with a touch of Japanese flair.(Sakura wall decor, Mount Fuji graffiti...etc).The Japanese dinner buffet costs HKD$198/HKD$218/HKD$238/HKD$248 per adult in different time slots.There are arrays of sushi,sashimi, Japanese cooked food that provides on an unlimited