影片
以上资料只供参考，请与餐厅确认详情
公众假期过嚟食，啲米线好腍唔知点解可以咁差已经有食客反映咗好多次但系好似都冇改善…猪软骨都OK其他嘢就麻麻地卫生情况都正常，但系店员嘅服务就好麻麻哋冇咩事都唔使再嚟帮衬。真系要警告下附近啲街坊唔好再嚟食，因为其实性价比好低。新蒲岗附近都有好多其他好食啲嘅选择，所以其实唔需要再嚟呢间食。佢选择系多，但系唔系好多样嘢都好味，所以其实唔使试因为米线本身就系富灵魂，但系都做得唔好….虽然个汤系正常，但系整体体验都麻麻哋！
继续阅读
平时见到呢间午餐晚餐都多人，今次七点几行过见到冇人排队就入去试吓。本身自己都钟情水晶粉，所以都系必要之选😆猪大肠+腩肉+水晶粉（中辣）猪大肠都整得几干净👍🏻冇咗啲肥食得舒服好多😄腩肉正正常常，中辣都几辣😂最好味系啲肉碎同芽菜🤭🤭猪红+炸酱+蕃茄汤水晶粉（小辣）猪红好有猪红味好弹牙😂 炸酱一般般，蕃茄汤好臭😂𠮶几件蕃茄应该系烚一圾就放落去，所以好硬。加咗个秘制猪颈肉小食佢唔系烧嘅猪颈肉，系炸完再切片，所以普普通通，不过不失。另外周年纪念食满$130送小食（醉鸡翼尖）不过浸得唔够耐冇乜味😂😂😂唯一要赞吓个姐姐，收银又系佢，执枱又系佢，落单又系佢，外卖又系佢，攞筹又系佢，出餐又系佢，一脚踢服务态度仲好好，真系抵赞😊👍🏻👍🏻
继续阅读
话说我上次愤然离开从心素食之后，唯有通街揾食。琴日见呢间滇二哥米线好似有位，就入去。阿姐黎手就招呼我坐系厨房门口，系我进食期间，仲撞左我两次𠻹。我虽然算食得小辣，但为保险，嗌左个蕃茄汤底37蚊包一𩠌（几碎片椰菜+清新几瓣蕃茄），之后就每𩠌8蚊/9蚊。至于我嗌左其他咩𩠌你地自己睇图。上到枱，拍照存档，你地睇图，哗，又大又整齐，以为我食得好饱？ No way!!!!!豆卜系骰子两倍大，对半cut出二变六，好似耶稣行神迹咁，充分制造出三卜六粒既抵食假象。喂，我识条铁咩？大拿拿9蚊豆卜，当然要细心为顾客cut开，照顾你既樱桃小嘴，足见店家贴心之处。另外，米线太长，系好难进食既，于是店家又再行神迹，米线就碎成1-2cm啦，啱架啦。嗱，我人好均真，佢个蕃茄汤底系ok，但价钱绝对bad.仲要热饮加8蚊。我埋单都55蚊，叫埋杯野饮就真系我喊你笑。我大概系1点几埋单，结果2点几就空虚……
继续阅读
去开新蒲岗，作为米线迷，路过米线舖就入去帮衬下。门面其实麻麻地吸引，不过search过open rice，见有人话米线关注组推介过，亦有人话普普通通，米线有咁多种门派，各花入各眼，所以要自己试过先知系咪岩自己嘅餐牌同一般云南米线舖嘅格式类同，例牌叫酸辣米线再加配料菜心腩肉酸辣米线 微辣汤底唔系好浓厚𠮶种，比较稀，for我会觉得太单薄。已经系叫微辣，但个辣都几抢喉，麻麻地。米线几林，软硬适中.配料方面，芽菜韮菜都尚算够，但肉碎同酸菜就比较少，我超中意食酸菜，个份量完全唔够喉，不过咁啱佢嘅酸菜好好好酸，唔系我喜欢𠮶种味道，所以好彩得好少😂.𩠌菜黎讲呢，腩肉系出色嘅，入味，味道适中，唔会太咸太淡。腩肉会有啲肥肉同皮，但整得几好味，唔会腻。菜心就纯粹想健康少少先叫，唔林，that’s all😅奶茶加$8，少冰左都几多冰，味道偏甜，比较多奶，冇咩茶味卖单$57，晚餐，差唔多价钱啦.整体评价只可以话不过不失，无咩特别，for填饱肚嘅一餐
继续阅读
睇show前快食晚餐，拣咗依间云南米线店🥢小店都几受街坊欢迎，keep住有人嚟食嘢买外卖～～✴️腩肉清汤酸辣红薯粉✴️腩肉厚薄适中，肥肉同瘦肉相间，不过腩肉自带辣味，有时候唔小心会俾啲辣味啃亲，唔食得辣嘅朋友要注意⚠️✴️鸡丝猪润酸辣汤红薯粉✴️酸辣汤叫咗微辣，不过汤底酸度唔高，酸菜份量都比较少，较可惜☹️猪润熟度刚好，中间啱啱好熟👍🏻鸡丝就正正常常，索满汤就唔会好干柴～红薯粉质地Q弹，令人不经不觉就食哂成碗🙈
继续阅读
您可能会有兴趣的...