滔滔餐廳 (已結業)

西貢原來有間隱蔽嘅茶餐廳小炒又幾好食喎出乎意料之外平時泊車碼頭望海都見好多人去呢間茶餐廳食炒粉麵今日同老公公公特別嚟到呢度食午餐我叫咗個鹽焗雞飯加錢要雞髀好好味我老公豉椒涼瓜排骨飯兩款都好好味，我哋仲外賣兩份小炒返屋企俾屋企人食…查看更多

520同朋友去咗白沙灣遊船河，夜晚大約八點左右路過一間喺碼頭非常隱蔽嘅茶餐廳食個快晚餐，可能呢頭主要係做街坊同埋去郊遊人士嘅生意，所以夜晚幾乎得我哋一枱。我哋一行三人叫咗三個餸。咕嚕肉 外脆內軟份量都多另外叫咗碟椒鹽魷魚 我最鍾意食啲邪惡野，呢個又幾脆口，不過太鹹🤣🤣🤣同埋叫咗 腐乳通菜炒牛肉腐乳見唔到朋友話啲通菜冇乜味牛肉就唔係太多，但係我就覺得OK嘅，因為我唔係好鍾意食太鹹太濃嘅嘢🤘🏻不過如果牛肉多幾塊就會好啲囉茶餐廳旁邊就係碼頭，晚上有人釣魚，白沙灣餐廳選擇不太多，所以如果想食唔貴又經濟實惠嘅晚餐可以喺呢度食個快嘅晚飯。…查看更多

星期六中午去滔滔茶餐廳食lunch， 之前食過好多次，三個人叫咗咖哩雞扒飯、 廈門炒米、咸牛肉蛋治、凍奶茶和兩杯茶走， 食物整體味道亦屬於一般😉。咖哩雞扒飯的雞扒口感太硬， 廈門炒米有鑊氣酸酸地易入口， 咸牛肉蛋治的餡料好少。 凍奶茶和茶走味道都幾好， 起碼有茶味唔會死甜。 但我發現帳單應該計多咗十幾蚊🤔， 唔知係咪星期六日要加一呢？ 所以下次食我都要計清楚先， 因為冇寫單，即時心算。    滔滔餐廳地址: 西貢白沙灣141號地下…查看更多

白沙灣嘅餐廳比較少選擇，發現咗呢一間隱蔽嘅茶餐廳，食物嘅款式都幾多，今次就試咗佢嘅雞飯。由於忘記咗可以叫雞髀飯嘅關係，雞件都係比較細小嘅，叫咗小飯但係呢飯嘅份量比較多，仲送咗一碗湯味道唔錯，整體來講都幾好嘅。之前仲試過佢嘅早餐同埋晚餐，當中佢嘅熱Horlick同華田係沖得比較濃郁，唔使加糖都可以有飲品嘅味道。紅豆冰都非常之唔錯，主要係所有嘢食都新鮮即叫即整，所以如果大家喺西貢玩水嘅話都可以嚟幫襯一下。…查看更多

原本諗住去獅子會食晏行吓，點知疫情關係聰鳴茶座唔開，最近有地方食嘢就係呢度，好彩有揸車，唔係都幾麻煩。食物不過不失，奶茶唔算突出，豬扒炒麵普通，還好麵底是脆的，西多士也是一般。值得一提，早前食晚飯，煲仔飯同炸雲吞就比較難忘。餐廳內環境無特別，反而如果有時間喺碼頭行吓就幾寫意，晚上有人釣魚，睇吓都幾得意架。…查看更多

行山之前到西貢白沙灣141號地下的滔滔餐廳吃午餐， 可能假日的關係都唔少人喎！ 第一次到滔滔茶餐廳， 午餐有鮮茄牛肉飯$43、茶走$9、 乾炒牛河$50、 凍奶茶$10。:)鮮茄牛肉飯～ 牛肉份量都唔小， 鮮茄芡汁 太傑，味道普通。乾炒牛河～ 即叫即炒， 算有鑊氣的， 但味道淡。凍奶茶＆茶走～ 飲品相比食物好， 奶茶有香濃的茶香味， 甜度適中。整體來說食物質素普通， 勝在位置方便入西貢人士。滔滔餐廳地址: 西貢白沙灣141號地下…查看更多

可能地點就腳 無咩競爭對手 反正客流源源不絕 煮咩劣食都有人棒場 但係叫份西多士都唔洗咁hea呀？純粹係麵包夾花生醬 蛋汁都唔浸下 就係咁易煎下就上枱？你d錢都幾易揾👍🏾 👍🏾👍🏾👍🏾👍🏾👍🏾…查看更多

西貢「白沙灣」自從當地的海鮮酒家，連「開飯喇」都沒有相關資料的「海霸海景海鮮酒家」二十多年前結業之後，原址立刻拆卸重建，變成了一座層數不高的新酒店，酒店名稱叫做「西貢白沙灣碼頭酒店」。「西貢白沙灣碼頭酒店」雖然沒有提供自助餐的西餐廳，但是卻偏偏有一間主打日本菜和法國菜的西餐廳。反而在現在的「西貢白沙灣碼頭酒店」旁邊，還有一兩間小食肆獨立經營運作。西貢距離白沙灣碼頭十分接近，就算徒步前往白沙灣，也只需要十多分鐘而已。白沙灣碼頭跟附送一帶的平房，構成了一幅很美麗，賞心悅目的畫面。我坐在白沙灣碼頭，陣陣的海風令幾乎有點不想離開。例如在「西貢白沙灣碼頭酒店」背後的平房房屋樓下位置，就開了一間裝修很平民化，而且沒有店門的港式茶餐廳，茶餐廳的實際名稱叫做「滔滔茶餐廳」。「滔滔茶餐廳」樓面裝置了一部掛牆的電視機，電視機正在播放電視新聞臺。不過幸好電視機裡面的電視新聞臺，新聞報導跟它的聲浪不算很大，我只要能做到儘量不望電視機，就不會感覺不快。由於「滔滔茶餐廳」本身沒有向食客提供例如下午茶的茶餐餐牌，所以已經在午飯食完牛腩，對下午茶沒有要求的我，只能夠選擇一些價錢便宜，連罐裝汽水飲品一起上的「腿蛋麵」。「滔滔茶餐廳」裡面的「腿蛋麵」，廚房把即食麵煮到接近九成熟的程度，所以即食麵的口感彈牙程度，已經所餘無幾，但是又未至於是煮到很腍的即食麵。至於「腿蛋麵」裡面的火腿，火腿只是以類似水煮的方式，輕輕灼熟就擺到「腿蛋麵」上面，所以還是不用期望「腿蛋麵」火腿會有煎至脆邊的香口感覺。至於，煎蛋裡面的蛋黃亦被「滔滔茶餐廳」廚房煎至近乎全熟，蛋黃都已經煎到快要熟透，剩下的蛋黃汁液已經所餘無幾了，也不是我最喜歡食的「太陽蛋」。甚至「腿蛋麵」底層的湯底，湯底的味道其實都只是一般即食麵裡面的湯底而已。所以我覺得「滔滔茶餐廳」的「腿蛋麵」，無論是味道抑或是口感，都只有一般的水平而已。即使「滔滔茶餐廳」已經為「腿蛋麵」配罐裝汽水，定了一個不算最昂貴的價錢，又沒有收加一服務費，但是「滔滔茶餐廳」「腿蛋麵」火腿沒有焦香，即食麵口感不算很彈牙，再配汽水成餐，性價比都只是一般程度而已。至於「滔滔茶餐廳」的環境評分，本來「滔滔茶餐廳」位處於白沙灣碼頭旁邊，從西貢墟徒步前往白沙灣也十分方便，所需的時間有限。然而「滔滔茶餐廳」的景觀被酒店所遮蔽，店內又有礙眼的電視機，所以店舖環境評分被扣分，只是中等。…查看更多

尼到白沙灣碼頭，會見到地底下有一間茶餐廳，行幾級樓梯就到嫁啦。你唔好睇佢係地底好唔乾淨甘，但尼間的食物的確好味。我地次次黎到都係食兩三款食物。今次我地點左：鹽焗雞飯and豬手飯炒底多汁。佢既凍檬茶同凍奶茶都好好飲，真係香港茶餐廳風味。首先，鹽焗雞飯既雞滑嫩多汁，仲有佢既薑蔥真係好好味。就薑薑蔥配飯都可以食落一大碗。另外，個豬手飯炒底仲要多汁，炒飯多汁真係好野味，個豬手汁仲好有膠質，豬手皮膠肉嫩，炒飯底又好食。成碟真係好出色。大家可以黎試下🤤🤤…查看更多

白沙灣碼頭位越整越高級，還記得以前在那裏扒龍舟，還是有點落後古舊。雖然白沙灣越來越高尚像豪宅一般，但以前的泰式靚餐廳「舢舨」反而結業了，剩下滔滔這貼地的選擇。茄蛋燴意粉是素食之選，茄汁燴意也是不少老派茶餐廳的經典之作。這裡不算神級美味，但用來戀舊也不錯。鹹牛肉蛋治烘底，又是茶記經典，微微鹹香，大滿足。…查看更多

今日有工作到打鼓嶺，順道走一轉落西貢市中心，可惜無街位錶位泊車，諗住走人，誰不知經過一碼頭見有好多泊車位下，見這間店有一定日子，入去試試，點了粟米斑腩飯，味道不錯，有四大塊魚，炸得夠時間，夠厚，一食到底如圖所示，初初無甚麼動機寫這評，是以$45碟下，可以推介。85分…查看更多

話說下晏請左假之後，食完brunch🍾行完街就返左屋企執下屋洗下衫咁😬晚餐又唔知食咩？咁岩有電話入話不如去白沙灣食飯🤔 好呀！橫掂都未諗到食咩👏🏻 咁就一行六人入左白沙灣🌝朋友就介紹一間佢有食開既一間, 咁去到可能因為平日，所以唔洗等位👏🏻一坐低果位朋友就起勢咁叫野食🍲🍤🍅🍖叫左個海鮮湯，椒鹽白飯魚（勁大條同好好味），椒鹽鮮魷（好鬆脆）...仲叫左好多小菜😆8餸1湯+5枝可樂+6個白飯=$650真係好平呀，而且每碟都好大碟！又近屋低，要再返黎食！…查看更多

每次去三星灣前都會黎醫肚，次次都好多人幫襯。食過餐蛋麵、豬扒通，今次因為係屋企食左野先岀黎，所以點左份奶油多。豬扒通好正！一大塊豬扒仲有一條菜。相反奶油多d醬唔夠，有d到喉唔到肺既感覺，下次黎都係食麵比較穩陣！…查看更多

星期天跟認識多年的好友去郊遊, 難得在白沙灣上船, 早小小去到揾間餐廳食晏。白沙灣的餐廳少得可憐, 5隻手指數曬。揀了間經濟實惠的「滔滔茶餐廳」。位於碼頭附近的茶餐廳, 環境衛生不佳, 但是氣氛不錯。這裡沒有自由行, 只有街坊及郊遊人士。菜式同樣非常地道茶餐廳。牛腩湯河$25牛腩牛味欠奉, 牛腩碎濕濕, 味道偏咸。湯頭味道淡而且油淋淋。豉椒班腩炒河味道非常一般, 班腩味道淡味得很。河粉沒有炒到條條分明, 而且油淋。凍奶茶(+$9)用上黑白奶的奶茶, 味道不會太差。茶香奶滑, 有著傳統茶餐廳奶茶的味道。不錯!總結: 食完全身吸了油煙味, 抽風系統要好好改善。食物味道真是非常一般。…查看更多

西貢，乃香港的後花園，乃假日消遣好去處。在人煙罕至的三星灣泳灘hea了一個下午，一行三人搭船返回白沙灣。飢腸轆轆，不假思索地衝入了碼頭附近的滔滔餐廳大擦一頓。餐廳位處地面以下，視線被搭起的帳篷遮蔽，要向下走幾級樓梯。看下去破破舊舊的，環境衛生不太好。走到下層，始發現有數家餐廳聚集在一起，滔滔乃第一家，佔了地利之便。其隔離乃海鮮店，數名麻甩佬正坐在店外圓枱邊享用海鮮小菜，邊飲啤酒閒天。我們三人，仿如誤闖禁地的怪獸般，被眾人上下打量。只好，急急地避開，走入滔滔的卡座坐下。滔滔的環境衛生遠比我們想像為佳 - 小店內外井然有序，乾乾淨淨，地上沒有垃圾水漬；餐具也存放得宜，且沒有污迹。由於時間尚早，店內客人不多，大部份圓枱放有「留枱」的紙牌。一疑似老闆的男子招呼我們，先送上三杯茶水，並主動介紹食物。Cc點了一樽可口可樂，與小妹share，解渴清涼﹗云和Cc要了一碗白飯，小妹突然想吃白粥，想不到小店也有白粥提供，也要了一碗。白粥乃米水相分之作，稱不上是一碗靚粥，幸粥水夠稀身。白飯也是普通之作，這年頭，沒有多少間餐廳會用心煲白飯白粥了﹗用靚米煲飯或粥，更是少之又少﹗﹗蝦醬通菜$45相對上較貴，蝦醬味淡，渾然不太察覺也。Cc扁嘴，小妹則太不介意，因為素來對蝦醬興趣不大。通菜葉夠嫩滑，莖部稍嫌偏老，需費勁咀嚼，幸調味不錯，佐飯一流。老闆表示椒鹽鮮魷$75乃名菜之一，果然咬下外層炸得酥香，內層鮮魷軟腍且嚼且帶鮮味。椒鹽味道恰到好處，鹹香之餘，絕不會奪去鮮魷本身的鮮味，水準不賴。西檸煎軟雞$68以新鮮檸檬入饌，檸檬汁清香鮮甜帶酸而不苦澀，醒神開胃非常﹗剛炸起的雞塊熱辣辣的，酥脆香口異常，內裏的雞肉嫩滑入味，混入醬汁同吃，越吃越停不了口﹗Cc無魚不歡，然，千挑萬選下，竟要了果皮蒸泥鯭$78﹗小妹一向只愛吃深海魚，多骨帶泥臭味的河魚不愛。泥鯭，更絕非小妹所好也﹗小店以果皮、芫茜和蔥段等清蒸泥鯭，可辟去泥腥味，確是明智之舉。泥鯭盡吸豉油、果皮、芫茜和蔥段等精華，魚肉入口頗為鮮美，魚質則不算嫩滑細緻非常。…查看更多