灣仔魚欄洪記魚鮮米線專門店 (已結業)

原本諗住去「任你點車仔麵」㗎 點知去到呢間店已經執咗 (好可惜) 原址變咗一間都係食麵嘅店舖 算啦..一場嚟到就試吓啦⠀⠀⠀⠀⠀⠀⠀⠀⠀「洪記」主經營魚湯米線 有魚湯系列 (自由配搭揀餸) 或 魚檔系列 (唔洗自己諗餸) 後者比較特別少少 魚類選擇有大眼雞 黃花魚 馬友等 係原條魚同米線分開上 (我睇餐牌幅圖片咋) 亦有2人前嘅米線選擇 (得兩款)⠀⠀⠀⠀⠀⠀⠀⠀⠀我食嗰碗係四寶紫菜米線 HKD48 大大碗 個碗大 米線多 魚蛋 魚腐 墨魚丸都係大大粒圓碌碌 我覺得魚腐最好味 蝦卷就好似只係食腐皮咁 (可能係塊腐皮太大塊掛 感覺隻蝦好細)⠀⠀⠀⠀⠀⠀⠀⠀⠀店內衛生環境真係要改善吓 地下好滑 每行一步都要好小心 怕隨時跣到

星期五下午又是外食時間，見到有間新開，主打魚的米線店就試吓。呢間米線店價錢唔算好平，以食粉麵來說算是中價吧。除了全魚/蒸魚米線外，都有其他比較特別的配搭，如勝瓜、木瓜的組合。（請看餐牌）枱上有蒸魚豉油和白胡椒，應該是用在提鮮和去腥。因想快快吃完回office休息，就點了四寶（蝦卷、魚蛋、墨魚丸及魚腐）紫菜魚湯米線。蝦卷味道都幾鮮，有咬口。魚蛋彈牙，OK~墨魚丸就一般，比較鞋口，唔夠滑。魚腐勁大粒，好滑，勁吸湯！！大推！！湯感覺到無味精（食完唔口渴），不過比較淡味，唔太感覺到魚的鮮味。米線份量唔太多，我諗男人未必夠食。

🔎灣仔駱克道139號地舖「新鮮食材、膠原養顏米線」海鮮米線 （海蜆、大蝦、魷魚）$65用料好足！海鮮配料好鮮甜，有成十幾粒蜆肉，蜆入面無沙，蜆肉豐滿；蝦就爽口彈牙；魷魚中規中矩。材料夠新鮮，唔需要太多調味已經很鮮味。可惜湯頭味道有少許寡淡。膠原木瓜米線 （鱈魚膠、花膠、魚肚、木瓜）$62滋補養顏既花膠有厚度，口感較腍，起碼有半隻手掌咁大塊；鱈魚膠啖啖彈牙；木瓜清甜。女士們一定要食！養顏又護膚！🍽7/10

今日lunch time想食湯麵，咁啱見到好似新開左間魚湯米線，於是試試。見到menu 既價錢，以一般米線鋪都唔算平，有魚果D 都最少50幾，80幾蚊。所以揀左個普通既日式叉燒米線試下，點知一見到D肉，唔使食都覺得中伏，雖然幾大碗，仲好大舊。但一睇就知好"鞋"， 似白烚瘦肉，無色，邊仲有d 黑黑地，心諗唔會係非洲豬ar ma.本身我對食都無咩要求，只要求食飽，但舊叉燒完全無味，又硬，仲好似有d雪味。不過好彩隻蛋正常，個魚湯都ok,清清地，不過唔覺有咩魚味。如果要45蚊，我應該有更好既選擇。或者間野，食魚可能好D.

去會展睇展覽前去醫肚，一出地鐵站口就俾個大花牌吸引住，原來係一間粉面店試營業中。間舖都幾大座位寬闊，原來佢係專門做魚湯米線嘅唔鍾意睇Menu仲可以起牆上面睇圖畫選擇嘢食自己填表寫Number落order除咗有魚湯仲有原條魚嘅米線，即刻諗住富貴一下，食原條星斑米線可能時間尚早個魚湯味道偏淡但係食完就唔口渴嘅感覺，條星斑肉質結實都幾大條，米線份量偏多非常夠食，佢仲有幾多菜朋友就點左佢嘅招牌米線，有三大件新鮮魚腩，好彈牙嘅手打墨魚餅，大大粒魚片頭，新鮮香煎鯪魚餅，全部嘅份量都比其他粉面店大件，佢轉咗做酸菜湯底，可能老闆真係太慷慨，有太多嘅酸菜喺裏面，變咗個湯都幾酸，如果唔食得酸嘅就可以叫佢哋小酸菜啦另外依個珍寶原隻蝦魚肉雲吞，炸得好香脆，比小籠包再大D，確實幾好食

灣仔做完野， 咁岩見到一間新開既餐廳，決定試一試～ 一個人最好係食米線 ☺️餐廳環境都唔錯，坐得都舒服呢間餐廳既選擇好多，米線全部配上鮮魚湯湯底，選擇非常多。而且仲有米線套餐係配上一條既魚，好開心😋如果怕麻煩， 可以好似我咁～ 揀左呢個🍤蝦膠木瓜鯪魚餅米線🌈 蝦膠 — 用上新鮮蝦滑造成，鮮甜好味！🌈 鯪魚餅 — 同我原本想像嘅有少少唔同，以前一路都覺得鯪魚肉會有少少鯹，呢個鯪魚冇呢種感覺，佢將鯪魚餅輕輕略煎再放湯，仲有淡淡的陳皮同香料嘅味道，正！🌈 木瓜 — 木瓜同埋鮮魚湯底好夾，更加突顯湯底嘅鮮甜味又一間良心餐廳係灣仔喇🥰🥰下次要試埋鮮魚米線先～

今日同朋友上完堂，經過灣仔嚟間新開舖頭，大大隻字寫住試業中，好奇心驅使下就入去試試啦。原本就係愛食魚嘅我，對佢主打魚湯都好有興趣。九點入到去都好多人，職員又忙到踢晒腳咁，落單嘅方式係自己畫完卡仔交俾職員，茶水自助。我自己就嗌左個星班米線，但其實我係嗌左茄茄魚湯底，發現後同職員講佢即做忙到踢晒腳都好快幫我換左。蕃茄湯底酸酸甜甜，好開胃。條魚啲肉都好實淨有鮮味。最令我驚喜嘅係呢度竟然有溏心蛋食，而個溏心蛋係真係甜嘅。朋友仔因爲乜都想試，所以嗌左個珍寶米線，乜都有啲。而呢碗米線真係比一人份大好多，因為佢係二人份量🙈好彩餐廳可以叫扣底，如果唔係真係會食唔晒。相比之下，大過你塊面🤣另外最最最值得推介係個墨魚餅，真係超級彈牙👍🏼配埋個泰式辣醬真係絕配。最後加埋個凍檸樂，真係飽飽。

平時Lunch係附近搵開食，今日就見到有間試業中嘅新鋪頭，印象中我記得lee間鋪頭之前係做車仔麵嘅，唔通轉左營🧐見到招牌主打係用新鮮海魚🐟來淆制湯底，而且全冇味精，岩晒平時鐘意飲湯水嘅我，仲有好多款種類比你地慢慢選擇🤤🤤突然間令到我有困難選擇症，因為實在太多太多選擇啦😩✍🏻✍🏻點菜海鮮米線（海蜆、大蝦🦐、魷魚🦑），選蕃茄魚湯配烏冬一上枱已經比佢賣相吸引左😱，有好多蜆肉同新鮮蕃茄🍅滿滿鋪係烏冬上面，份量好充足👍🏻蜆肉粒粒飽滿味道鮮甜，大蝦同魷魚都好新鮮，再飲啖湯底👅，有鮮魚嘅味道一d 魚腥味都冇...再加埋蕃茄味酸酸地好開胃😋😋😋有d似係屋企飲嘅紅衫魚蕃茄湯好好美🥰炸鮮蝦膠球✍🏻蝦肉味道只用二個字嚟形容鮮同甜😋👍🏻👍🏻👍🏻值得一試

開喺灣仔嘅餐廳多到50步見一間，競爭激烈不在話下，仲夠膽喺呢頭加入競爭嘅，點都要試下。雖然間舖嘅招牌仲被掩蓋，不過已經開始試業中，為求試真啲，特登同朋友一齊過去，實行“有福同享，有難同當。”與其他小店特色一樣，間舖都係細細間，人流未見多，大部分人都應該係試一試嘅心態。而啲店員都幾nice，識得同我哋傾幾句，借啲爾介紹咗佢哋嘅魚湯湯底：“魚湯底落足料，大火爆成四個幾鐘，好出味㗎，呢個一定要試下！”將信將疑間，都係決定為試真啲，揀咗兩個兩款魚湯底嘅麵食，唔好意思，由於小女對米線呢種食材嘅喜歡程度有限，所以揀咗食自己比較喜歡嘅米粉，最重要係：原來可以免費轉米粉！仲可以加3蚊轉拉麵或者烏冬㗎～而秉承小女喜辣，同樣喺有得揀食辣嘅時候都唔會放過嗰機會！——改麻辣湯底都係加3蚊！見到條黃花魚嘅時候，感覺到自己嘅雙眼係bling咗下～原條，煎至金黃，目測應該煎完之後喺嗰麻辣湯底到滾咗下？條魚味都出奇地麻辣咗，好正，肉質細緻。同埋雖然係71蚊嘅一個餐，有原條黃花魚之外，啲米粉份量好大，浸住啲麻辣魚湯底一齊食，好享受！朋友說這次我們好有福，海鮮米線啲料多到好似就來滿瀉，有海蜆、大蝦同魷魚，因為佢怕腥，所以

在港島區工作的午餐當然發現新大陸就即試試，而且就在地鐵站對面，位置方便，店面還在試業中，一於嘗魚湯滋味。店內是自己落單。可見湯味可以轉蕃茄魚湯、麻辣湯、味菜鮮魚湯，幾款都有不同口味效果，食極都唔怕厭啦。除了可揀選 4 款不同的全魚外(黃花、大眼雞、馬友、黃腳鱲)，亦可自選蔬菜跟魚湯同滾，增添鮮味，好似南瓜、勝瓜、番茄、木瓜等，每款另加 $7 ；肉方面有日式叉燒、豬軟骨、牛腩等，每款$12；口味配搭多變，抵讚。花多眼亂的情況下我先試了黃花魚米線$68，第一眼看到傻啦！米線滿滿一飯碗另上，份量夠多奶白鮮甜的魚湯中，配又軟又、滑溜溜的米線，連湯一啖送入口，既鮮且甜，健康又輕怡。湯份量足，滿滿一大碗，湯中有芫荽、蔥、菜心、枝竹。原條魚上枱，夠霸氣﹗飲品方面已經連魚湯飲，所以檸樂$10，解渴飲，好足夠。店內還有自助區，提供水。魚湯味鮮甜，非常健康的一餐，下次再來吃！

🎊新開張(地下＆一樓)，見到太原街已結業的漁川米線其中一位老闆，原來搬左過黎。雖然人多，做到踢哂腳，但依然好好禮貌。👍🏻order 左 A6-勝瓜三寶(墨魚餅、鮮鯪魚餅、蝦卷) +豬軟骨3分鐘左右送上，速度一流！豬軟骨夠入味好食！可惜：米線煮得未夠熟，有d硬。碟三寶只係微暖，似係每隔一段時間煎起一批待用，食到個味道係依然係好食的，可惜已經涼左⋯⋯⋯啱啱開咗兩日，見佢寫住試業中，希望黎緊會慢慢改善過來，人龍再現！🎉