滋潤棧

营业中

休息中

隨便食一間，點知中大伏點左個三杯雞，以為台式三杯雞的樣，但出到黎完全被騙，似鹵水雞肉，完全低成本之作，d雞肉都係雞胸肉，又散又唔掂，冇任何配料，人地三杯雞都係用炒，呢度用炆，仲要勁出水，一塌糊塗。好心唔好用三杯雞呢個名。知道伏左，想加餸加8蚊點個魷魚煎肉餅，但店員話煎肉餅已經切片，冇得後加，只可以加其他餸，真心伏到咁，超難食，又冇得加肉餅，唉。個豬骨湯係好少少外，其他都係垃圾。真心違反商品說明，根本唔係三杯雞，係鹵味雞。

去了黃金買野，順便平平地在深埗食個午餐，餐廳每日都有幾款不同的午餐選擇，除了肉、魚、還有素菜，素食者都啱食。例湯是舞茸粟米豬骨湯，完全無味精，湯料豐富，粟米清甜，還有大大件的豬骨及舞茸，真材實料。雲腿肉絲津白有粉絲、津白等，津白煮得很腍，加上雲腿咸味，味道正常不會過咸，而粉絲就吸收了雲腿咸味，送飯一流。豉椒涼瓜煎封金倉魚，倉魚細細條，正好一人份量，表面煎封至金黃色，魚肉嫩滑，再以苦瓜炆一炆，魚肉帶了苦瓜香。

開返4人堂食，呢日同幾個同事黎深水埗做野，同事A介紹呢頭有間家常小菜店無味精又大大碟，重點係話好平🤣咁無理由唔試啦😚.餐廳位於元州街10號，近深水埗地鐵站，大約行5分鐘就到，餐廳裝修就無乜，一睇就知係街坊小店。每日有5-6款既「每日精選飯餐」，價錢由$42-$44不等，送湯/咖啡茶/糖水（紅豆沙、綠豆沙、西米露、椰汁涼粉）。.▪️是日例湯老火湯：土茯苓生地紅棗豬骨湯；素湯： 沙參肉竹雪梨湯每個餐跟一碗，個湯好正，無味精又足料😍.▪️魷魚蒸肉餅$42每日叫個餐食，最中意就係個蒸肉餅，肥瘦均勻既豬肉碎加左馬蹄魷魚，好有煮家飯既feel. .▪️豉椒涼瓜炆排骨$42涼瓜切斜片去籽，完全無苦味得黎都唔會加太多糖去煮，加上用豉椒醃製左排骨，簡單家常餸都好滿足。.▪️柱候牛腩炆蘿蔔$44呢個話就話牛腩，其實除左牛腩仲有牛根，而且都算幾多，白蘿蔔炆煮時間夠，又唔會過淋身，不過不失。.▪️鹹魚雞粒炒飯$46最後同事叫左個鹹雞，幾欣賞佢炒飯都落咁多菜心同蔥，令到成個飯好colourful ，鹹魚香味好重，佢係廚房炒緊已經聞到🙈 炒飯最緊要夠乾身，都做得好👌🏻.深水埗家常小菜店，如果我住呢頭都應該會幾常幫襯🤣睇佢奇

中午想去玩具街買農曆新年掛飾🧧，於是就順便喺嗰邊搵嘢食。行嚟行去唔知食乜好，又見到有姐姐派傳單，於是就幫襯咗「滋潤棧」。其實之前都有經過過依個舖位，但就冇細心留意。入到去先發現環境原來都幾光猛，而且座位闊落兼排列整齊，舒服過茶記好多☺️。餐廳每日有六款指定精選飯餐，價錢較為相宜，而且加幾蚊仲可以雙拼。只可惜今日嗰幾款唔太啱我哋口味😣，所以唯有轉戰正餐牌。本身以為餐廳主打中式小菜，但其實亦有賣炒粉麵、湯飯湯米線同(港)美式扒餐等。而我最欣賞係呢度有提供唔少素菜🥦，就連例湯都有素湯，咁素食者就多一個好選擇。是日老火靚湯係海底椰粟米豬骨湯🌽🐷，湯品味道幾好，飲落清清哋，而且最重要係唔油。如果唔飲湯，你可以揀飲品或者糖水。我哋兩款小菜都揀咗牛，感覺係幾好笑，因為撞哂味。不過我哋都鍾意食牛，加埋天氣涼涼哋，想食煲仔菜，睇嚟睇去都係得牛嗰款比較啱心水。喺度食飯唔使驚唔夠飽，🍚因為白飯好大碗，係酒樓嘅1.5倍以上。中式炒牛柳($65)，我好少食呢味菜，原來個汁都幾惹味😋。我哋一致認同茄汁同糖同喼汁嘅比例調得啱啱好，甜酸度適中，亦無咕嚕汁咁濃烈，撈飯食唔錯。牛柳有好多件，而且係真．牛柳，肉身呈長方形兼且

呢間餐廳平時主打家常營養小菜，但每逢秋冬都有藥膳雞煲（$128）同羊腩煲（$138）。今次同男朋友試咗羊腩煲，兩個人食一煲加碟菜（$15）飽晒🤤😋。🥘羊腩煲（$138）每份羊腩煲奉送生菜一碟同埋白飯一碗。羊腩煲有大概20件羊肉，相當抵食。羊肉每件都帶皮，而且肉質軟腍。醬汁係經典柱侯醬汁，好香但鹹度唔高，食完唔口渴。腐竹吸收晒醬汁，餸飯好惹味。餐廳似乎有唔少熟客，店主會為年紀較大嘅食客推介及準備軟腍易咬嘅飯菜，令人感受到小店嘅貼心。

門外餐牌很當眼，選擇都有好多款，見到街坊食每日精選。同埋家庭式經營，店內侍應不多。食野前先黎碗湯水暖胃，椰子雪耳甘荀豬骨湯，真材實料，無味精，聞到椰子香味，雪耳夠軟，湯水很滋潤。今日我叫了枝竹羊腩煲，套餐抵食，仲有新鮮生菜一碟，有白飯。枝竹羊腩煲原個煲上，一邊食一邊開爐暖住，真係好溫暖。羊腩肉質軟嫩，肥瘦適中，羊腩份量都算多，羊肉羶味不算濃。加上枝竹入味，馬蹄鮮甜，仲有生菜滾燙一陣就食得，呢個煲兩個人食都好夠。老公叫了每日精選套餐，豐儉由人，我們點了XO醬西芹炒牛柳粒，加$10 要埋冬菇梅菜扣肉，味道家常，沒有重味精，很健康。牛柳粒切得細粒更入味，伴上配菜一起拌勻食都唔錯，扣肉肥甘香，冬菇梅菜都好夾。

這家餐廳經常經過，內裏都有不少人，但平日的菜式都不太吸引，今天幸好有一個看得上眼，於是內進嘗試。人們都像為了是日靚湯而來，這天是金銀菜南北杏豬骨湯。沒錯，喝起來像是沒甚麼味精，但也不見得特別好喝😪，下次喝茶喝糖水好過點了一個蜜糖蒜子骨，都算大大碟，排骨的份量也不少，但是以骨為主🤦🏾‍♀️，有肉的都比較少，而且碎。然後一碟餸配大碗飯，再大碗湯，或選糖水，附近亦有幾間類似的店舖，為附近居民提供方便。近似住家飯的餐廳，在區內也有另外一間，兩者均都不算收費昂貴，跟那間比較，這家質素比起那一家差😔，因此再來的機會也不大👋🏿。第二次則吃蕃茄魚柳，非常普通，雖然感覺沒甚麽味精，但是味道不怎麽突出，亦不太找到鮮茄。炸魚柳大大件，內裏還算多肉，配飯還好。綠豆沙算比較好，足料，濃味而不算太甜，份量多而多渣。

諗住行過 求其揾間食下午茶 都唔期望有啲咩驚喜 諗住普通茶餐廳味道 下午茶本身唔平 食個星洲炒米 點知等左成半個鐘 最大問題係當時得一兩枱客 追佢單佢竟然答我 係咁架啦 想快應該叫快餐食 啲態度差到呢 好啦 野食黎啦 一望落去淺色到一睇就知放過獲撈兩撈都冇真正炒過 又濕 食落去原全冇咖喱味 剩係得加重既辣味 呢啲冇良心又冇廚義既餐廳一般都係用呢啲手法 另外凍奶茶又有怪味 總之一句就中哂伏 茶餐廳做到可以咁難食佢地都算好野

海底椰粟米紅蘿蔔西檸雞扒$28想飲啖冇味精湯，行過見到呢間嘢，感覺都博得過入到去冇油煙味，冇臭抺布味個湯似屋企煲冇味精，有少少湯渣雞扒唔係有漿粉包住拎去炸嗰款，雞皮下啲脂肪已經煎走，肉冇雪味，醃得入味，檸汁清新，冇特別再用醋加味，不過切咗得五舊，唔係好有得夾吓，好似好淒涼咁

這間比福榮街的少人。衛生唔好，一入去就見好多野飛來飛去。又有股臭味。好難頂。六個人，叫了五個Lunch set，味道都過得去，但服務唔多得，問一樣答半樣，又無咩反應。又寸我地六個人叫五個餐唔知夠唔夠食。肉醬意粉都唔係西式的，無咩茄汁。深水步實在可以又太多選擇，我寧願用腦諗下，或誤打誤撞，都唔會想再黎。

家人往吃下午茶, 吃麵的中途, 碗中出現"小強"一隻....