影片
原本谂住去「任你点车仔面」㗎 点知去到呢间店已经执咗 (好可惜) 原址变咗一间都系食面嘅店舖 算啦..一场嚟到就试吓啦⠀⠀⠀⠀⠀⠀⠀⠀⠀「洪记」主经营鱼汤米线 有鱼汤系列 (自由配搭拣𩠌) 或 鱼档系列 (唔洗自己谂𩠌) 后者比较特别少少 鱼类选择有大眼鸡 黄花鱼 马友等 系原条鱼同米线分开上 (我睇餐牌幅图片咋) 亦有2人前嘅米线选择 (得两款)⠀⠀⠀⠀⠀⠀⠀⠀⠀我食𠮶碗系四宝紫菜米线 HKD48 大大碗 个碗大 米线多 鱼蛋 鱼腐 墨鱼丸都系大大粒圆碌碌 我觉得鱼腐最好味 虾卷就好似只系食腐皮咁 (可能系块腐皮太大块挂 感觉只虾好细)⠀⠀⠀⠀⠀⠀⠀⠀⠀店内卫生环境真系要改善吓 地下好滑 每行一步都要好小心 怕随时跣到
继续阅读
星期五下午又是外食时间，见到有间新开，主打鱼的米线店就试吓。呢间米线店价钱唔算好平，以食粉面来说算是中价吧。除了全鱼/蒸鱼米线外，都有其他比较特别的配搭，如胜瓜、木瓜的组合。（请看餐牌）枱上有蒸鱼豉油和白胡椒，应该是用在提鲜和去腥。因想快快吃完回office休息，就点了四宝（虾卷、鱼蛋、墨鱼丸及鱼腐）紫菜鱼汤米线。虾卷味道都几鲜，有咬口。鱼蛋弹牙，OK~墨鱼丸就一般，比较鞋口，唔够滑。鱼腐劲大粒，好滑，劲吸汤！！大推！！汤感觉到无味精（食完唔口渴），不过比较淡味，唔太感觉到鱼的鲜味。米线份量唔太多，我谂男人未必够食。
继续阅读
🔎湾仔骆克道139号地舖「新鲜食材、胶原养颜米线」海鲜米线 （海蚬、大虾、鱿鱼）$65用料好足！海鲜配料好鲜甜，有成十几粒蚬肉，蚬入面无沙，蚬肉丰满；虾就爽口弹牙；鱿鱼中规中矩。材料够新鲜，唔需要太多调味已经很鲜味。可惜汤头味道有少许寡淡。胶原木瓜米线 （鳕鱼胶、花胶、鱼肚、木瓜）$62滋补养颜既花胶有厚度，口感较腍，起码有半只手掌咁大块；鳕鱼胶啖啖弹牙；木瓜清甜。女士们一定要食！养颜又护肤！🍽7/10
继续阅读
今日lunch time想食汤面，咁啱见到好似新开左间鱼汤米线，于是试试。见到menu 既价钱，以一般米线铺都唔算平，有鱼果D 都最少50几，80几蚊。所以拣左个普通既日式叉烧米线试下，点知一见到D肉，唔使食都觉得中伏，虽然几大碗，仲好大旧。但一睇就知好"鞋"， 似白烚瘦肉，无色，边仲有d 黑黑地，心谂唔会系非洲猪ar ma.本身我对食都无咩要求，只要求食饱，但旧叉烧完全无味，又硬，仲好似有d雪味。不过好彩只蛋正常，个鱼汤都ok,清清地，不过唔觉有咩鱼味。如果要45蚊，我应该有更好既选择。或者间野，食鱼可能好D.
继续阅读
去会展睇展览前去医肚，一出地铁站口就俾个大花牌吸引住，原来系一间粉面店试营业中。间舖都几大座位宽阔，原来佢系专门做鱼汤米线嘅唔钟意睇Menu仲可以起墙上面睇图画选择嘢食自己填表写Number落order除咗有鱼汤仲有原条鱼嘅米线，即刻谂住富贵一下，食原条星斑米线可能时间尚早个鱼汤味道偏淡但系食完就唔口渴嘅感觉，条星斑肉质结实都几大条，米线份量偏多非常够食，佢仲有几多菜朋友就点左佢嘅招牌米线，有三大件新鲜鱼腩，好弹牙嘅手打墨鱼饼，大大粒鱼片头，新鲜香煎鲮鱼饼，全部嘅份量都比其他粉面店大件，佢转咗做酸菜汤底，可能老板真系太慷慨，有太多嘅酸菜喺里面，变咗个汤都几酸，如果唔食得酸嘅就可以叫佢哋小酸菜啦另外依个珍宝原只虾鱼肉云吞，炸得好香脆，比小笼包再大D，确实几好食
继续阅读