湯加 (已結業)

透過袋鼠外賣嘅暗黑經歷。 叫5份花膠雞，但打嚟話得返1份，改其他但又唔夠數，結果改哂排骨 & 竹絲雞，嗰時先下晝5：59pm，已經乜都冇😡🤬唔打算辦退款手續又只補飲品就算，點計都補唔返條數（花膠雞最貴的），無奈又俾哂錢。以後好難再會有幫襯。…查看更多

一個人去完針灸搵野食，周圍食店好多人，見呢間人少少就諗住試下。平時脾胃唔多好，淮山食得多，淮山面未食過，湯底仲有好多選擇。✨雞肉魚腐淮山面（$48): 㨂左魚湯，啖湯真係超正！魚味鮮甜濃郁同埋有薑既辣勁。雞肉片嫩滑，魚腐炸得金黃大大粒，比平時食既香口同有彈性，配菜仲有唐芹，木耳同白菜仔✨淮山面幼身keep 有彈性，今餐感覺幾健康. 熱飲仲可以㨂水蜜桃汁，冬瓜茶果d ~~ 出街唔想食得咁heavy, 呢度係唔錯既選擇…查看更多

難得連續幾日喺旺角做嘢，就搵啲特別啲嘅野食😆其實之前係其他地方食過呢間 湯加 架啦，佢係心粥館旗下嘅餐廳，佢旗下除左湯加，仲有心粥館、魚米🐟之前食過魚米，佢係主打原條魚配秘制鮮魚湯米線，追求健康嘅一定啱食！ 而今次呢個湯加，就主打淮山麵，而且係標榜少鹽少糖嘅，同樣啱晒健康一族！！所以呢次叫左雞肉魚腐淮山麵🐔🐟🍜，佢有得配清湯或者唔嘅湯(魚湯、番茄湯等等)，我就配左魚湯，成個配搭夠晒健康，即使食晒成碗麵都唔會有罪惡感😹😹😹淮山麵夠彈牙，有咬口，雖然我食唔出有淮山味(淮山味道本身偏淡)，但麵嘅顏色係比較實色(白色)，睇得出個麵有足料淮山👍🏻其他餸菜味道唔會太濃，啱晒我口味！…查看更多

平日晚上8點幾到達。兩個都叫左任選：1. 豬軟骨魚腐白菜三色飯（魚湯）2. 豬潤魚片勝瓜米線（魚湯）分別都加9蚊加左泰式雞槌同瑞士雞翼。湯不錯，沒有（或者好少）味精，喝了整碗也不口渴，所以不用配飲品也可以。配菜都正常。但衰在米線手上，淋到唔想食。如果真係想食麵，配米粉或者加錢配淮山麵比較穩妥。另外雞槌同雞翼都有點搵笨，9蚊2隻發育不良咁樣，雖然味道正常但係唔會再叫。得意既係原來張單會寫明各樣配菜既分量，例如白菜6條，魚片4塊咁，但係餐牌又無寫。黎到數一數都 match，都算均真了。另外上菜較慢，趕時間就唔好黎了。…查看更多

又係旺角呀！最鍾意行嘅地區！今次呢間之前未食過， 見裝修幾光猛乾淨就去試下。呢個set幾得意，有中有西！個湯底就吾夠味，豬軟骨吾夠淋。食過好多豬軟骨，都係得兩三間真係煮到淋…啲魚蛋一般啦。冇咩好要求喇:)個pancake 加薯條… 究竟落蜜糖定係茄汁呢？… 個pancake幾厚身幾實淨。都ok嘅。薯條正常，香口脆口。兩樣都新鮮煮。仲好熱。:):)杯咖啡就真係好淡，冇味…吾應該叫呢隻。真係夠飽。呢個價我覺得非常值呀！可以再食。…查看更多

一行三人午飯時間，等位唔耐，等上菜先耐得離奇。入到去侍應小姐已經話要等，下單後居然要等超過30分鐘都未有得食，三個湯飯餐只上左一個，唯有同收銀講取消另外兩個餐，剩下另一同事自己食。走左之後，取消個兩個餐先上，同事仲要聽到送餐個位侍應話：叫魚食係要等15分鐘架啦！個問題我地等左超過30分鐘囉！ 只可以比依間野一個「慢」字同一個「差」字。…查看更多

本身都驚會太清淡，以為得魚、豬膶果啲滾滾下的配料，但原來都幾多選擇，可以自選唔同配搭。魚湯鮮味，飲完無頸渴。最欣賞嘅係佢主食的選擇多，白飯、三色米、藜麥米、准山麵、連配班㦸、油餅都得🙈。感覺健康，但又唔會太齋，推介佢自選套餐，以40幾蚊嘅價錢（食碗車仔麵麵要了）有兩餸一菜，仲有啖湯飲下，白飯/三色飯仲可以refill，價格親民，性價比算幾高了。綜合感覺唔錯，尤其冬天想食下湯飯暖暖下，呢間算係唔錯嘅選擇！…查看更多

聚會完後一眾人直闖到旺角開餐。大家站在街上茫茫然沒有頭緒，平常對食肆選擇滿有主意的我今天也默不作聲，就任由大圍人說去哪裡就哪裡....最後決定簡簡單單，在這裡各人獨自修行，各自點自己喜歡的湯飯或是米線....一個三餸湯飯索價四十多大洋，而且最重要是白飯任裝，保證一定食到夠飽。這樣的價位，怎樣看也是值的....論抵食，是跡近滿分；論質素，當然不會讓您有意外驚喜的，味道穩穩陣陣四平八穩 ---- 湯色較濁亦少不免有師傅味在；扎肉是來貨但幸好所用的不屬質素太差的貨色；豬肚蠻爽脆的亦不覺有怪異味；勝瓜處理屬偏軟身的一路因而甜味很容易滲進湯中，不錯。此時將湯撈進飯中，又可添多一兩碗來飽肚了....…查看更多

來到湯加雖然餐廳主題主打健康湯底及飯但我比較鐘意佢奇怪既常餐配搭今次叫左個c餐豬扒公仔面配越式炸春卷及薄餅公仔面湯底比較清/味道較淡豬扒用料不俗咬落會比街外既豬扒厚一點而配菜既越色炸春卷及薄餅油而不肥膩然而配餐送的普通咖啡飲落比較苦瀝奶的比例應該比普通茶餐廳少總括而言雖然本餐做法雖然為煎炸為主但可以睇得出餐廳係健康既一方面下左一番心機唯味道整體會比較淡但尚算不俗但對於著重養生/減緊肥既朋友不妨可以試試呢間既湯飯/健康菜式…查看更多

已經踏入冬天了，有少少的寒意，最好就係飲一碗暖呼呼的湯了！可惜香港人放工遲，而我又最愛魚，放工都買唔到新鮮的魚了哭！ 好在有湯加！湯加在旺角都有兩家分店，今次去左鼓油個間！人唔算多，我們7點到立即就有位啦！裡面比較簡單，光鮮，整潔，立即有好感！:)我很。很。很鐘意吃魚魚！越新鮮的魚魚就應該用最簡單的方式煮，咁先吃到魚魚的鮮味同質感！所以一見到百秒海鱸魚就知道今晚要食咩啦！見埋個價錢$69，真係立即要落單！賣相好文青呀！秒速愛上個presentation!再飲口湯！嘩！好鮮甜呀！真係好溫暖！看下！係成條魚嫁！D魚肉仲好厚身添！個餐可以跟飯，加$4可以改蔥油餅！不過就一般般啦！再加$7就可以加熱飲，叫了個熱冬瓜茶！:)…查看更多

今日在旺角行一轉， 見到新開湯加就試吓。。。中伏8點半點了豬扒餐， 先送牛奶麥皮和蜜桃汁，麥皮有淡淡奶味， 蜜桃汁係熱， 好奇怪一路玩手機等， 等咗20分鐘豬影都冇， 已叫侍應追， 幾分鐘得鄰座一家3口又叫侍應話25分鐘魚柳又未出， 待會侍應回覆廚房機壞收不到。但鄰座一陣就出魚柳， 其實我早過佢哋叫餐都未有。 算了再等。 最後等到第30分鐘再追先到。全場得5至6枱都搞到， 人多咪大鑊豬扒基本上入味， 但居然畀咁多骨（3件，有2件小的都只係骨），下次就唔去…查看更多

同朋友約食飯,佢提出想食平d,我就想食唔熱氣既野,湯加就岩哂:)分店新開,唔會坐得逼/辛苦,燈火又通明。我叫左豬軟骨&豬排&生菜&藜麥飯,要蕃茄湯($48)。豬軟骨都炆得幾腍,但得兩舊仔…豬排就有一半手板大啦…生菜放左落蕃茄湯中,蕃茄湯都有真蕃茄肉,飲完又唔口渴,應該唔多味精藜麥飯既份量偏小,應該唔夠一碗飯,男人唔夠飽。…查看更多

環境：⭐️⭐️⭐️⭐️⭐️店舖設計時尚，坐位空間充足舒適，店內亦設有自助冷熱水機，方便食客斟水！食物：⭐️⭐️⭐️⭐️自選湯飯有二十多款食材任君選配，冬瓜薄切易入口，魚腩鮮甜不算太多骨，但雞件較少肉多骨，不太建議點選！湯底亦有三款選擇，當中以鮮魚湯最好味，夠鮮甜！白飯同湯分開上，並加入紅米，亦可選擇准山麵代替白飯，夠哂健康！服務：⭐️⭐️⭐️⭐️⭐️店員落單及上菜速度都很快，亦夠主動熱誠！註：⭐️⭐️⭐️⭐️⭐️五星為最高分，⭐️一星為最低分。…查看更多

中午同同事去咗食飯，叫咗一個老干媽滑雞飯轉三食飯，係幾健康嘅，不過老干媽唔夠入味，啲雞麻麻地。叫左個番茄湯麥飯配海中蝦、漁腐、蘿蔔，好好食另外仲有一個魚湯淮山麵配豬扒雞翼白菜仔由於呢都係有5-60種不同嘅餸隨意配搭返淮山麵或者三色飯，一定有一款啱口味。香港小地方有得食湯飯，依家係合格以常水平，可以再戰…查看更多

成日出街食飯，油鹽糖都多！今次介紹間健康飯堂比大家💗食都食得健康啲！紅酒牛尾湯配三色飯，健康得黎又足料！牛尾炆得入味又夠腍，加上醬汁吾會太咸好惹味😊配飯食一流！而且飯唔夠仲可以仼添🤩岩哂大胃王呀，吾怕食吾飽湯飯DIY就可以揀兩個餸+1個菜😁成四十幾款餸，可以揀返自己鍾意食嘅嘢自由配搭💕加$5仲可以揀花膠🤤女士們又係時候補一補啦！今次揀咗淮山麵，食落爽口彈牙，配上佢地濃郁嘅魚湯，湯底飲完吾會好渴，夠天然無味精，確系吾錯😊識食嘅可以加$9配埋瑞士雞翼添😁地址:旺角豉油街60-104B號地下9-10號舖電話:☎️2326 1918FB: 湯加 Soupplus IG: soupplus_hk…查看更多