滋味蔡 (已結業)

第一次食，係勁高質嘅多餸飯，見到咁少評價即刻要幫老闆娘留返個食評！聽到糖水嘅材料都係自己種嘅，就知幾有Heart🫶🏻暫時係喺鰂魚涌返工食過最好食嘅一餐，價錢相宜，但有兩餸、小食、靚湯同糖水！太癲！❤️今次我試嘅係蜜汁一口牛、咕嚕雞球，仲加咗個胡椒豬肚湯，之後仲包一個小食(小食有指係要早少少打電話落order先有機會有，每日限量，先到先得嘅）、同雪耳木瓜糖水，個糖水唔會太甜，仲有好香嘅木瓜味同果蓉，真係非常不錯！今次都係我第一次係呢度留言，希望都幫手可以等多啲人幫襯呢間小店啦😆 有機會會再試食其他餸菜！

滋味蔡地址: 鰂魚涌海堤街18號地下D6鋪未到月尾已經無錢點算好😅？平價飯絕對係唔少人嘅糧尾恩物。近日比我發現到呢間餐廳，餐廳以大件夾抵食為招徠，每星期都會提供唔同菜式選擇，你可以以自己口味選，個個星期食都唔會厭呀。今次我就選咗滋味蜜椒蒜香一口牛飯 🥩 $68，牛柳粒好入味而且好腍，粒粒都包滿住蜜椒汁，甜甜地又有黑椒少少辣既味道，熱辣辣食真係好正呀🤤，經濟實惠夠大份，好有煮家飯feel，CP值幾高~#nicefoodie鰂魚涌