湘聚小廚

营业中

休息中

On a weekdays' evening, me and a friend were finding for a nice dining place at Sai Wan after class.  We came across this restaurant with wide variety of Jiang Xi China food, menu was filled with appealing photos and we finally decided to narrow down our choices with the following few dishes.椒盐鸡软骨 The chicken cartilages are well flavoured with a strong scent of pepper. It might be slightly salty for some people but overall I am very satisfied with the texture and the portion of the dish.老乾妈排骨 Th

有湖南的朋友到香港，本來想帶他吃茶餐廳，但他說思鄉，左搵右搵搵到間湖南菜館，叫湘聚小廚就去食。其實啲菜式都幾特別下，有個叫老干媽炒蛋看上去幾有風味，於是喊左，朋友就堅持要食酸辣土豆絲(土咩豆明明就係薯仔/馬鈴薯)，話係地道菜式云云，於是都喊左。老干媽炒蛋先到，講真，老干媽依種醬都幾出名，老干媽炒飯就食過唔少，聽講外國人幾好依口，但老老實實老干媽炒蛋真係未食過。 一食之下，炒得幾乾身，並不是十分滑，但有老干媽醬的惹味味道，以及濃郁蛋味(其實唔同既蛋味道有分別，我估佢唔係一般既街市黃蛋，可能係土雞蛋之類)，都幾有風味，有農家小菜既樸實粗獷惹味風格。酸辣土豆絲，我自己就唔係太識欣賞，因為個賣相冇乜特別，雪白既薯絲同胡蘿蔔片混和一碟，都幾粗糙下。 但試落，薯絲既粉軟口感，連同酸溜微辣既滋味，又有啲特別，十分開胃。 按朋友評價: 相當地道。 因為朋友食素，所以為左就佢就冇點肉。 不過炒蛋同酸辣薯絲既份量都相當大碟，所以都食到幾飽。

放工出香港大學站會合Ta姐往湘聚小廚食湖南菜(第一次食湖南菜), 我們點了冰鎮酸辣葛根粉, 干鍋手撕包菜、孜然寸骨和絕色雙魚。冰鎮酸辣葛根粉食落麻辣, 味道好好而且夠凍, 第一次食葛根粉, 口感比五日食的紅薯粉好食；干鍋手撕包菜, 椰菜夠熱, 炒得乾身, 味道酸酸地好開胃, 另外朱肉炒得香口, 好美味；孜然寸骨外表雖然鋪滿辣椒, 但食落去不太辣, 寸骨是用朱仔骨, 食落去好香口和甘香, 而且肉質乾身不太油, 食得好爽口, 佐酒佳品；最後絕色雙魚, 魚分別用黃辣椒和紅椒椒烹調, 前者是酸辣, 帶點油；後者則是麻辣, 魚比較乾身；前者比較辣, 魚肉新鮮易入口, 食完之後不會覺得太油, 後者有重胡椒香, 魚肉口感豐富。總結湖南菜味道不錯, 雖然有少許辣, 但它的辣並不到食完會不斷喝水和成身花椒八角味, 很回味的一餐, 值得推介。

今晚又一支公食飯, 本人勁鐘意食辣野, 就去呢個湘菜試下, 店SIZE細細, 都算骨子 咦? 呢度菜個名好搞笑喎, 就試下啦. 老幹媽排骨, 呢道菜用左蒜, 姜, 川椒去炒, 食落都幾惹味, 夠辣, 岩哂我! 用黎餸碗白飯都OK喎, 不過呢度菜的肉質少少鞋口, 希望店主可以留意一下

今次黎到香港大學站覓食，搵到一間中菜館，係門口排隊都已經流晒口水啦。雞煲上枱嘅時候啱啱整好，雞十分熱辣辣，辣味亦偏重，雞肉尚算嫩滑，連雞皮一齊食，正！招牌菜雙色魚頭，一上台已經見到超大盤，辣椒味較重，湯汁飲落酸酸辣辣配飯一流！魚肉亦都好多，岩晒食中意食魚頭既朋友。蒜蓉蒸娃娃菜，鋪面嘅粉絲食落嘅口感比較似粉條，吸晒蒜蓉同湯汁既粉條野係好惹味，但建議娃娃菜既份量可以再多啲添！

偶然發現的這家比*香門第要好吃太多了！酸辣蕨根粉：唯一有點失望的，不夠酸，偏甜。但底下很多冰塊，非常冰爽酸辣雞胗：太好吃了！味道很足，份量也大，泡椒太入味了！吃一口就讓人感動，雞胗也沒有腥味，處理得很好清炒筍絲：炒得清爽，就是各別筍的皮削得不夠有點硬酸蘿蔔炒黃牛肉：除了蘿蔔味道特別好，裏面的黃辣椒也超級好味，應該是從內地直接運來的，牛肉很嫩。以後想吃湘菜，一定會去它家！

湖南菜又叫湘菜，是八大菜系之一，以酸辣，香鮮稱道，易學難精，在香港，一直缺少正宗地道的湖南菜餐廳。 湘聚小廚請來湖南師傳主刀，又引入湖南的香料，力保用料地道，原汁原味。聽侍應介紹，我們首先點了一客酸辣蕨根粉。上枱時，看見滿滿一盤淺紫色的蕨根粉，閃亮晶瑩，點綴以紅辣椒碎。 便引筷入口，初感到一點冰涼，輕輕一吸，便滑入口中，飽浸的酸辣汁就抹滿舌頭，先有一點開胃的酸味，又襲來刺激的辛辣，但以酸香為主，並不是極辣。 細細品嘗下，便覺得口感冰滑，味道酸爽，是不俗的開胃菜。後來問起，才知道麵條取材自藥材蕨根，味美兼健康，更是從湖南進貨，市面上未必有售。接著上枱的是爆炒小河蝦。上碟時，只見一大碟小河蝦間有青紅椒粒，爆香四溢，一陣鑊氣撲面而來，咬一口，殼脆而肉嫩，鹽椒味搶口，但仍有熱力和鮮味滲出。 細細咀嚼，便覺得蝦肉鮮甜甘美，又有絲絲微辣，惹味無比，唯一略嫌有一點咸，以飯佐之則完美。汲取教訓，我們便叫了幾碗飯，再吃接下來的鐵板孜然牛肉。 上枱時"嗞嗞"作響，加上薄煙，大片大片的炙烤牛肉夾雜鮮紅辣椒，色澤鮮亮誘人，夾了一塊入口，當真是外焦裡嫩，酥香可口，更有孜然香和透骨辛辣，使人欲罷不能。本人不是經常

絕色雙魚 ❤️💛（$138）湖南招牌菜嘅絕色雙魚🐟🐟，即係大魚頭，比較少見，司令當然要試下啦。魚肉非常香滑同新鮮，完全冇腥味，最大特色係用左兩種辣椒🌶去蒸，帶出兩種唔同辣嘅層次，而司令就比較鐘意用左黃色小米椒💛蒸出黎嘅魚頭，香味同層次都比紅辣更高，刺激到司令嘅味蕾，食完一啖又一啖呀😛!記得食魚頭要連骨一齊啜😋，先食到魚頭嘅骨膠原呀！最黎提提大家，唔好漏左佢啲湯汁，撈飯一流。鐵板孜然牛肉，一上枱，全店都充滿孜然既香，食落好濃味，正！

得知西環有間吃湘菜的做得非常出色，這晚下班後便決定去試試。餐牌菜式選擇挺多，價錢經濟實惠。店內亦提供wifi，為客人帶來方便。醬爆腰花（$88）賣相精美，豬腰切成花形狀，可觀度極高。麻辣惹味的味道滲透腰花中，爽滑可口。鐵板孜然牛肉（$108）香味洋溢整間小店，孜然調味使牛肉惹味可口，加上配料炒得香口，而且用鐵板盛住，吃上來味道非常好！乾鍋肥腸（$108）用預鐵鍋呈上，還用小鍋子加熱。肥腸爽滑煙韌，香辣味道同樣突出。鐵板水晶粉（$78）也是非常不錯的，嫩滑的雞蛋在鐵板底部，水晶粉嫩滑可口，吸收了辣香味道，又加入肉碎，開胃之餘又好吃。店名：湘聚小廚 地址：西環日富里13號富基大廈地舖

相信香港大眾對川菜都不感陌生，可是湘菜呢？湘菜與川菜都以其辣聞名之外，應當有其獨特之處。恰巧有在香港大學讀書的朋友介紹「湘聚小廚」，於是從元朗老遠來到石塘咀吃吃湘菜。幸而餐廳位置不難找，從地鐵站出口走兩三分鐘，便能看見小徑中光亮的門面。店舖空間不算大，走傳統中國風路線，蠻有格調。不難發現鄰桌的食客有內地人，更有外國人，看來這餐廳在這小社區內算是有名。小炒子雞未端上桌前，以經能嗅到雞肉粒與其他椒類與配類爆香的味道。雞粒外在乾身而內在滑嫩不鞋口。我於點菜時生怕這店家的辣我受不來，只點了小辣。有別於川菜，湘菜的辣並非辣中帶麻，而是辣中帶鹹香，側重於其調味。總結這盤小炒子雞非常惹味。有別於廣東菜做田雞的方法，這乾鍋田雞中的田雞肉都被切得細碎粒，經爆香後盛於鐵鍋上，再以爐火繼續溫熱，加上配料顏色豐富，視覺效果很好。說實話田雞粒被切成碎粒不太易找，但味道依然沒令人失望。田雞肉就算繼續加熱，亦未覺其煮得太熟太老而令肉質過實。另外叫了走辣的砂碢蒜茸通菜。高溫的砂碢盛著剛炒好的蒜茸炒通菜，帶有繼續煨著的效果。這道砂碢蒜茸通菜即使走了辣，其蒜茸仍然很有戲，非常香口，通菜亦不老。湘聚小廚在其位置上對我來說，

濕luplup天氣當然要食辣嘢啦，於是上咗Openrice揾咗間未試過既湘菜館試吓新嘢。去到鋪頭見到坐滿晒人心諗咁多人食應該呢間嘢都幾掂!! 等咗一陣, 終於有位坐, 好與奮咁開始點菜囉~ 經過店員介紹後， 2個人，我地點咗以下嘢食。爆 炒 小 河 蝦 HKD 88好難得可以係香港食到小河蝦，平時都要返大陸先有得食，而且價錢仲要咁合理，真係好值得推介! 味道方面呢...小河蝦雖然細細隻，但勝在肉質飽滿鮮甜，再配以蔥、蒜及辣椒仔爆香，而且蝦殻比較軟，所以一啖幾隻都真係十分之過癮。如此惹味加埋咁有鑊氣當然要配以白飯或啤酒一齊食啦!雜糧包 HKD 58呢個雜糧包係其他湘菜館都有試過，但勝在佢個配菜味道夠濃，再加上個包唔濕，夠煙靱有嚼勁，蒸得唔錯! (小提示:個配菜係尖椒絲、辣椒絲、梅菜粒炒埋一齊，都係有啲辣架)小炒香乾 (唔記得咗價錢，好似70-80蚊到 ><")小炒香乾係用咗回鍋肉片炒豆腐乾配青椒，啲回鍋肉雖然係肥豬肉但唔油膩，個豆腐乾好有咬口，再配以爽口青椒，好有口感!酸辣土豆絲 HKD 68土豆絲可算係我食湘菜必叫小菜之一，呢道我就覺得不過不失，冇之前個幾咪惹味且有驚喜

今晚同媽媽姨姨食晚飯, 到就近的 湘菜館食飯, 聽聞呢間都唔錯, 店內面積不大, 但總算坐得舒服, 見到都幾多熟客來幫襯想滋補下, 就叫呢兩款湯黎試下啦!松茸菌燉雞湯, 用左烏雞去煲, 飲落松茸味很濃, 搶左成個湯既味, 飲落都甜蟲草花燉雞湯, 我鐘意蟲草花, 又食得, 用黎煲湯味道又夠清, 呢個湯味道清甜, 又可將雞味帶出, 唯一要投訴既係有點油, 建議可將雞皮去掉才煲砂鍋通菜, 夠鑊氣, 蒜蓉味又夠香, 菜又鮮甜, 得!小炒香干, 店員極力推介, 就試下啦, 用了豆腐干, 腩肉及川椒去炒, 因我和家人都不吃辣, 叫佢小辣, 味道夠惹味, 奈何腩肉有點鞋口.雜糧包, 賣相得, 個包食落有D馬拉糕味, 除左唔甜之外, 中間個D餡有左川椒 和 甜菜去炒, 食落真係幾好味, 又有咬勁, 以為自己食緊肉, 不過廚師竟然唔記得走辣, 呢個真係超級辣呀.... 我地三個真係唔係好食到

從前隻身被到北京工作，常常自己一個吃飯，想嚐嚐北方不同美食都變得困難。更何況當時人生路不熟又自己一個人，吃飯往往只能叫上一個餸菜下飯，配上北京的冬天，份外淒涼。現在的我有幸在香港找到一間好公司紮根，認識了幾位好同僚，有緣所以約於此小廚"湘聚"一番。地點對於我這位港島南區人士還算蠻容易找到，附近也沒有太多有標誌性的地標，但是跟著導航系統一下子由地鐵站就走到門口來。會約到這裡，其實是一位嗜辣的朋友介紹，他的評語是很麻很香也很正宗。最近的胃口一直想吃辣，剛好聽到推介就約兩位同事到訪此店。打開餐牌，各式各樣的湖南菜色盡入眼簾，選擇很多，花多撩亂。我們著店員向我們推介，他一下就推介了第一頁的魚頭。可惜，我們仨並不喜歡吃魚。我們因為太餓的關係，點了好幾個餸菜，之後便喝著啤酒聊著天去期待上菜的時刻。 第一道來的是我滿心期待的爆炒小河蝦。河蝦屬大陸特產，廣東沿岸一帶最廣為人知，特質是肉質飽滿鮮甜，殻軟且比較小隻。據知店方是從內地入貨，我除了在大陸吃過，香港實在首次吃到。想不到大陸運送過程中並沒有變壞，還保持到鮮味。這味菜十分惹味，老統點說一句，「實在很大陸」！而這句說話絕對是褒義之詞，因為大陸炒菜一向

住係上環附近已食到悶，所以呢就行去西環睇下有乜嘢食，見到呢間好似好特別咁，所以就走左入去試吓～好想食d辣嘅嘢，但係又有小小喉嚨痛，所以呢間餐廳就好好啦，可以將啲菜式選擇辣度，點菜嘅時候你可以選擇"唔辣/小辣/中辣/大辣"，會特別就返你嘅口味～ 喺我哋望緊個餐牌嘅時候，因為兩個人但係又想食好多款式，唔知點選擇，老闆娘服務好好，好好人咁同我地介紹左啲餐廳好味又熱門嘅菜式～兩個人叫咗以下三個熱門菜式：1) 小炒香乾：類似回鍋肉炒豆腐乾，但d肉一點都不油膩，反而好彈牙有嚼勁好有咬口，好想知道點樣煑法可以將肥嘅三層肉變咗咁彈牙，好特別嘅口感，第一次食到係咁嘅質感；再加埋d豆乾，令人食唔停，好好味！！2) 鐵板孜然牛肉：送到埋黎未食已聞到好香哦！！加上係用鐵板上菜，令到d食物可以keep住個溫度，同埋會加倍美味，好香～ 牛肉份量好多，兩個人食極都仲有～ 好想知佢係用乜野香料，好香好特別，形容唔到個香料，令人食慾大增～3) 湘聚炒飯王：果然係炒飯王，因為冇諗過送倒過來啲飯係一粒粒好明顯，就算佢啲飯炒完有少少調味油，都唔會令到d飯黐埋一舊，依然係一粒粒好分明，所以問吓老闆娘係用咗邊隻米，佢話用咗最頂級

一入到間餐廳，見到幾枱人都係講普通話，我估應該味道會正宗，如果唔係點解會有咁多內地人幫襯，有啲期待。冰鎮花膠 $58有洋蔥絲同青瓜絲，加上辣椒碎，上面鋪上花膠絲。洋蔥好辣好嗆，未必人人接受到。 不過幾特別，我都係第一次咁食花膠。鎮江醋味好濃，味道有啲搶，唔可以話好味，只可以話特別。酸辣土豆絲 $68見隔離枱對內地情侶叫，我地都跟住叫先。 係唔錯，呢個唔算好辣，無個花膠咁辣，蒜蓉味更突出。夠鑊氣，土豆絲唔會切得太幼，所以仍然好爽口，啱送飯。乾鍋黃骨魚 $118香港唔係好多地方有黃骨魚食，o係內地就食得多，多數係蒸，第一次o係香港試到乾鍋整o既。有個爐熱住上，好香乾辣椒味道，有好多蒜頭 （我差唔多食晒啲蒜頭），好甜。 黃骨魚先炸咗，皮脆但啲肉一啲都唔乾，仲好滑，好嫩，唔錯。香辣手撕雞 $138啲雞有炸過，好香口，好啱送酒。 連埋啲乾辣椒同蔥一齊食會更香。 雜糧包 $58呢個要試！ 香港好少有，之前o係內地食過，覺得好得意！味道好似饅頭咁，但形狀係好似平時西餐o既大啡菇咁，似個碗仔咁俾你裝啲餸一齊食，小朋友一定好鍾意。 配菜係啲尖椒+辣椒+梅菜炒埋一齊，唔係好咸，配埋個包一齊食，好有風味～