滾爺火鍋 (金巴利道)

营业中

休息中

We had the pleasure of discovering this great hotpot restaurant located on Kimberley Road. We decided to indulge in our favorite selections, and we were immediately captivated by the stunning presentation of the beef, accompanied by a delightful touch of smokey ice. The vermicelli was cooked to perfection, complemented by the delectable sauce and flavorful soup provided. Furthermore, there is a diverse array of options available that we didn't have the opportunity to try, such as the enticing se

👨🏻‍🍳滾爺火鍋 (金巴利道) (尖沙咀)📍尖沙咀金巴利道58-60號金碧閣地下A號舖 「超甜椰子雞湯底！！2椰皇+2椰青」 4隻椰子好震撼🤣系你面前落，一「餅」有半隻雞😆滾左之後，再等5分鐘就食得 （有漏斗比你計時）。 🍽️招牌椰子雞鍋 （半隻） $248半隻份量都多，夠2人食🤤 🍽️美國安格斯板眼 $188上枱會冒煙😆厚切的肥牛 🍽️百福豆腐 $28真百福嫩豆腐！！配椰子湯好似食緊豆腐花😯 🍽️蓮藕 $38超甜！！ 🍽️爽口手打鮮蝦滑 $78！！蝦滑，有蝦 👍🏻九宮格醬料，仲有陳醋😻醬料系火鍋主角🤤店內有包廂，廂內可吸煙，適合私人、多人聚餐🤤店面得2位侍應，辛苦了🫶🏻

今晚去咗位於尖沙咀的滾爺火鍋打邊爐，仲試咗呢度嘅招牌菜椰子雞鍋！招牌椰子雞鍋湯底分別用了兩個椰皇和兩個椰青，搭配半隻雞肉，絕對真材實料，湯底口感十分清甜。未正式打邊爐之前我同朋友都分別飲咗兩大碗！Choice級美國安格斯牛肩胛牛肉非常高質，質地鮮嫩，口感豐富，配合火鍋豉油一同進食，認真美味。即炸紫菜響鈴即叫即炸嘅響鈴唔單止新鮮，而且非常香脆！更重要加埋紫菜，有與別不同嘅口感。西洋菜平時打邊爐都好鍾意食西洋菜，呢度嘅西洋菜新鮮，又有口感，唔錯唔錯！總的來說，如未試過嘅，真係要試吓這家打邊爐店的招牌椰子雞鍋。而且我仲發現，餐廳係可以包房，人多打邊爐可以考慮！

《滾爺火鍋》▪️▪️▪️▪️▪️▪️▪️▪️▪️▪️▪️今次到訪在尖沙咀金巴利道一家新開火鍋店~滾爺火鍋留意到餐廳入面有幾間大房同埋有卡拉ok可以唱😂 食緊嘅時候入面有啲客唱得好開心🤭🤭▪️▪️▪️▪️▪️▪️▪️▪️▪️▪️▪️🔸 滋味清湯（$78）🔸 3007 Choice 級美國安格斯牛肩胛（$228）🔸彈牙手打墨魚滑（$78)🔸手打蟹子墨魚丸（$88)🔸紅薯粉（$18)難得又喺香港打邊爐~ 今次叫咗滋味清湯清清地 😎 我估唔到入面菜同埋豆腐都好多，算係一個小驚喜😂食物方面手打蟹子墨魚丸幾特別同有特色~🥳 墨魚丸外面有好多蟹子🤭🤭😆至於手打墨魚滑方面~ 墨魚份量幾多下，差唔多啖啖都食到🫣至於美國安格斯牛肩胛上嚟嘅時候會有乾冰effect，幾有打卡feel~ 同時肉本身肉味十足!值得一試🤓▪️▪️▪️▪️▪️▪️▪️▪️▪️▪️▪️設加一收費醬料費每人$18▪️▪️▪️▪️▪️▪️▪️▪️▪️▪️▪️今次幫襯: 滾爺火鍋 (金巴利道)📍尖沙咀金巴利道58-60號金碧閣地下A號舖#波比出沒尖沙咀 #Tsimshatsui #Tsimshatsuifood #尖沙咀美食 #hkfoodie #hkblogger #foodie #hkfoodblogger #hkinfl

位於尖沙咀金巴利道的滾爺火鍋，給人一種舒適又美味的用餐體驗。他們的唐三藏，這道田園菇菜拼盆色彩繽紛，新鮮的蔬菜搭配多種口感的菇類，清爽可口，絕對是素食者的最佳選擇。他們的招牌椰子雞鍋。半隻雞搭配椰子湯煮製而成，清甜的椰子味與鮮嫩的雞肉完美融合，每一口都彷彿在品嘗天堂的美味。除了火鍋料理，他們的即炸魚皮也是一道令人驚艷的美食。酥脆的魚皮搭配特製的醬汁，香氣四溢，讓人難以忘懷。最後，讓我們來品嚐Choice級美國安格斯牛肉。優質的牛肉入口鮮嫩多汁，肉質鮮美，口感絕佳，絕對是肉食愛好者的最愛。總的來說，滾爺火鍋不僅提供了多樣化的美味火鍋料理，還有令人驚艷的招牌菜和美味的小吃，是一個值得一試的用餐去處。

餐廳位於尖沙咀金巴利道，位置方便，好容易搵！一入到去，行落樓梯，就有個幾靚嘅打卡位，適合鍾意打卡嘅朋友！-番茄湯底一滾熟就好香！番茄熬製，鮮味正👍🏻我哋另外嗌咗娃娃菜、手包鮮蝦雲吞、手打蝦滑、松葉蟹榛做火鍋配料！娃娃菜+番茄湯底係超級夾，雲吞足料👍🏻蝦滑一份有兩條，食落口粒粒蝦，口感好好😚重點推介「鬼馬雙星」，油炸鬼外表，外脆內軟，食落有一層蝦滑係入面，雙重享受！上面加咗蟹籽，提升食用效果🆙

一開頭會有九宮格醬料喺枱面俾你調好醬汁先，唔洗出去行嚟行去，特別推介個沙嗲醬，又香又莣味。💡 麻辣雞煲 $248講嘢食之前要講講個設定, 爐係凹入去，周邊有抽氣系統，唔需要怕燻到自己一陣味。雞煲好香，本身就好夠味，雞件唔會柴，麻辣味好香。食完就可以加入雞湯，吸收埋啲精華，湯底依然好濃。💡手打蟹籽墨魚丸 $88呢個賣相太吸引了，痴滿蟹籽，一度唔捨得放入火鍋。熟咗之後，仲痴得實，外面有一粒粒蟹籽嘅口感，入面係彈牙嘅墨魚丸，口感同味道都好特別。💡紐西蘭羊肉片 $138羊肉片輕輕放一陣就食得，唔算好騷，又唔會柴，點一點沙嗲豉油，非常好味~💡紅薯粉 $18呢隻係扭紋薯粉，呢間嘅放入去滾一滾就食得，有啲店其實要滾好耐先食得，等到要交枱個芯都仲係硬TT見到隔離枱叫咗椰子火鍋湯底，又真係開個椰子倒新鮮椰水汁落去，聞到好香，下次都想試試。

今日同朋友行完街有少少肚餓, 又想搵個坐得耐D 又唔會俾人趕嘅地方. 最後揀左食火鍋 ( 滾爺火鍋) 地點又方便. 本身身量就唔太多. 又想食下惹味D 嘅野食.咁就揀左食麻辣雞煲D雞煮得剛好熟透，特別鮮嫩。佢地個汁好正配上大量既洋葱，芫荽，辣椒 , 好惹味,而且份量都好多. 有個咁正嘅汁當然叫埋個嫩鴨血. 超正. 彈牙手打墨魚滑- 份量唔少, 有蟹籽同粒粒墨魚好彈牙, 口感爽彈. 油麥菜 - 份量超多. 飲品- 百香果雙響炮 , 津路 烏龍茶本身仲想叫個牛肉 , 但食完個雞煲已經幾飽. 咁唯有下次再試. 仲有佢地個椰子雞煲都好吸引. 仲有佢地D 枱都係卡位. 讚.

今天，我要家人來到尖沙咀滾爺火鍋，享受了一頓豐富的晚餐。我們品嘗了他們的招牌椰子雞鍋。這道菜口味香濃，讓人回味無窮。 首先，這道椰子雞鍋使用的是半隻雞，肉質鮮嫩多汁，咬下去的時候特別有彈性。雞肉和椰子的結合，讓湯底既濃郁又清甜，令人驚艷。 吃完雞肉及湯後，我們還加入了美國安格斯板眼，這是一種高品質的牛肉，肉質鮮嫩，入口即化。再加上手打四寶丸，口感彈牙，讓人愛不釋手。 另外，讚歧烏冬富有彈性，吸收了椰子雞湯的風味，入口鮮美。再配上新鮮的油麥菜，營養均衡，清爽可口。 綜合來看，這招牌椰子雞鍋的確好味，而且餐廳的服務態度也很好，招呼周到。每一次來這裡用餐，都能感受到滿滿的溫暖和美味，值得推薦！

🐔招牌椰子雞鍋（半隻雞） $248非常足料，有半隻雞，兩個椰皇🥥兩個椰青，仲有好多馬蹄仔即時起煲嘅湯底，一滴水都冇加就咁滾，一滾起即刻甩咗一碗湯飲，勁清甜椰子水🤤 啲雞好嫩滑啱啱好，雞肉亦都肥厚唔會細細舊，好飲到最後真係將成個湯底飲晒先再加返個豬骨湯打邊爐😂🦐鬼馬雙星（百花釀油條） $78讓咗蝦滑喺面嘅油炸鬼，新鮮炸起熱辣辣，好酥香，就咁食又得浸一浸個湯咗啲湯水又得👍🏻🐖新鮮第一刀（新鮮豬肉片） $178豬腩肉切片，半肥瘦，油脂香濃，入口柔軟🥟手包鮮蝦雲吞4粒 $44裏面包住啖啖鮮蝦肉，蝦肉爽彈☘️西洋菜 $28幾抵食份量幾多，最後成兜倒咗落豬骨湯底到淆咗一陣，成個湯底勁甜好似西洋菜豬骨湯🤭 打完邊爐飲順便下下火🍺青島啤酒（大樽裝） $33

又落雨又凍 自然想打邊爐記得之前旺角食過呢間滾爺好出色今次喺tst原來都有分店 唔使諗 即刻入去暖暖身呢間分店光猛啲 大部分係卡位 仲要一枱一部電視喺香港實在難得呀因為上次食過椰子雞鍋都幾難忘所以今日繼續要呢個鍋 連半隻雞 雞肉夠滑呀煲滾咗焗五分鐘 之後裝換椰子雞湯 超清甜🔹️Choice 級美國安格斯牛肩胛薄切 肉質嫩滑 油脂分佈 👍🔹️手打蟹籽墨魚丸好靚 橙波波 超多蟹籽🔹️澳洲純牛筋丸（8粒）上次食過must eat item夠彈牙 重牛味繼上次辣親咀 今次醒目 攤吓先🔹️魚皮餃 （8粒）皮薄 啲餡唧晒出嚟🔹️鯪魚滑釀豆卜鯪魚滑都足夠 唔係得細細pat🔹️鮮淮山🔹️冬瓜片我哋鍾意食稔嘅冬瓜 所以一嚟到就放入去🔹️讚歧烏冬最尾放落去煮 吸收晒啲精華🧉雪碧👦表示打邊爐要飲汽水🧉梅子柑桔檸檬酸酸哋勁開胃

行過金巴利道見到依個咁sharp醒既招牌忍唔住望多眼👀由旺角做到黎尖沙咀 依間鋪主打滋補港式火鍋門口有花花打卡牆🌺🌸坐位好多 最特別係每個卡位都有獨立電視 岩晒鐘意電視送飯既我😹✿ 鴛蕭鍋（麻辣+椰子雞鍋）$328 ✿麻辣湯底麻而不辣 唔會越煲越重口味椰子雞湯底就相對出色🤩店員會係席前放入新鮮雞肉 份量好多倒入足足2個椰青+2個椰皇 🥥再放椰青肉同馬蹄煲 用沙漏計時⏳冇加水冇加其他調味 煲出黎湯頭勁鮮甜！🥰雞肉煮得剛好鮮嫩 未開始打邊爐就食晒d雞同飲左大半煲湯😂😂✿ Choice級美國安格斯牛肩胛 $228 ✿擺盤好靚😆牛肩胛切薄片 冇筋 煮得軟冧 ✿ 手打蟹籽墨魚丸 $88 ✿墨丸上面包滿一層蟹籽 墨丸超彈牙加埋蟹籽口感好豐富✿ 唐三藏（田菇菜拼盆）$68 ✿拼盤包括粟米、生菜、娃娃菜、雞髀菇同金菇放係椰子雞定麻辣湯都好夾😹✿ 原隻泰國椰青 $48 ✿見個湯底咁鮮甜 再叫多個椰青 果然都係好甜好多水💦夜晚開到凌晨5點 仲有得包房唱K🎤好岩一大班人開party😻

天氣涼，好適合食火鍋，朋友帶我去尖沙咀這間滾爺火鍋💕招牌椰子雞鍋 $248用兩粒椰皇、兩粒椰青、半隻文昌雞、馬蹄粒和乾椰肉作湯底，店員親自將所有食材倒入鍋中，並沒有添加任何水和味精，大火煮到出煙就可以關火，關火後，再焗五分鐘，開蓋後， 能聞到好香的椰子味，雞的肉質嫩滑，椰子雞湯好清甜，一人可飲幾碗，真係好好飲，果然是招牌湯底💕Choice級美國國安格斯牛肩胛 $228牛肩胛確實是牛肉控的最愛，肉質鮮嫩多汁，帶有濃郁的牛肉香味，口感彈牙嫩滑，非常滋味💕時令海鮮拼盤 $398海鮮拼盤，其中包括了鮑魚、台山蠔、帶子和鮮蝦。鮑魚肉質彈牙，味道鮮甜，保持了其鮮美的原汁原味，台山蠔新鮮度極高，每一口都充滿了海洋的鮮味💕椒鹽魷魚鬚 $88魷魚鬚面層酥脆，入口煙韌有彈性好香口，而且鮮味都好突出💕手打蟹籽墨魚丸 $88有8粒丸，加上蟹籽，令墨魚丸入口更爽口彈牙，食到墨魚的鮮甜味💕即炸小白豬午餐肉 $58熱辣辣送上，炸午餐肉最吸引之處莫過於金黃、香脆、微焦，可以即食或者浸一浸椰子雞湯💕娃娃菜 $28一大份娃娃菜，味道和椰子雞湯非常搭配💕蓮藕 $38另一伴最愛的火鍋的配料，入口爽脆💸醬芥每位$18，再加一

朋友第一次帶我來試，被店家的椰子雞煲吸引到了，幾驚喜鍋底製造用心，真材實料！而食材都大大碟，的地兩個人食都食唔哂…環境有地庫私隱度高，而且每枱卡位都有電視，十分舒適！

朋友介紹尖沙咀有一間火鍋店的椰子雞火鍋不錯，就去試一試🔆 招牌椰子雞鍋 $248店員奉上一盤新鮮椰皇2個、椰青2個、椰肉、馬蹄、半隻文昌雞，即場在客人面前倒椰子水入去鍋內，滾起關火再焗5分鐘就可以開動，一打開蓋湧出好香的椰子香味，雞肉質滑嫰， 食完雞食椰肉，再飲椰子湯底，超級鮮甜又清香🔆椒鹽魷魚鬚 $88魷魚鬚經過炸至酥脆，再灑上椒鹽調味，味道鹹香鮮活，外層香脆，內裡鮮嫩彈牙🔆Choice級美國國安格斯牛肩胛 $228牛肩胛肉質鮮嫩多汁，牛肉味濃郁，每一口咬去都肉汁四溢🔆時令海鮮拼盤 $398海鮮全部都好新鮮彈牙，有鮑魚、生蠔、帶子和蝦，帶子則是鮮甜可口，肉質鮮嫩，非常適合搭配火鍋湯底，帶來豐富的海鮮風味🔆手打蟹籽墨魚丸 $88每一顆墨魚丸都被豐富的蟹籽包裹著，味道鮮嫩，口感彈牙有嚼勁，墨魚丸在椰子雞湯裡煮熟後，吸收了湯汁的滋味，更加美味可口🔆即炸小白豬午餐肉 $58超邪惡炸午餐肉，香口脆卜卜，又不油膩🔆娃娃菜 $28娃娃菜的葉子嫩綠多汁，口感清爽，能夠與湯底和其他食材的風味融合，口感清新可口🔆蓮藕 $38份量也不少，爽口鮮甜💸醬芥每位$18，再加一服務費 💸平均每位消費$460