滿屋日本料理 (已結業)

日式放題是本人的最愛，除了食物是否新鮮好味外，價錢亦是考慮因素，今天晚上和家人吃飯，便選擇了這𥚃。這𥚃食物有刺身、壽司、火焰壽司、創作精選、手卷、卷物、天婦羅、炸物、串燒、燒物、一品料理、煮物和廚師推介。飲品有汽水、啤酒、特飲、清酒和梅酒。清酒有凍/熱，梅酒只有凍的，都是日式放題的最佳伴侶。特飲的茉莉花百香果綠茶，酸酸甜甜，味道可口，值得推介。海膽壽司，味道鮮甜，份量不算少。鹽燒海蝦，蝦肉爽口彈牙，味道鮮美。燒菠蘿，菠蘿的鮮甜味，被燒烤後帶出。刺身有多款，其中以帶子和牡丹蝦最為鮮甜。雪糕每一人一杯，吃完就更滿足。

好耐冇食放題喇! 前排聖誕好多party, 飲飽食醉之後, 唔好俾佢停, 繼續食食食!當晚2個人黎食, 安排左張對坐既台, 台同台之間唔係話好大距離, 不過呢d係土地問題, 絕對明白, 冇所謂既!瘋狂落完單後, 係等野食黎個陣, 有得出去攞下野食咁, 好節制咁拎左梅酒 (其他飲仲有兩款清酒, 同一般常見既啤酒汽水)另外自助區仲有不同種類既食物, 例如有沙律, 冷盤海鮮, 炸魚皮, 薯角等等, 連爆谷機都有!先黎既係燒牛舌, 我地ENCORE左幾ROUND, 因為燒得好香, 充滿油脂味為左食海膽, 不惜唔怕頂肚, 點左手卷! 好彩係迷你VERSION! 海膽有鮮味, 另外仲試埋個蟹膏, 都唔錯!其他卷物 (例如花之戀, 芒果忌廉芝士卷)都好足料!重點講埋d刺身先! 帶子係我食過咁多放題中最大粒既! 蝦刺身有兩種, 分別係甜蝦同埋大赤蝦! 我個人就中意食甜蝦多d, 因為蝦味鮮甜d!總括黎講, 上菜速度都幾快, 侍應態度好, 食物質素都唔錯!

bk左枱8點半，9點先入到座，安排入座好慢，佢地要第1輪既客走哂先安排第2輪既客人入座，第1輪去到8點半，第2輪8點半開始，根本第1輪既客未走，侍應又執唔切野，一入到去入紙要魚生同炸物，過左成大半個鐘咩都冇黎過，同侍應反映，佢地只會叫你再叫過，直到最後半個鐘，食物先不斷黎，刺身單完全係錯既，份量種類都唔啱，周圍既客人所叫既食物都重複重複咁黎！佢地無論廚房，樓面都嚴重唔夠人手，完全無人幫你入單，入左都冇野食黎！唔會再去呢間食！😡😡

銅鑼灣呢間日本放題真係好出名，小編啲朋友成日都誠心推薦，今日真係勁好彩walk in等咗大概10分鐘就有位，重點係佢哋menu已經提供超過50幾款嘢食，另外仲有自助區，大家一定覺得卑啲好hea嘅嘢你啦自助區，大家睇相就知道唔嘢少。佢哋提供好多新鮮嘅海鮮卑大家食花甲，海螺同埋海蝦，佢哋嘅蝦真係好新鮮，小編真係食咗幾輪。另外，各款麻辣涼拌小菜超級惹味，小編建議大家食呢個做前菜好開胃。野飲款式真係多小編隻眼都亂，無論係酒精，茶類定話汽水，相信一定滿足晒你地所有嘅需要。日本刺身質素有幾正，大家睇相就知道。大家一定要點大蝦同埋帶子，大大隻放口入面。滿足二字真係再適合不過。佢哋嘅壽司唔會放大大舊飯整飽你，係啱啱好嘅份量好有良心。佢哋嘅烤物同埋炸物火候控制得好好，食嘅拍手叫絕。最後除咗出面自助餐嘅甜品之外，仲有 haagen dazs，deyer‘s 同埋movenpick雪糕卑你地揀添。

很喜愛食日式放題，今日來到銅鑼灣駱克道，揀了食滿屋日式料理放題。放題星期1~4晚市$238/位，任飮任食2小時。放題有冷盤小食、火焰壽司、創作精選、天婦羅、串燒煮物、廚師推介、燒物、手捲壽司、炸物及刺身...等等，甜品飲品及水果等。餐廳裝修充滿了日本的味道，尤其喜愛天花上粉紅色的櫻花。一入門口已見到非常多的熟食，有熱葷、凍食、餐前小食及沙律...等。取了一些喜愛的食物，炸薯格、凍蝦、東風螺、炸多春魚、一囗薯 ...。燒紐西蘭羊鞍每次日式放題必食的燒紐西蘭羊鞍，面上還見到一粒粒的黑椒粒，黑椒及香草的味道，令醃得美味的羊鞍更可口。黑鬆露吞拿魚醬油漬壽司，顏色粉紅非常吸引，入口軟滑，黑鬆露與吞拿魚的味道非常夾。蟹子軍艦，橙色的蟹子，卜卜脆的口感，再配上日式的煙韌米飯，是我的最愛。花之戀，三文魚油香又軟滑，蟹子粒卜卜脆，有口感又美味。鹽燒海蝦鹽燒海蝦有少少乾身，反而令味道較濃。鹽燒牛舌，醃得入味又香口。芝麻雞翼，外帶點脆皮，肉嫩多汁。貓山榴槤炸彈，香濃的榴槤味及流心，就算飽我也要食多一個。還要了入口爽脆的雞軟骨、燒菠蘿、鮮蟹粥...等，非常美味。美味又多款式的甜品及水果又怎會錯過，甜品細細杯，

早幾日同屋企人去滿屋食放題，好彩我哋預先訂咗位，因為假日都幾full下(ﾉ>ω<)ﾉ點菜紙上的款式分別有刺身、壽司、串燒、一品料理、天婦羅、燒物同炸物等等，除咗可以叫點菜紙上嘅嘢食之外，仲可以去自助吧拎野食，都有一啲熱湯、冷盤、炸物同沙津，好豐富，我地食左2大碗既蟹籽沙律😍😍 呢度仲有得飲清酒架~~刺身都幾新鮮，冇咩雪味，而且每一片都幾厚切，帶子好鮮甜厚肉，榮螺幾有咬口，北奇貝、油甘魚等都唔錯㗎~~~雞軟骨燒到好香口，味道岩岩好~ 羊架好厚肉，肉質唔會好鞋~ 蟹肉翅我覺得幾好食~ 燕窩燉蛋不過不失~ 最鍾意就係食燒蝦，鹹鹹香香，蝦肉都好彈牙!!(^u^)芝士帆立貝好creamy，唔錯(^y^) 紫薯仔香甜~ 芝麻雞翼金黃香口，肉質juicy，幾好味(ゝ∀･) 吉列蠔外脆內嫩~ 鰻魚啖啖肉，醬汁香甜濃郁，每次同屋企人食一定會再encore鰻魚!!天婦羅蝦整得幾好，炸粉頗薄，蝦肉係好彈牙架~ 黑松露芝士釀雞翼都係啖啖肉，食起黎好方便，而且味道好豐富！(｡◕∀◕｡) 仲叫左小小壽司，有左口魚壽司、海膽壽司等~ 同屋企人係呢2個鐘都食得好飽，食物質素唔錯，最後每人都有有一杯雪

今天和朋友興高采烈地到銅鑼灣的滿屋吃放題，果真是大滿足！一入門口便看見有清酒和梅酒飲，我和朋友坐下後便急不及待地取了些酒試試，清酒味道甘醇，梅酒甘甜，真的不錯。另外，除了用點餐紙落單，還可以到出面的自助區取食物，有葡撻、薯餅、章魚小丸子及爆谷等等，全部都熱辣辣，好香脆！下單第一時間當然是要選刺身啦！想不到我們二人竟是如此放縱，點了超級多的刺身！全部刺身都好鮮、好美味！當中帶子和赤蝦是我們追加的項目！我們也叫了一些熟食。壽司方面，最令我欣賞就是這個左口魚裙邊壽司！燒羊架有羊味，多肉汁！味道濃郁！炸物都好脆口，我最愛是榴槤炸彈！半熔的榴槤蓉的確令人垂涎三尺！雞軟骨、燒菠蘿和燒鰻魚也是不錯的選擇，雞軟骨有嚼勁，燒菠蘿就非常Juicy，燒鰻魚就以鰻魚汁取勝。另外雪糕都好吸引，知名的雪糕品牌都可以在這裏找得到！我和朋友都選擇了吃哈根大師的巧克力味！真的很圓滿呢！

我其實平時好少去食放題，襯著朋友生日話想食放題，就約左三五知己去食😊網上睇到食物類別都好多所以就簡左銅鑼灣滿屋😋😋首先點左好多刺身，有油甘魚，鮑片，甜蝦，大赤蝦，北海道帶子刺身，北海道角螺等等，都算好多款式和很新鮮，其中油甘魚質素比較好👍🏻👍🏻👍🏻花之戀好耐無食過了，叫左黎食依舊覺得很滋味🥰羊架整得好好味又juicy又唔so，不愧等左咁耐👍🏻點左幾款天婦羅，有虎蝦天婦羅，温室蘆筍天婦羅，龍躉天婦羅👍🏻👍🏻龍躉天婦羅是新品，好好食香脆內裡嫩滑，值得一試！

意食日本嘢的我，今日約咗好朋友食放題，因為只要畀一個價錢，可以滿足晒大家不同口味，又可以食到刺身、壽司🍣、手卷、炸物、天婦羅、串燒等等朋友話想去銅鑼灣行街，所以就揀銅鑼灣滿屋日本料理餐廳位置非常就腳，由銅鑼灣港鐵站c出口，行過對面就到，餐廳位於銅鑼灣廣場2期8樓全層，所以坐位都幾多，但同其他日式放題店嘅問題一樣，就係坐位較迫，枱與枱較貼近但從食物質素嚟講，哩度嘅食物真係好好第一轉，先叫個刺身拼盤，有三文魚，甜蝦，大赤蝦，劍魚腩，帶子，北寄貝，北海道角螺，刺身好新鮮，冇雪味，三文魚肥美，帶子、大赤蝦好大隻，味鮮甜火炙壽司🍣，有秘醬厚燒玉子，味帶少許甜，加上醬汁，入口又有少許沙律醬味，火焰牛油蒜蓉三文魚，三文魚、和牛、鰻魚被火燒過，油脂香味更濃更突出海膽手卷，細細件，海膽入口鮮甜滑溜壽司有柚子油甘魚、黑松露赤蝦、黃桃煙鴨胸串燒有牛舌、沙爹雞，菠蘿，甜蕃薯，菠蘿燒過後，冇咗酸味，甜味更出另外，大堂中間仲有一個自助熟食區，都有好多美味食物，尤其係麻辣牛舌，入口真係好麻，但唔會好辣，牛舌厚切，有咬口仲冇一定要食嘅係洋枝甘露，嘩，真係非常美味，芒果汁似用芒果肉打成，所以個汁較稠，入口仲有好香芒果味

雲雲美食中，相信日式放題一直都係名列前茅既選擇之中，亦都岩哂一批選擇困難癌細胞嘅朋友仔。滿屋呢個名相信好多食過日式放題既人都必定聽過，甚或是曾到訪食過，今次卡比選擇左係平日收左工後黎到位於銅鑼灣分店既滿屋一嚐。🔷日式放題 💰238 💙75/100🔹自助區意外發現原來呢到有自助區，自助區擺放既食物以甜品、前菜、沙律及炸物為主，算係既細心又方便，方便左好多重既order及運送過程，客人又可以節省等待時間及能夠按份量拿取，比個讚呢到。🔹刺身首先份量上刺身真係卡比寫幾多片，佢就真係有黎左幾多片，等待既時間及速度都正正常常。三文魚有比到腩位，十分肥美；滿屋著名既甜蝦及大赤蝦係必點嘅刺身，又大條而且仲要係原隻連頭上；另一必點係北海道帶子刺身，原隻無開邊，所以非常厚身又鮮甜。🔹熟食 (燒物、天婦羅、廚師推介)呢到既食物選擇多不勝數，有種「人有我有，人無我有」嘅霸氣。天婦羅食左虎蝦及龍躉，都系暖暖地又脆卜卜，雖然係炸但並無食到成口油；燒比目魚同埋鰻魚同樣出色，比目魚好滑又夠味；想食佢個牛肉鍋及蟹粥，但總是好飽，為免造成浪費最終都係無叫，唯有將呢份好奇留待下一次再揭曉。🔹飲品、甜品、水果飲品種類繁多而且

繼上次兩個人去喪食，今次加多一個戰友！再挑戰大胃王！ 一坐底又剔剔剔！放題種類好多，由A至N咁多頁，刺身、壽司、手卷、天婦羅、炸物、串燒、煮物、料理、主物、廚師推介、飲品和甜品等類別，除了剔紙上面既選擇，出面已經擺放左沙律類、炸物、少量海鮮和熱葷，亦有湯、甜品和水果可以任拎。飲品有兩個大雪櫃多款任揀，可能因為天氣凍，仲有個暖櫃放住熱既紙包維他奶！好窩心呀！想傳統d飲茶都可以自助！最驚喜係，近門口位置係有sake可以斟！我真係未見過任飲會包清酒！我當然未顛到lunchtime飲清酒，都係安份守己沖杯茶順便幫助消滯。 我哋喺緊迫嘅時間裏面盡量食最多嘅嘢，大部份食物的質素都非常好，刺身全部都好新鮮 ，例如大赤蝦、北海道帶子好味到要再encore，另外例如黑松露赤蝦壽司、海膽吞拿魚茸壽司、櫻花戀人、海膽手卷等都好好食，真係有少少出乎我意外。 有個香芒忌廉芝士加州卷，幾好味，感覺清新！芒果又甜！我又幾鍾意佢既火灸系列，有埋芝士一流！佢既壽司比出面既細，方便你可以食多幾款！即使係熟食都一樣出色，例如燒有機菠蘿，估唔到有咁多汁，羊架、牛舌等都好入味又夠腍。 蒲燒饅魚都好正！雞翼即叫即燒，熱辣辣好味！

妹頭話好耐無食過放題，帶佢嚟銅鑼灣呢間「滿屋」試下。我哋揀咗六款刺身，有三文魚、油甘魚、中吞拿魚腩、赤貝、甜蝦及帶子。三文魚厚切肥美，油脂分佈平均，鮮味十足，口感一流；而甜蝦水準亦不俗，蝦味甘甜濃厚，肉質彈牙可口。壽司一次過點了七款，有京蔥三文魚腩、黑松露赤蝦、柚子油甘魚腩、香蔥玉子、蟹膏皇帝蟹腳、香草牛油果醬煙三文魚、黃桃煙鴨胸。幾款壽司都很美味，尤其是赤蝦，肉質爽彈兼富黏性，加上少許黑松露的幽香，配搭一流。火焰壽司點了三款，有秘醬厚燒玉子、火炙芝味和牛、火焰牛油蒜蓉三文魚。和牛即叫即燒，肉質細嫩，入口油香十足！天婦羅向來是妹頭至愛，所以一口氣揀咗幾款，有虎蝦天婦羅、龍躉天婦羅、溫室南瓜天婦羅、有機番薯仔天婦羅等。虎蝦天婦炸功雖然唔算一流，但咬下夠熱夠脆，也算可口。串燒揀了三款，有鹽燒海蝦、燒有機日本番薯仔、鹽燒牛舌。海蝦經鹽燒後，肉質結實彈牙。燒物點了鹽燒鯖花魚，魚肉入味，而且質地結實，口感唔錯！甜品時間，有燉木瓜同各式小甜點，小甜點有蛋糕仔、泡芙、迷你馬卡龍等，全部都的的骰骰，食多兩件都唔怕滯。另外餐廳設有自助美食區，當中食物種類亦不少。

今晚約了朋友一齊到銅鑼灣的滿屋日本料理食放題。餐廳装修充滿日本風格，卡位式設計，令人感覺坐得舒適。放題多元化，刺身、壽司、燒物、炸物、甜品、飲品及水果...等，都令我非常喜愛。先巡视一下一入門口已見到的自助吧，熟食及凍食、餐前小食及沙律...等，连爆谷都有。鹽燒海蝦鹽燒海蝦带有盐香味，肉質爽口又夠鮮味。鹽燒牛舌，帶點煙韌，面上帶有一粒粒的黑椒醃得夠入味。今晚點了較多的刺身:有甜蝦、空運大目吞拿魚、大赤蝦、油甘魚、北寄貝...等。各款海鮮都非常新鮮。甜蝦及大赤蝦、北寄貝都帶爽口。空運大目吞拿魚及油甘魚新鮮又鮮甜。海膽手卷带脆的紫菜包著飯及海膽，滿口的濃香海膽味，愛食海膽者不可錯過的選擇。还要了鹽燒青花魚，非常重魚味。蒲燒鰻魚，味道带点甜，食落啖啖肉。西京比目魚，肉質嫩滑帶香口，很好味。燒紐西蘭羊鞍面上還見到一粒粒的黑椒粒及香草，燒得肉嫩多汁，連面上一粒粒的黑椒一齊食，令羊肉更惹味。最後以甜品及水果，為這個美味的放題，畫上圓滿句號。

今日去到銅鑼灣 決定食日式放題一上到去已經非常多人睇一睇菜單有好多選擇首先叫左一個蟹皇粥好鮮甜又夠味 比我想像中出色仲真係有大大隻既蟹肉必叫的燒菠蘿 熱辣辣仲有日式串燒 雞肉串上碟速度好快 又無跟漏單當然唔少的壽司啦仲要係小飯 岩晒我地 可以試多啲野食帶子新鮮又大粒吞拿魚仲有油甘魚 黑松露燒吞拿魚等等都幾多特色壽司架鹽燒雞軟骨 香脆爽口口乾時仲有野飲任飲除此之外 仲可以食海鮮🦞有鮮蝦 螺頭 refill都幾快甜品唔少得雪糕啦大大隻的羊扒

食放題由頭帶到落尾，肚滿屋肥非常好意頭。今晚大滿足。剌身十幾款，有三文魚，赤蝦，鮑片，帶子.....鮮甜味美。食壽司梗係要食得刁鑽啲，火焰做法惹味十足。芝士蟹桻，鵝肝帶子，來者不拒。煮物雪花肥牛鍋不容錯過，肥牛軟腍，還有各種菜蔬，滋味。燒物香口，試過了日本番薯仔，牛舌，燒菠蘿，調味恰到好處。冬菇花膠夠矜貴，花膠有嚼口，膠質黏口，食多份都回本啊！炸榴槤認真掂，熱辣辣，皮薄餡靚，味道濃郁。隨了點紙上的食物外，還有自助區，冷盤，熱盤，甜品，清酒梅酒，各式各様，每款食少少都足夠開心一整天。