滬庭坊 (已結業)

生煎包：唔夠多汁，失敗，包底唔夠脆，失敗，餡料唔夠足，都係失敗，38蚊4個今時今日走去對面買個唐記包食都冇咁嬲。蛋白瑤柱炒飯：飯太乾太硬唔入味太淡好似食緊白飯，失敗，飯量太少，價錢又太貴，個人覺得唔值68蚊水準，可以用只係有配料既白飯來形容尼個1炒飯。波蘿咕嚕肉：三味送最好食算係尼味，可以甜同酸比例調得很好，但份量都係較少，如果多少少波蘿感覺會更好。我試完一次，感覺麻麻，主要價錢貴同唔係咁特別，尼下唔係咁值得推介

成日行過呢度都唔發現有間上海店，反而我家姐唔係住呢頭竟然食過2次🙄🙄😅😅今次家姐打完laser , 話唔想食煎炸野，所以話食呢度，我無乜所謂，反正有老細請 (~> 家姐 ~> 有大食大😜😜😜) 來食上海野，點可以無我最鍾意既擔擔麵呢！🎉🎉 呢度既麵質我覺得幾好食，又唔會好淋，所以我擺左一陣都無浸淋到，不過佢個湯底唔係好夠厚，所以都唔係好掛到上個麵度，但湯底唔太漏，又唔太辣，我覺得都係不錯的。🤣🤣家姐叫左個雲吞雞，菜肉雲吞幾好食，好滑，又唔會散開晒，而且個雞都好滑，唔似啲連鎖店咁煲太耐變柴，加上個湯都幾好味，呢個真係幾好食！👍🏻👍🏻仲有個什麼沙鍋肉末茄子，即係魚香茄子，我無食過，係我家姐個女叫嘅，所以我都無comment , 不過我見佢淨左大半兜🙄🙄🙄🙄至於呢度個生煎包，我覺得幾好食，個皮唔太厚，而且個底好脆，有溫汁，不過又唔太油，真心其實幾好食。外面食嗰啲爆湯都好油下，呢度又無喎。幾好！👍🏻😂 而且佢仲有教大家應該點食，但要提提大家，個醋就唔好落太多，學佢咁直接加上個生煎包度，其實都有啲難道，好易失手加多左 （最佳人辦是也😜） 最後係上海舖既名菜 - 小籠包。。。一個字

星期日行旺角，想搵個地方食午飯，行到花園街見呢間滬庭坊店鋪裡面唔多人就膽粗粗入去試食下，雖然差唔多到下午茶時間，但係直接點左個午市回鍋肉飯堂食四十九蚊包一杯豆漿或山渣茶或汽水，再加茶介三蚊總共要五十二蚊，食味道偏甜，份量適中，一碟餸跟一碗白飯，食完午市剛好係下午茶的時間，想加一個下午茶餐試下其他菜式，但係個位四眼阿姐話唔得，問點解唔得就一直話午市套餐唔比加下午茶。其實分單就可以，但係態度差要比劣評

以前想食生煎包都係去上海餐館幫襯, 近幾年突然開咗好多生煎包專門店, 有D水準唔錯, 有D食一次就放棄!係旺角買完六合彩行過對面, 見到D生煎包店又爆又等位又窄, 見滬庭坊有位, 咪入去試試囉!點咗四個生煎包, 手抓餅, 小籠包, 蜂巢芋盒,鮮肉鍋貼同酸辣湯.生煎包 : 居然生煎飽嘅高湯重多過小籠包, 爆汁感覺勁過小籠包, 可惜只係高湯足夠, 內裡餡料不足, 有偷工減料感覺.手抓餅 : 酥脆口感不足, 咬落比較粉口感, 如果同台灣街邊D小食店比的話, 簡直可以用失敗嚟形容.小籠包 : 總共有21個褶, 高湯唔會熱到辣咀, 我中意原味唔加任何醬料, 皮薄餡足, 滿意.蜂巢芋盒 : 外表太薄而且唔夠香脆.鮮肉鍋貼 : 底部煎得唔夠耐所以唔夠脆, 應該煮燶D個底嘛....酸辣湯 : 配料足夠, 有酸味無咩辣味, 啱我口味! 我唔受辣!DO姐有問題!點餐紙寫明免茶芥, 但枱面張墊底紙就寫明每位茶芥收3蚊喎!答案係唔收嘅.原本想俾個差評，見佢地唔收茶芥，轉為俾個 okay 囉。