滬小館

营业中

休息中

下午茶 豬扒擔擔麵 豆漿 尖椒皮蛋 酒釀丸子不嬲都好鍾意食湘川滬的食物，今日來到這裏，一入到去見到四圍氣氛都怪怪的，然之後寫好點餐紙＇之後叫店員過嚟收，我以為自己叫錯人，店員全程冇回應地用眼尾睄住咁行過嚟，用搶的方式一手搶走我張點餐紙。心諗我係唔係得罪咗佢，然之後一路食一路發覺有人入嚟全間餐廳都好安靜，而佢對其他食客態度亦都係非常惡劣，我就心裏放心，明白他應該不是針對我，放心晒，因為好驚佢會係我食物加料跟住啲食物嚟啦＇發現賣相都非常普通擔擔麵好濃，應該係用咗好濃嘅味精湯炸豬扒應該係用已經熟咗嘅豬扒返炸，有點乾，皮蛋流心唔錯，正常水準，最後酒釀丸子，任何酒味都食不出來～

出菜慢，人手不足，每枱都有出唔齊嘅單未有餐具，提醒店員數次都沒有跟進，接著店員發脾氣指向廚房叫客人下次自己過去拎食物方面，主菜質素普通，不過不失點心方面資表尚可

路經旺角是但入左間上海菜，點左一份入下份茶雞絲粉皮，酸辣湯 錕飩，豆漿。首先最差係服務，店員全程西面加態度差，好似爭佢錢咁，食個野啫唔係咁呀！第二 份量比較迷你，大家樂／大快活都多過佢。由其係個 酸辣湯雲吞，係正常湯碗既一半份量，仲要得3粒錕飩，實在太多了，份量係比輕食量者。第三 食物質素雞絲粉正常味度，皮係滑爽。酸辣湯偏稀，料夠，但都夠酸同辣既 ，普普通通。錕飩肉正常味，皮比較韌，正常水餃大小。總結：成為43元，食物普通冇突別，唔算難食但唔係好飽，要食多個M記包先，完！

一人本想黎個快食酸辣湯麵，點知這店原來無，想有辣又唔想食太多，唯有叫個紅油抄手同試吓佢個牛𦟌湯。牛𦟌湯上枱原來係一盅，有點喜出望外，聞到濃濃嘅牛𦟌味，湯面雖然有啲油，但飲落唔覺肥膩，最令我驚喜欣賞係，牛𦟌好軟淋好味用匙羹一篤都可散。 其實，我唔多見到有人飲湯，但我真係覺得值得試紅油抄手，香油味道還可，肉多，但皮就略為不夠軟滑，食落口感係有少少實淨嘅過種，喜歡實淨多肉嘅人會喜歡。店內環境餐具都算乾淨

【101】用家感受，不是打手！Walk In 不用等，8成滿。6️⃣0️⃣CP值，2023/6/10/六/13:31，午餐時段二人埋單免加一HK$176，平均每人HK$88。街舖唔難揾，空間不算大，坐得不算迫，樓底高，冷氣很不足，好熱，些低已想走，但朋友想試，頂硬上。招呼一般，落單上餐算快，食物中規中舉，可以一試。6️⃣5️⃣京葱爆牛肉$68，白飯1碗$8，賣相唔錯，偏咸。5️⃣0️⃣四川擔擔麵$45，冇花生味，似普通麵，算爽口。6️⃣5️⃣鮮肉小籠包(4件)$40，皮厚左小小，肉汁夠。凍檸樂$15

睇完可愛既兔仔，倉鼠，要揾野食。見到間上海野幾多人食，就入去試下啲小食。- 雞絲粉皮冷盤叫咗雞絲粉皮，不過雞絲，青瓜比較少，整體都可以。- 四川擔擔麵 擔擔麵係上海餐廳必食既，但係間間既湯底都唔同，真係要試下先知好唔好。花生同麻醬好香，微辣，但係湯底比較水，可以再濃啲。- 雲呑雞湯一個細盅，一人份量，足料，湯同雲呑都好食，性價比高。- 鮮肉小籠包皮薄多湯汁，要小心啲食。- 上海生煎包可以叫2隻，人少都可以試下。包子鐵鍋上，底部煎得香脆，入面肉多汁多。

今日想試下新野，呢次去左旺角呢間湘小館試一試上海野， 不過我之後都唔會再試呢間，見佢Menu寫黑松露鳳尾蝦炒飯係佢嘅招牌，我就點左呢個招牌炒飯同埋兩個小籠包，點算中伏到呢😅只可以話係一個極普通嘅炒飯，仲要蝦係冰鮮蝦，所謂既招牌真係太令人失望啦，公道啲講句佢嘅小籠包都唔差，皮薄多汁叫做都可以比到合格水平以上，any肥，真係可一不可再既餐廳。

由於一次機緣巧合叫過佢的銀絲卷外賣唔錯👍🏻所以想親身去試一次 點知就伏左！咁上海菜黎講 價錢叫做合理嘅但真係一分錢一分貨 叫做放得入口 但唔係好食囉🥲 亦唔會幫襯第二次醉雞整到似有酒味的鹽水雞～擔擔麵反而又唔濃喎個湯底 好淡 得過且過啦排骨粗炒就排骨好咸 粗炒又好咸蔥油拌麵其實個味係好食的 但又係咸得濟 最多一人一啖囉（一個人食曬一碗 有腎虧嘅感覺）小籠包個湯汁好咸 生煎包就無汁得個雪菜肉絲炒年糕叫做食得下😅⋯⋯整體來講 呢間鋪頭 食完係要洗腎 樣樣都好咸 味精好重🤣

外遊返港，最多香港人掛念嘅食品係細蓉，但我唔好細蓉唔好麵，最想食叉油雞! 但今次外遊返嚟第一落腳點係太子，哩頭燒味店得果間質素唔多掂嘅連和! 唯有睇睇滬小館有無位，今次好彩唔洗等位，推門入內幫襯.係哩段西洋菜南街有唔少餐廳，最想去就係滬小館，第二係第尾.滬小館最正係擔擔麵同蟹粉小籠包.擔擔麵係未食已經聞到好香嘅湯底，湯底花生味又濃郁，麵條比較幼細係我喜歡嘅 size，夾自己口味，只係炸豬扒重手咗D，所以今次唔敢叫排骨麵，齋擔擔麵算.除非你唔中意食蟹，否則蟹粉小籠包係一試愛上！ 蟹味濃郁，內餡又有蟹黃，好味到已經第三次幫襯! 真心希望滬小館要保持水準!外遊完返港雖然有D攰，好彩食翻餐好嘅補數!

食左兩百幾下午茶食左一肚火本身今日滿心歡喜黎食，因為之前食過佢都ok。但今次完全唔同。叫左份青瓜海蜇，哇左一聲！D豉油咸到好似要食客生腎病整咁！！！叫佢退佢都係到阿吱阿咋，話一路以黎個師傅都係咁調，講三講四。你盤嘢質素咁叫我揀第二樣換左佢？我點有信心你第二樣唔會有第二樣問題呀！份量少左好多我都算啦，但質素插水式下滑我食到一肚火。糖醋魚全部都係粉，炸唔夠又炸唔熟。魚又腥，又軟淋淋。難食過三餸飯啲粟米斑球。之前都一直光顧開，但今次過後就唔洗諗啦。--------------------------永久Black List---------------------------

自從年尾時去過一轉滬小館，一直念念不忘佢地嘅擔擔麵同蟹粉小籠包，於是再落去幫襯.又好好彩，一去到就有坐，慢一步已經要等位!豬扒擔擔麵走辣同蟹粉小籠包係必食，女友小熊再點咗酸辣湯，鍋貼同蔥油香雞.已經叮囑自己小食雞皮，蔥油香雞肉嫩皮滑，食埋今次先介吧，另外蔥油香雞嘅醬油味道帶甜，令到雞肉更惹味，功不可沒.酸辣湯質感比上次較水，但味道卻比上次更濃!以前土瓜灣馬頭圍有間非常出色擔擔麵，滬小館同佢不相伯仲，格隔枱嘅擔擔麵花生香都飄入我鼻!湯底夠哂香濃麵條香滑，推介，可惜係塊豬扒炸得過火.鍋貼全名叫脆網鍋貼，成品真係成個網狀!好令!而且夠哂脆口，如果四件更理想，一口咬落去，入面D汁唔小心射到小熊身上!我話唔好意思我D肉汁射到你成身都係，佢無那那話我講衰嘢禾! 傻傻地!

事緣年二九，係銅鑼灣食咗個唔多掂嘅上海菜(江浙滬 / 見另文)，第二日年三十去完花墟買花，行咗嚟太子開餐，經過沪小館，把心一橫試吓連續兩日食上海菜.點咗鍋貼，蟹粉小籠包，豬排擔擔麵走辣，生煎包，酸辣湯同手抓餅.酸辣湯質感比江浙滬濃郁，用手抓餅點上酸辣湯係我喜愛食法，令手抓餅更惹味.同樣要求，生煎包底部要夠脆，沪小館何格，望上去好似唔夠脆底，但食落係兩回事，而且餡料足.鍋貼單睇外相已經好令！面層香軟底部脆口餡料足，滿意！擔擔麵出色，湯底濃郁花生香，麵條入口少少彈牙之餘夠幼滑，係我喜愛口感，夾自己口味.蟹粉小籠包係驚喜!平又平過江浙滬，蟹粉味又香濃過佢，入口之後蟹粉味濃濃留係口腔，即時加單食多兩件!原本我地只係坐細枱，有大枱空出嚟都主動幫我地轉大枱，服務俾滿分!只係好明顯人手不足囉....

估唔到呢間小店嘅上海野都幾好味，價錢親民，份量又夠，抵食。自選冷盤 $68/3款，好抵食，可以試哂3款，份量亦剛剛好，岩哂2人share。招牌醉雞成隻雞腿好正，夠入味，酒香不醉，雞肉嫩滑。糖醋排骨酸酸甜甜好開胃，煮得好入味，肉質鬆化，份量都幾多。鎮江肴肉好爽彈滑溜，入口溶化有肉汁香，沾醋食更香。鮮肉小籠包 $32/4隻皮薄餡靚多湯汁，肉汁好鮮味，肉餡軟腍香。酸辣湯 $28都幾多料，有金針菇、木耳、雞絲......酸度幾勁，越食越辣好刺激，但好快退去辣感，唔會太杰身，都幾好飲。豬排擔擔麵 $50個湯式夠濃郁，有花生同麻醬嘅香，微辣好惹味，加正麻油所以更香，個麵掛到好多湯汁，超正。炸豬排香脆，不過乾左d，浸落湯汁度會正d。上海粗炒 $52炒得幾香，但唔夠味，肉絲同椰菜都好味，粗麵有咬口煙韌，唔會好油，食完唔膩。

簡簡單單又想食下上海客飯小籠包呢間小店應該適合你。位於旺角太子區呢條街好多食店，多種選擇, 但食上海嘢只有佢哋一家。午餐提供套餐，有小食點心及飯麵。百搭套餐有三種價錢有$55起，自選選擇多，當日我點上小籠包，豬排豬骨湯麵。小籠包一籠有四件，滿滿的湯汁，小心燙口，皮薄，好快就食晒四隻。豬骨排骨湯麵，如果喜歡可以加$3轉擔擔湯底，我就order 傳統豬骨湯底，上海麵比較軟及幼細，只要煮得不太淋，我就會接受。湯底比較清淡，加上我喜愛的豆瓣醬，增加食慾。不過不失的套餐，價錢合理。

好鍾意食小籠包，同朋友行街經過見到有上海嘢食 ，第一時間唸到小籠包，於是就入去試試！一共嗌左四樣嘢～❀ 紅燒牛肉麵 $48牛肉入味夠，份量亦足夠，麵條筋道彈牙，整體唔錯，值得一試❀ 蔥油香雞 $38呢個其實就好食嘅，醬香味十足，雞亦算滑 唔會柴，但如果話係蔥油雞，就唔合格，因為無蔥油味..❀黑鬆露鳳尾蝦炒飯 $58有一股淡淡黑鬆露味，但係個飯味道太淡啦，好似無落鹽咁，真系麻麻地，唔建議食！😢❀鮮肉小籠包 $30入黎呢間餐廳就係為左食小籠包，小籠包皮薄多汁！鮮肉餡十分清香！好食😋 十分推薦大家食，小籠包值得一試！