源發酒家 (已結業)

阿爸阿妈话去饮茶，问我去唔去，咁就一齐去啦，唔系就饭都无得食去到见到系街坊酒楼，阿妈话佢地都会去呢间饮茶，方便之余D出品都几好，话足料兼抵食点咗6-7样野食虾饺 - 正正常常啦，D皮都唔算太厚烧卖 - 大大粒，够饱肚，不过阿爸唔食，要我食3粒炸云吞 - 好脆呀，点酸甜汁最夹马拉糕 - 我老豆嘅至爱，饮茶必点，呢个好松软，唔会硬实，老豆话有8分沙嗲金钱肚 - 沙嗲味香浓而唔会太咸，大部分都腍，有个别1-2件够硬，真系食唔到珍珠鸡 - 馅料十足，糯米烟靭好食，3个人share啱啱好，唔会食到太滞干炒牛河 - 牛肉份量不少，肉质松软，味道中上，不过因为炒河粉比较油多，最尾我地食唔晒整体点心有水准，价钱又唔贵，免加一，抵食…查看更多

难得经过细个果时住过既土瓜湾区，打个电话揾个同学落街食个饭吹下水先麻甩佬吹水点可以无啤酒? 好彩佢指定小菜有枝大蓝妹送!最后发板叫左个避风塘鲜鱿、咕噜肉、八宝冬瓜盅、德国咸猪手避风塘鲜鱿大大件，仲有劲多炸蒜粒系面，热气野最啱送酒！咕噜肉除非冻左啦，否则都好难整得难食~哈哈!冬瓜盅都几大只下，入面仲好足料！今餐咁多热气野，下火一流！而万众期待既德国咸猪手终于出场啦咸猪手皮脆肉嫩，新鲜热辣出炉，份量都几大。外皮香脆，带有丰富胶质，肉质松软。饮下食下话咁快食到人哋差唔多打烊，今餐真系饱到差啲食唔哂，下次同朋友再约过。…查看更多

任食两个钟，分时段收费，我地就食7点果个时段，每位都系$168。真系自从中学之后就好耐无食过百零蚊嘅放题。仲要唔收酱油费，都有几多款饮品，我就最中意饮椰汁啦，清热气！其实本身系想食海x捞嘅，不过因为无预约，明知佢系会爆场就唔去啦，于是就近嚟到呢间酒楼食，点知呢度竟然都有番茄汤底！真系好惊喜！我次次打边炉都实会叫番茄汤底，但又唔系度度都有好食嘅番茄汤底，呢间都算系OK嘅，几足料，都算浓郁嘅，番茄和菇类都几多下。嘢食方面都几多架，正常打边炉有嘅嘢食呢度都有嘅，当然就唔会话特别高质啦，毕竟只系百零蚊嘅价钱。不过都算系咁噶啦。都几抵食，食得好饱~值得一试嘅！见佢呢度价钱都几亲民，下次再嚟试下啲小菜。…查看更多

今日同同事出外工作，手头上嘅工作完毕之后见有啲肚饿就索性系土瓜湾揾食啦由于今日个胃口想食点心，我哋行下行下就去到源发酒家嘅门口见佢价钱唔算贵之余仲几抵，一于入去试下啦我哋叫左咕噜肉、蟹子烧卖皇、流沙包 (奶黄馅)、金鸡咸水角，另外再叫咗个白饭送咕噜肉✨咕噜肉 - 中式小菜入面咕噜肉一直系我嘅最爱之一，最钟意佢酸酸甜甜嘅味道，猪肉肥瘦比例刚好。如果太瘦会无口感，太肥又会太油腻。呢度嘅咕噜肉真系唔错✨蟹子烧卖皇 - 烧卖表面铺上满满蟹子，内馅混有虾肉、猪肉同少量冬菇粒。虾肉爽口，猪肉带有肉鲜味，烧卖蒸得够干身，完全配合到我个人口味喜好✨猪仔流沙包 - 流沙包造型好得意，系一只只猪仔样。流沙包系奶黄馅，真系做到流沙质感之余仲好香甜好好食，奶黄馅仲有少少蛋黄粒，加添口感同蛋香味✨金鸡咸水角 - 金鸡咸水角同流沙包一样系有可爱造型，酒楼用一个藤篮仔放5只鸡仔上去，感觉好似一个鸟巢咁。呢个咸水角唔单止得外型，内在都几唔错。咸水角炸得金黄松脆，内馅有少少猪肉粒、沙葛、葱粒，真正做到外脆内软及香口，仲要系热辣辣，新鲜咸水角真系无可能会输…查看更多

买了团购$100的现金劵，打算试试佢，结果完全无伏:)环境感觉系一间旧酒楼，不过干净整齐，都几舒适。叫了个$148套餐，有一条石班，半只片皮鸭，味道好好，鱼新鲜，片皮鸭好脆皮! 叫了灼虾，虾好新鲜好大只，$160斤，团购后就觉得抵食。总括系我好少写食评，不过都要写黎赞一赞，好抵食，食品好食，就算系送既红豆沙都好足料，起晒沙，咁用心既酒楼，试问仲有几多?…查看更多