滇園雲南美食 (已結業)

每逢去看跌打醫師，必到滇園吃飯。28蚊一個餐：有碗麵，有杯不錯的台式飲品，已算抵食了。今次點了雞絲涼伴蕎麥麵+ 凍茉香珍珠。碗麵的餸料(雞絲、青瓜絲、蘿蔔絲)幾足，另外我喜歡那個醬汁，味道不淡不濃，很適合在夏天吃；也啱那些不愛肥膩食物的人士吃。飲品也很不錯喔!不像某popular的台式小吃連鎖店，一碟小吃已十多元，加杯飲杯已超過28蚊，更可況一個餐? 而且水準不值28呢!!!我幫襯了滇園幾次，我不覺得服務很差。曾在一些「高級」餐館吃飯，也不見得侍應的服務態度好好，而且問多兩句就唔耐煩。

昨日同mother去試吓, 問個員工是雞粒是否好辣, 佢居然好寸的態度話唔知woo. 咁員工都得架?????????????????

一入去，無人招呼..........想點野食，等左好耐先理我地......男朋友吃魚柳飯，明明中式菜，sauce竟然係tomato sauce、黑椒汁or 白汁，好一個fusion~~我的牛腩飯，好辣！！上晒兩碟飯，侍應才記得我們沒筷子，無野好講........服務十個唔得！唔會再幫襯！

我本身住開大窩口, 每個禮拜日都會黎食野~但係次次都成肚氣!我3姊弟黎食, d野好食ar,但係唔該你比d笑容ar!得罪你咩依家!有2次好值得同大家講下ge,一次係我同細佬去食,佢整錯左o個麵比我,我都唔食辣醬ge,咁緊係叫佢換la,o個條八婆竟然就左去,佢返轉頭o個時同我講話我落單o個時係叫呢個,ar姐,你地又冇覆單,我就咁指話要呢個,我次次都係叫同一種麵ga la! 我會叫錯? 唔好話你睇錯~我都唔出聲等佢拎去換,佢竟然就咁入廚房整走d醬就放其他料上去!我o個餐食左上面d料,麵都冇食埋單走人!第二次同o個fd去食,我照舊o個隻麵,個fd話點解d䒷 冇人執ge,好忙咩?因為我地係做日本餐廳,服務要好好,做野好嚴,去到其他地方唔多唔少會care埋人地呢d野,我就一一道來,呢度d人唔理你ga,就算爆棚都冇人會問你幾位,個個客都自己亂錯ga la~你睇下,1個人2個人坐4~6人位,4個人就坐8人位,d 2人位冇人坐ga~佢地ar~好'忙'ga~一隻手去2杯野,一隻手收2樣野,個托盤廢ga,冇人用ga~見到都想衝過去執!講講下放3杯野飲落黎,奶茶同coffee一樣色,又冇同我地講邊杯係咩就走左

二人到了這裡早聚,未試過咁早聚會架!所以竟然可以仲食到呢到ga早餐,點了椰香多士和水餃,飲品泡沫咖啡而朋友點了杏仁咖啡,兩隻都唔錯.逗留了很久但員工沒有趕我們走,太好呢!今餐朋友請!

第一次去這間店食飯...見個店名幾特別晚上七點九..店內都有幾多人..但就唔洗等位..見到餐牌裡面的食品名稱好特別...所以都七上八落..唔知叫邊樣好...諗佐都幾耐...冇個侍應主動走黎介紹..不過又真係見到佢地好忙...唔係同人傾談...終於叫到個侍應黎...本來好好既心情...都變得有d火..問佢「豆腐丸子」裡的豆腐係咪玉子豆腐..佢答：「唔知喎....」就停佐...本來想等佢講：「不如我去幫你問下廚房啦！」點知...佢真係成舊木企係到=_="""再問佢：「雜錦砂鍋米線有d咩枓？」佢答：「唔係好知...唔好難為我啦！」@________@""" 真係凸眼...唔想再講野......今時今日咁既服務態度...唉...不過最諷刺即係...當埋單時..見到旁邊有個旅發局給予的「優質商店」既標誌..個個員工心口都有個金色的優字章wahhahahaha.....笑死我...不過....環境...食物...我覺得滿意！食物口感..味道...幾特別..同新鮮...一間食店...最重要係口味...第二係態度..如果口味唔得..冇第二次光臨..不過口味得...服務唔得...我會俾多次機會(如果冇同

叫杯外賣-胚丫珍珠奶茶。等得耐，勁耐。胚丫只得半茶匙!!!!奶茶勁淡，得杏仁味。無奶茶味!!!!!! 未飲過咁難飲!!!成$16 杯!! 我試過荔枝角$10 杯珍珠奶茶都好過呢度100000萬倍!職員又差!!! 成$16 杯!!

呢間野d野唔好食,d所謂特飲嘅味又真係特別古怪,d侍應又好似個個中了六合彩頭獎咁(唔係笑容滿面,而係唔多想做!),雖然價錢唔係貴,但咁嘅質數,我覺得去間去d嘅茶餐廳好過囉!都唔明點解唔使執......?

如果講裝修，我諗大窩口黎講ｅ間都算係咁架喇！但係ｄ服務態度完全唔掂一ｄ笑容都冇既一ｄ禮貌都冇架，懶ｃｏｏｌ咁！ｄ野食都係普昔通通果隻豬扒飯好咸好咸衛生冇咩特別咁啦講真，有得簡，都係行遠少少去第二度食好過

環境：超靚，頭頂好多燈好似星星，有梳化坐,clern味道：米線好淡，似食陽春麵；咖喱魚皮蛟，出面冇得食，可以加味道，咖喱味超好食；黑淑魚皮蛟，味道普通，淡；野飲好味，多款揀；加$2有甜品服務：良好價錢：成$30個米線,貴！夜晚野飲另加錢衛生：良好總體：普通，又貴又唔想食，建議行入ｄ去食滇園飯仲好過

今晚6點半同女朋友去大窩口食野，見到間餐廳裝修都ok，又少人，就入去幫襯。我地分別叫左兩個28蚊套餐，黑椒牛筋丸米線+可可珍珠同埋雞亦米線+士多啤梨奶昔。叫野個陣要等左陣先有人黎，見個waiter係度勁同班客吹水(應該係fd)，過一陣先黎，黎到又問左兩次我地點的菜，都冇心做野既。過左一陣，上菜喇，牛丸四粒，雞亦三隻，碗米粉的份量男仔一定唔夠食，食左都只會頂到一陣肚，女仔就岩岩好，d 野全部都好普通，唯一可讚的係米線煮得岩岩好，同埋杯餐飲都唔錯，幾抵飲。(食野呢段時間個waiter都一路吹水，汗一_一")最後埋單都係28蚊，算幾平，拉返少少分，不過所有野都係普普通通，如果唔係一定要係大窩口食野，建議行多幾步去荃灣搵食好過。

換完身份證，獨自在附近搵食。眼見這裡的裝俢挺OK，就入去一試。一進去，沒有人招呼我，便自己找個位置坐下。此餐廳主打米線，但因為吃得太多又冇新意，就揀左雞絲涼伴蒿麥麵和珍珠奶茶。想落order，卻叫來叫去也沒人應，待應掛著自己傾計，認真激氣！麵來到，外觀一般。當我把麵撈勻時，發覺超多豉油在碗底，心知不妙；果然，麵是咸得要命，我吃一口便要飲半杯奶茶來中和咸味，太過份！結果，我吃了兩口飲埋杯野就走人。食物質素和服務都辦得這樣差勁，如非有180度改善，相信很快便捱不住。