湯加 (荃薈)

营业中

休息中

首先，這裡是可以讓人選擇拼枱或不拼枱，十分細心！來這邊吃，一定要選擇品嚐其漁湯，十分鮮甜，個人覺得是沒有添加味精！而我最喜歡是皮蛋芫茜魚片米，鮮鯇魚豆腐米，真是十分美味！魚片是沒有一點腥味，只有鮮味十足的魚味，完全沒有醃過，新鮮直接落鑊！米粉和餸菜是分開擺，可因個人習慣，逐次將米粉加入湯裹吃或全部倒在一起，真是任君選擇！最近，值得一提的是蔥油餅，真是一絕，皮厚，但脆邊，能品嚐到麪粉味！那蔥花更是畫龍點睛！另外，其黑糖涼粉奶茶都十分可口！黑糖的份量十足，濃濃的黑糖味！加上，奶茶香滑，讓可以咀嚼一下涼粉，真是一次過滿足了三個願望！

食過將軍澳popwalk的湯加幾次，喜歡它健康多菜。見大窩口呢邊又開咗間，所以試吓。首先，間鋪好熱，食湯飯嘅話，要預備除衫食。落單錯漏百出，白菜變娃娃菜，娃娃菜又變了瓜，呢啲都冇再追佢。燕麥飯又變了白飯，因爲個飯是分開放的，所以我地都問一問，可否轉返燕麥飯。講普通話的呀姐走埋黎，講了一堆我地聽唔明嘅說話，收咗個白飯，再送上一碗三色飯。送上新一碗飯時，黑晒面咁用普通話鬧我地，内容係：冇晒燕麥飯呀，你要三色飯啦，俾錯你你就唔好“摷”個飯啦，依家個飯賣唔返喇其實如果冇燕麥飯，你講聲就得，我地可以要繼續要個白飯…… “摷”過個飯係因爲我地以為啲燕麥喺入面……解釋完，仍然俾佢黑面。食ok的，但要受氣，真係冇下次

原全貨不對版!!!!又貴又唔好食!!!影出嚟就靚!嚟到嚇死你!仲以為係已經食過攞嚟!!!大家千萬不要上檔!!我叫咗個魚肚鯪魚滑淮山麵!!!得3-4小粒鯪魚滑，見圖就明!!!!無下次!!!服務態度又差!!真係無樣好!

未食過湯加, 見個名以為有湯飲, 點知原來係湯飯湯麵.座位逼逼地, 肥少少會座唔入卡位. 侍應姐姐比譚仔口音仲難聽得明.  而且樓面人手非常不足, 叫極都無人理, 黎到就黑晒臉. 係經理黎confirm order就好啲。淮生麵好似幾健康咁喎, 一於試下, 幾爽吖, 但一飲個湯底, 咦~~~ 有師傅.  即刻唔使諗有第二次. 食完口渴. 另外加8蚊（定10蚊）換兩粒雞腿. 無錯, 係兩粒, 炸到乾晒的兩粒雞腿.......而個湯飯, 係唔可以叫小飯, 餐牌上寫住可以添飯, 咁我地諗住有得添就有得少啦, 唔好食剩嘢嘛. 點知姐姐話, 無呀, 無得少呀. 但又解釋唔到點解喎.最終係要等上菜先知, 原來個飯係一砵砵, 唉, 溝通上真係有啲困難.  除白飯，可以選三色飯，又幾健康喎。整體黎講, 唔係難食, 只係味精重啲.