影片
夜晚同女友行下尖沙咀，行到7点左右就揾野食，咁岩我就想食串烧，就拉女友慢慢行去佐敦度食去到睇餐纸，𠮶时我就肚饿饿地，想加个乌冬或者饭，可惜佢地夜晚冇饭面卖，如果有就好啦。大约叫左十几串，都系叫返啲普通串烧。其中有2样必叫既就系烧茄子同埋烧鸡翼，另外女友钟意食扇贝，就叫左个蒜蓉扇贝。唔知系我地粗心定佢地本身冇，烧既都系唔辣既，食物黎到就问佢地要啲辣粉，好处系唔食得辣既或只可食小小既咪自己加，唔好既咪觉得连辣一齐烧会惹味啲。烧原条茄子真系好食，蒜蓉几多，皮又冇烂，成条清得好干净。鸡翼味道ok，个人觉得几ok。另外叫左2款牛，蒙古牛既味道一般，肉太瘦。极品一口牛就肥瘦适中，真系好食，不过价钱都贵过普通既蒙古牛一倍😅😅值唔值见人见智啦，反正我叫一串食就算。司华力肠够大条，又热又入味，大啖咬落去个满足感真系正蒜蓉扇贝感觉有啲干，我食一粒就够，其他等女友清哂😝😝😝有款叫千层肉汁烧，其实系猪腩肉黎，呢串好多肥膏，烧出黎好湿润，对我呢啲肥佬黎讲，肥-并唔系问题，最紧要味道一流👍👍👍🤣🤣佢地系预左一个放左牛油纸既盘，啲野食到会放落个盘上面，同埋环境又大啲啲，个人感觉系干净啲。
继续阅读
佐敦油麻地实为小店美食天堂，好多店都好吸引好正今次夜晚黎食满串，主打「自家制」，自家腌料、自家菜式、自家酱料，款式好多店内小店工业风，几衬做小店，啤酒多选择，1664 tower都有但南妹细枝装平到抵抗不了第一碟上枱，用个大碟放几寸一齐上好正鸡泡鱼干实在系我食串烧必食，虽然唔系度度有，但送酒同间住间住食最啱劳苏食推介 —— 岩烧极品一口牛以为普通烧牛，一入口，肉汁爆炸，牛既油脂好够好出一食就知靓牛，而且烧功一流，肉质滑，又香又好味，食到合埋眼秘制西班牙猪汁烧，食落有少少似鸡肉，正正常常，冬菇反而个汁仲出爆浆海鲜丸真系好爆，唔使咬净系拎支签出嚟已经爆汁系沙律酱海鲜丸，好味，食埋烧鱿鱼须，份量好够，相当香，食鱿鱼须唔会太腻第二轮黎lu自家制鲜墨鱼棒棒，好似食烧既墨鱼滑咁，弹牙而香浓，加埋酱汁食惹味烟肉蟹柳卷，特别既口感，外面烧香脆烟肉，入面腍腍既蟹柳，个人黎讲几中意千层肉汁烧，口感似猪颈肉，好食到自家腌制同自家酱汁既风味纽牛蒙古烧，基本上就系超多孜然粉既烧法，肉有少少干，鸡柳蒙古烧都系差唔多，但个人觉得鸡肉夹啲自家制鲜虾棒棒，比墨鱼棒棒正，好似食「虾柳」咁圆满鸡，卖相几得意，比一般烧鸡串更有啖啖肉既好味猪仔脾汁烧，用手揸住一咬，爆汁嫩滑，味道好好，食法风味一流劳苏食再推介 —— 8吋海虎虾汁烧未上枱已闻到好香，大大碟全只虾俾晒你，超正烧法必赞，可以食到虾膏虾头，又香又浓8吋虎虾童叟无欺，绝对唔系平时个啲一串过就话大虎虾，虾肉弹牙绝对新鲜，汁好味但唔抢鲜虾味，太正喇最后食个菠板糖当甜品作结，好丰富满足既一餐，完全食到自家风味而超赞烧法同配搭都有自己一套而好好味净系只虾都见功架，有心机必然返食
继续阅读
食物煮理美味依然，之前侍应系位好cheerful同醒目嘅哥哥仔，而家竟然换左位唔带口罩、同无表情嘅女士做侍应。好间接提左佢，佢嘅反应就系“冇反应”。仲记得上次去，舖头坏左一部冷气，哥哥仔都好落力为客人张罗，入去一定要写纸仔或嘟安心出行(但女士侍应系乜嘢都不理)。我哋食到大汗叠细汗，依然会继续帮衬。食物质素重要、店员店舖嘅卫生同态度，都极为重要。搞到我哋开始商量还会不会有下一次。真是无奈！好的食店要有好的食材、好的厨师、还有好的伙计。
继续阅读
深宵总是饿😙😙同屋企人都想食啲香口野，foodpanda 叫啲串烧食吓。之前都有叫过另一间串烧，不过漏单情况比较严重，所以今次第一次试吓呢一间。首先最重要冇错漏👏🏻👏🏻而且包装都唔错，仲用锡纸保温，比较细心，值得一赞。味道方面都唔错，仲有三四个唔同嘅酱料配送。就算唔点酱料，都好香口好好食。唯一美中不足系冇得选择辣或者唔辣。一口牛同鸡翼都唔辣，鲜冬菇同翠玉瓜莫名其妙就变咗辣，小朋友食唔到☹️
继续阅读
中午咁岩经过，见到门口个menu好似几吸引所以同朋友决定入去食。点左佢个岩盐牛烧牛仔骨饭，啲饭好食，唔会太硬或者太痴，但系个牛仔骨就麻麻，其实调味几好，但个牛太硬了，好难咬开
继续阅读