源興美食

营业中

休息中

星期日早上到西貢覓食,經過見到門口的報導話呢度d排骨係'葉'過夜的,而米飯亦係較特別的兩溝,身為蒸排飯fans的我就忍唔住入去買翻個.排骨果然好入味,又少肥膏,飯又香!只賣$10,真係扺到爆!!

在北潭涌比賽完出來，又要加入另一批朋友去行山~有時放假都真的不比上班輕鬆。中間有點空檔，想吃點東西但又吃不得太多，心血來潮，就來吃個細盅的蒸飯。這裡比同街的幾間舖更細，大約只十個位左右，還好可與另一跑友在門外坐下。店子雖小，環境麻麻，但人客一坐下也會送來熱水及茶壺的，絕對有茶樓的格式。體內能源耗盡，想吃點油份，要了臘味飯及山竹牛肉，友人則要了鳳爪排骨飯。這裡的飯細細盅，飯蒸得乾身又有飯香，加上臘腸及臘肉的油香，用上一點的醬油，已經是美味非常，而同蒸臘腸及臘肉，絕對是配角。一口氣吃下盅飯，很滿足。山竹牛肉也是小小的，吃落結實，有一點點芫茜的味道，也都很對口味。朋友的鳳爪排骨飯也對辦，但他卻嫌份量太少，結果一吃便是兩盅。盅飯十蚊，各式點心八蚊，不收茶錢加一，平到離譜。行山前不去金山吃粥及炸兩，來這裡吃個盅飯，也稱心。

這間舖子雖小，但食物質素絕對唔錯，尤其盅頭飯只賣10元，各款點心都係賣8元，價錢真係好大眾化，而且這舖不是名不經傳，若入舖子，你會發覺有好多報導，例如太陽報、飲食男女等，而且有日本人專程根據旅遊書到此吃飯啊。<br />我初頭行過舖子，被那價錢牌吸引住，因為盅頭飯賣10元唔講得笑，心諗一定係將價就貨，於是膽粗粗入內試一試，叫了過排骨飯及干蒸燒賣，吃過後，飯好有飯味，每粒飯都夠挺身，豉油味道調較絕佳，而燒賣有咬口，仲有免費茶敬送，埋單時只係18元，完全唔講得笑。