影片
西贡原来有间隐蔽嘅茶餐厅小炒又几好食㖞出乎意料之外平时泊车码头望海都见好多人去呢间茶餐厅食炒粉面今日同老公公公特别嚟到呢度食午餐我叫咗个盐焗鸡饭加钱要鸡髀好好味我老公豉椒凉瓜排骨饭两款都好好味，我哋仲外卖两份小炒返屋企俾屋企人食
继续阅读
520同朋友去咗白沙湾游船河，夜晚大约八点左右路过一间喺码头非常隐蔽嘅茶餐厅食个快晚餐，可能呢头主要系做街坊同埋去郊游人士嘅生意，所以夜晚几乎得我哋一枱。我哋一行三人叫咗三个𩠌。咕噜肉 外脆内软份量都多另外叫咗碟椒盐鱿鱼 我最钟意食啲邪恶野，呢个又几脆口，不过太咸🤣🤣🤣同埋叫咗 腐乳通菜炒牛肉腐乳见唔到朋友话啲通菜冇乜味牛肉就唔系太多，但系我就觉得OK嘅，因为我唔系好钟意食太咸太浓嘅嘢🤘🏻不过如果牛肉多几块就会好啲啰茶餐厅旁边就系码头，晚上有人钓鱼，白沙湾餐厅选择不太多，所以如果想食唔贵又经济实惠嘅晚餐可以喺呢度食个快嘅晚饭。
继续阅读
星期六中午去滔滔茶餐厅食lunch， 之前食过好多次，三个人叫咗咖哩鸡扒饭、 厦门炒米、咸牛肉蛋治、冻奶茶和两杯茶走， 食物整体味道亦属于一般😉。咖哩鸡扒饭的鸡扒口感太硬， 厦门炒米有镬气酸酸地易入口， 咸牛肉蛋治的馅料好少。 冻奶茶和茶走味道都几好， 起码有茶味唔会死甜。 但我发现帐单应该计多咗十几蚊🤔， 唔知系咪星期六日要加一呢？ 所以下次食我都要计清楚先， 因为冇写单，即时心算。 滔滔餐厅地址: 西贡白沙湾141号地下
继续阅读
白沙湾嘅餐厅比较少选择，发现咗呢一间隐蔽嘅茶餐厅，食物嘅款式都几多，今次就试咗佢嘅鸡饭。由于忘记咗可以叫鸡髀饭嘅关系，鸡件都系比较细小嘅，叫咗小饭但系呢饭嘅份量比较多，仲送咗一碗汤味道唔错，整体来讲都几好嘅。之前仲试过佢嘅早餐同埋晚餐，当中佢嘅热Horlick同华田系冲得比较浓郁，唔使加糖都可以有饮品嘅味道。红豆冰都非常之唔错，主要系所有嘢食都新鲜即叫即整，所以如果大家喺西贡玩水嘅话都可以嚟帮衬一下。
继续阅读
原本谂住去狮子会食晏行吓，点知疫情关系聪鸣茶座唔开，最近有地方食嘢就系呢度，好彩有揸车，唔系都几麻烦。食物不过不失，奶茶唔算突出，猪扒炒面普通，还好面底是脆的，西多士也是一般。值得一提，早前食晚饭，煲仔饭同炸云吞就比较难忘。餐厅内环境无特别，反而如果有时间喺码头行吓就几写意，晚上有人钓鱼，睇吓都几得意架。
继续阅读