滾得棧

营业中

休息中

前兩晚同深井原居民去咗呢間鋪打邊爐~~叫人蔘雞湯底, D 湯非常唔錯,仲有叫咗象拔蚌,象拔蚌可以EAT AS 刺身OR 邊爐, 兩種食法都好好味. 另外老闆娘又推介咗樣牛頸脊過我地, 亦都好得!!

因為有friens係深井住所以有時都會到深井食飯,其實呢間火鍋我都唔係第一次食每次去都見到有人叫糯米飯,但我自已就剛剛初三個日先第一次試,想唔到一間火鍋店D糯米飯會咁正,同平時去飲食個D真係好唔同,真係好食好多我個人認為值得一試.(去飲食個D同火鍋店D糯米飯,都係食完主菜先食但火鍋店D糯米飯就全部食哂,而去飲食個D我通常只係食得半碗到就停手).係火鍋方面我唔記得到底有多少款湯底可以撰擇,但我每次都會撰擇不同的湯底,感覺上湯底的撰擇好似比其它火鍋店多.係其它食物方面我只想簡單D講,我自已好鍾意食火鍋香港好多有名既火鍋店我都食過,呢到既出品唔會差過任何一間.但係要二百蚊到要食得飽又要有番呢個品質就唔係到到做得到.

元旦日同屋企人去開餐,呢次我地係第二次去,安排我地上咗二樓坐,D嘢食好新鮮,特別係D丸,真係好好味,價錢亦合理,可以推介,但服務就真係好差同場有兩張大枱,其中一枱有人帶咗隻燒鵝來食,個呀姐突然同果班人講下次要收錢,有人就話訂枱時講晤咗唔駛錢,個呀姐居然話咁由呢一刻開始要啦食食下,突然部電視唔知點解熄咗,又唔知邊個開番,個呀姐好大聲咁問邊個開電視嘅,然後又熄咗佢,有一枱人問點解唔可以睇電視,個呀姐居然話因為唔夠電之後我媽咪想飲水,我問個呀姐攞熱水,佢居然答水未滾,有啤酒氣水可以叫,我地話都係想飲水,佢隔好耐先俾杯凍水我地我之前去食係坐地下嘅,個老闆好好人,服務好好,估唔到上到二樓就變成咁,大家下次再去記得指定要一樓,唔好要二樓,唔係盞勞氣

This is my 1st time to give comment at this site! I really dont know what I should say, I just wanna make it simple.....The food is so fresh, the hand made ball is just prefect !! Ofcause the BEEF is just great!! I really dont know what to say, but it really worth to try!!!!!!

今次一行12人來到深井去試ＸＸ餐廳自助晚餐，但入座後叫第一樣食品就話唔好意思今日冇來貨所以冇得食，咁其它食物都有(貴個樣就冇個樣)，最滾就係我地訂了位，食物不足夠就通知聲啦，最後選擇了走人去別處。咁就來到此間滾得棧試試(都有睇過食評都唔錯)，問一問有冇位呀12人喎，有有有，帶我地上了去樓上，樓上環境仲正，地方都幾舒服。我地點了各式各樣的火鍋食品，魚啦、牛啦、羊啦等等樣樣都好新鮮唔錯85~90分，同叫了糯米飯一共三大碟(都可以)。服務就唔算勁差60分但絕對有改善空間。總括來講係唔錯，會再去。

I have heard this restaurant and read the comments from this site for a while,and finally I tried that last week. As that was my 1st time to visit this restaurant, so that I asked the staff for some advise. And the staff is so keen to tell me what is the most popular food in this restaurant. Than we order the "chiu chow" and "tomato tofu yim sai" soup base and the beef(the staff told me this is the best local beef and it was the neck of the beef) and yes I 100% agreed that really is the "best"!!

Just move to sham tseng, and tried this restaurant. This is my 1st time to write in openrice so I really dont know what I should say. I just make it simple, this restaurant is worth to try!! trust me!!

樣樣野都好新鮮,好好食!! 高質火鍋店!!現在還做埋避風塘炒蟹水准一流!好大隻都係$268!! 值得推薦!!!!!!!

想試呢間好耐, 終於可以在星期六食到, 兩個人食可以雙拼,價錢雖然比一般出面既貴少少,但係好明顯知道佢地既料係好新鮮,服務同招呼都好好，兩個人食左五百幾蚊,可以好滿足咁埋單。會再去幫襯。

我又唔覺得佢D 酸梅湯有溝水wor因為如果溝水d色都唔會咁深, 而且我同我女朋友叫左成胡來飲, 倒出來個陣一d都唔似溝水,仲覺得好sweet tim >v< 仲要佢俾多杯冰我. 我諗之前個位人兄可能係多冰先咁... 仲有我想係到讚下佢D糯米反, 全碟都炒到一粒粒, 最緊要係鍋氣又夠, 食完一定會仲想食. 個次同女朋友食, 食左4百幾蚊, 都幾抵, 值得一試.

以前幾好食. 而家越做越不行. 酸梅湯好明顯溝水. 我問店員, 佢竟然答我, 冰多jei. *__*明明是蕃茄湯的. 以前是可以飲的. 現在的淡如水. 不停的sell 我叫蟹. 我倆個人己經點到一枱係, 重不停過黎hard sell. 我以前好支持及會大力推薦朋友去. 現在, 不會了. 心淡啦.

呢個食評都好遲,因為我都係兩年前去食...個次同兩個朋友去食,共兩男一女,覺得超貴,但係又唔飽,唔知係咪我自己大食呢..埋單成千蚊,呢個係令我仲未去食第二次既理由.不過講真,啲野真係超新鮮,超好食,可能我地個次全部都食啲店長推介既,所以先咁貴不過好少食到啲咁高質既火鍋店,其實我搭車成日都經過呢間野,成日都好想再食多次,兩年後既今日,我計畫既約埋啲朋友再去食過.絕頂推介..!!!

前幾天同男朋友突然想打邊爐,又唔想食樓下果d cheap邊爐,心血來潮醒起,朋友介紹過好幾次這間位於深井的滾得棧.....心言念:洗唔洗入到深井打邊爐咁跨張??? 好,就試一次... 山長水遠入到去,間鋪頭差唔多係盡頭,好彩個招牌夠大先find到...坐底無耐就點左個龍蝦番茄薯仔湯底, 都幾足料幾好味,之後有個哥仔介紹象拔蚌,試左例牌,好新鮮,唔似出面酒樓果d死蚌。環境舒適,有上下兩層。侍應服務態度不過不失,可能太多o靚仔o靚妹,仲覺得爭小小。最後埋單3百幾,食物水準唔錯,會再幫襯ps:大家可以試下佳哥糯米飯, 炒出泥d飯係1粒粒, 夠晒香!

星期六,到此一吃,地方上下兩層,一行四人坐樓下係戶外地舖,有透明膠作屏風,感覺幾有大排檔風味,但比大排檔濶落和乾淨啦當然,唔會有好迫既感覺,地方還可以.食物方面幾有干淨感,每樣都新鮮,佢會介紹我地食出名既食物.不過我覺得湯底好似貴左少少.沖次水以無左個湯味.招呼幾有禮貌,但伙記太少了,做到佢地跑來跑去,一早己叫定糯米飯試試,68蚊一碟,都幾大碟,六七個人食剛剛好.我食左四碗,整得幾好味,唔會chee身,但無花生.最後賣單560.平均百四蚊,貴唔貴見人見智了,有車都值得三五知己去食下嫁.

Me and my family just moved to sham tseng, and we tried this restaurant last week. The food is very fresh, and they do have a very good service too. We eat lots of seafood and 2 large beef (i forgot the beef name, but that is the best one I ever had) the price is $1200 for 8 person. I think the price is very reasonable.