湯棧靚湯蒸餸飯專門店 (已結業)

自從轉工之後，一直想搵返一間有質素如靚湯工坊嘅住家飯外賣結果俾我搵到呢間靚湯棧佢主打蒸餸，老火湯套餐當日order咗一個豆腐瓜粒肉碎飯，加一支老火湯老火湯飲得出足料無味精，飲完無口渴，唯美中不足係，個湯壼要求30蚊按金，佢哋係無安排人手收返嘅，即係下次order還樽，無限loop，無得退，而呢個安排，喺落order時，店方係無提及的蒸飯一般，可以稱得上係無味道，豆腐似係一般超市買嘅盒裝豆腐，配白飯可說是淡而無味如有心想試食嘅朋友，提提你呢間餐廳送飯都幾唔守時，可能人手不足喇！訂餐要求12:30送到，結果等到13:30，而且食物只是暖而不熱了還有，該餐廳人手不足，往後我想再訂餐，已經許多限制，要訂夠餐數，又要佢有人手喺指定時間才送，所以我只好另覓選擇

有咗呢間外賣湯舖係屋企附近，而家屋企唔洗再煲湯，佢地既湯一日有兩款選擇，飲到冇味精、落足料又夠火候，仲用子彈保溫壺裝，唔怕湯凍咗唔好飲，好貼心，老闆話個保溫壺係500ml，大概2飯碗，個壺仲可以保溫8小時，以$30蚊既價錢一壺，自己去街市買料自己煲都差唔多，低過去茶記飲杯檸茶。佢地仲有蒸餸飯，不過要等30分鐘，可以打電話落order 再預時間去攞，啲餸食落好home feel，似媽媽整既餸，好warm。最近見到佢地仲有甜品同小食，糖心蛋一定要試，仲有燉桃膠、燉雪燕，預先燉咗再放雪櫃雪凍返，炎炎夏日，整返碗即刻涼晒，呢啲都係呢邊冇其他舖頭有既，好味又足料，必試