源都冰室

星期六下午兩時左右經開幫襯, 我叫左一杯外賣奶茶。個女伙計問我加唔加糖，我話我想自己加。佢態度好差，掉包糖俾我 ，話我阻住哂。我落完糖問佢拎搞匙，佢話佢哋冇搞匙 ，不嬲都係幫啲客落埋糖，無人咁麻煩 。我問佢攞鐵匙，佢又唔忿氣咁掉支鐵匙俾我，叫我快快脆脆搞，唔好阻住晒 。成間鋪人流得咁多（如圖），點樣阻住哂？ 講返杯外賣奶茶，實話實說，唔會因為佢態度差異劣評杯奶茶。但係，杯奶茶真係唔好飲 ，得奶味，無茶香，奶茶應有嘅澀味欠奉，類似台式珍珠奶茶底 。 星期六黃金時間都咁冷清，唔係無原因 。難道這就是舊式冰室的懷舊味道? …查看更多

放假去搵身。由於屋企樓下既茶記已經食到悶同埋水準每況愈下。聽朋友介紹。如果唔嫌舊可以去試下源都。。咁就放假同老公一齊去試下。去到叫左2個沙嗲牛面。1杯凍0茶，1杯熱奶茶。面底唔錯。。似係即煮。。夠熱夠熟透係個個沙嗲牛個味略甜左少少。但份量都好大碗。0茶茶底唔算好濃。奶茶就冇想像咁好。最後叫左份鮮油多。。。原來係得一塊包放2舊1x1寸牛油上去。同我想像有d出入。。不過再睇番佢個價錢。。。十幾蚊份。。收貨喇。全部冇餐跟 。。2個人賣單$99…查看更多

一間細小的冰室，在一條無乜人行的內街，附近都係舊樓車房基本上無乜裝修，如果唔係去開嗰頭，睇埋其他食評，基本上唔會考慮入去食，真係好似行入去都要好大勇氣咁入到去基本得老闆同老闆娘，唸好食咩好就同老闆娘講，佢唔使用紙抄低，直接大聲覆述一次俾老闆聽就完，仲要記得哂無漏沙嗲牛通係必食，湯底係極重沙嗲味，唔係hea嘅，正到想飲埋個湯完全唔明點解會無人發現，真係掘到寶。奶茶係基本茶味重，雖然已經好多地方做唔到，但呢度真係好飲，係奶味略嫌唔夠，可能要加糖/轉茶走，加翻甜去中和平衡呢度係無餐嘅，但就算散叫都唔貴，個質素絕對對得起個價錢…查看更多

在信用街附近辦點事，中午時間想在附近找個地方食飯，但眼見方圓幾十米都無餐廳，只有這間冰室，冰室門口坐了幾個地盤工程男士正在用餐，猶豫是否該找第二間，但最後鼓起勇氣坐下來。餐廳不大，只有四五張桌，門口外有兩張，提供輕便快餐。樓面只有一個阿姐，她動作利索，客人說完點什麼，她就大聲說“收到”，非常好爽，一個人把樓面處理妥當。我點了番茄豬扒飯，有三小塊，分量算多，醃得入味，煎得香口，加上幾件新鮮番茄，和甜酸汁，非常送飯，吃完一點都沒剩。另一抵讚的是奶茶，有香濃茶味和奶味，真的不錯。整個用餐過程只需15分鐘，在一群粗礦的男人堆吃飯感覺很特別。走出冰室，打電話給住在附近的朋友，她說多次路過這間冰室也想過進去，但由於男人太多，沒勇氣進去。原來吃飯都要鼓起勇氣的。…查看更多

揸住架車兜兜下就發現咗呢個地方唔好見呢度環境好似好差咁但係真係深藏不露 啲嘢食真係唔錯不過價錢都唔係特別平而且沒有餐 只有散叫但人流依然好多 （疫情期間大部份人都係叫外賣）餐蛋湯麵馳名凍奶茶☕️呢杯真係要叫！必點！又香又濃，仲好滑完全估唔到蛋牛通粉 牛肉唔係平時嘅滑牛唔係平時那到無晒牛肉味呢一個部位就好香 不過相對比較靭下次一定叫沙嗲底！我本身無叫飲品取而代之想試吓佢嘅油占多真係好耐無見過 好回味 細細個成日食落單嘅時候記得望下牆上邊嘅Menu如果唔係就好似我咁冇落到沙嗲 #見大家都推介沙嗲…查看更多

雖然在殯儀工作，每日都出入紅磡，但第一次來源都竟然是波友球聚後，由沙田曾大屋駕車而至這裡為求吃一個早餐。這裡在高山劇場斜對面，泊街都算容易搵位。地方唔大，好old school的感覺，特別是舊式的時鐘高高掛上。入返題先，沙嗲牛肉麵是誠意推介，因為非常足料，試想想平時茶記咪見沙嗲醬二匙羹左右就算，而這裡食食碗都是好濃的沙嗲味，值得一試！如果想食飽d, 可以加多隻蛋囉，蛋就無咩可以講，平時食的水準，唔會有太大分別吧～…查看更多

間中都會黎食個tea,無他，貪佢方便泊架車係門口同坐門口可以食煙鋪面唔太大，好舊以前既裝修，坐係度食野都幾有感覺食物方面好簡單，就係餐肉蛋腸牛拼米粉公仔麵通粉同三文治…查看更多

懷舊冰室晌香港已經買少見少，仲要落於環境清靜嘅高山道，當日風和日麗心情大好又餓餓地路經此店，諗都唔諗就入店一試。店內裝修的確好有情懷，大部分都係如假包換嘅舊物，童年回憶真係即刻番晒嚟！懷舊完畢，醫肚先。我叫咗一個火腿煎蛋飯加杯熱奶茶。杯奶還可以。但個飯呢⋯⋯火腿煎蛋飯，其實係只要有些少誠意就能做得好的碟頭飯，但都可以整得咁難食！煎蛋全熟乾爭爭，仲要得一隻；火腿就煎都冇煎就咁放晌度；個重點甜豉油⋯⋯係唔甜嘅，我甚至懷疑佢係咁二落兩滴生抽了事。非常咁求其！除非淨飲，否則真係唔駛幫襯。…查看更多

冰室好細 雖然有冷氣風扇 但因為冇門 舖面涼極有限😅 冰室得一個廚師 多人既時候就可能要等耐少少啦😗講返碗米粉😍 一拎埋黎已經好香沙嗲味😍呢度既沙嗲唔係就咁一pat沙嗲醬 而係用沙嗲煲出黎既湯 碗底仲見到一粒粒花生同胡椒😚 個湯好甜好濃又唔會辣😊 啲牛肉係冇落過梳打粉既 係真正既牛肉texture😁…查看更多

在土瓜灣，平的食肆多的是，有特色的唔可以話應有盡有，至少，地頭蟲必定有個應該去的舖頭的list。上次講左好知味，今次要介紹係高山劇場附近嘅源都冰室。不過，今次介紹唔係好食嘅推薦，反而係唔好食嘅推薦。在未來地鐵站口的這一條街，寧靜無比，是土瓜灣的後花園，如果你去過高山劇場，你一定經過呢度。星期六的上午，好想試下吃呢間外表咁古老嘅冰室，至少，呢類地方，買少見少。入到去，客唔多，就如去了時光隧道，那個在廚房的bar枱上面的時鐘，應該是六七十年代的遺物，源都冰室新張誌慶，由楊進發裝飾公司敬賀，電話是六個號碼，是時光倒流五十年，那個感覺就像回到過去。不過價錢卻像坐火箭般回到廿一世紀的今天，叫了個沙爹牛肉蛋通粉，加一杯茶走，是大約四十蚊的價錢，呢個指數拍得到太興的那個靚靚餐蛋麵。土瓜灣呢個價唔太make sense ，那個在落山道的茶記，也不過是三十有找，人地仲有個餐包和火腿。最重要還是味道，好吃的東西，錢和時間都不是問題。可惜，這間舊冰室除了那個忘了時間的鐘，大概窮得只剩下一口味精。沙爹牛肉，全是用生粉過火的感覺，帶點韌的牛肉唔特別大舊，份量也少。沙爹帶有強烈味之素感覺，cas號142-47-2，老實就，喜歡沙爹牛肉的狂迷真係好失望，那些什麼金園，黃大仙合作社，蘇記等高幾多萬班。煎荷包蛋是較好的，是家庭式的溫暖。還有通心粉也算是不錯，當加入了cas號142-47-2後，也變得好食。熱奶茶還可以，回甘而茶香強烈，也算安慰。坦白說，如果你想探下忘了時間的鐘，來吧，食野，就真係食下就算，唔好有期望。源都冰室紅磡高山道2號B地下…查看更多

有一天乘紅色 van 仔回西貢，遇上了紅磡土瓜灣大塞車，精明的小巴司機立即把車抽左，由高山道、靠背壟道出天光道避塞。而就由北拱街一轉入去時，眼光中瓢現了一個很古老的角度。我在車上不斷上網查找，原來這是一間叫《源都冰室》的食肆。而就是這一個偶遇，再一次把我引回來北拱街，再做一次早餐加午餐報導。大白天的中午，我回來《源都冰室》，在日光中踏著地再看清楚這一間老店。其門面雖然有一種滄桑的感覺，不過，雖然周圍的環境是冷青青的，但看見冰室人來大往，頓時令我感覺到，這是高山道的生氣所在。舊，店內的一切都是舊物品，單是汽水機呢家野，已經被不少茶餐廳及非連鎖快餐店放棄使用了，但這兒卻有一個小小中古式的汽水機，實在少有。而家的茶餐廳，開一罐汽水俾你仲快仲方便過整一桶又要插喉，又要打氣。(仲要定期洗機!!!)我的午餐是洋蔥豬扒飯，很簡單的茶餐廳西式飯，亦是很香口的茶餐廳西式飯，洋蔥爆得夠香，亦有部份是未完全熟，所以再多了一重的辛辣香味。豬扒早就切成一條條的，方便客人食，而洋蔥汁也是十足的香口，雖不是最出色的飯，但那一個洋蔥汁夠味夠香，豬扒亦可愛地爽口，不錯。改日來一個早餐麵，是他們的沙爹湯底麵，香濃的沙爹，混入湯混入麵一諂煮，味道既香又濃。我雖然沒有叫上牛肉，但單以餐肉煎蛋配上麵，配上這濃得可愛的沙爹湯底，感覺非常之美妙，在陽光普照的清早遇上這一份可愛沙爹麵，可真是滿足。早上，多叫一份三交治，是比較考功夫的咸牛蛋治。要把咸牛肉混合蛋一起煎，不是你我能做得好好的事件。入口，咸牛的香味由內心而發，而且夾合了同樣是煎香了、煎化了的雞蛋，軟綿綿的帶著咸牛肉的獨特香味，是究極的咸牛蛋治。老店的奶茶，永遠是令人期待的。絲滑的奶茶，奶味香，帶點點的水滑味道。茶香，奶香，水一般的絲滑，濃度中等，入口很順暢。老當益壯的冰室，沒想過是高山道的其中一個人流集中地，美味的午餐，可愛的沙爹麵，絲一般滑的絲襪奶茶。外表雖然充滿著當年的味道，但來者，經營者，卻是今時今日的時尚感覺，在當年看今朝，就是《源都冰室》給我的感覺。…查看更多

店鋪位置於高山劇場對開，某次由於在附近泊車。記起住在鄰近的親友，經常幫襯這間餐廳的沙嗲牛肉麵說很滋味有空的話要去試試。 的確和一般餐廳的有點不一樣，它的湯底有沙嗲味的而且很香是和麵同煮的。牛肉不多亦不厚身但沒有用過度梳打或澱粉令味道流失。雪菜肉絲米和一般的差不多，份量剛好的一份早餐。這沒有常餐或套餐供應，只有單點的食品或飲品。…查看更多

睇過其他人講到呢度招牌沙爹牛面咁正, 今朝早餐特登去食一次。好處: 有別於一般的茶記, 沙爹係倒埋落湯度一齊煮, 唔係一pat 醬咁簡單壞處: 1. 可能係冰室關係, 沒有早餐供應, 唯有散叫沙爹牛面+凍奶茶。(沙爹牛面: $16, 凍奶茶: $12, 共$28, 喺一般茶記呢個價錢有埋方面腸仔煎蛋)2. 礙於我唔太食得辣嘅關係, 我覺得沙爹都算辣。(沙爹不應是甜的嗎? )3. 因為該舖沒有門, 冷氣不夠凍, 食到我出晒汗...你問我下次會唔會再去?? 太貴了...…查看更多

事隔差不多一年，忽地又勾起對她那沙嗲湯底的回憶。位置雖是隔涉了一些，天氣又冷，但還是阻擋不了小弟心中的那團火.....叫的當然仍是沙嗲牛麵。為了不那麼"寡"，於是再附加了一小片煎餐肉。不過對我來說，這只是陪襯而已....呷一口熱湯，依舊是既香且濃。之前的吃評已提過，這兒的沙嗲牛麵不是在已淥妥的麵上求其放上一大pat杰得像漿糊的沙嗲醬便算，而是以原煲事先處理加入了沙嗲醬的湯底再放上麵來奉客，滋味自是不可同日而語....牛肉絕無經梳打處理，仍吃得出是牛肉來的。單是這一點，已勝過九流茶記萬倍了...麵及餐肉只是普通貨色。但小弟是來喝沙嗲湯的其餘的，似乎都不很重要.....喝得心滿意足，埋單走出門外。望望這裡，心想 : "下次再來，應不會再隔一年吧 ?".....…查看更多

6-1-2009食完川北涼粉頭 wing wing,, 原本諗住去甜品工房食個刨冰, 點知行到過去先發現佢夜晚先開門... 諗起呢個吊腳位有間舊式冰室, 又0黎飲杯熱奶茶 ($10) 食個油多 ($6) 順便救救火.油多烘得鬆脆, 不過牛油落得唔夠, 美中不足.奶茶就超級多奶, 完全飲唔到茶味, 唔0岩飲, 不過0個一刻需要的只係解辣, 算啦. 店內充滿麻甩, 環境似普通舊式茶記多 d, 唔係咁「冰室」; 招呼就幾好, 老闆 (?) 好友善!放低 $16, 有機會再0黎試試沙爹牛吧.P.S. 川王真係好啃, 到而家仲 wing wing 0地 @_@"…查看更多