源發酒家

難得經過細個果時住過既土瓜灣區，打個電話搵個同學落街食個飯吹下水先
麻甩佬吹水點可以無啤酒? 好彩佢指定小菜有枝大藍妹送!
最後發板叫左個避風塘鮮魷、咕嚕肉、八寶冬瓜盅、德國咸豬手

避風塘鮮魷大大件，仲有勁多炸蒜粒係面，熱氣野最啱送酒！
咕嚕肉除非凍左啦，否則都好難整得難食~哈哈!
冬瓜盅都幾大隻下，入面仲好足料！今餐咁多熱氣野，下火一流！
而萬眾期待既德國咸豬手終於出場啦
咸豬手皮脆肉嫩，新鮮熱辣出爐，份量都幾大。外皮香脆，帶有豐富膠質，肉質鬆軟。

飲下食下話咁快食到人哋差唔多打烊，今餐真係飽到差啲食唔哂，下次同朋友再約過。