溏苑 (已結業)

某日經過見到佢有做下午茶, 今次經過就特意入去食下午茶. $2X一個waffle下午茶, 其實幾抵, 因為單叫都要, 但下午茶就包埋飲品. 佢除左飲品之外, 仲或多樣甜品. 心諗呢度都幾特別喎, waffle已經叫甜品啦, 仲要整多樣好揀添, 點都好過揀唔特別既飲品呱. waitress話是日甜品係綠豆沙. 等左一段都叫合理既時間啦, 先黎我個香蕉waffle. 嘩, 賣相好得呀, 都算幾大碟架, 冇偷工減料. 比起附近另一間賣相靚, 呢間仲要有得坐添, 但價錢又係差唔多喎, 仲要係餐添(即係包飲品). 只係呢間相對黎講條街冇咁旺, 旺來旺去都係得間米之蓮. 味道方便都好正, 唔太甜, 而個waffle邊位有少少脆, 裡面又好似格仔餅咁淋淋地. 証明係剛剛做起, 等都係值既... 到個"包"既甜品, 雖然waitress話係綠豆沙, 不過黎左碗紅豆沙, 不過都係差唔多啦, 無所謂. "包"既甜品都唔弱, 係就係細細碗, 但好足料, 仲要起埋沙, 真係好耐冇食過起沙既紅豆沙喇, 去飲果啲都未必有起沙

當晚10點幾先身痕想去食溏苑食野~ 食過架喇之前已經, 但上次心太軟已經賣晒! (我估唔到會賣晒架!)咁上次就食左其他朱古力既野, 都令我印象深刻~今次一定要食心太軟呀! 皇天不負有心人, 終於俾我食到啦! 佢門面寫住個心太軟既chocolate係82%濃度既咁自己心中有數架喇, 朱古力唔係甜的, 係甘中帶酸, (唔係變壞o個d味啦)我自己就覺得好ok!睇各人喜好啦呢個就, 食飽就走左..叫老闆俾我隻叉我時都好好態度~~ (仲好態度過d員工! 真令我嚇親)亦都冇話一食完"立即"過黎收碟(雖然當時仲有人等位!)咁我之前都等左15mins, 都唔想出面既人等太耐食飽就同朋友一齊走左咯~...朋友食左waffle. 蛋味幾濃, 唔錯!下次我會再試其他野的~ 見人話oreo既布甸都幾吸引, 下次就試呢個!!!

差唔多一個月都黎一次的, 次次都唔洗等位, order一個甜品慢慢坐, 等人hea時間一流, 感覺幾relax, 但個人唔太鐘意佢播的music.今次order的係心太軟, waitress好有禮儀咁話即整, 要等15分鐘到, 無問題預左. 上桌時, 賣相好令, gd. 心太軟食要親熱, 一do入面d朱古力流出黎, 加上熱熱的蛋糕面, 好濃朱古力味, 正!!! 我好欣賞佢地會加少少生果粒做裝飾, 令之如又可以中和甜味. 仲有2片蛋餅乾同云呢拿雪糕球, 同心太軟一冷一熱, 輪住食gd, 加上蛋餅脆脆地, 好. 唔鐘意食朱古力同甜的朋友千萬不要點這個, 我食完已經可以"流"到當lunch. 可惜的係果日唔開心加病病地, 食左7成就食唔到了, 但其實好好食的. 埋單時, 見個waitress食緊lunch都行出黎幫我收左錢先, gd serivce.

舖面以白色為主 , 較想像中細及迫 , 不過環境都幾乾淨 雪糕芒芒船包括芒果及雲尼拿味雪糕球 , 香甜鮮芒果 , 幾塊脆脆餠 , 個底仲有好好味的啫哩 紅豆綠茶雪糕木糠布丁綠茶雪糕較淡無咩綠茶味 , 木糠布丁太乾食到有點咳 , 反而伴碟的紅豆又淋又甜最好味

一個人是寂寞? 是無聊? 我覺得可以是享受吧!在下午經過旺角...沒有擁擠的人群, 嘈吵的汽車聲, 我也不用想著工作上的事情, 很自然地想找個地方休息一下, 吃個甜品滿足一下自己! 這裡正好符合我的要求吧! 叫了一個四色豆花, 對呀, 我很喜歡豆花, 這個四色包括了黑芝麻, 胚芽...其實不太記得有什麼了, 反正是很有創意, 想加什麼, 加多少, 我有權DIY! 玩得過癮, 吃得開心!! 說回味道上, 豆花本身不算很滑, 而且他把黃糖加上去才端上來, 黃糖下手亦過重, 對我來說太甜啦, 蓋過了豆味, 不夠細心! 而且我DIY嘛...把黃糖都預先加上, 所以未能充分品嚐到那"四色"的口感! 但整體而言是可以的, 但若純粹評論豆花本身, 絕對有其他更好的選擇!

好耐之前經常幫襯溏苑，因為勁愛食佢個桂花茶凍，但後來佢地轉手後，冇以前咁好味，所以就冇再幫襯。尋晚係Elements食飯，食完之後坐Van仔返太子，妹妹提議去溏苑食甜品。心諗再去試下都冇壞既實在太耐冇去過喇~ 唔知佢地轉左幾多次手了~ 佢地家陣個裝修走trendy路線~Menu多左好多選擇，睇左好耐，因為好多野都好想食，但2個人又唔係食到好多款左揀右揀之後，決定試佢個Oreo木糠布甸同埋心太軟。個Oreo木糠布甸唔乾身，D Oreo碎勁幼細，呢個我比100分心太軟用Valrhona朱古力，勁好味！！因為太好味既原故，食完2個好似唔係好夠喉，決定再叫多樣認識溏苑係因佢個桂花茶凍，所以決定再試下佢。當年既味道返番來喇！！！！！！！！！！！！！！！！桂花茶凍依然好清，荔枝雪糕依然好香。但今次食完之後，我開始變心，愛上左Oreo木糠布甸。

朋友仔食完之後話好正, 所以今日一行6人再來食過!9:30pm來到, 已經坐到出門口, 另外有8-9個人在門外等位。拿了飛後等了約20分鐘就有位, 所以都比預期快 (朋友上次等多過30分鐘)栗子紅豆窩夫個窩夫即叫即做, 熱辣辣, 外脆內軟, 仲有好香的牛油味。栗子&紅豆非常match, 配埋一球雪榚, 勁好味!Oreo木糠布丁朋友上次試完已話一試難忘。今次我試了, 真的不得不讚, 因為內裡仲有朱古力脆脆, 面頭又淋上朱古力醬, 正!公司雪雪堡最底是熱辣辣的厚多士, 上面有三球雪榚, 花生碎 & 生果粒, 之後淋上朱古力醬。雖然好似好普通, 但味道真的一流, 熱辣辣的厚多士加雪榚, 好味! 香蕉船 咁多之中叫做最普通的, 但味道 & 賣相都不差! 桂花茶凍冰 好好味, 底下有桂花凍, 上面有一粒粒桂花, 好特別, 不過有點太甜。p.s. 一坐低侍應就比左幾杯水我地, 而家好少甜品鋪會有水提供, 抵讚!

本身覺得有少少貴的..因為差唔多全部都over $25..約$30-50食個甜品不過d野食送到黎時都幾大份抵返~!叫左芒果船~好多料, 有jelly, 有雪糕, 有野果~脆餅~gd!同埋紅豆綠茶waffle~~大大份抵食呀~不過d紅豆唔知係本身咁甜定落左糖水..真係太甜了....我覺得分分鐘可能仲甜過喞d朱古力醬呀...見到人地個個vanilla雪糕 waffle好似唔錯~下次再試下先~!p.s. d員工服務好好 (尋日去另一間就囧...)有暖水飲vy gd, 要keep住呀呢樣!見到應該老闆既物體係櫃台坐陣...哈哈應該係一個gd manager黎的~唔錯!如果心太軟可以平少少就更佳...哈哈

朋友話呢間舖好多人排隊，想試吓，要等15分鐘，重要三個人迫响一張二人抬坐，我叫咗--栗子紅豆窩夫，要等10分鐘，上枱賣相好靚，有一樽楓糖漿跟上，但因我唔食太甜，加上栗子紅豆已經夠甜，所以我無落糖漿，窩夫厚身，脆，仲有一球雪榚，完美。環境好迫，但旺角區係咁，服務ok。

聖誕夜深，天寒地冬，百無聊賴，四處遊蕩。車經旺角，有緣遇上，門面四正，就此落疊。紅豆栗子，配上窩夫，外貌吸引，食落普通。木糠布丁，冰火Oreo，花巧卓頭，實甜到漏。剩心太軟，未算太甜，味道可以，印象不深。奉勸各位，不抱期望，行經此地，可以一試。

做嘢做到餓餓地, 有同事提議食D嘢, 行行吓見到呢間裝修清雅又好坐的甜品屋就入去試.去到先吸引我地既係枱上既MENU, 好有心思, 全人手做又寫又畫, 加上D公仔好有日本FEEL, 真係好俾心機整. 我要了一客窩夫, 幅相見到既係高級酒店先有既精美甜品, 個窩夫脆口到卜卜聲, 好新鮮, 再加上有唔同配搭既雪糕及水果, 好Fresh. 有同事就試木糠布甸, 發覺同平時出面食既完成唔同, 較脆口, 綠白相間有少少綠茶味, 再配上雪糕, 又另一番感受…正…之後再問老闆, 佢話心太軟亦係必食推介之一, 係用高檔朱古力貨色.仲有呀, 除了甜品, 仲有蒸飯喎因有同事唔夠飽叫來食, 估唔到都一樣有水準, 總括來講好有心思服務好真係可以試多幾次, 下次LUNCH或 TEA去旺角又有好地方了.

一直想搵好食既甜品, 坊間賣既款式好多都差唔多, 我妹食過呢間溏苑話甜品好特別~一於去試下, 一睇menu 好多款式, 覺得好有心思, 最後比menu入面既紅豆綠茶木糠布丁吸引左, 第一口, 個綠茶木糠布丁唔甜, 得綠茶味既??第二口, 加埋D紅豆一齊食先知, 甜紅豆配淡味岩岩好~賣相又靚, 鐘意我妹叫左生薑豚肉飯, 因為佢未食飯, 我試左一口, 咦?係酸子薑豚肉飯, 好特別喎~我想再食, 不過要食埋自己個甜品~細看佢地既menu, 選材配搭有心思, 下次會再去試其他野

昨晚與朋友一行五人到溏苑吃甜品，男友介紹此店著名的心太軟。餐牌上有多款選擇，普通一款$40, 如果要二人份量(其實只是多了生果及一客朱古力漿)就是$61.店員已預早通知要烘焗時間要等15分鐘, 我覺得值得呀..~心太軟上來的時間, 大家都很驚喜, 朱古力蛋糕果然暖笠笠, 流出來的朱古力漿亦很美味, 如果再熱點會更好!! 朱古力漿亦很豐富, 當吃少份量的朱古力噴泉!另, 我亦點了我喜愛的法式焦糖燉蛋($30), 但這個不用等待的甜品, 卻是冷的!! 非常失望, 要知道法式焦點燉蛋的特色, 就是用鐵匙敲碎面上的焦糖, 後再吃暖烘烘的燉蛋, 我認為店主一定要改善這個燉蛋, 所以今次只能俾"ok"給此店. 其他朋友另外點了其他甜品, 其中一個為簡單的豆腐花, 普普通通, 不過不失....我看到其他留言說店員態度不好, 我也有同感, 問他取碟之類, 呼喝一:「等等!!」但也是個別店員問題, 其他中規中矩.

Shopping til around 8pm... very tired and wanna to find a restaurant. Suddenly saw one newly open, with simple but nice declaration, without considering what to eat, then walk in.Oh, that's a restaurant served with dessert mainly, luckily, from the menu, there's rice to eat !!! Ordered a ginger rice, the size is just fit for a girl. Nice smelling and when I ate, I found the ginger taste matches with the rice. I will highly recommend this, especially in the winter.After having the main dish, s

朝早見到openrice 溏苑ge食評都唔錯=]所以就同媽咪下午去左旺角食諗住食甜品;>我地點左;1) 下午茶餐ge 蜂蜜玉桂香蕉窩夫配雪糕 25蚊連熱飲/甜品! 我媽咪揀左綠豆沙2) Tiramisu 40蚊先黎ge係Tiramisu我認為就甜左少少,同人share會冇咁"漏"之後就蜂蜜玉桂香蕉窩夫配雪糕我揀左云尼拿味雪糕;>雪糕+窩夫,甜而不"漏"=]唔錯^v^b最後綠豆沙!!!媽味食左話普普通通!冇乜特別!