湊湊火鍋‧茶憩 (K11購物藝術館)

营业中

休息中

同朋友慶祝生日黎食火鍋揀左個鴛鴦湯底 一邊叫左椰子雞湯底 偏甜 用呢個湯底嚟食蔬菜好正另一個湯底係麻辣 可以免費任加豆腐同鴨血 豆腐好入味 勁深色但我覺得有少少太鹹有免費小食同醬油自由攞 小食嚟講地瓜球最好食 新鮮炸起都有少少台灣掃街買到嘅感覺火鍋食物方面牛同豬覺得都係正常 但蝦滑好滑 有驚喜 蔬菜叫咗蓮藕粟米同皇帝菜 都算新鮮其他食物就正正常常不過好在可以坐好耐慢慢傾偈👍🏻買咗生日蛋糕嚟食都冇收切餅費

吃過深圳的，這次在香港體驗一下，兩個人，700+hkd，真系貴奧！！！再k11 art mall，很方便找，服務很好，因為朋友不會粵語和國語，點菜比較複雜！總之感覺還是不錯的！

朋友突然約我去湊湊，推出了無限添飲下午茶一入湊湊裝修還是一如既往的古雅又時尚，木質的桌椅搭配暖黃色的燈光濃郁醇厚的香氣瞬間鑽進鼻腔。仔細一看，一碗面里滿滿都是料，大大塊的牛腩燉煮得恰到好處，軟爛又不失嚼勁；牛肚脆嫩爽口，軟糯的牛筋套餐里還貼心地搭配了湊湊招牌麻辣鴨血豆腐。鴨血滑嫩似果凍，吸飽了麻辣湯汁的精華，一口咬下去，麻辣鮮香瞬間在口中綻放；豆腐則是外酥里嫩，豆香與麻辣味完美融合，越食越上癮，仲可以加錢配齊多款人氣小食，鹽酥蚵仔仔炸得手金黃酥脆，咬開後，鮮嫩的蚵仔肉汁水四溢;鹽酥雞同樣出色，雞肉鮮嫩多汁，外皮裹著一層薄薄的酥皮，每一啖都是滿滿的幸福感；紅糖糍粑軟糯的糍粑裹著一層香甜的紅糖漿，食完都已經飽哂當然，最吸引我自助吧小食。台式鹵肉飯顆粒飽滿的米飯上，鹵汁濃郁，攪拌均勻後，每一粒米飯都裹滿了肉香；台式涼菜里的麻辣魚皮，魚皮脆爽彈牙，麻辣的味道恰到好處，吃起來十分開胃；麻辣草菇則是別有一番風味套餐里的兩杯台式飲品也超級大杯，荔枝綠茶一入口，先是感受到那股淡淡的荔枝甜香；另一杯大紅袍奶茶，茶底濃郁醇厚，香氣撲鼻，搭配上Q彈有嚼勁的珍珠，每一口都能感受到軟糯與醇厚的完美結合📍湊湊火鍋

收到call confirm booking, 8點去到竟然話無record, show 個incoming call record 俾佢睇，又話幫左你，個男金毛reception 態度極度惡劣。死都唔肯俾張枱你，明明係佢問題死都唔認，最後迫左佢一個鐘先係俾左枱黎。都嬲到死食咩都無味，員工質素差到無得俾評價，唔夠人手就唔好開咁多分店啦，連booking record 都可以唔見，唔少分店咪control到，都唔知開咁多分店做咩，玩死自己。完全唔會再黎食，嬲到痴線。

湊湊係我最鍾意食嘅打邊爐之一！雖然價格唔平，但質素都有返咁上下。去湊湊食飯，記得提前book位，如果唔係要排好耐。聖誕節諗唔到食咩，就book咗K11呢間湊湊。我喺地鐵站行過去，入口有少少難搵，要喺地面行過去會好啲。兩個人食叫咗一個湯底，三個餸已經好足夠！值得一提嘅係出邊任食嗰堆小食，芋泥地瓜球同麻辣魚皮都大讚！如果鍾意食麻辣鴨血豆腐，就算你唔係叫麻辣湯底，都可以問店員攞！我就好鍾意食佢個麻辣豆腐啦！兩個人用餐，叫咗一個牛小排一個大白菜一個黑松露蝦滑，湯底就叫酸菜白肉湯。全部食物都不過不失。店內仲會送一杯仔沙冰同埋最尾有甜品，今日就係送雪條。如果鍾意飲台式飲品，湊湊嘅台式飲品都不錯，有時又優惠券仲會有買一送一。總括嚟講都推薦俾大家！但唔使叫太多餸！因為任食嘅嘢都幾好味，三到四個已經好足夠。

裝修環境都好有格調, 臨近聖誕仲有好靚既聖誕樹同裝飾, 非常有氣氛. 見到餐廳依家做緊早鳥85折同夜貓8折優惠, 由朝到晚都有特別折扣, 同朋友慶祝聖誕又可以多個選擇!🍽️ 紅顏花膠雞鍋｜台式麻辣鍋 叫咗個鴛鴦鍋可以試多款口味, 麻辣鍋湯底有豆腐同鴨血做配襯, 而且仲可以無限添加, 而麻辣湯底辣味唔會太重但麻香十足. 至於花膠雞鍋, 鍋底勁濃郁又杰身, 仲有啲小鮑魚係入面, 另外亦會附上花膠同竹笙, 湯底幾豐富.🍽️ 肉肉聖誕樹將牛肉鋪成聖誕樹咁, 好有心思又搶眼, 肉質亦都唔錯, 軟嫩唔韌, 有微微雪花, 肉味相對較濃郁.🍽️ 企鵝丸造型相當可愛, 食落好重墨魚味, 又夠彈牙, 睇得又食得.🍽️ 新鮮活撈蚵仔 份量都幾多, 碗入面都裝滿漲卜卜既蚵仔, 非常新鮮, 就算煮熟咗都唔會勁縮水, 仍然係漲卜卜.🍽️ 黑松露蝦滑 個蝦滑好足料, 舀起每一羹都係滿滿蝦肉, 口感亦都夠結實彈牙. 🍽️ 四川小酥肉除左火鍋料, 仲有啲小食可以叫, 出面亦有自助bar枱, 雞肉條亦炸得夠酥脆🍽️ 貴紀烏龍珍珠奶茶 做緊第2杯半價, 奶味濃郁, 入面有超多煙韌珍珠餐廳嚟緊將會推出Xmas Menu, 包間訂座仲會送鴨

燈光是常陰暗，點解會咁暗呢🤷🏼‍♀️🤷🏼‍♀️落單後，等個湯底都至少15分鐘以上店員又少，上菜勁慢，加份鴨血勁耐先有最離譜係諗住食肉燥飯，點知個飯係即場煲🤣白飯都要等45分鐘以上，唔講以為整煲仔飯🤣更離譜係本身book 左6:30pm，6:15pm到場講明朋友要6:30左右先會到場，點知店員叫我地入去先，可以照食8:30pm如果你一早講要早交枱，我又點會傻更更早入去點知6點個陣就拎張單過來，話6:15pm 要離場反映左之後，埋單個個check 完返來都係話6:15要離場，算啦，都無咁好氣同佢再講落去！叫左2-3次加酸菜都無來到，最後廚房，直接將4-5份嘅份量一次過出先有呢個酸菜山出現🤣🤣總結：店員一個人做3個人野，人工得一份！唔黑口黑面對住d 客人已經好好了辛苦晒前線人員人手不足，係公司問題，檢討下啦

超值午市火鍋套餐❗️湊湊火鍋‧茶憩有新品喇！✨12月將會推出全新泰國冬蔭功湯底 ✨午市有台式湯鍋麵飯，更享85折優惠✨⁠午市A4和牛小火鍋$138起📌日本A4和牛小火鍋套餐清涼椰子鍋 -純天然原料，100%泰國進口椰子水，不加一滴水，椰子湯底超級清甜，A4和牛油脂分佈平均，肉嫩多汁，牛味濃郁，沾上秘製醬汁，格外好吃，令人一試難忘📌 伊比利亞梅花豬小火鍋套餐蕃茄鍋 -酸甜濃郁，獨特地中海香料風味，酸甜開胃的蕃茄湯，豬肉片肉質肥瘦適中，碟內並無血水，絕無羶味，肉質微帶橡果香味，豬肉肥瘦適中，口感極細膩柔軟，沾上醬汁，再將香濃肉味再提升！套餐均配有時令前菜、滷肉飯、時令水果、甜品商務套餐CP值高，冬天必食！湊湊火鍋‧茶憩 (K11購物藝術館)📍尖沙咀河內道18號K11購物藝術館B1樓B124號舖

𝕃𝕦𝕟𝕔𝕙都要「涮」存在感🫕唔使走過十萬八千里去台灣，平時留係香港🇭🇰都可以圍爐打個暖笠笠勁浪漫勁溫馨既邊爐🫕。無論一班人定一個人，lunch都可以去「涮」番餐‼️港味道港環境港享受港服務一定係賣飛佛💁🏻‍♀️ —— 湊湊火煱。最近K11 Musea湊湊甄選出左甄選小火鍋Musea 店限定午市menu🥰，提供8款小火鍋套餐+6款火鍋湯底自由搭配。今次點左甄選海鮮饗宴$228+華麗自由搭配套餐$208，套餐性價比非常高，食材同晚市一樣新鮮多樣化，完全無將貨就價，仲可以去湊湊 signature 自助吧任添台式滷肉飯、麻辣魚皮、時令水果🍉等，套餐仲送飯後甜品，食完非常滿足😋。黎緊12月仲有全新泰國冬蔭功湯底柬🤤，賣飛佛果然成日keep住有驚喜，而且早晚都可以儲印花換獎賞🎁，會唔會太抵🤩！

天氣又凍咗，食火鍋就啱晒啦！一直對台式火鍋非常偏好，今日咁啱lunch得閒，就去咗尖沙咀嘅湊湊火鍋，食久違嘅台式火鍋！呢度中午嘅lunch套餐超抵食！ $78起就可以食到一set火鍋套餐，免費做會員，仲可以有前菜醬料水果任食！難得嚟到梗係食好啲，我叫咗佢個A4和牛火鍋套餐，而家仲有推廣價七三折，一位都係$138！！！湯底揀酸菜鍋，朋友就揀麻辣鍋，兩個都非常好味👍🏻👍🏻👍🏻 酸菜鍋非常醒胃，同火鍋配料超夾，而麻辣鍋就勁香，小辣唔算太辣，幾易入口。主菜嘅A4和牛，全部油花勁靚，脂肪分布平均，六幾秒就食得，入口即溶，加埋自己整嘅混帳，惹味又好食👍🏻👍🏻套餐仲包埋兩粒丸類，蔬菜拼盤，同刀削麵或薯粉，食到好飽肚啊😝 嚟湊湊又點可以唔叫佢哋個招牌茶飲呢？我最愛嘅大紅袍珍珠奶茶，茶味勁濃勁香，珍珠又夠Q彈，果然係我喺香港最喜愛嘅茶飲之一😎食完發現佢仲有台式湯鍋麵飯，每日款85折優惠，下次可以試下

「湊湊火鍋 • 茶憩」我間吾中都會食下 但Lunch Time打邊爐真系第一次😂 發現左原來佢地有「台式半自助商務午市套餐」🍲🥢日式A4和牛小火鍋 $138牛肉呈白色紐帶狀 脂肪豎狀分怖 而口感Q彈有嚼勁 脂肪味道濃郁🐮 所以我揀個清淡啲既湯底「昆布鰹魚湯」🍲 用上北海道昆布同沖繩柴魚 味道鮮味 以免搶左主角既風頭😌甄選海鮮小火鍋 $128拼盤有多款海鮮岩哂困難症😂 有基圍蝦 生蠔 白鱔片 鯇魚片同沙白 而且每款都超新鮮😍 湯底方面揀左經典既「台式麻辣鍋」🌶️ 呢幾日香港凍左食佢勁暖胃 而且仲有獨家製既鴨血豆腐 非常惹味🤤兩款商務午市套餐 均包括左 蔬菜拼盤同麵食 葷素搭配😌 另外只要Join左會員 就可以免費享用自助吧 有時令前菜 時令水果 滷肉飯 同甜品😆水蜜桃綠茶QQ +$16微甜既水蜜桃味🍑 配埋清涼甘甜既綠茶🍵冰黃金桔茶 +$17金桔既清新風味🍊 酸酸甜甜 充滿夏日既清爽與活力

原本book左2030聚會食飯，點知等到10點先俾到位。原因係食客未走，前食客唔知係遲到定點，入座比預先訂座時間遲左，但就照計入座開始，即使有限120分鐘，但因為前食客遲左入座一個鐘，攪到我地之後預約左既客人無位。員工又不積極幫忙，等了又等，員工又不敢出趕叫人走。人地前食客遲左就唔應該俾佢地入座或預先講定剩幾多時間，之後會有booking.但佢地咩都無做，要我地客人去同客人溝通，而前食客都不讓位，攪到差不多十點前食客先走。當時經理管理安排好差，我係第一次幫襯，亦係最後一次幫襯。

嘢食評論於後續，因為店員行為覆蓋品嚐美好嘢食！一餐飯，隨咗我地被騙，都聽到幾位食客book左位都被騙😡😠😡😠😡😠同2位朋友一同3人於18:35左右到達餐廳，scan QR code線上攞飛，當時寫住仲有3枱客人先到我地，有位會打電話通知，我地就係商場行下先•18:56收到店員電話話有位，到達餐廳後，聽到有食客(3個男人)話book咗位，但因為搵餐廳搵咗好耐而遲左，但店員話因為過咗15分鐘，所以取消咗booking，食客隨即再解釋真係餐廳太偏僻搵唔到而遲，店員就話唸一唸辦法。隨即就同我地講，因為本身4人枱客人埋咗單，都過左用餐時間，但唔肯走，所以而家比唔到枱我地，問我地2人枱逼啲得唔得，我地最後就選擇等4人枱食客走，先再用餐。係出面等咗10分鐘左右，問店員仲有幾耐，佢話「仲有一碟菜，應該好快得」 ，當時都冇唸到，明明話食哂野，埋咗單，點解又突然會仲有碟菜🤔 不過我地就話不如我地再行陣，有枱再打比我地啦，同埋有問係咪入座先計2個鐘，佢話係！•到19:29店員再次打嚟話有位，我地19:40左右被安排坐係門口嘅4人枱，並非原本話安排比我地嘅4人枱，後來朋友去攞醬汁個時見到原本張4人枱，係遲到個

今年已經嚟咗第三次了，服務好，食材非常之新鮮。每次入到呢個餐廳分店都好似入咗園林仙境咁，好養眼，好relaxing。 我自己成日返嚟嘅原因有幾個：1. 正宗滷肉飯 (可任添)2. 湯底真材實料3. 食材夠新鮮 呢幾次encore花膠鮑魚湯作為湯底，非常之足料：有花膠件，冬菇，雞粒，鮑魚仔，幾塊雞髀菇片。 呢個湯底上枱時好濃郁，建議一開始連湯料飲幾碗，然後職員會幫手加入雞湯做火鍋湯底。 今日叫鴛鴦鍋，另外揀多一種湯底試。台式麻辣燙：有鴨血片，豆腐，少許藥材味，不算太辣的湯底。超級鐘意湯底的硬豆腐 （serve時已經煲咗好耐，表面係深啡色，吸晒D汁）。我一開始會食返一細碗正宗台灣滷肉飯（可以任添），我自己鍾意加D香蔥配滷肉飯。今次點了個細海鮮拼盤，魚柳斑塊，同牛肉片。 材料新鮮，牛肉甘香。食到咁上下，又再添多一碗滷肉飯。不得不提，大紅袍奶茶好好飲，尤其係如果你本身唔飲得奶/ lactose intolerant，呢個必試！今日有凍豆腐布丁，好食，可惜唔記得影相。

同老公慶祝生日🎂難得下晝有二人世界時間，出咗尖沙咀行吓～見到湊湊而家推出左lunch火鍋，仲要有推廣價好似好抵食👍🏻🍲小火鍋午市套餐：🐮日本A4和牛小火鍋 & 🦑甄選海鮮小火鍋套餐有跟埋蔬菜盤🥗，紫薯麵/刀削麵同甜品～蔬菜盤🥗係比想像中豐富，有好多菜仲有丸～而兩款麵係各有各好食，睇個人喜好，紫薯甜啲刀削就有口感啲～至於湯底我哋分別揀咗酸菜鍋同清涼椰子鍋～酸菜鍋重口味少少但唔算好辣，配肉類最夾👍🏻至於椰子鍋配海鮮，就會最食到海鮮嘅鮮甜味👍🏻1百蚊鬆啲就食到咁高質咁大碟嘅🐮A4和牛，質地又滑又嫩，真係超值🤩甄選海鮮🦑每次食材都可能會有少少唔同，時令新鮮先至俾大家～又係估佢唔到咁足料，所有海鮮大大件又新鮮～特別係嗰兩隻大墨魚仔，超級彈牙😋另外，免費加入會員會送自助吧～可以免費任食滷肉飯，小食同生果🤩而且而家5️⃣周年紀念🎉仲每枱送上小酥肉一份添～