溏串小町 (已結業)

間唔時都去呢邊食飯，估唔到呢邊開咗一間日本菜仲要係黃店店內係用自助落單嘅System，都係簡單易操作👉🏻8件壽司定食 $98 (送湯,沙律,烏冬)份量算係幾大份，一個女孩子食唔晒，又有沙律又有甜品，壽司嘅組合雖然唔係最熱門嗰隻，不過都OK，因為我自己唔算太好魚類嘅魚生，不過略嫌烏冬嘅味道淡咗少少甜品味道又唔錯🤭舖頭內有好多漫畫俾食客睇鋪頭門外貼滿滿嘅文宣💛小店喺去年9月開張、今年又到肺炎老闆娘仲每位送一杯柚子蜜🥺要支持！

某人吾想落街，又話要換衫，又話浪費一个口罩，諸多藉口，其實系一個字形容：懶唯有我落街買外賣回家吃。行去附近的溏串小町，一推開門，感覺濃濃的東瀛風味，牆上的日本風情畫，店內的日式燈籠，恍如置身於日本，忘記香港的石屎森林。例行公事探熱後，取起餐牌，點了一個308二人套餐，捧著重重的外賣回家，它的包裝精美，選用環保保溫盒和紙皮盒盛載。日式辣蕃茄豚肉鍋物辣蕃茄湯非常惹味，鍋物有豆腐，豚肉，牛丸，粉絲，菜，都好大份，足約二人份量，粉絲吸收了蕃茄湯和小小辣味，非常惹味。串燒選了燒海蝦，香菇串，串燒雞肉，燒牛舌。香菇串燒得不乾身，加上他的秘制燒汁吃起上來口腔里甜中帶菇香，真想落樓下買多幾串，雞串吃起上來有濃濃的酒香。角切魚生飯魚生有三文魚，吞拿魚，酸薑，還有很多蟹仔鋪在飯上，各種魚生也份量不少，極度足夠我們二人吃飲品揀啤酒。總括來說，這間小店，食物質素唔差，308的價錢有甘多種類都抵，今時今日經濟不好，當然支持小店！

我實支持小店，尤其是有質素價錢又唔貴嘅，屋企附近有好多，逐間試都可以食一個月。今晚我就嚟支持 溏串，疫情關係我仍然係外賣走嘅，睇佢哋嘅外賣返盒真係夠晒環保。串燒開邊雞中翼 $28串燒也是小店的特色，開邊雞中翼 味道非常好，淡淡肉汁豐富，雞肉鮮嫩可口，作為小食非常令人開胃。芝士年糕 $38三件的份量CP值很高，返到屋企仍然熱辣辣，口感酥脆，一咬開芝士熔岩爆出來一樣，實在係芝士控不能錯過的。日式咖喱雞飯 $68老公唔鍾意食辣，但又偏偏好鍾意食日式咖喱，香辣惹味得來又帶有少少甜味。日式咖喱汁分開上，炸雞皮脆肉滑又多汁，兩者混合一起吃十分滋味。豚肉生薑飯配日本溫泉蛋 $68豚肉肉質鮮甜，入口柔軟，肉味濃郁，加上生薑汁的香味，飽滿的珍珠米飯配流心日本溫泉蛋 汁，美味之極！

餐廳採用電子落單姐係menu係用自己電話掃描個code落單🤔呢個唔係新鮮事誰不知程式出錯or人為漏單最後呢餐等左40分鐘先有得食趕時間嘅我😞倒落肚咁滯可能心情真係影響味覺🍱咖喱吉列豬扒定食豬扒炸得有啲乾米飯🍚都唔太香軟精髓嘅咖喱不過不失唔太甜 同坊間買嘅日式咖喱磚差不多🍱日式餃子烏冬定食應該係每個湯麵定食都會配3件壽司餃子🥟脆口熱辣辣 好食！烏冬都彈牙 稻庭烏冬湯底好熟悉🤔🤔🤔呀！係豬骨湯但似乎唔係餚出嚟嘅味道.餐廳名改得好好裝修得好好宣傳都好好但如果當佢係「港式」日式餐廳咁就可以接受但如果想打造日式餐廳🤔就仲有一段距離可能「溏串小町」係出名串燒希望串燒唔會再令人失望啦

雖然疫情開始緩和，但好多時候都會選擇繼續買外賣！最近試咗一間住係大埔嘅朋友介紹嘅居酒屋，晚市外賣自取仲有9折👍🏻門外變咗連儂牆，仲貼滿咗文宣添！入面嘅裝修好有feel，好似去咗日本咁～依家無得去旅行，ff下都好啦😂燒紐西蘭西冷（6安士 ＄88）雖然係外賣，但賣相都唔會馬虎👍🏻揀咗7成熟，食落口剛剛好，肉質頗嫩，份量足，呢個價錢好合理！炸物叫咗幾款，分別係芝士年糕（3件＄38）、吉列廣島蠔（4隻＄48）、唐揚炸雞（＄48）、雞軟骨（＄38）芝士年糕好煙韌，芝士味濃郁而且又大件，居酒屋必食～～吉列廣島蠔個炸粉夠薄，唔會食到好厚粉漿，外酥內滑，蠔味好鮮，無雪味。唐揚炸雞，大概有5-6件，肉質幾嫩滑，如果係即食相信會更好食😋雞軟骨好抵食，$38嘅份量勁多，送酒一流🍻平時食秋葵都係鹽燒，今次試咗甜炒秋葵，真係好甜！😂個汁係蜜糖味，可能浸住拎翻屋企索晒啲味，變到好甜，如果無咁多汁就更好啦～整體而言，係一間幾高質嘅日式居酒屋，特別係環境好有特別，食物價錢大眾化之餘，仲係好食嘅😆下次有機會要堂食，享受一下個咁舒服嘅環境呢！👍🏻

一向喜歡避開繁忙時間才去吃午餐，今天下午經過溏串小町，看見餐廳還沒有落場，就買了個外賣午餐。由於不太餓，只是簡單點了一份定食和小吃：角切魚生飯定食：雜錦魚生很豐富、很新鮮，配上有點紫菜和芝麻的壽司醋飯吃，非常開胃。而且價錢相宜，性價比高！蟹肉忌廉薯餅：即使外賣回到家，薯餅仍然是外脆內軟的，一口咬下去，充滿滑溜的蟹肉忌廉，有入口即溶的口感。要一讚溏串小町的外賣盒很精緻，使用紙盒和環保塑料盒，令外買也可以很高質和放心食用！另外，溏串小町的佈置像日本居酒屋，播着日本歌曲，氣氛不錯。下次要跟朋友來試試堂食呢！

平時都會係屋企附近一帶品嚐各種美食，今晚都唔例外去了呢間日式居酒屋買外賣返屋企開飯，當然有齊我想食嘅嘢食先掃QR Code係手机上睇餐牌，已有一系列日式美食，刺身、串燒、炸物同主食呢D不可缺少居酒屋美食，真係可以滿足到我要求，先選了一款主食，再點埋炸物同兩款串燒，等一陣就可以取走打開獨立包裝已見各款美食係眼前，先來有串燒豚肉車厘茄卷同牛舌串，兩款串燒各有特色豚肉肉質入口肥美香脆，連同車厘茄清爽甜味係最佳配搭，而牛舌串由於係厚切燒得香味十足，食落口感更加飽滿夠晒惹味輸到炸物有呢款蟹肉忌廉薯餅，食到香脆可口薯餅，滿口濃郁蟹肉忌廉香味最後主食係豚肉生姜飯配日本溫泉蛋，炒什菜豚肉分開盛上，保証食到原汁原味，先食啖肉味香濃豚肉滋味十足放埋溫泉蛋撈埋一齊食更滑溜，配上炒什菜吸收醬汁精華會有一番風味一邊繼續品嚐餘下日式美食。

這天到大埔中心逛街後走回家途中看到這日式小店的門面很吸引，之後看到餐牌上寫著串燒拼盤，就決定買外賣回家吃。店內裝潢簡單得來充滿和風味。除了串燒拼盤還點了一個豚肉飯。串燒拼盤🍡$138五花腩 - 肉質嫩滑多汁，肥瘦適中，非常惹味雞翼 - 開邊雞中翼也很惹味海蝦 - 蝦肉鮮甜美味菠蘿 - 酸酸甜甜很醒胃翠玉瓜及香菇烤得剛好豚肉生姜飯配溫泉蛋🍲$68除了主角豚肉之外，有很多配菜，色彩很豐富，有只椰菜丶椰菜丶洋蔥丶蔥丶紅蘿蔔🥕，還有鰹魚片。

今次黎到大埔一間日本小店，呢日係平日嘅晚上，餐廳都不乏捧場客，個人都幾欣賞餐廳嘅佈置，非常之日本🇯🇵，有好多條交叉掛起嘅日本織旗，牆壁佈滿日本舊式風格嘅畫，又有一些日本廣告海報，色彩繽紛，非常之美。.食物方面，選擇困難嘅你可以揀套餐拼盤，而且比散叫抵食，我就叫左一個$198刺身拼盤再加一客甲紋墨魚刺身，海膽係採用加拿大海膽，大大舊非想滿足😍甲紋墨魚係其他地方好少見，所以另外加左3舊試下，佢包埋紫菜係裡面，又新鮮又爽口，好食，$48推薦大家試下😋 串燒拼盤就有啲失望，因為佢黎到凍左😟仲有就係刺身拼盤同串燒拼盤同時黎......um....食得邊樣先？😂 呢點唔夠貼心，建議差唔多食完刺身拼盤先再叫。 你散叫串燒係熱辣辣上枱冇問題嘅，三文魚子手卷都幾新鮮，魚子食到底都仲有，唔錯👍

又出咗去搵食，平時都爆場嘅幾間居酒屋🏮區域，今晚去食咗一間💛小店，鋪面以東瀛風格設計，都幾乎坐🈵———————————————————————————🥢串燒拼盤🍡🍢💬燒菠蘿🍍超香甜，仲有🐔雞翼、🐽豬腩肉、蝦🦐、翠玉瓜🥒，豐富😏.🥢牛肉豆乳湯🍲💬牛肉🐮、野菜🥬量都算多插滿「數字」旗幟🚩，無忘初衷💛.🥢蟹耔沙律🥗💬以量取勝，大大碟，青瓜🥒、蟹柳，已經好好食😌.🥢忌廉蟹肉薯餅💬一碟有三件，炸得剛好，佐酒🍶小食😌

放工趕返屋企買外賣俾 WFH 的老公食晚餐，經過小巷記得小店之前曾經派過漂白水比街坊，咁有心一於幫襯支持下。門面一睇就知係日式居酒屋，充滿日本風情，因為限聚令嘅關係，座位唔多，見到大家食串燒我都心郁郁，一於等疫情過咗再嚟食串燒飲啤酒啦！料理定食日本鰻魚定食 $128湯及甜品都是附送的，原條日本鰻魚，真材實料，趁熱食日本鰻魚肥瘦適中，厚切有質感，鰻魚塗滿秘製醬汁，濃郁的味道真一流。日本鰻魚肉質新鮮，一口咬落去口感彈牙好有質感，結實肥美又多汁，香濃惹味，價錢吸引非常抵食。和風牛肉飯配日本溫泉蛋 $68主食好大碗喔，和風牛肉飯配日本溫泉蛋賣相真係唔錯，牛肉濕潤有光澤，溫泉蛋有流心效果，又點可以少咗撈飯一流！溫泉蛋配和風牛肉果然是完美的配搭，牛肉味道濃郁，充滿洋蔥的香甜味，飯粒飽滿分明，很讚！整體價錢唔貴，外賣過程很快，店員服務態度友善，值得再幫襯！

之前行過好多人入去食，但近排嘅情況，又要限制人數，又要等位，今晚就係咁選擇了外賣，點了個日式咖喱吉列豬扒定食，跟餐可以追加食物，選了芝士年糕，另外亦回了份鱈魚干及脆燒雞皮，等了一陣就有得取走，為了食物質素保持最佳味道，亦用上面一些環保又保溫嘅餐盒將食物包裝！回家打開當然先食了個燒得外脆內軟又煙韌嘅芝士年糕，煙韌得來夠晒口感，咬開軟熟芝士仍可拉絲！接住就係脆燒雞皮，有兩串，燒得金黃色，真係皮脆香口，入口夠晒脆卜卜，十分香口！而份鱈魚干亦燒得十分香軟，切成條狀方便入口，如果加埋杯啤酒感覺更佳！主角日式咖喱吉列豬扒定食，一個飯，跟一個麵豉湯同一件和果子，打開後一個芝麻紫菜飯，加上一盒上面放了塊已切開嘅香脆吉列豬扒，盒內下面就係濃郁嘅咖喱汁，食嘅時候將咖喱汁到入飯內夾埋件香脆啖啖肉嘅吉列豬扒入口，真係十分配合，飯身煙韌彈牙好有口感！最後入埋個麵豉湯清一清口腔中嘅油膩先食埋跟餐甜品，就十分完滿！估不到在家中亦可以食到這樣的美食！外賣自取還有額外九折，咁就相當超值！

最近疫情關係，都唔係好夠膽喺街食飯，但係返始終都要食，唯有嗌外賣啦！朋友介紹屋企附近有間食日式串燒嘅小店，除咗串燒夠大份之外，佢個兒童餐亦都係呢間店嘅王牌。我order左個兒童餐比個女，返到屋企佢超級興奮，你睇吓個飯團幾咁可愛，飯團公仔個頭髮係用紫菜整，飯團公仔嘅眼睛係用芝士整，可愛得來又有營養價值！呢個餐除咗有可愛嘅飯團之外，仲有個烏冬，有甜品同埋蘋果汁！十分之豐富，都係講緊$68 ！而我自愛嘅魷魚酥同埋雞軟骨串真係又大份又好食！外賣返到屋企仲熱辣辣，下次有機會，一定要試埋佢其他日式刺身，拉麵等等。

蟹肉忌廉餅忌廉非常豐富，外層鬆脆，即使拿到回家還是脆的。配蛋黃醬酸酸甜甜的，超級好味，必食推介。豚肉生姜燒定食肉以外還有炒雜菜，有菇又有椰菜，很健康，而且份量多，通常外面餐廳的伴菜都很普通，少有這家的這麼用心。豚肉有姜的味道但不會到辣的程度，醬汁味是甜的，非常開胃，肉片很軟很入味。最欣賞餐廳的白飯都加了紫菜飯素，讓飯的味道不會太單調。唐揚炸雞定食炸雞配蛋黃醬真是絕配，雞肉很滑，外層炸皮很薄。每個定食都有甜品豆沙水晶餅，食得滿足。

門面走日本風，相當易認。一坐低先送上加左醬油ge磯燒元貝小食，每人兩粒，一路食一路掃QR code用手提落單。冰鎮原隻魷魚仔除左原隻上，仲係原汁原味無預先調味，點少少豉油wasabi不錯，但唔夠牙力的話可能吃力d。加州卷蟹子爆晒出黎。我唔食三文魚，朋友話魚皮燒得幾香。生蠔大隻新鮮，味較淡。帶子好肥美。粟米好甜無渣。牛柳大大粒，燒到半熟，易咬，如果表面燒耐少少一定仲正。豬五花腩同博多雞肉都燒得剛剛好，唔會乾柴。除左醬油外，燒物仲可以配香草檸檬同麻辣海鹽，一款食物可試齊三種味道。雖然無飲酒，但都叫左幾款佐酒小食，第一次食鱈魚乾，真係好香，慢慢咬細味一下。平時食雞軟骨最怕成口油，但呢度ge雞軟骨就無呢個問題。蟹肉忌廉薯餅好香甜，三種食材相當夾。蜆鮮甜無沙，湯底酒味極濃，嗜酒者不妨大啖大啖飲。醬油湯底唔油，亦唔會太鹹，烏冬亦非平價貨色，夠彈牙。海膽一眼睇晒，真材實料，飯超多，爭d食唔晒。