滷友記 (華都中心)

营业中

休息中

今晚路經荃灣，記得朋友說過，附近的很有水準，就決定入去試下，果然名不虛傳。❤️滷友牛三寶爽脆米粉 份量很多，有齊牛、牛筋、金錢肚，牛及金錢肚炆得很淋，牛筋Q彈，充滿骨膠原，各款食材非常入味，配滷水汁湯底，香濃有藥材味，米粉吃起來口感超好，很有特色，非常滿意。 ❤️自選五拼台灣牛肉麵 自選五拼麵我選擇了雞翼、滷水豆腐、台灣腸、墨丸、萵筍，跟台灣牛肉麵，麵質煙韌彈牙，湯底係自家制蕃茄湯底，食材配搭好多，滿足哂有選擇困難的我，十分滋味！❤️上湯浸時蔬食得健康D， 娃娃菜經鹵水汁浸泡，淋甜非常好味。

華都中心唔係連鎖商場，以小店為主，滷友記係其中一間人氣餐廳，價錢貼地，份量十足，下午茶都幾抵食😛 連杯凍即磨咖啡都做得OK! ✨下午茶雙拼麵加指定小食 $51特登揀咗牛筋同金錢肚配搭滷水湯，前者香軟入味，滿滿膠質感；後者有咬口，又唔會太韌，好食😛 而滷水湯鹹鹹甜甜，味道唔會過於單調，不至於極有驚喜，作為日常飯堂係相當唔錯！✨黃金甜不辣 $32份量慷慨，價錢抵食，適合二至四人分享。最後買咗一樽秘製麻辣油做手信送俾屋企人，相信拎嚟撈麵應該唔錯😋

荃灣港鐵站附近有大大小小的商場，衣食住行店舖樣樣有，其中在華都中心便有間專賣特色鹵水車仔麵~“滷友記”。🍲自選三餸麵：鹵水牛筋又滑又腍，鹵水豆腐入味，蓮藕爽脆，米粉與店舖的自家制蕃茄湯底非常配合。🥘鹵水金錢蘿蔔撈麵：少有車仔麵店有撈麵吃，金錢炆得夠鬆軟，蘿蔔清甜，腍而無渣，粗身的台式牛肉麵條以干撈形式拌上，與鹵水汁完全沒有違和感。

餐廳位於華都中心，荃灣地鐵站行幾分鐘就到，附近都有幾間食店，都相當多食客在等。古法鹵水金錢𦟌拼蘿蔔湯飯湯底和汁料既選擇都幾多下，汁料有得揀自家瑞士汁、台式肉燥汁或古法滷水汁，相當要一試古法鹵水汁，味道濃郁但唔會有過咸既感覺，白蘿蔔吸哂湯汁，食落好滿足，金錢𦟌份量十足，食落有一定咬口，肉質鮮嫩多汁，推薦一試。跟餐上湯時蔬 份量唔少既娃娃菜，經鹵水味浸泡，都幾抵食。熱檸檬水鹵友牛三寶麵牛三寶包括金錢𦟌、牛筋和金錢肚，麵料有幾種可以選擇，有手造爽脆米粉、台灣牛肉麵或土炮米線，我揀左台灣牛肉麵，麵質煙韌彈牙，同時亦相當掛湯，牛筋入口即融，金錢肚亦十分惹味。跟餐加$10就有一個時令小食 - 花枝丸，有三粒，表面有炸過，有台灣夜市風味。茶一刻-有汽四季柑桔汁

荃灣，aka天橋之城，就是有名你可以完全不用落地就可以貫穿幾個商場。係荃灣地鐵站一出，經過綠楊坊出口，穿過幾個商場仔，發現今次目標 - 滷友記！（係自己用QR Code落單）滷友記顧名思義就是食滷水，有好多唔同選擇，如果想不到食咩，可以選擇店家已經set好嘅麵食餐，又或者好似我咁好似食車仔麵咁，選擇自己鍾意嘅餸/麵！⭐️四餸麵（滷水雞腳/蓮藕/金錢肚/滷水豆腐）$68當日我叫左酸辣湯配牛肉麵，酸辣湯其實唔太辣，反而似平時牛肉麵嘅湯底，外面就正正常常夠煙靭。餸菜方面，除咗滷水雞腳較為韌之外，全部都非常新鮮及份量足夠。蓮藕值得推薦！！另外，因為叫麵會送飲品及優惠價加小食或菜，當日我叫咗一罐四季金桔（略嫌有啲太甜），加了$10叫了一個菜（娃娃菜），係用返面嘅湯底去煮，所以非常吸味，好味！⭐️黃金芋圓球（五粒） $36即叫即炸，成個波都係實心㗎，出邊係芋泥中間包住黃色我估係番薯，但一個人食5粒實在有些飽，所以可以跟大家一齊share下次我想叫米粉，見好多人都有食米粉！

前幾日食咗一間唔錯嘅台式料理，位於荃灣嘅滷友記。我揀咗台式滷水麵，而老公揀咗招牌大滷飯。1️⃣三拼麵（滷水金錢肚、蓮藕、滷水雞翼）我揀選手做爽脆米粉，米粉比較幼身，爽口彈牙👍🏻 蕃茄湯底較濃稠。金錢肚滷得剛剛好，爽口彈牙，唔會太腍。滷水雞翼大隻多肉，醬油入味。2️⃣招牌大滷飯（五花肉、陳皮魚蛋、蘿蔔、豆腐） 好大碗滷水汁飯，好抵食！兩大片厚切五花肉，肥瘦均稱，滷水入味，肉質爽嫩👍🏻 陳皮魚蛋不過不失。白蘿蔔冇渣，清甜軟腍。滷豆腐嫩滑，外表豆腐皮吸滿湯汁。好味🩷

要喺荃灣搵嘢食就一定會嚟到荃豐中心、華都中心呢邊👀呢到有唔同種類嘅餐廳畀你揀，今次我就揀咗間食滷水嘅餐廳見款款都差唔多，揀咗佢地嘅招牌大滷飯😎✦✦✦✦✦✦✦✦✦✦✦✦✦✦🎈1. 招牌大滷飯 $56入面有豆腐、甜不辣、蘿蔔、五花肉，蔥花而且仲可以加$10，有3粒炸花枝丸，我自己認為就好抵加醬汁方面揀咗古法滷水汁，醫汁份量剛好，滷水汁滲入每粒米中🍚滷水汁味道甘甘甜甜，濃郁但清香，好味飯嘅份量適中，而每樣配款都有3-4件，絕對可以食飽到你🤤喺入面中嘅五花肉最為抵讚，入口鬆軟🍖另一提，嘢飲仲可以加台灣特色嘢飲添✦✦✦✦✦✦✦✦✦✦✦✦✦✦題外話，嚟到餐廳一定要試加佢地祕製辣椒油同蒜辣醬🌶️非常好味 ， 加咗之後胃口大增 佢地仲可以畀你買一樽返去慢慢品嚐👍

沿着華都中心一直行都唔少餐廳好少見有滷水專門店 主打台式料理🥕古法滷水金錢𦟌拼蘿蔔手造爽脆米粉清爽蘿蔔吸收晒麻辣湯 🌶️配菜木耳絲芽菜 食開3 小辣嘅朋友鍾意麻味夠重唔太辣 湯底其他選擇有滷水 蕃茄🍅胡椒 酸辣🐮滷友牛三寶有齊金錢𦟌 牛筋 牛肚 滷水入味全部材料煮得軟硬適中🍜麵底揀台灣牛肉麵 比油麵粗身再軟另有手造爽脆米粉 土炮米線 轉白飯亦得🍚🪿滷友小食麻辣鴨血用自家袐製麻辣油 夠麻又惹味🌶️滷豆腐滷雞翼鹽酥雞生炸大雞髀🍗睇落唔錯 惠顧飯 麵 下午茶餐送台灣特色飲品七款中揀咗茶一刻柑橘汁🍊名屋黑豆漿🥛朋友最欣賞係套餐具好台風 膠羹有質量🥄和藹親切嘅老闆娘仲親自招呼同推介銅鑼灣開新西餐分店

🍱餐廳：荃灣［滷友記］(總店）🏫地址：荃灣西樓角街170-184號華都中心1樓44號舖 ☎️電話：36203331今日出開嚟荃灣買嘢，簡單的想和住在樓上的朋友小聚，行過見到呢間小店嘅餐牌嘢食幾抵食喎，就叫佢落嚟tea 一tea，食物質素不錯，性價比高：～滷友牛三寶手造爽脆米粉跟餐上湯時蔬加＄10，加$20配熱陳皮冰糖燉檸檬，睇吓我幾識得養生😉呢碗米粉食材有金錢𦟌、金錢肚及牛筋，款款整得入味，特別係牛筋非常軟熟；米粉軟硬度剛剛好，夠爽口；湯底我哋揀咗蕃茄湯，真係有蕃茄㗎，味道濃郁，好味😋～糖心滷水蛋、滷水雞翼滷水蛋的蛋白細嫩，入口即化，而蛋黃則濃郁滑嫩，帶有微妙的甜味，與滷汁的香味完美融合；滷水雞翼則肉質鮮嫩多汁，滷汁入味，吸收了雞肉的鮮美，也是美味之選👍～炸花枝丸一客有五粒，呢個整得特別出色，有椒鹽係花枝丸上，上枱熱騰騰的，爽口彈牙很惹味，而且真材實料，有粒粒的墨魚粒，好快就俾我哋秒殺了🤣整體嚟講，我哋兩個食到飽飽又滿足，朋友又點埋凍即磨咖啡都係$172，如在荃灣附近逛街，想稍作休息的話，呢度係不錯的選擇😄

鹵友記是一家以台式風味為主的車仔麵店，位於荃灣華都中心商場1樓。他們以獨特的鹵水湯底而聞名，這湯底加入了藥膳原素，湯底濃郁而香氣撲鼻，不是單調的咸味，在小店林立的環境，提供了多樣的選擇。今天試的台灣麵軟硬適中，麵質細緻有彈性。牛筋炆得入味，滿滿的骨膠原，而鹵水雞亦則非常滑嫩，一份還有三隻。牛𦟌炆得好淋，溏心蛋非常軟燸，入口即溶，口感十分出色。小食選左炸豆腐，豆腐大小適中，每口都能品嚐到濃郁的豆味，再加上炸蒜，味道非常美味。如果喜歡吃辣的話，店裡還提供自家製的辣椒油，香辣可口。鹵友記的下午茶從下午2點半開始一直到晚上6點，份量十分豐富，非常划算。

喺荃豐哩幾間商場都有好多小店 今日就去咗食呢間台式嘅小店 我哋一去到見到個餐牌有好多選擇 佢有指定嘅餐 亦都有自選嘅麵餐 我同爸爸都有好多餸想食 所以就各叫咗一個五餸麵五拼麵我爸爸就揀咗滷水牛筋 滷水金錢肚 花枝丸 糖心蛋同滷水雞翼 另外湯底方面都有好多湯底選擇啲湯底嘅味道都好特別 例如有滷水汁 酸辣汁咁 我爸爸就揀咗胡椒汁 麵就有台灣麵 米線同米粉揀 佢啲滷水嘢全部都好入味 而且個個餸都份量好多 全部都起碼三件起 連爸爸都食唔晒 真係誇張五拼干拌麵而我自己就叫咗蘿蔔 扎肉 滷水雞腳 糖心蛋同貢條 我今次就揀咗干拌麵 因為我自己鍾意食撈麵多啲 我就揀咗台灣麵啲 麵條好煙靭好好食 一上到嚟真係多到成座山咁 呢幾個餸入邊我最鍾意食貢條 佢係炸得好香口好好味另外跟餐仲送台灣罐裝飲品同埋檸水 所以我哋就叫咗一罐檸檬茶同一杯凍檸水加配左菜同炸物3粒另外加$10可以配上湯時蔬或者炸物 我哋兩樣都有配到 個炸物日日都唔同 我哋今日就食咗炸陳皮魚蛋 幾好食 從來都冇食過

出開荃灣搵朋友食lunch,見太耐冇食過台灣嘢就一齊食下啦❤️今次係朋友推介我食,係華都中心既 「滷友記」🤝🏻雖然場地唔大，但係去到已經爆晒場🫣我同朋友分別食咗✨招牌大卥麵今次揀咗滷水湯,啲餸樣樣都大大件,份量非常充足👍🏻入面有蘿蔔🥕甜不辣、五花肉、豆腐,蘿蔔完全勁入味，甜不辣非常彈牙,五花腩炆到好淋同入味👍🏻豆腐好清甜✨✨ 滷友牛三寶飯今次揀咗肉燥汁,分別有牛筋、金錢肚、牛𦟌🐄配埋肉燥汁真係入晒味👍🏻而且牛𦟌好有咬口,牛筋好彈牙,感覺到飽滿既骨膠原❤️✨台式酥炸鹽酥雞呢到d 雞好滑身,啖啖肉.而且沾上既粉漿唔多,所以每粒食落去都好香脆❤️

今天下午三時，我和姊姊到位於荃灣的滷友記餐廳吃下午茶。我們點了一款古法滷水金錢展拼蘿蔔面，看著那金黃的蘿蔔片浸泡在濃郁的滷水面中，讓人垂涎欲滴。同時，我們還品嘗了另一款滷水湯台灣牛肉麵，裡面有著牛筋、金錢肚和鴨血，每一口都散發出濃厚的肉香，讓人回味無窮。為了搭配這美味的台灣面，我們還點了兩杯熱黑糖姜茶。姜的辛辣與黑糖的甜蜜交織在一起，讓我們感受到一股溫暖流過全身。坐在餐桌前，品嚐著這美味的下午茶，我們分享著彼此的生活點滴，猶如在享受一場珍貴的親情時光。這兩碗台灣面下午茶，不僅滿足了我們的味覺，更讓我們感受到家的溫暖和溫馨。在這個瞬間，我們彼此感受到了愛與溫暖，讓這個下午成為我們珍貴的回憶之一。荃灣［滷友記］(總店） 地址: 荃灣西樓角街170-184號華都中心1樓44號舖

尋日去荃灣華都中心買嘢， 估唔到而家開咗咁多間餐廳， 路過呢間叫做滷友記嘅餐廳比佢哋嘅裝修吸引住我😄雖然只係一間小店但係佢哋裝修得好特別， 因為剛剛食完lunch 唔太耐，今次就試吓佢哋嘅滷水小食， 下次一定過嚟試埋佢哋嘅午餐😀因為見佢哋啲飯種類好吸引😍✨🫶🏻佢哋啲滷水真係好入味同埋個溏心蛋🍳真係好正，嘢飲都好好飲， 而且價錢相當親民添🙌🏻🌟佢哋喺正荃灣地鐵站隔離交通非常方便, 而且鄰近商場都好多嘢睇, 過嚟行街可以順便食埋嘢😀🙌🏻

用料都幾足，牛𦟌好淋好有咬口，鹽酥雞好吸引，甜不辣唔錯，連個汁都好好送飯👍🏻牛三寶係牛𦟌，牛筋，牛肚，三樣都好夠味，我揀左肉躁汁，全部撈匀一齊食，夠哂惹味呀鹽酥雞脆卜卜，粉漿唔會太厚，真係會想係甘食