滬揚川上海料理

营业中

休息中

經常來這兒lunch,d秘書鍾意佢d食物唔太油膩.我通常會叫蒸素餃(清清地),雪菜肉絲炒年糕(食完碟底無油),小油條(有油豆腐,肉丸,黃牙白湯),好味,上海粗炒(食完碟底無油),糖醋魚塊(好開胃,d魚唔會炸過火),青菜煨面(夠清,ok),紅燒土擋(好好味,送飯正).生煎包ok,鍋貼認真麻麻,之但係佢d小籠包就好唔掂啦,皮厚,肉多,汁又冇.甜品比較好的係高力豆沙,但水準不平均,有時好味,有時會翻炸.

尋晚同個好朋友食飯.. 想食上海菜.. 又想係銅鑼灣區.. 見食評都ok.. 咁就黎試下啦..兩個人叫左4樣..分別係:海蜇皮、鱔戶炒飯、賽旁蟹、糖醋魚塊除左海蜇皮唔好食之外(因為佢冇乜味, 不是太夠凍)其餘的都很不錯, 每碟都好熱辣辣, 分量剛剛好, 味道很適中, 很滿足但說實在的, 那裡的環境比較迫, 不是太舒適, 我地六點多已去到, 但已經差不多滿座了

時：14/10/05人：pwwq & bf前一日與友人在觀賞林狗發花癲之前，到灣仔滬江小館（好似係咁上下，or滬江小X）快膳，今日收工後因緣際會去左滬揚川，一人一面加一客八件小籠包。本人叫亂雞煨面，男友就要擔擔牛肉面。一唉：先上牛面。面上一疊牛肉（柌）全凍，一睇就知係預先造好擺響雪櫃之貨色。面林如煨面，連我咁吾食得辣既都feel吾到辣。無花生味。二唉：然後上雞面。需知此菜之重點在於上湯，但眼前一碗面只有呈獻汁狀之無味杰水。雞丁如渣，味同嚼立。三唉：小龍包更是神奇，皮厚不特止，肉汁更是少得可憐，與日前滬江小X一客4件皮薄汁多相映成趣。不過＄30∕８只，以件數計確屬超值。究竟響旺區做上海菜，要維持水準係咪真係好難？

胃口一般的一日.....本想"掃街"了事, 但官仔骨骨的靚仔男友拒絕惡劣環境, 於是去左窗明几淨的滬揚川. 叫左兩樣野:1. 排骨炒年糕: 即叫即炒, 夠晒鑊氣, 排骨質地新鮮嫩口, 調味料份量0岩0岩好, OK 入味, 唯獨年糕不夠彈牙2. 上海小籠包: 同地道的城隍廟南翔小籠包相比, 皮比較厚, 其他差異不大, 無蟹粉的情況下肉質都如此鮮甜, 值得一讚. 完全無犯到小籠包的大忌: 肉汁俾皮"索"左去! 工夫絕對不馬虎.

26/05/2005 星期四1點左右到此食LUNCH,人吾系太多,食左個鱔糊担担麵$32;鱔糊同担担麵分開上,先講担担麵,麵既份量比一般傳統上海店多,麵條屬幼麵,但無"詠黎園"及"一品香"既咁幼;但都頗有咬口,吾錯啦!湯底方面亦做得不俗!比起而家好多新式既京川滬菜館出色,面頭舖上榨菜粒及蝦米粒,底下花生粒及杰杰既花生醬,overall黎講算above average!鱔糊亦不俗,但個人認為鱔糊較適合餸飯,因屬多汁.環境尚算乾淨光猛,service亦合格,$32無加一,合理價錢啦!

間中會和爸媽一起晚餐，有點有點迫，不過媽媽好喜歡這兒夠光和清潔～昨天我們點了：媽媽最愛麻婆豆腐：好香，有豆腐味，不會太辣，送飯超讚！醉雞：老爸好喜歡的，所以每次都會叫，而且也有好多人點～不過份量少．．．叫兩碟都可以輕鬆清碟～排骨麵：味道太濃了，不過排骨很香很嫩（笑）小籠包：皮很薄，可是比較乾．．．而且８隻也太多了～還是有骨氣的好．．．清炒蝦仁：蝦很爽，但沒有完全去除黑腸，很礙眼，有黑腸的我們都沒有吃．．．味精太多，失敗了～金上海也比他好啊！豆沙鍋餅：我的最愛！好好味哩～高力豆沙：同上

2004年2月某日與女友到此用膳，叫了三款菜色：排骨面、煎鍋貼及高力荳沙。排骨面的湯底十分清淡,而排骨卻炸得頗香脆。煎鍋貼一客有八隻, 雖也味佳, 但二人吃卻是多了點。高力荳沙最好吃, 我倆最喜歡。整體食物質素不錯，價錢也恰值，惟地方較淺窄。

2004年10月9日滬揚川上海料理一行4人去了銅鑼灣搵食, 最後決定嘗試滬揚川的菜色. (我同男朋友先後去過二次, 但只係食過麵同上海粗炒, 因為D 好大碟. ) 我o地眼闊肚窄叫了好多o野食, 包括雙拼(燻魚和炸脆鱔) , 砂鍋咸肉津白, 排骨麵, 五香牛肉麵, 小籠包和三鮮炒年糕.小籠包, 皮算薄, 汁唔係咁多, 味道都可以(我和男友就覺得佐敦道的春天好食D) . 燻魚無泥味而且唔乾身, 都幾好食. 至於個炸脆鱔, 熱騰騰, 好脆, 但落得太多糖, 夾起來可拉出一條條絲, 要快D 食, 如果唔係, D 鱔黐到實晒, 好難夾, 要搵老細幫手剪開. 砂鍋咸肉津白, 味道一般, 其中一個friend 覺得個湯有點咸, 其他人就覺得ok , 不過個咸肉稍為咸(可能煮得唔係太耐, D 味未出晒呱) .三鮮炒年糕, D 年糕唔煙韌, D 蝦好細只, 沒有味, D 肉(唔肯定係咩, 類似火腿或午餐肉) , 整體上唔得, 所以無o麥點食. 排骨麵同五香牛肉麵呢, 個麵依然無令我和男朋友失望, D 醬料好多好好味, 麵好煙韌(個friend 話, 睇D 麵好似好稔, 食落好煙韌) ,

素鵝好正<br>小龍包又正<br>服務都OK,值得一試,絕對無介紹錯