影片
以上资料只供参考，请与餐厅确认详情
随便食一间，点知中大伏点左个三杯鸡，以为台式三杯鸡的样，但出到黎完全被骗，似卤水鸡肉，完全低成本之作，d鸡肉都系鸡胸肉，又散又唔掂，冇任何配料，人地三杯鸡都系用炒，呢度用炆，仲要劲出水，一塌糊涂。好心唔好用三杯鸡呢个名。知道伏左，想加𩠌加8蚊点个鱿鱼煎肉饼，但店员话煎肉饼已经切片，冇得后加，只可以加其他𩠌，真心伏到咁，超难食，又冇得加肉饼，唉。个猪骨汤系好少少外，其他都系垃圾。真心违反商品说明，根本唔系三杯鸡，系卤味鸡。
继续阅读
去了黄金买野，顺便平平地在深埗食个午餐，餐厅每日都有几款不同的午餐选择，除了肉、鱼、还有素菜，素食者都啱食。例汤是舞茸粟米猪骨汤，完全无味精，汤料丰富，粟米清甜，还有大大件的猪骨及舞茸，真材实料。云腿肉丝津白有粉丝、津白等，津白煮得很腍，加上云腿咸味，味道正常不会过咸，而粉丝就吸收了云腿咸味，送饭一流。豉椒凉瓜煎封金仓鱼，仓鱼细细条，正好一人份量，表面煎封至金黄色，鱼肉嫩滑，再以苦瓜炆一炆，鱼肉带了苦瓜香。
继续阅读
开返4人堂食，呢日同几个同事黎深水埗做野，同事A介绍呢头有间家常小菜店无味精又大大碟，重点系话好平🤣咁无理由唔试啦😚.餐厅位于元州街10号，近深水埗地铁站，大约行5分钟就到，餐厅装修就无乜，一睇就知系街坊小店。每日有5-6款既「每日精选饭餐」，价钱由$42-$44不等，送汤/咖啡茶/糖水（红豆沙、绿豆沙、西米露、椰汁凉粉）。.▪️是日例汤老火汤：土茯苓生地红枣猪骨汤；素汤： 沙参肉竹雪梨汤每个餐跟一碗，个汤好正，无味精又足料😍.▪️鱿鱼蒸肉饼$42每日叫个餐食，最中意就系个蒸肉饼，肥瘦均匀既猪肉碎加左马蹄鱿鱼，好有煮家饭既feel. .▪️豉椒凉瓜炆排骨$42凉瓜切斜片去籽，完全无苦味得黎都唔会加太多糖去煮，加上用豉椒腌制左排骨，简单家常𩠌都好满足。.▪️柱候牛腩炆萝卜$44呢个话就话牛腩，其实除左牛腩仲有牛根，而且都算几多，白萝卜炆煮时间够，又唔会过淋身，不过不失。.▪️咸鱼鸡粒炒饭$46最后同事叫左个咸鸡，几欣赏佢炒饭都落咁多菜心同葱，令到成个饭好colourful ，咸鱼香味好重，佢系厨房炒紧已经闻到🙈 炒饭最紧要够干身，都做得好👌🏻.深水埗家常小菜店，如果我住呢头都应该会几常帮衬🤣睇佢奇貌不样，但又真系好有屋企𩠌Feel👍🏻👍🏻 最紧要无味精好重要呀。
继续阅读
中午想去玩具街买农历新年挂饰🧧，于是就顺便喺𠮶边揾嘢食。行嚟行去唔知食乜好，又见到有姐姐派传单，于是就帮衬咗「滋润栈」。其实之前都有经过过依个舖位，但就冇细心留意。入到去先发现环境原来都几光猛，而且座位阔落兼排列整齐，舒服过茶记好多☺️。餐厅每日有六款指定精选饭餐，价钱较为相宜，而且加几蚊仲可以双拼。只可惜今日𠮶几款唔太啱我哋口味😣，所以唯有转战正餐牌。本身以为餐厅主打中式小菜，但其实亦有卖炒粉面、汤饭汤米线同(港)美式扒餐等。而我最欣赏系呢度有提供唔少素菜🥦，就连例汤都有素汤，咁素食者就多一个好选择。是日老火靓汤系海底椰粟米猪骨汤🌽🐷，汤品味道几好，饮落清清哋，而且最重要系唔油。如果唔饮汤，你可以拣饮品或者糖水。我哋两款小菜都拣咗牛，感觉系几好笑，因为撞哂味。不过我哋都钟意食牛，加埋天气凉凉哋，想食煲仔菜，睇嚟睇去都系得牛𠮶款比较啱心水。喺度食饭唔使惊唔够饱，🍚因为白饭好大碗，系酒楼嘅1.5倍以上。中式炒牛柳($65)，我好少食呢味菜，原来个汁都几惹味😋。我哋一致认同茄汁同糖同喼汁嘅比例调得啱啱好，甜酸度适中，亦无咕噜汁咁浓烈，捞饭食唔错。牛柳有好多件，而且系真．牛柳，肉身呈长方形兼且有一定厚度。除咗牛柳外，餐厅仲用上好多三色椒同洋葱一齐炒，所以唔会冇菜食。另一边厢，呢碟小炒出奇地几够镬气👍。沙嗲金菇牛肉煲($65)，🥣煲仔菜份量够哂多，打开后见到觉得几澎湃。顾名思义，金菇同牛肉就当然唔少得，但同时亦都有几条小白菜。至于酱汁方面，老实讲佢唔太有沙嗲或沙茶酱嘅味道，唔算好香亦唔辣，但食落又无乜嘢，都系好食嘅。🐮牛肉并唔系用上肥牛薄片，而系用上偏厚身𠮶种，食得出牛味，但有个别肥膏就多咗啲。总括嚟讲，小店嘅出品几高质，味道唔错，而且比出面食开嘅无咁重口味，清淡但绝不代表无味。我哋都几肯定呢度冇落味精，好有住家菜嘅感觉🏡。再者，呢度饭菜嘅量真系超多，本身想食埋糖水，但最终都食唔落。堂食客人唔算好多，相反外卖单就做唔停，电话系咁响。小店有一份唔系好多地方有嘅人情味，老板以至店员都好友善，用心经营🙏🏻。疫情过后，有机会请同事食下午茶，我都会考虑帮衬佢啊。
继续阅读
呢间餐厅平时主打家常营养小菜，但每逢秋冬都有药膳鸡煲（$128）同羊腩煲（$138）。今次同男朋友试咗羊腩煲，两个人食一煲加碟菜（$15）饱晒🤤😋。🥘羊腩煲（$138）每份羊腩煲奉送生菜一碟同埋白饭一碗。羊腩煲有大概20件羊肉，相当抵食。羊肉每件都带皮，而且肉质软腍。酱汁系经典柱侯酱汁，好香但咸度唔高，食完唔口渴。腐竹吸收晒酱汁，𩠌饭好惹味。餐厅似乎有唔少熟客，店主会为年纪较大嘅食客推介及准备软腍易咬嘅饭菜，令人感受到小店嘅贴心。
继续阅读